Skessuhorn - 13.01.2016, Blaðsíða 15
MIÐVIKUDAGUR 13. JANÚAR 2016 15
Þorgeir & Ellert hf. er gamalgróið málmiðnaðar-
fyrirtæki með sögu allt aftur til 1928.
Starfssemi fyrirtækisins byggir aðallega á tvennu.
Annars vegar þjónustu við útgerðir og stóriðjur og
hins vegar eigin framleiðslu, svo sem framleiðsla á
sjálfvirkum plötufrystum.
Þorgeir & Ellert hf. óskar eftir því að ráða tæknimann
til að sinna hönnun og tilboðsgerð fyrir fyrirtækið.
Umsækjandi þarf að uppfylla
eftirfarandi skilyrði:
Hafi menntun og starfsreynslu í málmiðnaði.
Hafi reynslu af notkun AutoCad og Inventor
teikniforrita.
Æskilegt er að viðkomandi geti hafið störf sem fyrst.
Nánari upplýsingar gefur Ingólfur Árnason
framkvæmdastjóri í síma 897-1403.
Umsóknum með ferilskrá skal skilað á netfangið
ingólfur@skaginn3x.com fyrir 29.janúar 2016.
TÆKNIMAÐUR
Þorgeir & Ellert hf., Bakkatúni 26, 300 Akranes
SK
ES
SU
H
O
R
N
2
01
6
Útboð
Faxaflóahafnir sf. óska eftir tilboðum í verkið:
Klafastaðaland Grundartanga
Lóðagerð 5. áfangi 2016
Verkið felst í jarðvegsskiptum á lóðinni Klafastaða-
vegur 5 á Grundartanga, ásamt námuvinnslu.
Helstu magntölur:
Gröftur 24.000 m3
Sprengingar í námu 20.000 m3
Fylling með kjarna 18.000 m3
Fylling með grús 16.000 m3
Verklok eru fyrir 1. maí 2016.
Útboðsgögn verða afhent á stafrænu formi með því
að senda beiðni á netfang
akranes.utbod@mannvit.is frá þriðjudeginum 12.
janúar 2016.
Tilboðum skal skila á skrifstofu Faxaflóahafna,
Hafnarhúsinu, Tryggvagötu 17, 101 Reykjavík, fyrir
föstudaginn 29. janúar 2016 kl. 11:00.
Gleðilegt heilsuræktarár 2016
Morguntrimm • spinning • hádegispúl • átakstímar • sundleikfimi • leiðsögn í þreksal
Opið alla virka daga kl. 6.00 – 22.00 • Laugardaga og sunnudaga kl. 9.00 – 18.00
Verið velkomin
Íþróttamiðstöðin í Borgarnesi - www.borgarbyggd.is
S
K
E
S
S
U
H
O
R
N
2
01
6
Fregn um andlát Ingunnar M. Jóns-
dóttur, Ingu á Bræðraparti, barst okk-
ur á Akranesi í lok nýliðins árs. Hún
lést á hjúkrunarheimili í Kaliforníu,
9. desember, 93 ára að aldri. Inga var
seinust eftirlifandi stofnenda sjóðs
sem myndaður var til minningar
um hjónin á Bræðraparti, Guðlaugu
Gunnlaugsdóttur húsmóður og Jóns
Gunnlaugssonar útvegsbónda, for-
eldra Ingu.
Upphaflegur tilgangur minning-
arsjóðsins var að styrkja fátækt ungt
fólk til náms í sjávarútvegsfræðum og
vinnslu sjávarafurða, til náms í skip-
stjórn, vélstjórn, verkstjórn og fisk-
iðnaði. Stofnfé sjóðsins var landar-
eignin Bræðrapartur, þrír og hálf-
ur hektari lands með öllum gögn-
um og gæðum. Með landareigninni
fylgdu leigulóðarsamningar af land-
inu og hafa leigutekjur alla tíð runn-
ið til sjóðsins.
Með breyttum aðstæðum í at-
vinnuháttum á Akranesi sóttu færri
um styrki úr sjóðnum en stofnend-
urnir hugðu. Það var því einlægur
vilji þeirra sem skipuðu stjórn sjóðs-
ins að leggja hann niður og ráð-
stafa stærstum hluta hans til málefna
tengdum slysavörnum og samfélags-
málum á Akranesi.
Þann 28. febrúar 2014 var minn-
ingarsjóðurinn formlega lagður nið-
ur, en framsal veitt fyrir á annað
hundrað milljónum króna til upp-
byggingar og velferðar á Akranesi,
eins og kom fram í ávarpi Elínar Sig-
rúnar Jónsdóttur í bæjarþingsaln-
um á Akranesi þegar hún minntist
afa síns og ömmu frá Bræðraparti.
Bróðurpartur sjóðsins rann til björg-
unarmála, m.a. til endurnýjunar á
björgunarbát Björgunarfélags Akra-
ness. Einnig var fé varið til lagfær-
ingar og varðveislu á bátnum Sæ-
unni, hjallinum og öðrum munum
sem eru í Byggðasafninu í Görðum
og tengjast Bræðraparti -voru reynd-
ar gefnar safninu af þeim systkinum;
og einnig til endurbóta sem gerðar
hafa verið á gamla vitanum á Breið,
en þar var Jón Gunnlaugsson vita-
vörður í rúmlega 30 ár. Einnig var
fé varið til uppsetningar á heitri laug
við Langasand.
