Skessuhorn - 13.01.2016, Blaðsíða 4

MIÐVIKUDAGUR 13. JANÚAR 20164
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.700 krónur með vsk. á mánuði. Elli- og örorkulífeyrisþegar greiða
kr. 2.340. Rafræn áskrift kostar 2.120 kr. Rafræn áskrift til elli- og örorkulífeyrisþega er 1.960 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Guðný Ruth Þorfinnsdóttir gudny@skessuhorn.is
Kristján Gauti Karlsson kgauti@skessuhorn.is
Magnús Þór Hafsteinsson mth@skessuhorn.is
Auglýsingar og dreifing:
Emilía Ottesen, markaðsstjóri emilia@skessuhorn.is
Valdimar Björgvinsson valdimar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Þórarinn Ingi Tómasson toti@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Pósturinn - hálfa leið
endrum og sinnum
Eftir margra ára baráttu hefur hið opinbera hlutafélag Íslandspóstur náð hálf-
um sigri í baráttu sinni við dreifbýlinga. Nú hafa nefnilega vinir fyrirtækisins
í Póst- og fjarskiptastofnun samþykkt að heimila Íslandspósti að skerða um
helming þjónustu sína í öllum sveitum og smærri þorpum landsins. Í stað dag-
legrar póstdreifingar alla virka daga til um sjö þúsund heimila verður hér eft-
ir pósti dreift annan hvern virkan dag, tvo daga aðra vikuna en þrjá daga hina.
Reiknimeistarar Íslandspósts höfðu áður fundið það út að spara mætti 200
milljónir í kostnað við að koma pósti til sveitafólksins. Ekki hef ég forsendur til
að rengja þá útreikninga, en ekki kæmi mér á óvart að eitthvað muni tekjuhlið
þessa ágæta ríkisfyrirtækis skerðast þannig að sparnaðurinn þegar upp verður
staðið verður aldrei svo mikill.
Þegar ég var að alast upp í sveitinni fyrir um hálfri öld, kom póstur á bæ-
inn þrisvar í viku. Það klikkaði bókstaflega aldrei enda var það kaupfélagið sem
sá um þjónustuna og mjólkurbíllinn var flutningstækið. Það ánægjulega við
þessa flutninga var að flutningsaðilinn, mjólkurbílstjórinn, var alltaf með bros
á vör og þótti bara aldeilis sjálfsagt að afhenda póst, rétt eins og mjólkurvör-
ur úr kaupstað, brauðsendingar eða hvaðeina sem pantað var úr kaupfélaginu.
Ég er alls ekki frá því að þeir sem störfuðu við þjónustu þá hafi litið á starf sitt
sem köllun og jafnvel verið þakklátir fyrir að fá launaða vinnu. Þeim þótti ekk-
ert neikvætt að veita okkur sveitatúttunum þjónustu. En tímarnir breytast. Í
stað þess að mjólkurbílar flyttu póstinn var komið upp starfi landpósta. Þjón-
ustan var á tímabili boðin út og ýmsir tóku að sér að aka um sveitir og koma
pósti í réttar hendur. Þegar útboð fóru svo að reynast ohf. fyrirtækinu of dýr
var starfsmönnum Íslandspósts falið að aka með póstinn um sveitirnar og póst-
kassarnir færðir sem lengst frá bæjunum. Svona eins og til að aðlaga íbúa því
sem koma skyldi. Nú er sú þjónusta einnig orðin of dýr. Samt eru vegirnir ná-
kvæmlega jafn langir og þeir voru alla síðustu öld og eldsneytisverð á bíla er
jafnvel í sögulegu lágmarki. Allt kemur þó fyrir ekki.
En hver er ástæðan fyrir þessari afturför? Jú, þeir sem stjórna fyrirtækinu
Íslandspósti eru fyrir margt löngu hættir að líta á sig sem starsfsmenn í þjón-
ustu. Þeir eru komnir á einhvern stall sem rís svo hátt að enginn sér svo langt
upp og það sem verra er, þeir sjá ekki út heldur og vilja það ekki. Nú hafa
þeir líka fengið sínu framgengt; búnir að fá breytt skilgreingingu starfsins sem
þeim var falið að inna af hendi. Nú eru ekki lengur allir landsmenn jafnir hvað
þjónustu Íslandspósts áhrærir og hið opinbera hlutafélag er aðallega til þjón-
ustu við þá sem búa í göngufæri frá pósthúsi. Sveitafólkið er annars flokks á
við aðra íbúa og getur bara átt sig. Þjónustan er einfaldlega orðin lakari en hún
var fyrir fimmtíu árum þegar mjólkurbíllinn kom með póstinn og bílstjórinn
brosti allan hringinn.
