Skessuhorn - 29.04.2015, Blaðsíða 36

36 MIÐVIKUDAGUR 29. APRÍL 2015
Vörur og þjónusta
R E S T A U R A N T
Upplýsingar í síma: 430 6767
R E S T A U R A N T
Upplýsingar í síma: 430 6767
Hilmir B ehf
Alhliða pípulagningaþjónusta
hilmirb@simnet.is
facebook.com/hilmirbehf
Hönnun prentgripa
& alhliða prentþjónusta
Drei bréf - Boðsbréf
Ritgerðir - Skýrslur
Reikningar - Eyðublöð
Umslög - Bréfsefni
Fjölritunar- og
útgáfuþjónustan
Getum við
aðstoðað þig?
sími: 437 2360
olgeirhelgi@islandia.is www.skessuhorn.is
Þjónustuauglýsingar
Skessuhorns
Auglýsingasími:
433 5500

Pennagrein
Hallarekstur Dvalarheimilisins Höfða
liðlega 545 milljónir
Ársreikningar Akra-
neskaupstaðar fyr-
ir árið 2014 hafa nýverið verið af-
greiddir til bæjarstjórnar Akraness til
umfjöllunar og afgreiðslu. Ánægju-
legt er að rekstrarniðurstaða sam-
stæðuársreiknings sýnir um 146 m.kr.
hagnað af rekstri sem er um 100 m.kr.
umfram áætlun. Skuldahlutfall kaup-
staðarins er 126 og lækkaði örlítið á
milli ára, en skv. lögum ber að halda
því hlutfalli undir viðmiðinu 150.
Það sem vekur hins vegar athygli
við lestur ársreikningsins er hinn
mikli taprekstur hjá Dvalarheimilinu
Höfða á árinu 2014, eða 146,1 m.kr.
Þegar nánar er skoðað kemur í ljós að
á árinu 2014 og undanfarin ár hefur
verið stórfelldur hallarekstur á heim-
ilinu og það sem meira er að einn-
ig er reiknað með stórfelldum halla-
rekstri á árinu 2015 (sjá töflu).
Samkvæmt ofangreindri töflu
stefnir í að taprekstur dvalarheim-
ilisins verði liðlega 545 milljónir ef
áætlaður halli ársins 2015 er tekinn
með í reikninginn. Ef þessar tölur
eru framreiknaðar með meðalvísitölu
hvers rekstrarárs fyrir sig fram til árs-
ins í ár er hallinn orðinn 570 millj-
ónir. Skuldir Höfða umfram eignir
voru um síðustu áramót 522 milljón-
ir króna.
Dvalarheimilið Höfði, sem er í
eigu Akraneskaupstaðar sem nemur
9/10 hluta og Hvalfjarðarsveitar sem
nemur 1/10 hluta, hefur í mörg ár
verið myndarlega rekið og íbúar þess
hlotið frábæra þjónustu og svo viljum
við að sjálfsögðu að verði áfram.
En er það verjandi að skattfé borg-
aranna sé varið til að reka þessa stofn-
un með gríðarlegum hallarekstri ár
eftir ár? Og það án þess að sjáan-
legt sé hjá sveitarstjórnum að gripið
sé til ráðstafana til að minnka þennan
halla? Ekki geta sveitarfélögin nýtt
þá fjármuni sem í hallareksturinn
fer á hverjum tíma til að efla annað
starf í sveitarfélögunum, t.d. skóla-
og íþróttastarf, viðhald mannvirkja
eða opinna svæða, framkvæmdir nú
eða bara hreinlega að greiða niður
skuldir.
Í nokkuð langan tíma hefur legið
fyrir að sveitarfélögin telja að dag-
gjöldin sem ríkið greiðir með hverj-
um vistmanni dvalar- og hjúkrunar-
heimila nægi ekki fyrir útgjöldum.
Það er vissulega rétt, en ekki virð-
ist ríkið flýta sér að hækka eða leið-
rétta greiðslurnar til dvalarheimil-
anna og á meðan ekki fæst leiðrétt-
ing þar á hleðst upp taprekstur eins
og að framan greinir og alls óvíst að
nokkuð fáist endurgreitt frá ríkinu né
hversu mikið.
