Skessuhorn - 06.07.2016, Blaðsíða 26

MIÐVIKUDAGUR 6. JÚLÍ 201626
„Hvað var skemmtilegast
við Írska daga?“
Spurning
vikunnar
(Spurt á Akranesi)
Lilja Fanney Ársælsdóttir
„Tívolíið“
Halldór Arnarsson
„Lopapeysan“
Rögnvaldur Finnbogason
„Brekkusöngurinn“
Bakir Anwar Nassar
„Kára leikurinn sem ég spilaði“
Brynhildur Benediktsdóttir
„Gleðin og stemningin í bæjar-
félaginu“
Það eru ekki bara strákarnir okkar
í landsliðinu sem hafa verið að gera
það gott í fótboltanum á erlendri
grundu. Í liðinni viku var hópur
af ungu og efnilegu knattspyrnu-
fólki sem hélt frá Íslandi til Spán-
ar á knattspyrnumót. Þar af voru
tveir hópar af Vesturlandi, strákar
frá Snæfellsnesi og stelpur úr ÍA,
sem fóru og tóku þátt í Barcelona
Summer cup, sem er alþjóðlegt fót-
boltamót fyrir krakka á aldrinum
10-16 ára. Stóðu krakkarnir sig all-
ir mjög vel og voru félögum sín-
um til sóma. Bjartur Bjarmi Bark-
arson, af Snæfellsnesi, var marka-
hæsti leikmaður í sínum riðli með
15 mörk. Martin Mani Geirdal
Karason, einnig af Snæfellsnesi, var
næst markahæstur í riðlinum, með
11 mörk. Loks var Karen Thóris-
dóttir í ÍA næst markhæsti leikmað-
urinn í sínum riðli með 8 mörk.
arg
Vestlendingar á Barcelona summer cup
Snæfellsneshópurinn í 4. flokki kk. sem fór til Barcelona.
Ljósm. Freydís Bjarnadóttir.
Tekið á því á æfingu. Ljósm. Facebook/Barcelona Summer Cup. Glaðbeittar Skagastúlkur. Ljósm. Facebook/Barcelona Summer Cup.
Eins og við sögðum frá í síðasta
Skessuhorni fór Sveitakeppni Golf-
sambands Íslands fram helgina
24.-26. júní síðastliðinn. Í frétt
Skessuhorns láðist að geta árang-
urs sveitar Golfklúbbsins Jökuls í
Snæfellsbæ og er beðist velvirð-
ingar á því. Klúbburinn keppti nú
í fyrsta skipti í efstu deild karla
ásamt sjö öðrum klúbbum. Keppt
var á Korpúlfsstaðavelli í Reykja-
vík. Snæfellingum gekk ágætlega á
mótinu og höfnuðu í fimmta sæti í
deildinni og spila því áfram í deild
þeirra bestu að ári. Það varð hins
vegar hlutskipti Golfklúbbs Borg-
arness og Golfklúbbs Setbergs að
falla niður í aðra deild. Golfklúbb-
urinn Leynir á Akranesi spilaði sig
upp úr annarri deild í þá fyrstu bæði
í kvenna- og karlaflokki.
Spennandi mót
framundan
Golfklúbburinn Jökull hefur stað-
ið fyrir 9 holu golfmótum alla
þriðjudaga í sumar og hefur þátt-
taka verið mjög góð og skapast
góður félagsandi í klúbbnum. Um
helgina 15. til 16. júlí nk. verður
mjög áhugavert golfmót á Snæ-
fellsnesi sem Jökulsmenn kalla
„Umhverfis Snæfellsnes á 2 dög-
um.“ Þá verða leiknar 9 holur á
hverjum velli á Snæfellsnesi þ.e.
í Ólafsvík, Grundarfirði, Stykk-
ishólmi og Staðarsveit. Saman-
lagður árangur ræður úrslitum á
mótinu. Vegleg verðlaun verða í
boði.
mm
Sveit Golfklúbbsins Jökuls sem keppti í Sveitakeppni GSÍ á dögunum.
Standa fyrir golfmótinu Umhverfis Snæfellsnes á tveimur dögum
Sandara- og Rifsaragleði verð-
ur haldin um helgina í Snæfellsbæ.
Samkvæmt fjórðu drögum að dag-
skrá, á vef Snæfellsbæjar, byrjar
gleðin fimmtudaginn 7. júlí en þá
hefst Meistaramót golfklúbbsins
Jökuls og verður spilað fimmtudag
til laugardags. Vestfjarðarvíkingur-
inn verður í Tröð og Ari Eldjárn
verður með uppistand um kvöld-
ið í Frystiklefanum. Á föstudeg-
inum verður meðal annars minn-
ingabekkur um Skúla Alexanders-
son vígður, farið verður í kvöldrölt
og hljómsveitin „Í svörtum fötum“
spilar fyrir dansi í Röst.
Gleðin heldur áfram á laugar-
deginum þar sem allir ættu að finna
eitthvað við sitt hæfi. Það verð-
ur meðal annars farið í göngu-
túr með Sæmundi um Hellissand,
grillpartý verður við Hótel Hellis-
sand, barnaskemmtun Frystiklefans
og froðubolti fyrir 5-12 ára börn.
Þá verða hoppukastalar, markaður
og fleira skemmtilegt í félagsheim-
ilinu Röst. Götugrill verður í öll-
um götum og þar sem allir eru vel-
komnir. Þegar allir hafa belgt sig
út af grillmat mun heimahljóm-
sveitin Ungmennafélagið leika fyr-
ir dansi í Röst. Gleðilok verða með
tónleikum Svavars Knúts og Krist-
jönu Stefánsdóttur í Frystiklefanum
klukkan 20:00 á sunnudeginum.
arg Svipmynd frá Sandara- og Rifsaragleðinni fyrir tveimur árum.
Sandara- og Rifsaragleði framundan