Í kjölfar þeirrar ákvörðunar Póst- og fjarskiptastofnunar að heimila Íslands-
pósti að hætta helmingi þeirrar þjónustu sem fyrirtækinu var ætlað að sinna í
dreifðum byggðum þessa lands, legg ég til að Alþingi leggi nú þegar til sölu
á þessu svokallaða ohf. fyrirtæki eða leggi það ella niður. Þá gætu aðrir og
vonandi dugmeiri einstaklingar boðið upp á þessa þjónustu því þrátt fyrir allt
verður áfram þörf fyrir póstþjónustu í landinu. Ég fullyrði að þeir sem tækju
við dreggjum þessa fyrirtækis, eða stofnuðu nýtt með sama hlutverki, myndu
stýra slíkri starfsemi betur en núverandi yfirstjórnendur Íslandspósts hafa sýnt
þeir eru færir um undanfarinn áratug. Þeim hefur með öllu mistekist að breyta
fyrirtækinu enda var stefnumótun sem þeir hófu mislukkuð í öllum megin at-
riðum. Í stað þess að straumlínulaga reksturinn samhliða færri póstsendingum
var byggt upp flutningafyrirtæki í samkeppni við þau sem fyrir voru og opn-
aðar nammibúðir á pósthúsunum. Semsagt verkefni sem áttu ekkert skylt við
póstdreifingu og því fór sem fór.
Magnús Magnússon.
Á þrettándanum, miðvikudaginn
6. janúar síðastliðinn, fagnaði Apó-
tek Ólafsvíkur því að 30 ár voru lið-
in frá því að það var opnað. Það
eru hjónin Óli Sverrir Sigurjóns-
son lyfjafræðingur og Sigríður Þór-
arinsdóttir sjúkraþjálfari sem eiga
það og reka. Óli, sem áður starfaði
sem yfirlyfjafræðingur í Apóteki
Keflavíkur, sótti um lyfsöluleyf-
ið á haustdögum 1985 og var veitt
leyfið frá 6. janúar 1986. Til gam-
ans má geta þess að hvorugt þeirra
hafði komið á Snæfellsnes þegar
Óli sótti um lyfsöluleyfið og komu
hingað í fyrsta sinn þegar leyfið
hafði verið veitt. Þannig má segja
að þetta hafi verið nokkurs konar
óvissuferð sem hafi farið vel því hér
hafa þau búið og starfað öll þessi ár.
Fyrstu árin var rekstur apóteksins
að Ólafsbraut 19, í húsnæði fyrrum
útibús Stykkishólms apóteks, en 24.
febrúar 1992 var starfsemin flutt að
Ólafsbraut 24 þar sem hún hefur
verið síðan.
þa
Apótek Ólafsvíkur þrjátíu ára
Umhverfisstofnun hefur gefið út
starfsleyfi fyrir olíubirgðastöð í
Hvalfirði. Olíubirgðastöðvarnar
að Litla-Sandi og Digralæk 1 eru
nú reknar í einu lagi og með einu
starfsleyfi á vegum Olíudreifing-
ar ehf. Þetta kemur fram í frétt á
vef Umhverfisstofnunar. Starfsleyf-
ið hefur þegar öðlast gildi og gildir
til 10. desember 2031. Olíubirgða-
stöðvarnar í Hvalfirði eru nú rekn-
ar í sameiningu af Olíudreifingu og
Atlantic Tank Storage, sem keypti
meirihluta í birgðastöðinni í Hval-
firði af Skeljungi á síðasta ári. Atl-
antic Tank Storage er að meirihluta
í eigu stærsta olíubirgðastöðvafyr-
irtækis Svíþjóðar. Olíudreifing fer
með starfsleyfið sem gefur heimild
til þess að geyma allt að 133 þúsund
rúmmetra af olíu og bensíni í stöð-
inni og ofanjarðar á Litla – Sandi,
allt að 6.850 rúmmetra í hverjum
geymi. Neðanjarðar á Digralæk 1
má geyma allt að 12.700m3 af olíu í
hverjum geymi. Þá er einnig heimil
móttaka á úrgangsolíu.