Skylda bæjarfulltrúa er engu að
síður að gera sitt til að reksturinn
verði hagkvæmari og ná þeirri hag-
ræðingu sem hægt er með það að
megin markmiði að þjónustan verði
sem hagkvæmust og að þjónustan við
heimilismenn á hverjum tíma sé eins
góð og framast er unnt fyrir þá fjár-
mundi sem til skiptana eru á hverj-
um tíma, enda reksturinn alfarið á
ábyrgð Akraneskaupstaðar og Hval-
fjarðarsveitar.
Ég tel rétt og skylt að benda sveit-
arstjórnunum á nokkra hagræðingar-
möguleika í rekstrinum, sem án efa í
mínum huga eru til sparnaðar og það
án þess að skerða gæði þeirrar þjón-
ustu sem rekin er á Dvalarheimilinu
Höfða eða hjá Akraneskaupstað:
Bókhald og fjárreiður sameinaðar
skrifstofuhaldi Akraneskaupstaðar.
Umsýsla fasteigna og viðhald
verði falið starfsmönnum skipulags-
og umhverissviðs Akraneskaupstað-
ar sem annast og rekur aðrar eignir
kaupstaðarins.
Yfirstjórn heimilisins felld undir
stjórn velferðar- og mannréttindar-
sviðs Akraneskaupstaðar.
Sameina undir einum hatti rekst-
ur eldhúss Höfða og Akraneskaup-
staðar, en Akranesskaupstaður rek-
ur í dag 4 eldhús í leikskólum og 2 í
grunnskólum bæjarins.
Akranesi 22. apríl 2015.
Jón Pálmi Pálsson, rekstrarfræð-
ingur.
!
(Fjárh í "ús kr.) 2015 2014 2013 2012 2011 Samtals
Áætlun
Tap skv ársreikningi/áætlun 85.477 146.108 125.319 97.155 91.356 545.415
Uppreikna# tap mv. vísitölu 85.477 147.947 129.479 104.271 103.135 570.309
Pennagrein
Vegna skrifa Valgeirs Valgeirssonar um málefni Laugafisks hf.
Til að stytta þessa grein þá verður
Valgeir Valgeirsson hér eftir verð-
ur nefndur VV. Enn og aftur skrif-
ar ágætur VV lítið sem ekkert um
málefni Laugafisks hf. heldur kýs
hann að reyna að gera persónur
tortryggilegar vegna baráttu þeirra
fyrir bættum lífsskilyrðum. Það
er mjög greinilegt að VV telur að
öllu megi fórna fyrir atvinnu og at-
vinnuhagsmuni og að öll umræða
sem er beint gegn atvinnustarfsemi
sé „ofstækisraus.“
Ekki hef ég gefið í skyn að ég
sé einhver sérstakur málsvari íbúa
á Neðri-Skaganum en get þó sagt
að ég er hluti af nokkuð stórum
hópi íbúa á Akranesi sem vill úr-
bætur vegna ólyktar sem kemur frá
Laugafiski hf. Það sem ég og marg-
ir íbúar hér á Akranesi erum að
óska eftir er að fá að búa við sömu
lífsgæði og aðrir íbúar Akraness.
Ekki veit ég hvað það kemur
málefni Laugafisks hf. við þó ég
hafi kvartað yfir málningarúða sem
kom ítrekað yfir hverfið okkar sem
við þurftum að láta hreinsa af eign-
um okkar, en innöndun á málning-
arúða sem notuð er á skip og báta er
mjög skaðleg heilsu fólks svo ekki
sé talað um ung börn. Og það að
ég sé á móti nánast allri starfsemi
á Akranesi og já í sveitum lands-
ins líka er aðeins að finna í hugar-
heimi hr. VV. Það ætti einnig ekki
að koma þessu málefni við hvenær
ég byggði mitt hús og er helst að
skilja að ef ég hefði ekki byggt hús
á þessum stað þá væri ekkert vanda-
mál til staðar.
Í grein sinni nefnir VV að það
geti varla talist að Laugafiskur hf.
sé inn í íbúðabyggð þar sem að það
séu yfir 300 metrar í næsta íbúðar-
hús. Þetta er rangt hjá VV og hér
eru nokkrar vegalengdir sem koma
málinu við:
Frá Laugafiski hf. við Vesturgötu
eru 150 metrar að Vesturgötu 10 og
190 metrar að Vesturgötu 17. Þetta
eru íbúðarhús.
