Skessuhorn - 29.04.2015, Blaðsíða 4

4 MIÐVIKUDAGUR 29. APRÍL 2015
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skilafrestur smáauglýsinga er
til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.573 krónur með vsk. á mánuði. Elli- og örorkulífeyrisþegar greiða
kr. 2.230. Rafræn áskrift kostar 2.023 kr. Rafræn áskrift til elli- og örorkulífeyrisþega er 1.867
kr. Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Eva Hlín Albertsdóttir evahlin@skessuhorn.is
Kristján Gauti Karlsson kgauti@skessuhorn.is
Þórhallur Ásmundsson, blaðamaður th@skessuhorn.is
Magnús Þór Hafsteinsson, blaðamaður mth@skessuhorn.is
Auglýsingar og dreifing:
Emilía Ottesen, markaðsstjóri emilia@skessuhorn.is
Pálína Alfreðsdóttir palina@skessuhorn.is
Valdimar Björgvinsson valdimar@skessuhorn.is
Tinna Ósk Grímarsdóttir (vefauglýsingar) tinna@skessuhorn.is
Umbrot:
Ómar Örn Sigurðsson omar@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Lóan í ham
Undanfarna daga hefur sífellt hærra hlutfall frétta fjallað um kjaradeil-
ur og yfirvofandi verkföll. Ekki að undra enda stefnir í vinnudeilur sem
engan veginn sér fyrir endann á. Ég ætla hins vegar ekki að gera það
að umtalsefni nú, enda ekki mitt að leysa þau mál. Þó er ljóst að til að
hægt verði að ná sátt þurfa stjórnvöld líklega að koma að málum í formi
þess að liðka um með skattbreytinga því engar líkur eru á að fjölmarg-
ar atvinnugreinar standi undir þeim kaupkröfum sem heyrst hafa. Ég
segi því ekki annað; en að vegni þeim vel sem kosnir hafa verið til þeirra
ábyrgðarverka að semja fyrir hönd landsmanna um sanngjörn kjör.
Það er hins vegar annar hópur en launþegahreyfingin sem lætur
ófriðlega þessa dagana. Hópur sem síst mætti búast við óspektum og
það á almannafæri. Blessuð heiðlóan hefur undanfarna daga sýnt hátt-
arlag sem menn eiga ekki að venjast. Auðvitað er veðráttan ekki ákjós-
anleg fyrir þennan farfugl sem mætir hingað að vori og boðar í góðri
trú. Fugl sem alla jafnan boðar sumar með hljómþýðum söng sínum.
Nú bregður hins vegar svo við, líklega sökum veðurs og erfiðra flug-
skilyrða norður í land, að lóurnar halda sig við mannabústaði á suð-
vesturhorninu. Þær eru fluttar á mölina. Einkum sjást þær norpandi á
láglendi og við sjó til dæmis í Hafnarfirði og jafnvel í sjálfri Reykjavík.
Á samfélagsmiðlunum hefur mikið verið rætt að undanförnu um þetta
óvenjulega háttarlag þessa annars friðsama fugls.
Guðmundur A. Guðmundsson dýravistfræðingur og sérfræðingur í
ferðaskipulagi hánorrænna farfugla staðfesti í samtali við Ríkisútvarp-
ið að hátterni lóunnar nú mótist af veðrinu. Vegna frosts og snjóalaga
víða um land haldi fuglarnir sig þar sem gras er sjáanlegt og von til þess
að finna æti. Lóur hafi þannig haldið sig í húsagörðum og innkeyrslum,
helgað sér þar svæði. Hlaupi þær fram og til baka með ákveðnu fasi
og jafnvel ógnandi tilburðum gagnvart mannfólkinu. Þráinn Bertels-
son kvikmyndagerðarmaður tekur undir þetta í ummælum á Fésbók
og segir: „Annaðhvort er hér risin ný kynslóð herskárra fugla með lóur
í fararbroddi, ellegar hluti af lóustofninum hefur fundið einhver hug-
breytandi efni úti í kaldri náttúrunni, því að þetta er fyrsta vor ævi
minnar sem ég tek eftir ofbeldisfullri og ógnandi framkomu hjá þess-
um yndislega og hingað til friðsama fugli. En í allan dag hefur sama
lóan lagt undir sig blettinn minn og sýnt þar algjörlega stjórnlausa og
frekjulega framkomu svo að annað eins hefur ekki sést í sjö sóknum,“
skrifaði Þráinn af sinni þekktu ritsnilld.
Lóustofninn í gjörvallri Evrópu telur allt að 700 þúsund pör. Um
helmingur alls þessa stofns á varpstöðvar hér á landi. Af því leiðir að nú
eru um 350 þúsund lóupör að helga sér varpsvæði í húsagörðum í þétt-
býli á suðvesturhorni landsins þar sem þær sjá í „væng sínum“ að ekk-
ert vit er að halda til heiða og á vit nýrra ævintýra á norðan- og austan-
verðu landinu. Þar sem ekki er spáð að fönn leysi næstu daga í öðrum
landshlutum má því búast við að slagur lóunnar eigi eftir að harðna. Á
að giska tvö til fjögur pör eru nú að berjast um hverja einustu lóðar-
spildu á höfuðborgarsvæðinu, ef marka má lýsingarnar að sunnan.
