Skessuhorn - 29.04.2015, Blaðsíða 18

18 MIÐVIKUDAGUR 29. APRÍL 2015
Fótboltinn í sumar
„Segja má að ég hafi fengið smjör-
þefinn af stemningunni þegar við,
átta manna hópur, vorum að setja
upp auglýsingaskiltin við völl-
inn á sumardaginn fyrsta. Það var
skemmtileg eftirvænting í loft-
inu,“ segir Magnús Guðmunds-
son formaður stjórnar KFÍA. Þetta
er annað árið sem hann er stjórn-
arformaður og fyrsta árið frá því
hann kom í stjórnina sem meist-
araflokkur karla er í Pepsídeildinni
en í fyrra voru konurnar þar. „Það
er spennandi sumar framund-
an. Við höfum verið að vinna alls
kyns undirbúningsvinnu í vetur og
sett okkur skýr markmið á ýmsum
sviðum í starfi félagsins. Þjálfara-
teymin hafa unnið afar gott starf í
vetur með sína hópa og það mun
örugglega skila sér ríkulega á vell-
inum. Fólk er að tala um risjóttan
vetur og nú hefur komið virkilega
í ljós hvað það skiptir miklu máli
að hafa yfirbyggðan völl í Akranes-
höllinni,“ segir Magnús.
Liðin koma vel
undan vetri
Hann segir að mánudaginn 21.
apríl hafi einmitt verið fundur þar
sem farið var yfir starfið í vetur
með þjálfurum meistaraflokkanna,
Þórði Þórðarsyni hjá kvennaliðinu
og Gunnlaugi Jónssyni hjá karla-
liðinu. „Starfið hefur gengið vel
í vetur, til dæmis verið mjög lít-
ið um meiðsli bæði hjá konun-
um og körlunum. Við höfum ver-
ið með nýjungar í sambandi við
þjálfunina. Til hliðar við líkam-
lega þjálfun hefur Viðar Halldórs-
son íþróttafélagsfræðingur liðsinnt
okkur varðandi andlega þáttinn hjá
leikmönnum. Þar hefur hann ver-
ið að vinna með sjálfstraustið og
markmiðssetningu fyrir bæði ein-
staklinginn og hópinn. Við höfum
líka lagt áherslu á styrktaræfingar
og sjúkraþjálfun. Ég held að lið-
in séu að koma vel undan vetri og
gaman að upplifa bullandi sjálfs-
traust bæði hjá karla- og kvenna-
liðinu og mikla eftirvæntingu fyrir
sumrinu.“
Gæti orðið spútnikliðið
Magnús segist sjálfur vera mjög
spenntur fyrir sumrinu og fullur
bjartsýni á gott gengi liðanna. Hann
segir að til dæmis góð frammistaða
karlaliðsins í Lengjubikarnum geri
liðinu gott þótt vissulega sé mikil
breyting sem fylgi því þegar liðin
koma út á völl úr höllinni. „Ég held
að gott gengi í Lengjubikarnum hjá
Skagaliðinu geti gefið tóninn. Ég
var stórhrifinn af leik liðsins gegn
Fjölni um daginn. Spilamennsk-
an hjá liðinu þá finnst mér vera sú
besta sem ég hef orðið vitni að í
mörg ár. Eftir þeim leik að dæma
gæti ég alveg trúað því að Skagalið-
ið verði spútnikliðið í deildinni í ár.
Ég hef alveg trú á því að liðið geti
lent fyrir ofan miðja deild. Spárnar
sýna að mínu mati vanmat á ÍA og
það held ég að komi okkur til góða.
