Skessuhorn - 29.04.2015, Blaðsíða 32

32 MIÐVIKUDAGUR 29. APRÍL 2015
Það var erill á Leikskólanum í Stykkishólmi á síðasta vetrar-
dag. Þá tóku börn og starfsfólk á móti gestum og sýndu þeim
ýmsan afrakstur vetrarstarfsins og buðu upp á hollar veiting-
ar. Það hefur lengi tíðkast í skólanum að bjóða foreldrum,
ömmum og öfum og öðrum gestum í heimsókn um sumar-
mál og fróðlegt fyrir þá fullorðnu að fá innsýn í viðfangs-
efni yngstu borgaranna. Skólinn er í nýlegu húsnæði það-
an sem stutt er fara út í náttúruna sem er nýtt eins og kostur
er. Í skólanum eru nú 67 börn og þau yngstu ársgömul. Sig-
rún Þórsteinsdóttir skólastjóri segir að í fyrravor hafi stór
árgangur, 24 nemendur, útskrifast úr skólanum en í ár verði
þau tíu. Líkur eru á að nemendafjöldi í skólanum verði svip-
aður á næsta skólaári.
Undnfarin ár hefur hver nemandi átt sína eigin möppu frá
upphafi skólagöngu. Í hana er safnað verkefnum nemandans
og ýmsu efni úr skólalífinu og möppuna fá þeir með sér heim
við útskrift úr skólanum. Möppurnar lágu frammi á deild-
unum og stoltir nemendur leyfðu gestum að fletta þeim.
Ekki komast öll verk fyrir í möppu en þá voru til myndir
af þeim og hægt var að skoða nýleg verkefni sem hafði ver-
ið stillt upp. Þar má nefna líkan af heimabænum, veggspjald
sem unnið var í tilefni Dags einhverfra og sviðsmyndir í þrí-
vídd úr þemaverkefni um Pétur og úlfinn. Það var greini-
legt á heimsókn í skólann að þar er unnið markvisst og skap-
andi starf með nemendum og mikill metnaður hjá starfsfólki
hans.
eb
Opið hús í leikskólanum í Stykkishólmi
Davíð sýnir mömmu, afa og ömmu
möppuna sína.
Þeim yngstu fannst ágætt að fá sér vínber og blómkál meðan gestagangur var. Aron Gunnar sýnir ömmu sinni verkefni.
Það þarf ekkert að hætta að leika þótt gestir komi í heimsókn . Sumir sýndu listir sínar í þrautabrautinni.
5 ára nemendur stilla sér upp framan við listaverkið sem var gert um ævintýrið
um Pétur og úlfinn.
„Hér eru mínar hendur.“ Veggspjald
unnið á Degi einhverfra.
Guðmundur sýnir líkanið af Stykkishólmi.
Það er ekkert kynjamisrétti í eldhúskróknum.
Sigrún Þórsteinsdóttir skólastjóri og
Elísbet Lára Björgvinsdóttir aðstoðar-
skólastjóri. Leikskólinn í Stykkishólmi.