Frá Laugafiski hf. við Breiðagötu
eru 197 metrar að Bárugötu 17 og
að Háteigi eru 225 metrar. Þetta
eru íbúðarhús.
Rétt er að taka það fram að
Laugafiskur hf er staðsettur á
tveimur stöðum á Neðri-Skaga, við
Breiðargötu 8 er forþurrkun og við
Vesturgötu 2 er eftirþurrkun.
Til upplýsingar fyrir fólk þá er til
reglugerð nr. 941/2002 sem segir
að starfsemi sem hefur í för með sér
mengun, þar með talið loftmengun,
sé óheimil í minna en 500 metra
fjarlægð frá mannabústöðum.
Ég skil mæta vel að VV sé ugg-
andi yfir því að við höfum nefnt
Höfðasel sem betri staðsetningar
kost, en hverjar eru líkurnar á að
lyktarmengun nái inn í íbúðabyggð
þaðan? Ekki myndi ég vilja nein-
um að búa við þessa ólykt en stað-
setningin við Höfðasel er tilkomin
vegna umræðu um að halda atvinn-
unni í bæjarfélaginu.
Til að átta sig á fjarlægðum þá set
ég inn nokkrar vegalengdir og miða
við það að Laugafiskur hf. væri
staðsettur ofarlega við Höfðasel.
Höfðasel að Viðjuskógum: 2500
metrar
Höfðasel að Bónus: 2550 metrar
Höfðasel að Golfskála: 2800 metrar
Höfðasel að Esjubraut: 3300 metrar
Höfðasel að Ráðhúsi: 3700 metrar
Höfðasel að Grundaskóla: 3300
metrar
Höfðasel að þjóðvegi: 1770 metrar.
Svo til samanburðar þá eru hér
nokkrar vegalengdir frá Laugafiski
Breiðargötu 8:
Frá Breiðargötu að
Viðjuskógum: 2500 metrar miðja
vegu
Breiðargata að Bónus: 2400 metrar
Breiðargata að Golfskála: 2600
metrar
Breiðargata að Esjubraut: 1800
metrar
Breiðargata að Ráðhúsi: 1250
metrar
Breiðargata að Grundaskóla: 2600
metrar
Allar vegalengdir frá Breiðar-
götu eru mun styttri en frá Höfða-
seli. Ég hef ekki orðið var við að
fólk við Esjubraut eða við Grunda-
hverfið hafi fundið þessa lykt heim
til sín frá Laugafiski við Breiðar-
götu, svo auðvitað munar um að
hafa fyrirtæki sem ekki getur upp-
fyllt ákvæði um loftmengun eins
fjarri íbúðabyggð og hægt er en
samt innan bæjarmarka.
Eins og ég sagði í svargrein minni
þá snýst þetta ekkert um annað en
það ástand sem fiskþurrkun Lauga-
fisks hf. hefur skapað.
Nokkrar staðreyndir um skrif VV:
VV finnst að fólk sem ekki býr á
Neðri-Skaga eigi ekki að hafa skoð-
un eða afskipti á málefni Laugafisks
hf.
Að Benedikt eigi ekki rétt til að
tjá sig um þetta málefni af því að
hann sat í bæjarstjórn fyrir rúm-
um 20 árum og var einhvertímann
hluthafi í HB hf.
Að fólk sem vill úrbætur á ástand-
inu á Neðri-Skaga sé öfgafólk.
Að bæjarfulltrúar sem hafa aðra
skoðun en VV eigi að segja starfi
sínu upp „strax“
Að ég eigi engan rétt til afskipta
um málefni Laugafisks hf af því að
ég byggði húsið mitt árið 2000 og
vegna afskipta af málningarvinnu.
Að öllu almennum kröfum megi
fórna ef um atvinnu eða atvinnu-
hagsmuni er að ræða.
Vinsamleg ábending mín til VV
er að fletta upp skilgreiningu á orð-
inu Lýðræði og lesa það sem þar
stendur.
Með bestu kveðju,
Guðmundur Sigurbjörnsson
Höf. er ennþá áhugamaður um
betri íbúabyggð á Akranesi.
Fréttaveita Vesturlands
www.skessuhorn.is