Skessuhorn - 29.04.2015, Blaðsíða 23

23MIÐVIKUDAGUR 29. APRÍL 2015
Fótboltinn í sumar
Í vetur hafa nokkrir ungir strák-
ar fengið tækifæri í Skagaliðinu í
fótbolta. Þar hefur ekki síst verið
að standa sig vel Albert Hafsteins-
son sem hefur komið mjög vel út í
miðjuspilinu hjá ÍA. Albert hefur
yfirleitt verið í byrjunarliðnu eft-
ir áramótin og meðal annars skorað
þrjú mörk í leikjunum. „Ég var ekki
í æfingahópnum hjá meistaraflokki
fyrir áramótin en til að byrja með
eftir þau fékk ég að æfa með meist-
araflokknum einu sinni í viku. Það
var að ganga vel svo fljótlega var ég
tekinn inn í meistaraflokkinn,“ segir
Albert. Þegar hann er spurður hvort
hann eigi von á því að verða í byrj-
unarliðinu í fyrsta leik á móti Stjörn-
unni svarar Albert: „Ég hef verið í
byrjunarliðinu í þessum leikjum að
undanförnu. Það er erfitt að segja
með byrjunarlið í fyrsta leik. Þjálf-
arinn getur einn svarað því, en það
væri mjög gaman að fá að byrja.“
Breiddin mikil á
miðjunni
Albert segir að fótboltinn hafi allt-
af verið sitt áhugamál. Hann byrj-
aði snemma að æfa og spilaði oft
upp um aldursflokk í gegnum yngri
flokkana. Hann er enn gjaldgengur
í öðrum aldursflokki, verður 19 ára
í júnímánuði. „Ég hef alltaf leikið á
miðjunni eins og ég hef gert núna
með Skagaliðinu í Lengjubikarn-
um. Ég var fyrst tekinn inn í meist-
araflokkinn seint á tímabilinu 2013
þegar Þorvaldur Örlygsson tók við
eftir slæmt gengi framan af móti og
liðið var í fallbaráttu. Ég spilaði ekk-
ert þá og var svo í hópnum í nokkr-
um leikjum síðasta sumar en fékk
heldur engin tækifæri þá.“ Spurður
hvort það verði ekki erfitt að halda
sæti á miðjunni í liði Skagamanna
svarar Albert: „Jú, breiddin hjá okk-
ur er talsverð á miðjunni og það eru
að minnsta kosti fimm leikmenn
sem geta skilað þessari stöðu vel og
sumir hafa reynslu af því að spila í
efstu deild.“
Albert segir mikinn mun á andan-
um í hópnum núna en þegar hann
kom inn í hann fyrst 2013. „Það
er miklu meira sjálfstraust í liðinu
núna og góður andi, mjög skemmti-
legt. Við erum einmitt nýkomnir úr
skemmtilegri æfingaferð til Dan-
merkur. Æfðum þar við góðar að-
stæður hjá Nordsjælland, félaginu
sem Ólafur Kristjánsson þjálfar. Það
undirbjó okkur fyrir að fara út á gras
og núna þessa dagana eru við að fara
út úr höllinni og æfa á æfingasvæð-
inu,“ segir Albert.
Gæti ekki verið betri
byrjunarleikur
Þegar Albert er spurður hvort hann
sé spenntur fyrir fyrsta leik, seg-
ist hann að sjálfsögðu vera það.
„Þetta getur ekki verið betra núna
að fá Íslandsmeistarana í heimsókn
strax í fyrsta heimaleik og allt sem
því fylgir, meira að segja sjónvarps-
leikur. Við spiluðum mjög vel á
móti Stjörnunni í Lengjubikarnum
og þótt það sé allt annað að mæta
þeim úti á grasi í Íslandsmóti þá
væri gaman að við gætum endurtek-
ið það. Fyrst og fremst verður það
takmarkið hjá okkur að halda okkur
í deildinni og festa liðið þar í sessi.
Við tökum svo bara einn leik í einu
og sjáum hvað það skilar okkur. Ég
vil hvetja alla til að mæta vel á völl-
inn í sumar og styðja vel við bakið á
okkur,“ segir ungliðinn Albert Haf-
steinsson. þá
Væri gaman að fá að byrja í fyrsta leik
Albert Hafsteinsson er að fá sína eldskírn með Skagaliðinu.