Í ávarpi Elínar kom það fram að það
væri að frumkvæði Ingu sem sjóðn-
um væri nú slitið og lokað: „Hún er
mjög sátt við ráðstöfun eigna sjóðs-
ins. Hennar hugur hefur ætíð ver-
ið á Akranesi og hún biður fyrir kær-
ar kveðjur til íbúa og stjórnenda síns
gamla bæjarfélags, sem fóstraði hana
svo vel,“ sagði Elín enn fremur í
ræðu sinni við þetta tækifæri.
Inga fæddist 2. nóvember 1922,
yngst systkinanna fimm á Bræðra-
parti. Hún tók fljótlega þátt í dag-
legum störfum á heimilinu, m.a. við
kartöfluræktina, koma kúnni á beit,
strokka smjörið auk þess sem hún að-
stoðaði föður sinn við að hreinsa og
pússa glerin í gamla vitanum, hvern-
ig sem viðraði. Hún stundaði nám í
Verslunarskóla Íslands í Reykjavík og
eftir það vann hún á skrifstofu HB &
Co við almenn skrifstofustörf.
Á árinu 1941 þegar landgöngu-
liðar bandaríska flotans leystu Breta
og Kanadamenn af hólmi við varn-
ir landsins, kynntist hún bandaríska
landgönguliðanum George Free-
berg, sem var af sænskum ættum og
fæddur í Svíþjóð. George var fljót-
lega sendur til átakasvæðanna á
Kyrrahafi, en þau tóku upp bréfa-
samband til 1948, þegar Inga gift-
ist George og fluttist til Kaliforníu.
Þar áttu þau heimili upp frá því bæði
í Los Angeles, Ventura og Carlsbad.
Inga og George eignuðust þrjú elsku-
leg börn, Eric, Carl og Lisu. George
lést árið 2013, en börnin voru saman
komin með móður sinni þegar hún
kvaddi þennan heim. Barnabörnin
eru 8 og barnabarnabörnin 2 og eitt
á leiðinni.
Inga tók þátt í starfi þjóðrækn-
isfélaganna í Kaliforníu af fullum
krafti. Hún stundaði jóga löngu áður
en fólk þar um slóðir hafði heyrt um
það. Einnig fór hún í gönguferðir
sér til heilsubótar og ekki dró hún úr
þeim eftir að hún greindist með liða-
gigt sem hrjáði hana seinustu árin.
Inga bjó fjarri átthögum sínum í
hátt í 70 ár; en það er til marks um
átthagatryggð hennar að reglulega
hafði hún samband við gömlu vin-
konur sínar þær Öldu og Sjöfn á
Auðnum, sem ættaðar voru frá Sý-
ruparti, næsta bæ við Bræðrapartinn.
Þær ýmist hringdust á eða skrifuðu
bréf, því Inga þurfti að heyra nýjustu
fréttir af lífinu á Akranesi, sérstak-
lega Niðurskaganum, sem hún unni
svo heitt.
Ingu á Bræðraparti mun ávallt
verða minnst sem mikils velgjörðar-
manns átthaga sinna, eins og raunar
á við um öll systkinin frá Bræðrap-
arti. Ég tek mér það bessaleyfi fyr-
ir hönd Akurnesinga að senda fjöl-
skyldu Ingu Jónsdóttur á Bræðra-
parti samúðarkveðjur vegna fráfalls
hennar og einnig þakkir fyrir vináttu
og tryggð sem hún hefur alla tíð sýnt
fæðingarbæ sínum Akranesi.
Ásmundur Ólafsson.
Ingunn M. Freeberg Jónsdóttir
frá Bræðraparti er látin
Nú fyrir jólin tóku nánast öll fyr-
irtæki í Snæfellsbæ sig saman,
að frumkvæði Kára Viðarsson-
ar í Frystiklefanum, og gáfu öll-
um börnum í 8. til 10. bekk grunn-
skólans sem og meðlimum Félags
eldri borgara í Snæfellsbæ ársmiða í
Frystiklefann, leikhús og menning-
armiðstöð í Rifi. Ársmiðinn gildir á
alla viðburði í húsinu í heilt ár og
ljóst að það verður af nógu að taka.
Menningarviðburðir í Frystiklef-
anum árið 2015 voru yfir hundr-
að talsins og allt útlit fyrir að eitt-
hvað svipað og sennilega meira
verði uppi á teningnum á þessu ári,
að sögn Kára. Erlendir sem og inn-
lendir listamenn sækjast eftir því að
koma fram í klefanum og nú þeg-
ar hafa nokkrir af frambærilegustu
tónlistarmönnum landsins boðað
komu sína í Rif á þessu ári. Má þar
nefna Björn Thoroddsen, Hljóm-
sveitirnar Valdimar og Kiriyama
Family og Kvennakórinn Kötlurn-
ar.
Ennfremur segir Kári að hans
mati sé hér um ákveðna menning-
arbyltingu að ræða og bera góð-
ar viðtökur fyrirtækja í bænum við
þessari hugmynd vott um það að
Frystiklefinn sé búinn að skipa sér
mikilvægan sess í bæjarlífinu. „Hér
í bæ virðist vera skilningur fyr-
ir mikilvægi menningarstarfs og
einnig ákveðin ánægja og þakklæti
fyrir þann standard og þau gæði í
listviðburðum sem þetta litla leik-
hús sendir frá sér,“ segir Kári í sam-
tali við Skessuhorn. af
Ungir og gamlir fá aðgang að
viðburðaríku ári í Frystiklefanum
Kári Viðarsson afhenti Emanúel Ragnarsyni formanni Félags eldri borgara í
Snæfellsbæ áskriftarkortin. Með þeim á myndinni lengst til vinstri er Erla Laxdal
Gísladóttir formaður skemmtinefndar félagsins.