Skessuhorn - 06.07.2016, Blaðsíða 16

MIÐVIKUDAGUR 6. JÚLÍ 201616
Um helgina hengdi Guðlaugur
I. Maríasson nýútskrifaður bygg-
ingafræðingur frá Háskólanum í
Reykjavík, upp lokaverkefnið sitt á
framhlið Faxabrautar 3 á Akranesi.
Um er að ræða teikningar sem sýna
hvernig hægt sé að breyta sement-
stönkunum í fjögurra stjörnu hótel
og veitingastað.
„Ég útskrifaðist sem bygginga-
fræðingur frá HR um síðustu ára-
mót. Í lokverkefni í byggingafræði
á að hanna byggingu sem almenn-
ingur hefði aðgang að. Sements-
reiturinn hefur verið mikið í um-
ræðunni og fyrir nokkrum árum
gerði eiginkona mín BSc verk-
efni þar sem sementsturnarnir
fengu nýja notkun og hafnarsvæð-
ið var allt endurskipulagt. Einnig
hafði vinnuveitandi minn Magn-
ús H. Ólafsson velt fyrir sér nýt-
ingu á turnunum og var tilbúinn
til að veita mér stuðning og ráð-
gjöf við svona stórt verkefni. Vinn-
an við þetta var krefjandi og erfið
en á endanum tókst mér að hanna
88 herbergja hótel með veitinga-
stað fyrir um 120 manns og fyrir-
lestrarsal ásamt fleiri smærri þjón-
usturýmum á einum besta stað við
Faxaflóann,“ segir Guðlaugur.
Þrátt fyrir að Guðlaugur hafi
sýnt fram á að það sé möguleiki að
breyta tönkunum í hótel þá verði
það á endanum í höndum fjárfesta
að ákveða hvort fara eigi í slíkt verk-
efni á Akranesi, en að gerð hafi ver-
ið gróf kostnaðar- og rekstraráætl-
un sem sýnt hafi að þetta gæti alveg
gengið upp. „Við sjáum það að í
Reykjavík spretta hótel upp eins og
gorkúlur og það virðist vera enda-
laus eftirspurn eftir gistirými. Sigl-
ingar á milli Reykjavíkur myndu
t.d. ýta undir möguleikann á að
geta haldið hótelstarfsemi gang-
andi á hafnarsvæðinu.“
Guðlaugur vonast til þess að
verkefni hans veki fólk til um-
hugsunar og skapi umræðu. „Ég
hef núna sýnt fram á að þetta er
möguleiki og vonandi vekur þetta
upp umræðu og fólk velti þessum
vinkli fyrir sér. Þetta svæði er mik-
ið á milli tannanna á Skagamönn-
um þessa stundina og stefnt er að
því að þarna rísi íbúðabyggð. Ég
hef sýnt að það er vel hægt að
endurnýta tankana og við þurfum
ekki að jafna allt við jörðu til þess
að breyta notkun svæðisins. Við
getum líka endurnýtt hlutina sem
eru til staðar til þess að skapa fjöl-
breytni bæði í nýtingu og ásýnd.
Ég er ekki endilega að meina að
þarna þurfi að vera hótel, hægt er
að nýta mannvirkin á ótal vegu.
Möguleikarnir eru til staðar, það
er alveg ljóst,“ segir Guðlaugur að
endingu.
bþb
Kokteilahátíðin „Stykkishólmur
cocktail weekend“ verður haldin í
fyrsta skipti um næstu helgi. Hátíð-
in verður dagana 8.-9. júlí og taka
helstu barir og veitingastaðir bæj-
arins þátt í gleðinni. Félagarnir Jón
Viðar og Ívar Sindri standa fyrir há-
tíðinni en þeir hafa báðir starfað
sem barþjónar hérlendis og í Lond-
on þar sem þeir lögðu stund á bar-
fræðin í European Bartender School
ásamt því að starfa á vinsælum kok-
teilabörum í miðborginni. Staðirn-
ir sem taka þátt verða með sérstak-
an kokteil í boði fyrir hátíðina og
mun dómnefnd fara á milli þeirra
og leggja mat sitt á drykkina. Há-
tíðinni verður slitið á Sjávarpakk-
húsinu laugardagskvöldið 9. júlí og
jafnframt verður þar tilkynnt hvaða
staður hlýtur titilinn „Kokteilbar
Stykkishólms 2016“. jse
Stykkishólmur
cocktail weekend
Ívar Sindri við barinn.