Tillaga að starfsleyfi fyrir olíu-
birgðastöðina var auglýst á tíma-
bilinu 24. september til 19. nóvem-
ber sl. Ein umsögn barst á auglýs-
ingatíma og kom hún frá Hvalfjarð-
arsveit. Sneri hún að ýmsum rekstr-
arþáttum, svo sem tryggingum, eft-
irlitsmælingum og fleiru. Aðeins
voru gerðar smávægilegar breyt-
ingar á texta starfsleyfisins frá aug-
lýstri tillögu, að því er kemur fram
á vef UST. Í greinargerð vegna at-
hugasemda á auglýsingatímanum
minnir Umhverfisstofnun rekstrar-
aðila á að hafa í huga ábyrgð sína í
sambandi við fjörurnar í Hvalfirði,
en þær eru á náttúruminjaskrá á
svæðinu frá Olíustöðinni í austri og
að Katanesi í vestri.
grþ
Olíudreifing fær starfsleyfi í Hvalfirði
Olíubirgðastöðin við Litla-Sand í Hvalfirði.
Fyrsta umferð í Spurningakeppni
framhaldsskólanna, Gettu betur, fór
fram síðastliðinn mánudag. 29 skól-
ar sendu inn þátttökutilkynningu
að þessu sinni og situr því Mennta-
skólinn í Reykjavík hjá í fyrstu um-
ferð en þeir áttu sigurliðið í fyrra.
Líkt og undanfarin ár skráðu all-
ir framhaldsskólar á Vesturlandi sig
til leiks. Lið Fjölbrautaskóla Vest-
urlands er skipað sömu liðsmönn-
um og í fyrra, þeim Önnu Chukw-
unonso Eze, Elmari Gísla Gísla-
syni og Jóni Hjörvari Valgarðssyni
en liðið komst í undanúrslit í fyrra í
fyrsta sinn í sögu skólans. Lið Fjöl-
brautaskóla Snæfellinga er skip-
að Guðbjörgu Helgu Halldórs-
dóttur, Ísól Lilju Róbertsdóttur og
Jóni Grétari Benjamínssyni. Helga
Dóra Hólm, Katrín Pétursdóttir og
Steinþór Logi Arnarsson skipa lið
Menntaskóla Borgarfjarðar. Áður
en til keppni kom dró lið Landbún-
aðarháskóla Íslands sig úr keppni, en
það hafði dregist á móti MA.
Keppni í útvarpi hófst á mánu-
daginn og fóru þrjár viðureign-
ir fram á fyrsta kvöldi fyrri umferð-
ar keppninnar á Rás 2. Þar hafði lið
Fjölbrautaskóla Vesturlands bet-
ur gegn liði Fjölbrautaskóla Suður-
lands 29 - 23 og er því komið áfram
í aðra umferð keppninnar á Rás 2. Í
kvöld keppir svo lið Fjölbrautaskóla
Snæfellinga við lið Fjölbrautaskóla
Suðurnesja, kl. 20 og fimmtudaginn
14. janúar munu Menntaskóli Borg-
arfjarðar og Menntaskólinn á Laug-
arvatni etja kappi kl. 20:30. Keppn-
in færist yfir í sjónvarp föstudaginn
5. febrúar, þegar sigurliðin mætast
í átta liða úrslitum. Spyrill í Gettu
betur er Björn Bragi Arnarsson,
spurningahöfundar og dómarar eru
Bryndís Björgvinsdóttir og Stein-
þór Helgi Arnsteinsson. Þeim til að-
stoðar er Björn Teitsson. Umsjónar-
maður Gettu betur og stjórnandi út-
sendingar er Elín Sveinsdóttir.
grþ
Spurningakeppnin Gettu betur er hafin
Fjölbrautaskóli Snæfellinga tekur þátt í Gettu betur spurningakeppni RÚV í kvöld,
miðvikudag. Lið FSN skipa Jón Grétar Benjamínsson, Björg Brimrún Sigurðardóttir
sem er varamaður, Guðbjörg Helga Halldórsdóttir og Ísól Lilja Róbertsdóttir.
Lið FVA er komið í 2. umferð keppninnar eftir sigur á Fjölbrautaskóla Suðurlands á
mánudag.