Skessuhorn - 02.03.2016, Side 2
MIÐVIKUDAGUR 2. MARS 20162
Það er mikið um að vera í menningunni á
Vesturlandi um þessar mundir og leikverk
áberandi. Sagt er frá fjórum leiksýningum í
Skessuhorni vikunnar sem ýmist standa yfir
eða eru framundan á Vesturlandi.
Á morgun, fimmtudag, spáir austlægri eða
breytilegri átt, 3-8 m/s en 8-13 syðst á land-
inu. Víða verður bjartviðri en skýjað og él
við suður- og suðausturströndina. Hæg-
ari vindur og þurrt seinni part dags. Frost
0-10 stig. Vestlæg átt, 3-10 m/s á föstudag.
Skýjað með köflum á Norður- og Vestur-
landi en annars úrkomulítið. Hlýnar heldur,
einkum á Vesturlandi. Suðlæg átt 3-10 m/s
á laugardag. Léttskýjað norðaustanlands
en annars skýjað með köflum. Þykknar upp
með slyddu og síðar rigningu vestan til um
kvöldið. Frost 0-7 stig en hlánar vestanlands.
Á sunnudag er útlit fyrir vestlæga átt og él
vestanlands en suðlægari átt með slyddu
eða snjókomu um landið austanvert. Hiti
um og undir frostmarki. Vestlæg eða breyti-
leg átt á mánudag og víða bjartviðri. Hiti
breytist lítið.
Í síðustu viku var spurt á vef Skessuhorns:
„Hvað þykir þér best að setja út á hafra-
grautinn?“ „Set ekkert út á hann“ sögðu
flestir, 15,82% en 13,49% strá sykri yfir. „Salt“
sögðu 10,04%, „kanil og sykur“ sögðu 9,63%
en 9,13% „bara kanil“. 8,01% svöruðu „lýsi“,
7,71% „hnetusmjör“ og „sýróp“ hlaut 6,49%
atkvæða. „Annað“ sögðu 8,72%.
Í næstu viku er spurt:
Hve mörgum klukkustundum á dag
eyðir þú á samfélagsmiðlum?
Gunnar Svanlaugsson lætur á vormánuð-
um af störfum sem skólastjóri Grunnskól-
ans í Stykkishólmi. Hann hefur starfað við
kennslu á Vesturlandi undanfarin 40 ár og
leiðbeint mörgum Vestlendingnum, fyrst í
Héraðsskólanum í Reykholti og svo í Stykk-
ishólmi. Gunnar er Vestlendingur vikunnar
að þessu sinni.
Til minnis
Veðurhorfur
Spurning
vikunnar
Vestlendingur
vikunnar
Níu óhöpp í
umferðinni
VESTURLAND: Alls urðu
níu umferðaróhöpp í umdæmi
Lögreglunnar á Vesturlandi í
liðinni viku. Þar af eitt alvar-
legt umferðarslys, bílvelta á
Skógarströnd, þar sem sex ít-
alskir ferðamenn veltu bíla-
leigubíl sínum. Þrennt var
flutt með þyrlu á sjúkrahús til
Reykjavíkur. Tvennt reyndist
lítið meitt en sú þriðja, kona,
slasaðist mikið en er þó ekki
í lífshættu og er ekki lengur
á gjörgæslu. Um minnihátt-
ar óhöpp var að ræða í flest-
um öðrum tilvikum. Í einu
óhappinu er talið að öku-
maðurinn hafi sofnað undir
stýri með þeim afleiðingum
að bíllinn hafnaði á umferð-
armerki. Ökumaðurinn slapp
án meiðsla enda með öryggis-
beltið spennt. Einn ökumað-
ur var tekinn í vikunni sem
leið grunaður um að hafa ekið
undir áhrifum lyfja.
