Skessuhorn - 13.04.2016, Síða 4
MIÐVIKUDAGUR 13. APRÍL 20164
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.700 krónur með vsk. á mánuði. Elli- og örorkulífeyrisþegar greiða
kr. 2.340. Rafræn áskrift kostar 2.120 kr. Rafræn áskrift til elli- og örorkulífeyrisþega er 1.960 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Guðný Ruth Þorfinnsdóttir gudny@skessuhorn.is
Kristján Gauti Karlsson kgauti@skessuhorn.is
Auglýsingar og dreifing:
Lísbet Sigurðardóttir lisbet@skessuhorn.is
Valdimar Björgvinsson valdimar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Þórarinn Ingi Tómasson toti@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Féllu á fjölmiðlaprófinu
Ekki er ofsagt að þau ósköp sem hófust á stjórnarheimilinu 3. apríl síð-
astliðinn jaðri við ofbeldi í garð venjulegra Íslendinga. Þessi ósköp voru
reiðarslag að því leyti að búið er að sanna fyrir okkur sauðsvörtum almúg-
anum að það siðrof sem átti sér stað árin fyrir gjaldþrot íslensku bankanna
2008 er enn grasserandi í röðum fjármála- og valdafólks. Við, þessir vit-
leysingar, sem kusum að trúa því að batnandi siðferði hafi einkennt stjórn-
málin frá hruni, höfum orðið fyrir óendanlegum vonbrigðum. Persónu-
lega leið mér til dæmis verr að kvöldi sunnudagsins 3. apríl en að kvöldi 6.
október 2008. Kannski er ég einn um það, hef ekki rætt það við marga. Að
upplifa að þeir sem áttu að vera í forsvari fyrir allar helstu ákvarðanir sem
snúa að velferð okkar og framtíð, skuli segja ósatt, leiki tveimur skjöld-
um eða taki jafnvel hagsmuni sína framyfir hagsmuni umbjóðenda sinna
er skelfilegt. Ekki er síður umhugsunarvert að heilu flokkarnir kjósi að
hópa sig í klappliðið og verja slíkar gjörðir með kjafti og klóm í stað þess
að sýna þá auðmýkt að skammast sín fyrir meðvirknina.
Í þeirri orrahríð sem varð í kjölfar birtingar viðtalsins fræga við frá-
farandi forsætisráðherra í Kastljósi sunnudaginn 3. apríl hefur ýmislegt
komið á daginn sem ástæða er til að benda á. Ekki síst er hlutur fjölmiðla
rannsóknarefni og hvernig þeir opinberuðu sumir hverjir innræti sitt og
bakland. Sumir þeirra stóðu sig prýðilega. Aðrir fóru strax í ótrúlega vörn
fyrir ráðamenn og gerðu sem allra minnst úr alvarleika þess máls að auð-
menn kjósi að geyma fjármuni í skattaskjólum og leyni upplýsingum um
eigur sínar. Sama fólkið og talað hefur tæpitungulaust máli þeirra sem
ríghalda vilja í íslenska krónu, veikasta gjaldmiðil í heimi, eins og það sé
eitthvað kappsmál fyrir almenning! Gleymum því ekki að krónu fylgir
fórnarkostnaður sem heitir okurvextir, verðbætur og höft. Það er allavega
ekkert kappsmál fyrir mig persónulega að hafa áfram gjaldmiðil sem fólk
er fyrir löngu hætt að beygja sig eftir ef það sér liggjandi á götu!
Þessir fjölmiðlar sem tóku til varna fyrir Panamafólkið hafa auk þess
verið býsna uppteknir af því að gera lítið úr Ríkissjónvarpinu sem birti
upplýsingarnar um skattaundanskotin á sama tíma og fjölmiðlar úti í hin-
um stóra heimi. Aldrei frá því ég hóf bein afskipti af fjölmiðlum hefur
mér verið jafn ljóst mikilvægi þess að fjölmiðlar séu óháðir peningalegu
eða stjórnmálalegu valdi. Að hinu fjórða valdi sé treystandi til að fjalla um
mál sem snerta almannaheill, hvort sem þau eru þóknanleg ráðamönn-
um eða ekki. Af þeim sökum hef ég ákveðið að verða hér eftir sérstak-
ur stuðningsmaður þess að á Íslandi verði áfram rekinn ríkisfjölmiðill og
staðinn verði vörður um fjárhagslegt sjálfstæði hans. Í þessu efni hef ég
því skipt um skoðun og skammast mín ekkert fyrir það. Ég vil hafa rík-
isrekinn fjölmiðil sem á að fjalla um hagsmunamál okkar, hvort sem þau
eru þóknanleg peningavaldinu eða ekki. Alveg á sama hátt er ég stað-
ráðinn í því að benda á hversu rangt það er að valda- og peningablokkir
haldi úti heilu fjölmiðlasamsteypunum hér á landi í þeim eina tilgangi að
heilaþvo almenning í þágu spillingar. Hvað þetta snertir gef ég ekkert fyr-
ir hvorki Samkeppniseftirlitið né Fjölmiðlanefnd sem í mínum huga eru
handónýtar stofnanir þar sem illa er farið með almannafé. Hér eru nefni-
lega starfandi blokkir fjölmiðla og sumar þeirra eru jafnvel að styrkja sig
með aðkomu afla sem ekki þola dagsbirtuna. Ég leyfi mér að vara stórlega
við stuðningi við slíka miðla því þeir vinna gegn hagsmunum almennings.