Hugmynd um hótel og veitingastað í sementstönkunum
Guðlaugur ásamt teikningum af lokaverkefninu sem er til sýnis á framhlið
Faxabrautar 3.
Hér er mynd af því hvernig ásýnd tankana gæti orðið.
Guðmundur Sigvaldason refa-
skytta á Reykhólum sinnir grenja-
vinnslu á svæðinu frá Gilsfjarðar-
botni að Klettshálsi á Barðaströnd.
Nýverið skaut hann tófu sem var á
leið heim í greni sitt. Í kjafti tóf-
unnar voru hvorki fleiri né færri
en tíu fuglsungar, aðallega skóg-
arþrestir. „Ég hef aldrei séð tófu
með svona marga unga, en hins
vegar hef ég séð meira magn í
einum kjafti. Þá var tófa sem ég
skaut með átta stokkandarunga og
fór meira fyrir þeim,“ sagði Guð-
mundur í samtali við Skessuhorn.
Aðspurður segir hann dæmi um að
tófa á greni fari allt upp í þrjár
ferðir eftir vistum á sólarhring.
Þannig geti hún því gert mikinn
usla í varpi, bæði étið egg og taki
svo ungana eftir að þeir klekjast út.
Eggin sem hún ekki kemst yfir að
éta grefur hún í kaldan jarðveg og
kemur sér upp forða fyrir haustið
og veturinn.
Guðmundi til aðstoðar við
grenjavinnsluna er Trausti bróðir
hans í fríum. Síðan í maí hafa þeir
alls náð 80 tófum en um hundrað
frá áramótum. „Við erum ekki al-
veg búnir ennþá með yfirferð okk-
ar, en við leitum í 138 þekktum
grenjum á þessu svæði og eigum
eftir að líta í nokkur þeirra. Þetta
greni sem tófan með þrastarungana
náðist við var í Borgarlandi í Reyk-
hólasveit. Í því tilfelli var grenið
niður við sjávarmál og leitaði tófan
upp í landið til að ræna hreiður í
kjarrgróðri. Aðspurður segir Guð-
mundur tófuna sífellt vera að færa
greni sín nær sjó. „Mesta hættan er
sú að ef varp misferst þá taki tófan
upp á því að fara í lömbin. Ef þær
byrja að leggjast á fé, þá hætta þær
því ekki. Því er mikilvægt að skjóta
alla dýrbíta sem fyrst verði vart við
dýrbitið fé. Við höfum hins vegar
verið blessunarlega laus við dýr-
bíta hér í Reykhólasveitinni í þrjá
áratugi eða svo. Hér er hins veg-
ar mikið af hlaupadýrum og tel ég
ástæðuna meðal annars þá að mik-
ið er borið út af æti á Steingríms-
fjarðarheiði. Ef lagt er út agn fyr-
ir tófuna á háfjöllum er ekki allt-
af veður til að fylgjast með og þá
getur hún haft óþarflega greiðan
aðgang að æti. Þá lifa hlaupadýrin
frekar en ella.“ Þannig segist Guð-
mundur hafa rakið spor tófu allt
frá Þorskafjarðarheiði og niður í
Þorskafjörð.
mm
Tófan reyndist vera með tíu spörfuglsunga í kjaftinum
Guðmundur Sigvaldason grenjaskytta.
Tófan sem náðist í Borgarlandi nýverið var með tíu þrastarunga í kjaftinum.