-mm
Fimmta hver
króna í hagnað
HB GRANDI: HB Grandi
hefur birt niðurstöðu árs-
reiknings fyrir 2015. Reikn-
ingurinn er gerður upp í evr-
um, en umreiknað á meðal-
gengi síðasta árs voru rekstr-
artekjur 32,9 milljarðar króna,
ebitda frá rekstri 7,9 milljarðar
og hagnaður eftir fjármagns-
liði 6,5 milljarðar króna. Þetta
jafngildir 19,75% nettóhagn-
aði af rekstri. Eignir fyrirtæk-
isins voru samkvæmt efna-
hagsreikningi 55,7 milljarð-
ar króna á lokagengi síðasta
árs, skuldir 21,1 milljarður
og eigið fé því 34,6 milljarð-
ar króna. Aðalfundur félags-
ins verður haldinn 1. apríl.
Stjórn HB Granda leggur til
að á árinu 2016 verði greidd-
ur úr arður sem nemur 3.083
milljónum króna. HB Grandi
hf. gerði út níu fiskiskip í árs-
lok. Á árinu var lokið við smíði
tveggja uppsjávarskipa, Ven-
usar og Víkings. Þá fer smíði
þriggja ísfisktogara nú fram í
Tyrklandi, en gert er ráð fyr-
ir að fyrsta skipið verði afhent
næsta haust. Árið 2015 var
afli skipa félagsins 48 þúsund
tonn af botnfiski og 128 þús-
und tonn af uppsjávarfiski.
-mm
Lítið
atvinnuleysi
LANDIÐ: Samkvæmt Vinnu-
markaðsrannsókn Hagstofu Ís-
lands voru að jafnaði 192.500
manns á aldrinum 16-74 ára á
vinnumarkaði í janúar 2016,
sem jafngildir 81,7% at-
vinnuþátttöku. Af þeim voru
187.200 starfandi og 5.400 án
vinnu og í atvinnuleit. Hlut-
fall starfandi af mannfjölda
var 79,5% og hlutfall atvinnu-
lausra af vinnuafli var 2,8%.
Samanburður mælinga í janú-
ar 2015 og 2016 sýnir að það
fjölgaði í hópi vinnandi fólks
um 7.700 einstaklinga. Fjöldi
starfandi jókst um 10.400 og
hlutfallið af mannfjölda um
2,8 prósentustig. Atvinnulaus-
um fækkaði um 2.600 manns.
–mm
STYÐJUM
FRAMLEIÐSLU Á
VESTURLANDI
OPIÐ DAGLEGA
12-17
Ljómalind Sveitamarkaður, Brúartorgi 4, Borgarnesi.
Sími 437-1400. Netfang: ljomalind@ljomalind.is
Háskóladagurinn verður með kynn-
ingar í Fjölbrautaskóla Vestur-
lands og Fjölbrautaskóla Snæfell-
inga þriðjudaginn 8. mars nk. Allir
háskólar landsins kynna þar náms-
leiðir sínar, sem eru yfir 500 talsins,
og námsráðgjafar verða á staðnum.
Kynningin á Akranesi verður kl. 10
- 11:30 og í Grundarfirði sama dag
kl. 14 - 15:30.
„Það er ekki á hverjum degi sem
allir háskólar landsins mæta í FVA
og FSN til að kynna allt háskóla-
nám á Íslandi,“ segir Hallfríður Þóra
Tryggvadóttir, verkefnastjóri Há-
skóladagsins um kynningar Háskóla-
dagsins á Vesturlandi þann 8. mars.
„Það verður bara brunað á milli skól-
anna því við viljum hitta sem flesta
sem hafa áhuga á háskólanámi,“ seg-
ir hún jafnframt. Allir háskólar á Ís-
landi standa í sameiningu fyrir Há-
skóladeginum sem fer fram í Reykja-
vík laugardaginn 5. mars frá kl. 12 til
16. Eftir þann dag halda háskólarn-
ir í ferð um landið til að kynna þær
námsleiðir sem háskólarnir bjóða
upp á. „Þetta er einstakt tækifæri fyr-
ir þá sem ætla að hefja háskólanám
næsta haust eða vilja skoða hvaða
möguleikar eru í boði,“ segir Hall-
fríður og bætir við að allir séu vel-
komnir.