Stöndum þess heldur vörð um þá fjölmiðla sem þora að segja hver á þá
og/eða hverjir standa á bak við þá. Fjölmiðla sem geta sýnt fram á að þeir
eru starfræktir í þágu fólksins og vinni ekki gegn hagsmunum þess. Um-
fram allt eigum við að hlúa að fjölmiðlum sem láta ekki stjórnmálamenn
segja sér hvenær þeir eiga að sitja eða standa.
Magnús Magnússon.
Eiríksstaðanefnd, sem starfaði í Döl-
um á árum áður, hefur verið endur-
vakin. Tillaga þess efnis að Rögn-
valdur Guðmundsson verði for-
maður hennar og Svavar Gestsson
varaformaður var samþykkt á fundi
byggðarráðs Dalabyggðar 5. apríl.
Nefndin starfaði áður um margra
ára skeið, leiddi uppbyggingu á Ei-
ríksstöðum í Haukadal og síðar end-
urbyggingu Leifsbúðar í Búðar-
dal áður en starfsemi hennar lagð-
ist af. Náðist að ljúka endurbygg-
ingu Leifsbúðar og að laga umhverfi
hússins. Til stóð að setja upp sýn-
ingu í húsinu en eftir efnahagshrun-
ið reyndist ómögulegt að fá styrki til
að ráðast í þá framkvæmd og starf
nefndarinnar lagðist af þeim sök-
um af. „Tókst því aldrei að setja upp
sýninguna sem upphaflega átti að
byggja húsið utan um,“ segir Sveinn
Pálsson, sveitarstjóri Dalabyggðar
í samtali við Skessuhorn. „Það sem
verið er að gera núna er að ýta því
verkefni aftur úr vör,“ segir hann.
Þegar úthlutað var úr Uppbygg-
ingarsjóði Vesturlands síðasta dag
marsmánaðar var Eiríksstaðanefnd
veittur styrkur að verðmæti 1,4
milljón króna vegna sögusýning-
ar í Leifsbúð. Segir Sveinn að þeim
styrk verði varið til að frumhanna
sýninguna og að gera rekstraráætl-
un. „Þegar frumhönnun lýkur og
rekstraráætlun liggur fyrir sjáum við
hver næstu skref verða.“
kgk
Eiríksstaðanefnd endurvakin
Á komandi misserum kemur í ljós hvort hægt verður að opna í Leifsbúð í Búðardal
sýninguna sem húsið var upphaflega byggt utan um. Mynd úr safni.
Leikskólum í Borgarbyggð hef-
ur nú um nokkurra ára skeið ver-
ið lokað í fjórar vikur í júlí ár hvert
vegna sumarleyfa starfsfólks. Lok-
unin hefur á liðnum þremur árum
verið gagnrýnd á jákvæðan hátt af
m.a. stjórnendum fyrirtækja. Þeir
hafa meðal annars bent á að lok-
unin sé á sama tíma ársins í júlí-
mánuði. „Slík lokun veldur mikl-
um erfiðleikum við skipulagningu
sumarfría hjá fyrirtækjum. Starfs-
menn fyrirtækja sem eiga börn
í leikskóla leggja eðlilega mikla
áherslu á fá sumafrí á sama tíma og
börn þeirra. Ef fyrirtækin verða við
ósk þeirra í hvert sinn skerðir það
um leið möguleika annarra starfs-
manna til að fá frí á þessum tíma
sumarsins. Ef fyrirtækin, hins veg-
ar, verða ekki við þessum óskum og
skipta sumarfríum niður með öðr-
um hætti getur sú staða komið upp
að foreldrar og leikskólabörn þeirra
séu í sumarfríi á sitthvorum tíman-
um. Báðar leiðir eru því í raun mjög
slæmar og geta aukið hættu á frá-
töfum frá vinnu eða komið niður á
starfsanda og eru bæði fyrirtækjum
og samfélaginu þar af leiðandi dýr-
ar,“ segir Kristján Rafn Sigurðsson
framkvæmdastjóri Eðalfisks í Borg-
arnesi.