Á Akranesi eins og í fleiri bæjum á
landinu, þar sem knattspyrnan er í
hávegum höfð, eru sérfræðingarn-
ir víða. Mennirnir sem allt vita um
fótboltann og eru tilbúnir að greina
hin ýmsu atriði í leik heimaliðsins.
Muna líka tímana tvenna margir
hverjir. Á Akranesi er hópur manna
sem gjarnan hittist á kaffistofunni
hjá vallarverði fyrir æfingar meist-
araflokksins. Í þessum hópi er með-
al annars gamlir máttarstólpar í
Skagaliðum, allt aftur til gullald-
arliðs og menn sem höfðu lykil-
hlutverkum að gegna hjá Skagalið-
inu. Þarna er meðal annars nudd-
ari Skagaliðsins til fjölda ára Björg-
vin Hjaltason, Helgi Björgvins-
son sem var í einu gullaldarliðinu
og þeir Þröstur Stefánsson og Jón
Gunnlaugsson sem voru leiðtogar
í Skagaliðinu á sjöunda og áttunda
áratugnum. Dyggir stuðningsmenn
Skagaliðsins eru líka í þessum spek-
ingahópi. Kjartan Finnsson sem því
miður var ekki mættur þennan dag
sem blaðamaður Skessuhorns var á
ferðinni og Guðmundur Skarphéð-
insson.
Liðin tíð að nýliðar
verði meistarar
Þeir voru frekar varkárir í spán-
um sérfræðingarnir í vallarhús-
inu. Helgi Björgvinsson var þó á
því að liðið gæti hæglega orðið
um eða fyrir ofan miðja deild. Jón
Gunnlaugsson taldi að byrjunin
myndi miklu ráða með gengi liðs-
ins í sumar. Guðmundur Skarphéð-
insson sagðist halda að Skagaliðið
væri brothætt og því gæti brugðið
til beggja vona. Björgvin Hjaltason
þorði engu að spá og virtist ekkert
sérstaklega bjartsýnn fyrir sumarið.
Þröstur Stefánsson sagðist hafa trú
á að liðið næði að halda sér í deild-
inni. „Taktu eftir að núna tölum við
um liðið haldi sér í deildinni. Það
er reyndar svolítið andstætt því sem
oft hefur verið hérna á Skaganum.
Yfirleitt hafa menn ekki verið sáttir
nema vera í toppbaráttunni en það
eru breyttir tímar. Núna þarf tíma
til að byggja upp meistaralið. Við
vitum að það gerist ekki núna að
nýliðar í deild verði meistarar, eins
og gerðist hjá okkur þegar Skaga-
liðið var nýkomið upp um deild
1992 og var nærri búið að gerast
1969,“ rifjar Þröstur upp.
Búnir að spila
saman í tíu ár
Þá kom fótboltasagnfræðingur-
inn Jón Gunnlaugsson til skjal-
anna. „Já, það munaði litlu 1969 en
Keflvíkingar voru sterkari á enda-
sprettinum. Svo hefur það líka oft
gerst að lið sem vinnur allt á undir-
búningstímabilinu er hætt við falli.
Eins og gerðist hjá Skaganum 1968
þegar allt vannst og ÍA burstaði KR
rétt fyrir mót,“ sagði Jón. En er þá
ekki viss hætta núna þegar vel hef-
ur gengið í æfingaleikjunum hjá ÍA,
spyr blaðamaður. En þá er Jón fljót-
ur að benda á að það hafi ekki allt
unnist núna. Skagaliðið hafi tapað
fyrir KR, FH og Breiðabliki í æf-
ingaleikjunum. „En auðvitað eig-
um við að vera með gott lið núna.
Þessir strákar eru margir hverjir
búnir að spila saman í tíu ár,“ var
svo niðurstaða sérfræðingahópsins
þegar búið var að kryfja málin til
mergjar.
þá
Spekingarnir sem spá í spilin í vallarhúsinu
Sérfræðingarnir Björgvin Hjaltason, Jón Gunnlaugsson, Þröstur Stefánsson, Helgi
Björgvinsson og Guðmundur Skarphéðinsson.
