Skessuhorn - 13.04.2016, Page 23
MIÐVIKUDAGUR 13. APRÍL 2016 23
Gauti Sigurgeirsson er rekstrarstjóri
Húsasmiðjunnar í Borgarnesi. Hef-
ur hann alloft sést fyrir utan Húsa-
smiðjuna með svartan ruslapoka þar
sem hann hefur tínt rusl á lóð versl-
unarinnar og alveg niður að þjóð-
vegi. Gauti segir óvenju mikið af
rusli hafi safnast upp í vetur. „Hér og
víðar hefur þetta verið slæmt í vetur.
Það er búið að vera mikið rok en aft-
ur á móti lítill snjór. Snjórinn ferg-
ir venjulega ruslið svo það fýkur síð-
ur,“ segir Gauti og bætir því við að
kominn hafi verið tími á að taka til
hendinni við lóðina. „Þetta var orðið
ógeðslegt. Móinn fyrir neðan lóðina
var þakinn rusli alveg niður að vegi
frá afleggjaranum hingað uppeftir og
nánast út að hringtorgi,“ segir Gauti.
Undanfarnar vikur hefur hann far-
ið reglulega út og fyllt hvern rusla-
pokann á fætur öðrum af rusli. „Ég
smellti mér í þetta og þótti það svo
sem ekkert merkilegt í sjálfu sér. Mér
þykir ekki tiltökumál að hafa snyrti-
legt í kringum mig og að ásýndin sé
þokkaleg,“ segir hann og bætir því
við að íbúar í Kvíaholtinu í Borgar-
nesi hafi tekið sig saman og hreinsað
til í sínu hverfi fyrir skömmu síðan.
Hluti ruslsins
frá versluninni
Á dögunum þegar Gauti fór út greip
viðskiptavinur gæsina og smellti
mynd af honum við ruslatínsluna.
Birtist myndin í íbúahópi Borgnes-
inga á facebook. Næst rataði mynd-
in í lokaðan hóp starfsmanna Húsa-
smiðjunnar. Vatt það upp á sig því
skömmu síðar birtist mynd af Óla B
Jónssyni, rekstrarstjóra verslunarinn-
ar á Akranesi, að tína rusl og skorað
var á fleiri rekstrarstjóra að gera slíkt
hið sama. „Á sama tíma og mér þyk-
ir í raun ekkert merkilegt að þrífa í
kringum mig er ég auðvitað ánægð-
ur að þetta skyldi vekja viðbrögð
og vera öðrum hvatning til að gera
slíkt hið sama,“ segir Gauti ánægð-
ur. Hann tekur það hins vegar skýrt
fram að starfsmenn verslunarinnar
hafi skyldum að gegna þegar kem-
ur að rusli á og við lóðina. „Það eru
ótrúlegustu hlutir sem maður finn-
ur meðfram þjóðveginum; dósir og
flöskur, matarumbúðir og fleira en
ég viðurkenni fúslega að stór hluti af
ruslinu sem er hérna við lóðina kem-
ur frá okkur, timburflísar og fleira
slíkt. Við erum hér með stóra timb-
ursölu og frá henni berst rusl, ég
ætla ekki að skorast undan því,“ segir
hann. „Starfsmenn fyrirtækisins hafa
sjálfir séð um að halda hreinu í kring-
um verslunina, farið út og tekið til á
lóðinni þegar vorar. En mig munar
ekkert um að fara út fyrir lóðina og
að þjóðveginum. Mér finnst gaman
að geta horft út um gluggann hér á
skrifstofunni minni án þess að sjá rusl
úti um allt,“ segir Gauti og bætir því
við að næstu verk séu að taka til á og
við timbursöluna á bakvið hús.
Hvetur alla
til að tína rusl
Aðspurður telur Gauti umgengni um
landið ekki hafa versnað almennt.
Enn fremur segir hann Borgar-
nes hvorki ósnyrtilegra né snyrti-
legra en aðra bæi á landinu. „Þetta er
bara eins og alls staðar annars stað-
ar. Sumir eru duglegir að hreinsa til
í kringum sig og aðrir ekki. Ég ætla
ekki að halda því fram að Borgnes-
ingar séu betur eða verr í sveit settir
en aðrir hvað þetta varðar. Almennt
held ég að þetta sé í ágætt, rétt eins
hér og í Borgarnesi. Fólk hefur oft
tekið sig saman og tínt rusl, eins og
gert var í Kvíaholtinu um daginn,“
segir Gauti. „Þegar einn tekur sig
til og byrjar þá fylgja kannski aðrir
á eftir, sem er hið besta mál,“ segir
„Þykir ekki tiltökumál að hafa snyrtilegt í kringum mig“
hann og bætir því við að það skipti
ekki máli hver sé fyrstur. Aðal mál-
ið sé að halda umhverfinu snyrtilegu
og hann hvetur alla til að gera það
eftir fremsta megni. „Þetta er hollt
og heilsusamlegt, gott samfélagsmál
sem gleður alla,“ segir Gauti Sigur-
geirsson að lokum. kgk
Meðfram þjóðvegum landsins má finna ótrúlegustu hluti. Þegar blaðamaður fór út
með Gauta Sigurgeirssyni að tína rusl við lóð Húsasmiðjunnar í Borgarnesi kenndi
ýmissa grasa. Meðal þess sem þar leyndist var þessi túrtappi.
Plast er stór hluti ruslsins en einnig spýtukubbar og annað timburrusl, sem Gauti
viðurkennir fúslega að komi frá Húsasmiðjunni. Hluti ábyrgðarinnar sé því hjá starfs-
mönnum verslunarinnar.
Heiðarskóli í Hvalfjarðarsveit heldur upp á 50 ára starfsafmæli
skólans laugardaginn 7. maí 2016
Heiðarskóli verður opinn frá kl. 16.00 – 18.00. Hægt verður að skoða skólann,
sjá heimildarmynd um sögu skólans og fá sér kaffi og meðlæti
Heiðarborg verður opin frá kl. 10.00 – 19.00, tilvalið að skella sér í sund
Afmælishátíð verður í félagsheimilinu að Hlöðum frá kl. 19.30 – 02.00
Afmæliskvöldverður að Hlöðum
Fordrykkur við komuna
Hlaðborð:
Forréttir - Sjávarréttarsúpa, heimagrafinn lax með
piparrótarsósu. Ferskt rækjusalat með avacado og
humarsósu, grafinn ærvöðvi með bláberjasultu
Aðalréttir - Villikryddað ofnsteikt lambalæri,
Balsamic og kókos-legnar kalkúnabringur. Viðeigandi
meðlæti er með heitu réttunum
Eftirréttir - Skyrterta, súkkulaðiterta og kaffi
Afmælishátíð að Hlöðum
Hljómsveitin Hart í bak leikur fyrir dansi til kl.
02:00. Hljómsveit skipuð núverandi og fyrrverandi
starfsfólki skólans
Veislustjóri verður Samúel Þorsteinsson
Þeir sem að vilja taka til máls og/eða koma
fram á hátíðinni vinsamlegast hafi samband við
afmælisnefndina Jón, Katrínu Rós eða Siggu Vill í
síma 433-8525
HEIÐARSKÓLI 50 ÁRA
Afmælishátíð 7. maí 2016
Miðaverð á borðhaldið og skemmtunina í félagsheimilinu að Hlöðum er 6.900 kr
Miðapantanir hjá Kollu í síma 433-8525 / kolbrun.sigurdardottir@hvalfjardarsveit.is
SK
ES
SU
H
O
R
N
2
01
6