Kannski má þó þrátt fyrir allt finna ákveðna samsvörun í atferli ló-
unnar og aðila vinnumarkaðarins, sem nú berjast á banaspjótum eins og
ég gat um hér að framan. Þar sem minna er til skiptanna er sífellt harð-
ar barist til að eiga í sig og á. Lóan er þannig þegar allt kemur til alls
ekkert svo ólík okkur mannfólkinu. Hún er bara vön því að fara bet-
ur með það.
Magnús Magnússon.






Í samræmi við tilmæli Eftirlits-
nefndar um fjármál sveitarfélaga
samþykkti sveitarstjórn Borgar-
byggðar á fundi sínum í vikunni sem
leið að fela sveitarstjóra að ganga til
samninga við ráðgjafasvið KPMG
um ráðgjöf með það að markmiði
að skapa stefnu í fjármálum sveit-
arfélagsins til framtíðar. Sveitar-
stjórn samþykkti jafnframt að fela
sveitarstjóra að ganga til samninga
við ráðgjafafyrirtækið StarfsGæði
vegna ráðgjafar á sviði fræðslumála.
Eftirlitsnefnd með fjármálum sveit-
arfélaga hefur lagt áherslu á það að
sveitarfélagið fengi utanaðkomandi
ráðgjafa til samstarfs. „Ákveðið
hefur verið að fara að þeim tilmæl-
um og leita til ráðgjafa um aðstoð
með það að markmiði að finna leið-
ir til að bæta afkomu sveitarfélags-
ins þannig að framlegð geti staðið
undir skuldsetningu og framtíðar
fjárfestingum hjá sveitarfélaginu,“
segir í greinargerð með samþykkt
sveitarstjórnar.
Fræðslumál eru langstærsti mála-
flokkur Borgarbyggðar og hafa
komið fram ábendingar um að leit-
að verði til ráðgjafa með fagþekk-
ingu á sviði skólamála. „Það er því
jafnframt lagt til að leitað verði
til ráðgjafa á sviði skólamála til að
leggja mat á fyrirliggjandi tillög-
ur um rekstur og skipulag fræðslu-
mála sem komið hafa frá íbúum og
safna fleiri hugmyndum. Mikilvægt
er að tryggja fagleg gæði í skóla-
starfi samhliða hagræðingarvinnu.
Gert er ráð fyrir að vinna við ráð-
gjöf á sviði fræðslumála byggi á fyr-
irliggjandi gögnum vinnuhópa um
rekstur og skipulag fræðslumála og
eignir sveitarfélagsins, sem og sam-
antektum frá fundum með stjórn-
endum og íbúum sveitarfélagsins.
Þeirri vinnu verði lokið um miðjan
maí,“ segir í greinargerðinni.
mm
Samtök sveitarfélaga á Vesturlandi
hafa ákveðið að halda stóran fund
í Hjálmakletti, hátíðarsal Mennta-
skóla Borgarfjarðar í Borgarnesi,
mánudaginn 4. maí næstkomandi.
Þar á að móta framtíðarsýn og
markmið fyrir Vesturland. Ráð-
gjafarfyrirtækið Alta í Grundar-
firði hefur tekið að sér að stýra um-
ræðum á fundinum og mun síðan
ásamt starfsfólki SSV vinna úr efni
sem þar verður til.
„Nýverið skrifuðu Samtök sveit-
arfélaga á Vesturlandi undir samn-
ing við ríkið um Sóknaráætlun Vest-
urlands sem gildir til ársins 2019.
Markmið sóknaráætlunar er að ráð-
stafa þeim fjármunum sem varið er
af ríkinu á sviði atvinnu-, byggða-
og menningarmála á Vesturlandi í
samræmi við stefnu sem landshlut-
inn mótar sjálfur á þessum sviðum.
Slíka stefnu þarf SSV að móta fyrir
Vesturland og kynna samningsaðila
sínum, ríkinu, fyrir lok júní næst-
komandi,“ segir Páll S Brynjars-
son framkvæmdastjóri SSV. Vinn-
an við sóknaráætlun er þríþætt; að
móta framtíðarsýn fyrir Vesturland
sem nýting fjármuna tekur mið af,
að setja upp uppbyggingarsjóð sem
styður menningar-, atvinnu- og
nýsköpunarverkefni og skilgreina
átaksverkefni fyrir Vesturland sem
endurspegla framtíðarsýnina.
„Framtíðarsýn Vestlendinga er
grunnurinn í sóknaráætlun, sem öll
önnur verkefni byggja á. Framtíð-
arsýnin er síðan útfærð með mark-
miðum og einstökum aðgerðum
sem eiga að miða að því að gera
sýnina að veruleika. Samkvæmt
samningnum skal taka á atvinnu-
málum, menningarmálum, eflingu
mannauðs og lýðfræðilegri þróun
svæðisins.
Rúmlega hundrað Vestlending-
um hefur verið boðið til fundar-
ins og koma þeir frá öllum sveitar-
félögum á Vesturlandi og ýmsum
geirum samfélagsins, svo sem frá
atvinnulífi, hagsmuna- og félaga-
samtökum, menningarlífinu, skól-
um og sveitarstjórnum. Að sögn
Páls hefur stór hópur þegar þegið
boð um þátttöku. „Það er von okk-
ar í stjórn SSV að umræðan á fund-
inum verði góð og gagnleg og leggi
línurnar varðandi framtíðarsýn
Vestlendinga.“ mm
Leggja línur að framtíðarsýn
fyrir Vesturland
Kalla til samráðs ráðgjafa á
sviði fjármála og fræðslumála