Skessuhorn - 29.04.2015, Blaðsíða 38

38 MIÐVIKUDAGUR 29. APRÍL 2015
Hvaða sæti spáir þú ÍA
liðinu í Pepsídeildinni?
Spurning
vikunnar
Sigrún Ríkharðsdóttir:
Kannski er ég bjartsýnni en
margir aðrir. Ég ætla að spá
þeim fimmta sætinu.
Hörður Helgason:
Það verður sjöunda sætið núna,
fimmta sætið á næsta ári og svo á
toppnum næstu þrjú þar á eftir.
Pétur Ottesen:
Það verður sjötta sætið í sumar.
Jörfagleði, vorhátíð Dalamanna,
var haldin í sumarbyrjun. Hún
hófst á sumardaginn fyrsta og stóð
fram á sunnudag. Að sögn Valdísar
Gunnarsdóttir verkefnisstjóra fyr-
ir hátíðinni var mikið fjör og há-
tíðin vel heppnuð. Hápunktur var
að hennar sögn tónleikar í Dala-
búð að kvöldi sumardagsins fyrsta.
Þar söng Hanna Dóra Sturludótt-
ir ásamt hljómsveitinni Salon Isl-
andus. Um létta sveiflu var að ræða
og dægurmúsík á seinni hluta tón-
leikanna. Tónleikagestir skemmtu
sér mjög vel og risu úr sætum sín-
um til að láta þakklæti sitt í ljósi.
Mikið fjör var einnig á öðrum dag-
skrárliðum eins og til dæmis í Dala-
koti á föstudagskvöld þar sem uppi-
standarinn Sigurður Sólmundsson
vakti mikla lukku.
Þrúður heiðruð
Hátíðin byrjaði með firmakeppni
hestaeigandafélags Búðardals í há-
deginu á sumardaginn fyrsta. Setn-
ing Jörfagleðinnar var síðan í Dala-
búð eftir hádegið. Jóhannes Hauk-
ur Hauksson, oddviti Dalabyggð-
ar setti hátíðina. Þrúður Krist-
jánsdóttir fyrrverandi skólastjóri
var heiðruð fyrir frábært og óeig-
ingjarnt starf í þágu samfélagsins.
Þrúður hefur starfað mikið að ýms-
um félagsmálum í gegnum tíðina,
t.d. á vettvangi kirkjunnar en ekki
síst fyrir félag eldri borgara. Börn
á yngsta stigi Auðarskóla sungu líka
nokkur lög við setninguna. Á föstu-
dag var leiksýningin „Öfugu meg-
in uppí“ frá leikdeild Grettis úr
Húnaþingi vestra á dagskrá í Dala-
búð sem og uppistand og diskótek í
Dalakoti. Á laugardag var fjölbreytt
dagskrá. Meðal annars skemmtun
í Dalabúð þar sem safnað var fyr-
ir hljóðkerfi. Að erlendri fyrirmynd
gekk þar samskotskistill á milli
gesta sem skilaði sínu. Tónleikar
voru með KK á sveitasetrinu Vogi
á Fellsströnd um kvöldið og dans-
leikur með Stuðlabandinu í Dala-
búð. Dagskrá Jörfagleðinnar þetta
árið endaði síðan með flóamark-
aði í björgunarsveitarhúsinu og
spurningakeppni í Dalabúð.
Firmakeppni hesta-
eigandafélagsins
Eins og áður segir hófst Jörfa-
gleðin með firmakeppni Hesta-
eigandafélags Búðardals. Liðlega
30 keppendur mættu til leiks. Kalt
var í brekkunni þetta árið og blés
vel um knapa og gesti sem mættu
á þennan skemmtilega og árvissa
viðburð. Sigurður Bjarni Gilberts-
son stýrði keppninni úr dómpalli
og í dómarabílnum sátu þrjár gal-
vaskar og dæmdu gripi og menn
en það voru Sigríður Árnadótt-
ir, Kristín Kristjánsdóttir og Edda
Tryggvadóttir. Fjöldi fyrirtækja og
annarra velunnara keyptu firma
og styrktu framtakið og þakkar
stjórn félagsins öllum styrktarað-
ilum kærlega fyrir veittan stuðn-
ing. Einnig þakkar stjórn öllum
knöpum, áhorfendum, dómurum
og starfsfólki fyrir flotta keppni og
góðan dag.
Helstu úrslit í firmakeppninni
voru: Í pollaflokki kepptu átta og
allir fengu verðlaun. Í barnaflokki
var einn keppandi, Birta Magn-
úsdóttir á Frey frá Stokkseyri sem
keppti fyrir Debet-kredit hf. Í
kvennaflokki voru níu keppendur.
Þar var í fyrsta sæti Margrét Guð-
bjartsdóttir á Þór frá Miklagarði
sem kepptu fyrir Leifsbúð. Í öðru
sæti var Carolin Baare-Schmidt á
Fjöl frá Búðardal og kepptu fyr-
ir Ræktunarbúið Spágilsstöðum.
Þriðja varð Svanhvít Gísladóttir á
Demanti frá Lindarholti og kepptu
fyrir Margréti Guðbjartsdóttur. Í
karlaflokki voru níu keppendur.
Þar sigraði Björn Anton Einarsson
á Emma frá Miðengi og kepptu fyr-
ir Birgisás ehf. Annar varð Kristinn
Guðlaugsson á Glimra frá Svarfhóli
og kepptu fyrir Ferðaþjónustuna
Stóra-Vatnshorni. Þriðji varð svo
Arnar Þór Ólafsson á Freyju frá
Skarðsá, sem kepptu fyrir Tíma-
mótastóðhestinn Gný frá Svarf-
hóli.
þá/ss
Mikið fjör á Jörfagleði
Börn úr Auðarskóla sungu við setningu Jörfagleði. Ljósm. vg. Gríðarleg stemning var á tónleikunum með Hönnu Dóru Sturludóttur og hljóm-
sveitinni Salon Islandus. Ljósm. vg.
Á söfnunartóneikunum fyrir hljóðkerfinu í Dalabúð. Ólafur Bragi Halldórsson, Lolli, frá Magnússkógum, syngur og spilar
ásamt sonum sínum þremur og eiginkonu. Þau fluttu nokkur lög við góðar undirtektir áheyrenda. Ljósm. bae.
Birta Magnúsdóttir á Frey frá
Stokkseyri keppti í barnaflokki.
Ljósm. bae.
Margrét Guðbjartsdóttir á Þór frá
Miklagarði sigraði í kvennaflokki í
firmakeppninni. Ljósm. bae.
Björn Anton Einarsson á Emma frá Miðengi sigraði í karlaflokknum.