Háskóli Íslands, Háskólinn á Ak-
ureyri, Háskólinn á Bifröst, Háskól-
inn á Hólum, Háskólinn í Reykja-
vík, Landbúnaðarháskóli Íslands og
Listaháskóli Íslands kynna náms-
framboð sitt, á grunn- og framhalds-
stigi. Háskóladagurinn veitir fram-
tíðarnemendum tækifæri til þess að
hitta námsráðgjafa, kennara, starfs-
menn og nemendur háskólanna svo
þeir geti tekið upplýsta ákvörðun um
námsval. „Við hvetjum fólk á öllum
aldri til þess að mæta hvort sem þeir
eru að útskrifast úr framhaldsskóla
eða vilja bæta við sig meistaranámi.
Það er margt í boði í þessum sjö há-
skólum landsins og vert að kynna
sér fjölbreytileikann sem ríkir innan
veggja háskólanna,” segir Hallfríður.
mm
Háskóladagurinn heimsækir Vesturland næsta þriðjudag
Karl Garðars-
son alþingismað-
ur hefur ákveðið
að leggja fram allt
að tíu mál í þingi
á næstu mánuð-
um, sem öll tengj-
ast baráttunni
gegn kennitölu-
flakki. Um er að ræða lagafrum-
vörp og þingsályktunartillögur.
„Nokkrir þingmenn hafa bent á
að kennitöluflakk verði ekki alfar-
ið stöðvað með frumvarpinu sem
lagt var fram í síðustu viku. Það
er rétt, enda var það hugsað sem
fyrst skref í baráttunni gegn þeirri
óværu sem kennitöluflakkið er. Það
mun gera hinum seku erfiðara fyr-
ir, en þeir munu finna aðrar gluf-
ur,“ segir Karl. Þá nefnir hann að
einnig hafi verið kvartað undan því
að kennitölufrumvarpið sé íþyngj-
andi. „Þannig er fullyrt að hugsan-
lega munum við missa af næsta Bill
Gates á meðal vor, ef menn fá ekki
að setja nokkur fyrirtæki á hausinn,
með tilheyrandi kostnaði fyrir þjóð-
félagið, áður en þeir slá í gegn. Rétt
er að benda á og ítreka að frum-
varpið gerir einungis ráð fyrir að
menn taki pásu eftir tvö gjaldþrot á
þremur árum. Kannski geta þeir þá
unnið betur að viðskiptaáætlunum
sínum. Er það ósanngjörn krafa,“
spyr Karl
Hann segir það undarlega hug-
myndafræði að líta á kennitölu-
flakk, tollalagabrot eða skattsvik
sem saklausan hlut. „Kostnað-
ur þjóðfélagsins nemur allt að 100
milljörðum króna á ári. Ríkið tap-
ar, starfsmenn tapa, birgjar tapa
o.s.fv. Oft leiðir þetta til keðjuverk-
andi gjaldþrota. Þingmálin tíu eru
lögð fram til að koma skikki á þessa
hluti. Verða þau íþyngjandi? Já, ef-
laust mörg þeirra. En umferðar-
lögin eru líka íþyngjandi, ef menn
vilja taka slíka umræðu,“ segir Karl
Garðarsson. mm
Tugur þingmála væntanlegur um kennitöluflakk
Hafin er vinna við mótun Menning-
arstefnu Vesturlands, en hún er unn-
in á vegum Samtaka sveitarfélaga
á Vesturlandi og er liður í Sóknar-
áætlun. Að sögn Páls Brynjarssonar,
framkvæmdastjóra SSV, hefur stað-
ið til í nokkurn tíma að móta sér-
staka menningarstefnu fyrir Vestur-
land líkt og gert hefur verið í öðrum
landshlutum á undanförnum árum.
„Menningarstefna Vesturlands er
fyrst og fremst hugsuð sem ákveð-
ið leiðarljós fyrir Uppbyggingarsjóð
varðandi úthlutun styrkja til menn-
ingarverkefna í landshlutanum, en
einnig sem leiðarljós fyrir samstarf
sveitarfélaga á Vesturlandi á sviði
menningarmála,“ segir Páll.
