Skessuhorn - 13.01.2016, Blaðsíða 26
MIÐVIKUDAGUR 13. JANÚAR 201626
„Hversu oft ferðu í sund?“
Spurning
vikunnar
(spurt á Akranesi)
Sigurveig Runólfsdóttir:
„Eiginlega aldrei.“
Sigríður Selma Sigurðardóttir:
„Ég fer fimm til sjö sinnum í
viku, alltaf á morgnana.“
Sævar Þór Erlingsson:
„Nánast aldrei.“
Sævar Guðjónsson:
„Þrisvar til fjórum sinnum í
viku.“
Sigurlín Gunnarsdóttir:
„Um það bil tvisvar í mánuði.“
Síðastliðið mánudagskvöld var kunn-
gjört að Ágúst Júlíusson hefði verið
valinn Íþróttamaður Akraness árið
2015. Hlaut hann að launum Frið-
þjófsbikarinn, farandbikar sem gefinn
var til minningar um Friðþjóf Daní-
elsson. Athöfnin fór fram í íþrótta-
húsinu á Jaðarsbökkum að lokinni
brennu, blysför og flugeldasýningu.
Samkoman átti upphaflega að fara
fram 6. janúar sem hluti af þrettánda-
dagskrá á Akranesi, venju samkvæmt,
en vegna veðurs varð að fresta henni.
Valið fer þannig fram að aðildarfélög
ÍA tilnefna fulltrúa sem þeim þykja
hafa skarað fram úr á árinu 2015 og
stóð valið á milli 15 íþróttamanna.
Valnefnd greiddi atkvæði og raðar
þeim í fyrsta, annað og þriðja sæti.
Atkvæði greiða Skessuhorn, fulltrú-
ar Akraneskaupstaðar, framkvæmda-
stjórn ÍA auk þess sem eitt atkvæði
var sett í almenna kosningu á vef
Akraneskaupstaðar.
Margfaldur
Íslandsmeistari
Ágúst hefur um nokkurra ára skeið
verið fremsti flugsundsmaður
landsins. Hann varð á síðasta ári Ís-
landsmeistari í 50 og 100 m flug-
sundi í 50 m laug og í sömu vega-
lengdum í 25 m laug. Hann synti
með karlasveit Sundfélags Akraness
sem fékk bronsverðlaun í 4x100
m fjórsundi á Íslandsmótinu í 50
m laug og 25 m laug. Ágúst bætti
fjögur Akranesmet á árinu; í 50 m
skriðsundi, 100 m skriðsundi og 50
m flugsundi í 50 m laug. Þá bætti
hann enn fremur fjögur Akranes-
met ásamt boðsundsveitum SA.
Hann var valinn í sundsveit Ís-
lands sem keppti á Smáþjóðaleik-
unum sem fram fóru í Reykjavík að
þessu sinni. Þar hreppti hann silf-
urverðlaun með karlaboðsundssveit
Íslands í 4x100 m fjórsundi. Hann
hafnaði í 4. sæti í 50 m skriðsundi,
5. sæti í 100 m flugsundi og 4. sæti
í 4x100 m skriðsundi ásamt skrið-
sundssveit Íslands.
Annað og þriðja sætið
Í öðru sæti hafnaði Valdís Þóra Jóns-
dóttir, kylfingur úr Golfklúbbnum
Leyni. Hún er atvinnumaður í golfi,
margfaldur Íslandsmeistari og hefur
lengi verið meðal fremstu kylfinga
landsins. Hún keppti lítið á Íslandi á
árinu en hafnaði í 2. sæti á Íslands-
mótinu sem haldið var á Akranesi.
Valdís keppti hins vegar á 13 mót-
um á LET Access mótaröðinni, sem
er önnur sterkasta mótaröð kvenna í
Evrópu. Árangur hennar þar tryggði
henni þátttökurétt á úrtökumóti fyrir
Evrópumótaröð kvenna. Leikið var í
desember síðastliðnum og komst
Valdís ekki áfram.
Í þriðja sæti hafnaði badminton-
maðurinn Egill Guðvarður Guð-
laugsson. Hann hefur um nokkurra
ára skeið verið meðal fremstu bad-
mintonmanna landsins og situr sem
stendur í 4. sæti styrkleikalista Bad-
mintonsambands Íslands bæði í ein-
liðaleik og tvenndarleik. Egill sigraði
á Akranesmótinu í einliðaleik, hafn-
aði í 2. sæti í einliðaleik á Atlamótinu
og varð þar með fyrsti badminton-
maðurinn sem keppir undir merkj-
um ÍA til að komast í úrslit í einliða-
leik karla á móti sem tilheyrir Meist-
aramóti Íslands.
Íþróttamennirnir 15 sem tilnefnd-
ir voru af aðildarfélögum hlutu
allir viðurkenningu á athöfninni á
mánudaginn. Þeir eru:
Egill Guðvarður Guðlaugsson,
badmintonmaður ársins
Ragna Dís Sveinbjörnsdóttir,
fimleikakona ársins
Jakob Svavar Sigurðsson,
hestaíþróttamaður ársins
Tinna Von Gísladóttir Waage,
hnefaleikakona ársins
Laufey María Vilhelmsdóttir,
íþróttakona Þjóts
Elsa María Guðlaugsdóttir,
karatekona ársins
Valdís Þóra Jónsdóttir,
kylfingur ársins
Skúli Freyr Sigurðsson,
keilumaður ársins
Ármann Smári Björnsson,
knattspyrnumaður ársins
Unnur Ýr Haraldsdóttir,
knattspyrnukona ársins
Sigurjón Guðmundsson,
knattspyrnumaður Kára
Arnar Harðarson,
kraftlyftingamaður ársins
Fannar Freyr Helgason,
körfuknattleiksmaður ársins
Ágúst Júlíusson,
sundmaður ársins
Axel Guðni Sigurðsson,
vélhjólaíþróttamaður ársins
kgk
Ágúst Júlíusson er
Íþróttamaður Akraness 2015
Ágúst Júlíusson er Íþróttamaður
Akraness árið 2015.