„Það verður fullt að gera dagana
fram að móti en við erum með
harðsnúinn hóp stuðningsmanna
sem hjálpar okkur. Mikil spenna
er í loftinu og tilhlökkun hjá fólki.
Það verður frábært að fá Íslands-
meistarana í heimsókn strax í fyrsta
leik, flott lið og frábært stuðnings-
mannalið. Við ætlum líka að gera
okkar til að mæta þeim sterkir bæði
á vellinum og í stúkunni. Ætlun-
in er að skapa þjóðhátíðarstemn-
ingu í kringum leikinn með skrúð-
göngu stuðningsmanna Skagaliðs-
ins frá Safnaskálanum á völlinn.
Ég hvet stuðningsmenn Skagaliðs-
ins að taka þátt í því,“ segir Har-
aldur Ingólfsson framkvæmdastjóri
KFÍA. Þegar blaðamaður Skessu-
horns hitti hann í íþróttamiðstöð-
unni á Jaðarsbökkum í síðustu viku
var allt á fullri ferð í undirbúningi
fyrir komandi tímabil í Pepsídeild
Íslandsmótsins í knattspyrnu.
Verðum að stíga
skref upp á við
Spurður um væntingar til komandi
keppnistímabils hjá Skagamönn-
um í Pepsídeildinni segist Haraldur
hóflega bjartsýnn eins og í fyrra. „Í
fyrra var ég í fyrstu efins um að tak-
markið myndi nást, að við næðum
að endurheimta strax sæti í efstu
deild. Síðan náði Gulli þjálfari að
móta flotta liðsheild. Núna er von-
andi að hver og einn leikmaður og
liðið í heild taki skref upp á við og
bæti sig frá síðasta sumri. Það þarf
þess ef liðið á að eiga möguleika
í Pepsídeildinni. Fyrst og fremst
verður þetta spurningin hjá okkur
að halda sætinu og ná að festa okk-
ur í sessi í efstu deild. Hvort við
lendum í sjöunda eða tíunda sæti
skipti þar ekki höfuðmáli,“ segir
Haraldur. Hann segir að vissulega
hafi hópurinn verið styrktur frá síð-
asta ári og það komi eflaust til með
að efla liðið. „Við fengum tvo út-
lendinga sem hafa komið ágætlega
inn í liðið og Ásgeir Marteinsson
á kantinn sem Gulli þekkir frá því
hann þjálfaði HK. Annars er hóp-
urinn af stórum hluta Skagastrákar.
Liðið hefur staðið sig vel á undir-
búningstímabilinu og sýndi yfirleitt
góða spilamennsku í Lengjubikarn-
um. Það út af fyrir sig er gott og
eflir sjálfstraustið, en þegar út í al-
vöruna er komið í byrjun Íslands-
móts þá vegur gengið í vorleikjun-
um í sjálfu sér ekki þungt.“
Þriðjungur af fjárlögum
stærri félaganna
Meðal stærri verkefna fram-
kvæmdastjóra Knattspyrnufélags
ÍA er umsjón með fjármálunum.
Það kostar mikla peninga að halda
úti liði í efstu deild í fótbolta á Ís-
landi í dag. Eins og síðustu ár er
það Norðurál sem er aðalstyrktar-
aðili ÍA í fótboltanum. „Norðurál
er að hjálpa okkur mjög mikið og
sá samningur er út 2017. Við erum
með fjölmarga styrktaraðila sem
eru að hjálpa okkur, bæði fyrirtæki
og einstaklinga. Það kostar jú mikla
peninga að halda úti liði í Pepsí-
deildinni. Við reiknum með að
það verði 65-70 milljónir í ár þeg-
ar allt er talið. Mér skilst að það sé
þó ekki nema þriðjungur af því sem
stærri félögin; FH, KR og Stjarnan
eru að leggja í útgerð sinna karla-
liða á komandi Íslandsmóti. Þann-
ig að fjárhagslegur munur er mikill
milli liðanna sem hafa undanfarin
ár tekið þátt í Evrópukeppnum og
hinna,“ segir Haraldur Ingólfsson.
þá
Hóflega bjartsýnn eins og í fyrra
Haraldur Ingólfsson framkvæmdastjóri.