Markmiðið er að finna sameigin-
legar áherslur í heildstæðri menn-
ingarstefnu fyrir landshlutann og
kveðst Páll vona að sveitarfélög geti
nýtt sér stefnuna til að vinna sína eig-
in. Hann telur að mótun heildstæðr-
ar stefnu í menningarmálum geti
veitt menningu á Vesturlandi ákveð-
inn styrk. „Hér hefur margt jákvætt
gerst á undanförnum árum og öflug
fyrirtæki orðið til í þessum skapandi
greinum. Við þurfum ekki að líta
lengra en til Frystiklefans í Rifi og
Landnámssetursins í Borgarnesi. Þar
blómstrar menning og hefur skap-
að fjölda starfa, svo ég nefni bara tvö
dæmi af fjölmörgum,“ segir Páll.
Fulltrúar SSV ferðast á næstunni
um Vesturland og kynna verkefnið
á opnum fundum. Þar gefst íbúum
landshlutans kostur á að taka þátt í
og hafa mótandi áhrif á gerð stefn-
unnar með þátttöku í vinnuhópum á
fundunum. Fyrsti fundurinn verður
7. mars í Samkomuhúsinu í Grund-
arfirði, annar 8. mars í Leifsbúð í
Búðardal, þriðji 10. mars í Heiðar-
skóla í Hvalfjarðarsveit, fjórði 14.
mars í Garðakaffi á Akranesi og síð-
asti fundurinn verður haldinn 16.
mars að Bjarnarbraut 8 í Borgarnesi.
Allir fundirnir hefjast kl. 17:30.
kgk
Íbúar geta mótað menningarstefnu Vesturlands
Foreldraráð leikskólans Vallarsels á
Akranesi sendi bæjarráði Akranes-
kaupstaðar nýverið bréf þar sem
lýst er yfir þungum áhyggjum af
ástandi leikskólalóðarinnar. Í bréf-
inu segir að lengi hafi vatnssöfn-
un verið til vandræða í garðinum
við skólann og margoft hafi ver-
ið kvartað til yfirvalda vegna máls-
ins. „Nú er svo komið að garður-
inn er oft nánast ófær og ekki hægt
að senda börnin út til að leika sér.
Þó svo að auðvitað sé fullt eftirlit
þá má ekki mikið út af bregða svo
úr geti orðið stórslys. Vatnsdýpt-
in þarf ekki að vera nema 5 cm svo
að úr geti orðið slys ef barn dettur
ofan í,“ segir orðrétt í bréfinu. Þá
kemur einnig fram að slökkviliðs-
stjóri hafi komið þó nokkrum sinn-
um til að dæla upp vatni úr pollum
og að hann hafi áætlað að vatns-
dýptin í stærsta pollinum væri 40
- 50 cm þegar mest var. „Að auki
má benda á það að utan leikskóla-
tíma er garðurinn opinn almenn-
ingi og oft eru þar börn að leik án
þess að eftirlit sé haft með þeim,“
segir jafnframt í bréfinu.
Að sögn Brynhildar Bjargar Jóns-
dóttur, leikskólastjóra á Vallarseli,
hefur Akraneskaupstaður svarað er-
indinu og hyggst laga garðinn um
leið og aðstæður leyfa. „Við höf-
um ekki fengið neitt annað en góð-
ar fréttir og vorum reyndar búin að
fá þær góðu fréttir nánast á sama
tíma og bréfið var sent. Málið er
allt í mjög góðum farvegi og ég hef
fulla trú á að það verði staðið við
það svar sem við fengum, að það
verði brugðist við um leið og fer að
vora og hægt verður að laga garð-
inn,“ segir Brynhildur Björg.
grþ
Vatnssöfnun á leikskólalóð talin skapa hættu
Djúpir pollar myndast í garðinum við leikskólann Vallarsel. Til stendur að lóðin
verði lagfærð með vorinu.