Hann hefur sent sveitarstjórn
bréf þar sem hann bendir á ókosti
þess að hafa leikskóla sveitarfélags-
ins lokaða í júlí. „Ljóst er að með
núverandi stefnu og vinnubrögðum
fræðslunefndar er Borgarbyggð því
miður ekki að stuðla að fjölskyldu-
vænni stefnu í samfélaginu,“ seg-
ir Kristján Rafn. Hann skorar því á
sveitarstjórn að beita sér í þessum
efnum um að reglur um sumarlok-
un leikskóla verði endurskoðaðar.
mm
Vill breyta fyrirkomulagi sumarlokana
leikskóla í Borgarbyggð
Leikskólinn Ugluklettur er einn af þeim leikskólum sem bréfritari ræðir um.
Ársreikningar A- og B- hluta sjóða
hjá Grundarfjarðarbæ fyrir 2015
voru lagðir fram til fyrri umræðu
á fundi bæjarstjórnar 7. apríl síð-
astliðinn. Heildartekjur samstæð-
unnar allrar voru 929,2 milljón-
ir króna en heildarútgjöld hennar
þegar tekið hefur verið tillit til af-
skrifta að fjárhæð 47,2 m. kr. voru
819,4 m. kr. Rekstrarniðurstaða
fyrir fjármagnsliði var jákvæð í
samstæðunni um 109,8 m. kr. Að
teknu tilliti til niðurstöðu fjár-
magnsliða að fjárhæð 69,6 m. kr.
var samstæðan öll rekin með 40,2
m. kr. rekstrarafgangi á árinu.
„Niðurstaða þessi er mun betri
en gert hafði verið ráð fyrir í fjár-
hagsáætlun ársins, sem skýrist
fyrst og fremst af hækkun tekna
og því að verðbreytingar ársins
voru minni en ráð hafði verið fyr-
ir gert,“ segir Þorsteinn Steins-
son bæjarstjóri. „Hlutfall reglu-
legra tekna af heildarskuldum og
skuldbindingum hefur lækkað úr
161,1% í 149,11%. Samkvæmt
ákvæðum sveitarstjórnarlaga á
þetta hlutfall ekki að vera hærra en
150%. Stórum áfanga var því náð
á árinu, þar sem tókst að fara niður
fyrir þetta viðmið. Fyrri áætlanir
gerðu ekki ráð fyrir að þessu marki
yrði náð fyrr en árið 2017-2018,“
segir Þorsteinn.
Bæjarstjórinn segist þakka þenn-
an góða árangur því að gætt hafi
verið aðhalds í rekstri stofnana og
deilda. „Jafnframt skiptir sköpum
að verðlag ársins var stöðugt og
innan þeirra marka sem spár gerðu
ráð fyrir. Ennfremur er starfsfólki
bæjarins þakkað fyrir vel unn-
in störf í rekstri sveitarfélagsins
og ekki síður ber að þakka íbúum
sveitarfélagsins fyrir þolgæði og
gott samstarf á þessum tímum sem
bæjarstjórnir liðinna ára hafa glímt
við ná settu marki hvað þetta varð-
ar,“ segir Þorseinn Steinsson.
Í sjóðstreymi samstæðunn-
ar kemur fram þegar leiðrétt hef-
ur verið fyrir afskriftum, verðbót-
um og gengismun að veltufé frá
rekstri er 111,1 m.kr. Handbært
fé frá rekstri er 143,7 m.kr., þeg-
ar tekið hefur verið tillit til breyt-
inga á rekstrartengdum eign-
um. Fjárfestingar voru 28,5 m.kr.
nettó. Afborganir lána og breyting
á íbúðarétti voru 108,7 m. kr., en á
móti voru tekin ný lán að fjárhæð
60 m. kr. Handbært fé hækkaði því
á árinu um 66,5 m. kr. en í upphafi
ársins var það 44,9 m.kr. Í árslok
var handbært fé 111,4 m.kr.
mm
Skuldahlutfall Grundarfjarðarbæjar komið
undir lögbundið hámark