Efstu þrjú sætin. F.v. Drífa Siggerðar-
dóttir sem tók við verðlaunum fyrir
hönd Egils Guðvarðar Guðlaugssonar
bróður síns, Ágúst Júlíusson og Valdís
Þóra Jónsdóttir.
Allir íþróttamennirnir, eða fulltrúar þeirra, sem komu til greina í valinu á Íþróttamanni Akraness fyrir árið 2015.
Grundarfjarðarbær í samstarfi við
Ungmennafélag Grundarfjarð-
ar hefur hrundið af stað svokall-
aðri Hreystiviku en hún stendur
yfir dagana 11. - 17. janúar. Margt
verður í boði fyrir alla en helst ber
að nefna fyrirlestur með Halldóri
Björnssyni landsliðsþjálfara U-17
hjá KSÍ en hann kom til Grundar-
fjarðar 11. janúar og var með fyrir-
lestur hjá krökkunum í grunnskól-
anum. Þá stjórnaði hann æfingum í
íþróttahúsinu fyrir alla aldurshópa
og var svo með opinn fyrirlestur í
Bæringsstofu. Þá verður stofnfund-
ur Skraflfélags Grundarfjarðar, fríir
prufutímar í Líkamsræktinni, opið
hús hjá hestamönnum, Verum við
sjálf - fræðsla um meðvirkni með
Valdimar Þór Svavarssyni ásamt því
að allir tímar á vegum Ungmenna-
félags Grundarfjarðar eru opnir
öllum þessa viku. Þá verður Ísland -
Noregur á EM í handbolta sýndur
í Bæringsstofu. Það er því ljóst að
það verður mikil hreyfing á Grund-
firðingum þessa vikuna.
tfk
Hreystivika hafin í Grundarfirði
Hreystivikan fór í gang á mánudaginn og hér er Haraldur Björnsson að byrja
fótboltaæfingu með unga fólkinu.
Leó Örn Þrastarson hefur skrifað undir samn-
ing við Víking Ólafsvík um að spila með
meistaraflokksliðinu í knattspyrnu. Gildir
samningurinn út 2018. Leó Örn er efnileg-
ur í boltanum og hefur æft og spilað und-
ir merkjum Víkings, Víkings/Reynis og Snæ-
fellsnessamstarfsins síðan hann byrjaði að
æfa.
þa
Valur tók á móti Snæfelli í fyrsta leik Íslands-
mótsins eftir jólafrí í Valshöllinni síðastliðinn
miðvikudag. Glöggt mátti sjá á gangi leiks-
ins að hraustlega hefur verið tekið á því í
jólasteikunum um hátíðirnar því bæði lið
voru nokkuð þung og skorti samhæfingu.
Snæfellsstúlkur náðu þó að landa naumum
sigri, 72:69 og fylgja í humátt á eftir Hauk-
um á toppi deildarinnar. Langt er síðan í
þriðja liðið í deildinni. Stigatalan eftir leik-
inn er þannig að Haukar hafa 22 stig, Snæfell
20 en Keflavík og Grindavík 12 hvort. Í leikn-
um í gær Setti Haiden Denise Palmer 18 stig,
Berglind Gunnars 16 og Bryndís Guðmunds-
dóttir 12.
mm
Lars Lagerbäck og Heimir Hallgrímsson, þjálf-
arar íslenska karlalandsliðsins í knattspyrnu,
tilkynntu fyrr í síðustu viku 23 manna lands-
liðshóp sem mætir Finnum og Sameinuðu
arabísku furstadæmunum í tveimur vináttu-
leikjum í Abú Dabí síðar í mánuðinum. Fjórir
nýliðar eru í hópnum og þeirra á meðal fram-
herjinn Garðar Gunnlaugsson, markaskorari
og leikmaður ÍA. Garðar lék 17 leiki fyrir ÍA á
síðasta tímabili og skoraði í þeim níu mörk.
Verða leikirnir í Abú Dabí fyrstu leikir Garð-
ars með A-landsliðinu, en hann hefur áður
tekið þátt í verkefnum með yngri landslið-
um Íslands.
Áhugasömum er bent á að landsliðshópinn í
heild sinni má sjá á heimasíðu Knattspyrnu-
sambands Íslands, www.ksi.is.
kgk
Víkingar tryggja
sér Leó Örn
Snæfellsstúlkur
höfðu nauman sigur
Gunnhildur Gunnarsdóttir leik-
maður Snæfells í einni sókninni.
Ljósm. þe.
Jónas Gestur og Leó Örn handsala
samninginn.
Garðar valinn í
landsliðið
Framherjinn Garðar Gunnlaugsson
skoraði níu mörk í 17 leikjum fyrir
ÍA síðastliðið sumar. Ljósm. gbh.