Skessuhorn - 06.07.2016, Blaðsíða 17
MIÐVIKUDAGUR 6. JÚLÍ 2016 17
„Það eru komnir ellefu laxar á land
og veiðimenn sem voru um daginn
sáu vænan fisk í veiðistað fjögur,“
sagði Lára Kristjánsdóttir í árnefnd
Andakílsár í Borgarfirði í samtali við
tíðindamann Skessuhorns. Veiðin
fer því vel af stað þar um slóðir. En
þeir Maggi og Geiri voru í Anda-
kílsá fyrir fáum dögum og settu í
og lönduðu þremur löxum. Þá voru
laxar komnir á nokkra staði í ánni og
létu þeir vel af sér félagarnir. gb
Laxinn farinn að taka í Andakílsá
Sigurgeir Ársælsson með sjö punda lax úr Andakílsá. Ausa er bærinn norðan við
ána.
„Veiðin gengur frábærlega í Langá,“
segir Karl Lúðvíksson leiðsögumað-
ur sem er að leiðsegja við ána, en áin
hefur gefið 270-280 laxa og mikið
er gengið af fiski í hana. ,,Þetta var
frábært,“ sagði Jógvan Hansen sem
finnst fátt skemmtilegra en að veiða í
Langá á Mýrum en fékk hann nokkra
laxa þegar hann var þar nýverið.
Haffjarðará hefur verið að gefa vel
og veiðimenn sem voru þar í einu að
fyrsta hollinu fengu 14 laxa á stöng-
ina, allt á mjög smáar flugur.
Gangurinn í Straumfjarðará hef-
ur verið ágætur að undanförnu. Ekki
liggja þó fyrir tölur.
,,Við erum að fara í Flókadalsá,
erum búnir að veiða þar í nokkur
ár, skemmtileg veiðiá,“ sagði Einar
Þorvaðarsson framkvæmdastjóri og
fyrrum markmaður. ,,Við fáum góða
veiði þarna yfirleitt,“ sagði Einar
ennfremur. Flókadalsá er komin í
100 laxa.
Grímsá í Borgarfirði er kom-
in með um 70 laxa. Jakob Bjarnar
Grétarsson var þar fyrir skömmu og
veiddi laxa.
Veiðimenn voru í Þverá í Hauka-
dal og veiddu vel. Sögðu þeir mikið
vera af fiski í ánni.
Eitt hefur vakið athygli og það er
mjög smáir laxar í bland við þessa
vænu. Fiskar um eitt pund og varla
það. Þeir eru varla í pottinn!
gb
Jakob Bjarnar Grétarsson með lax úr Grímsá í Borgarfirði.
Veiðifréttir héðan og þaðan
Veiðin hefur verið þokkaleg í Laxá í
Leirársveit það sem af er veiðitíma-
bilinu. Fiskurinn er vænn sem hefur
verið að fást. En baráttan getur ver-
ið löng við spræka laxa eins og sann-
aðist nýlega í Miðfellsfljótinu. Skúli
Valberg Ólafsson og Ragnar Þóris-
son voru þá við veiðar og settu í 93
cm hæng. Tók hann lítinn Sun Ray
neðarlega á veiðistaðnum. Fiskurinn
reyndist gríðaröflugur og lét hafa
fyrir sér í einar 90 mínútur áður en
yfir lauk, enda veiðarfærin af nettara
taginu. gb
Sá stóri sannarlega
til staðar í Laxá í Leir
Laxinn kominn á land eftir langa baráttu.
„Opnunin í Laxá í Dölum skilaði
fleiri löxum en elstu menn muna.
Þetta var gríðarlega skemmtilegt,“
sagði Harpa Hlín Þórðardóttir í
samtali við tíðindamann Skessu-
horns. Laxinn hefur verið að skila
sér á flesta staði og mikið af honum
sumsstaðar. ,,Laxinn er dreifður um
alla á og nýr lax að ganga inn. Stór-
laxar í bland við smálaxa. Flestir grá-
lúsugir en aðrir búnir að vera í ánni
í nokkurn tíma,“ sagði Harpa enn-
fremur. Opnunarhollið veiddi 27
laxa. Sem er ein besta opnunin í Laxá
í Dölum, eins og fyrr segir. Mynd-
irnar lýsa vel stemningunni við ána
um síðustu helgi. gb
Byrjunin lofar góðu í Laxá í Dölum
Arngrímur Gunnarsson með lax úr ánni.
Harpa Hlín með glæsilegan lax úr Laxá.
Veitinga notið við árbakkann.
Stefán Sigurðsson og Matthías Stefánsson með fallegan lax undir brúnni.
Matarpollar. Ljósm. Harpa Hlín Þórðardóttir.