Okkar strákar verða samt að halda
sig á jörðinni og passa að ofmetn-
ast ekki. Mér sýnist Skagaliðið vera
tilbúið í slaginn. Ungu strákarn-
ir hafa verið að koma mjög vel út,
eins og til dæmis Þórður Þorsteinn
og Albert sem virðast mjög frískir
og nýju erlendu leikmennirnir þeir
Marko og Arsenij lofa mjög góðu.“
Heimaleikirnir eru
stórviðburðir
Meðal þess sem núna er verið að
vinna að í sambandi við fótbolt-
ann á Akranesi segir Magnús vera
að virkja betur og efla stuðnings-
mannalið Skagamanna, fólkið sem
mætir á heimaleikina og styður
virkilega við bakið á liðinu. „Það
hefur skort svolítið á það seinni árin
að fólk mæti jafn vel á völlinn og
þekkt var hér á Skaganum á árum
áður. Við viljum gjarnan gera Akra-
nes að erfiðum útivelli fyrir hin fé-
lögin og það getum við ekki án
stuðningsmanna. Í þessu sambandi
er ætlunin hjá okkur að gera ýmis-
legt og við höfum fengið ýmsa að-
ila til liðs við okkur. Ætlunin er að
byrja strax í fyrsta leik við Stjörn-
una með þjóðhátíðarstemningu
og skrúðgöngu frá Safnahúsinu á
völlinn. Heimaleikirnir eru stór-
viðburðir og við ætlum að fá ýmsa
aðila í bænum til samstarfs um að
nýta þessa viðburði. Þar á meðal
eru Akraneskaupstaður, Tónlistar-
skólinn á Akranesi, Golfklúbburinn
Leynir og vonandi sem flestir þjón-
ustuaðilar. Við hugsum okkur sem
dæmi að fjölmenn stuðningsmanna-
lið sem fylgja gestaliðunum hingað
hafi t.d. hug á því að skreppa í golf
áður en fólk kemur á Jaðarsbakk-
ana og svo er ein hugmyndin að
hafa tónlistaratriði á flestum leikj-
um. Hugmyndin er líka að virkja
unga knattspyrnufólkið og foreldr-
ana með okkur og skapa eins kon-
ar hópefli gulra og glaðra barna og
foreldra. Við höfum á prjónunum
ýmislegt til skemmtunar á leikjun-
um í sumar. Það á allt eftir að koma
betur í ljós. Fyrst og fremst eru það
þó leikmennirnir okkar sem koma
til með að skemmta fólki með góð-
um leik. Hins vegar verður líka að
taka því með karlmennsku ef einn
og einn leikur tapast. Það verður að
heyra sögunni til að fólk gangi úr
stúkunni eða af áhorfendasvæðinu
áður en leik er lokið. Það er lítils-
virðing við liðið og íþróttina.“
Virkjum sköpunarkraft
bæjarbúa
Magnús segir að þó að karlalið-
ið fái væntanlega mikla athygli í
sumar, enda að keppa í efstu deild,
verði kvennaliðinu líka fylgt vel eft-
ir. „Kvennaliðið hefur lagt mikið á
sig í vetur og þar eru margar ungar
og öflugar. Það er ljóst að hjá þeim
verður bara eitt markmið og það
er að fara aftur upp í Pepsídeild-
ina. Ég held að kvennaliðið sé al-
veg með mannskap í það og nokkr-
ar þeirra hafa að undanförnu verið
valdar til æfinga hjá unglingalands-
liðunum. Til að styrkja liðið verða
fengnir tveir bandarískir leikmenn
þegar líður á maímánuð. Annar
þeirra er markvörður en það vant-
ar í þá stöðu í liðinu. Það eru góðir
hlutir að gerast í kringum kvenna-
liðið og ekkert verður gefið eftir
með að styðja við liðið í sumar. Það
voru einmitt konurnar sem fundu
upp á því fyrra að fá listamenn í lið
með okkur með viðurkenningu til
manns leiksins og því verður hald-
ið áfram í sumar bæði hjá konun-
um og líka hjá körlunum. Ætlun-
in er einmitt að virkja sköpunar-
kraft bæjarbúa með okkur í fótbolt-
anum í sumar,“ segir Magnús Guð-
mundsson stjórnarformaður Knatt-
spyrnufélags ÍA. þá
„Viljum gera Akranes að erfiðum útivelli fyrir hin félögin“
Magnús Guðmundsson er stjórnarformaður Knattspyrnufélags ÍA
Magnús Guðmundsson formaður
stjórnar KFÍA.
Ljósmynd Ágústa Friðriksdóttir.
Ljósm. Ágústa Friðriksdóttir.
Meistaraflokkur karla hjá ÍA 2015