Skessuhorn - 17.08.2016, Blaðsíða 20
MIÐVIKUDAGUR 17. ÁGÚST 201620
SKÓLABLAÐ SKESSUHORNS
Við Landbúnaðarháskóla Íslands
á Hvanneyri er kennt bæði nám á
háskólabrautum og starfsmennta-
brautum, auk þess sem í boði er
endurmenntunarnám. Skólinn
opnar dyr sínar á næstu dögum þó
formlega verði skólinn ekki settur
fyrr en eftir helgi. „Kennsla hefst
núna í vikunni í sumarnámskeiðum
en annars mánudaginn 22. ágúst á
háskólabrautum en mánudaginn
29. ágúst á starfsmenntabrautum,“
segir Björn Þorsteinsson rektor í
samtali við Skessuhorn. Sérstök
móttaka nýnema háskólabrauta
verður mánudaginn 22. ágúst.
„Þar verður farið yfir hagnýt atriði
er varða skólastarfið, skráningar-
og kennslukerfi sem eru í notk-
un, ásamt fundi með brautarstjór-
um, kynningu á starfi námsráð-
gjafa, starfsemi nemendafélagsins
og skoðunarferð um Hvanneyrar-
stað,“ segir Björn.
Samtals hefur 359 nemendum
verið veitt skólavist í Landbúnað-
arháskóla Íslands á Hvanneyri fyrir
komandi vetur. Þar af 193 í starfs-
menntanámi á framhaldsskólastigi
og 166 í námi á háskólastigi. Ný-
nemar eru 206 talsins, þar af 123 í
starfsmenntanámi og 47 í háskóla-
námi. Aðspurður um hlutfall stað-
nema og fjarnema segir Björn það
misjafnt eftir námsleiðum. Á sum-
um brautum séu aðeins staðnem-
ar en á öðrum nær allir fjarnem-
ar. „En þegar á heildina er litið eru
við skólann 255 staðnemar og 104
fjarnemar,“ segir hann.
Konur eru í meirihluta nemenda
við LbhÍ, 212 en karlar eru 143.
Flestir nemendur koma af lands-
byggðinni, eða 234 en þó eru 121
með lögheimili á höfuðborgar-
svæðinu.
MS og doktorsnám
einstaklingsbundið
Námsframboð við LbhÍ er fjöl-
þætt og námsleiðir margs konar.
Þó eru alltaf einhverjar námsleið-
ir sem njóta meiri hylli en aðrar,
eins og gengur og gerist. „Í endur-
menntun fer mest fyrir námi sem
heitir Reiðmaðurinn sem er ein-
ingabært nám sem tekið er með-
fram starfi. Í starfsmenntanámi
er búfræði kennd á Hvanneyri og
á Reykjum í Ölfusi eru kenndar
garðyrkjugreinar, en fjölmennustu
brautirnar þar eru garðyrkjufram-
leiðsla og skrúðgarðyrkja,“ seg-
ir Björn. „Í háskólanámi eru þess-
ar brautir til BS náms; búvísindi,
hestafræði, náttúru- og umhverf-
isfræði, skógfræði og landgræðsla
og umhverfisskipulag. Til MS
náms er svo námsbraut í skipulags-
fræði. Annað MS nám og doktors-
nám er rannsóknamiðað einstak-
lingsbundið nám og er ekki rek-
ið á brautarformi, heldur er nám-
ið sniðið að hverjum einstaklingi,“
bætir hann við.
Búfræðinámið vinsælt
Björn segir að á undanförnum
árum hafi aðsókn í búfræðinám
skólans vaxið verulega. „Mjög góð
aðsókn hefur verið og er í búfræði
þar sem ekki hefur verið hægt að
anna allri eftirspurn nú í nokkur
ár,“ segir Björn en bætir því við
að aðsókn sé einnig góð í ylrækt,
garðyrkjuframleiðslu og skrúð-
garðyrkju. Hins vegar hafi aðsókn
að háskólanámsbrautum minnkað
nú samanborið við fyrstu árin eftir
hrun. „Á árunum 2009 - 2011 voru
skráðir nemendur í háskólanáms-
brautir í kringum 250 en hafa á ár-
unum frá 2012-2016 verið á bilinu
160-200.“
Kennt með
fjölbreyttum hætti
Eðli málsins samkvæmt fer kennsla
við LbhÍ fram með ýmsum hætti,
innan og utan hefðbundinna
kennslustofa. „Kennsla fer fram
með fjölbreyttum hætti, til dæm-
is með hefðbundnum fyrirlestrum,
sjálfstæðri vinnu nemenda einum
sér eða í hópum, með verklegum
æfingum, til dæmis á vettvangi úti-
við, á rannsóknastofum, gróður-
húsum, gripahúsum eða í hefð-
bundnum kennslurýmum,“ segir
Björn.
Rektorinn segir að á komandi
vetri verði lögð áhersla á að end-
urnýja stefnu skólans í kennslu og
rannsóknum. „Sérstakt átak verð-
ur lagt í að endurnýja tækjabúnað
vegna rannsókna í jarðrækt, með
því að í fyrsta sinn verður keypt
sérhönnuð reitasláttuvél fyrir til-
raunareiti, en umtalsverður stuðn-
ingur hefur fengist frá Framleiðni-
sjóði landbúnaðarins til kaupanna.
Þá verða nýuppgerð kennslurými
tekin í notkun á Hvanneyri,“ seg-
ir hann.
LbhÍ einn um
sérgreinar sínar
Endurnýjun á stefnu skólans í
kennslu og rannsóknum mun eftir
sem áður taka mið af því starfi sem
unnið er nú þegar við LbhÍ. „Rauði
þráðurinn og samnefnari kennslu
og rannsókna er lífið og landið.
Auðlindir landsins, nýting þeirra
og verndun. Í stuttu máli er í þess-
ari áherslu fólgin sérstaða skólans,“
segir Björn. „Helsta framlag skól-
ans til akademískra fræða á Íslandi
snertir áðurnefnda sérstöðu, þar
sem Landbúnaðarháskólinn er einn
um að kenna sérgreinar sínar.“
Á von á að reksturinn
skili afgangi
Skessuhorn greindi frá því í vor að
LbhÍ hefði skilað jákvæðri rekstrar-
afkomu árið 2015, í fyrsta sinn síðan
stofnuninni var komið á fót í núver-
andi mynd fyrir tíu árum síðan. Var
reksturinn jákvæður um sem nemur
á þriðja tug milljóna króna sem not-
aðar voru til að greiða niður skuld-
ir. Björn segir að áfram verði unn-
ið að því að skila rekstrarafgangi.
„Háskólaráð og framkvæmdastjórn
skólans hefur einsett sér að halda
í horfinu með rekstrarafkomu og
skila þeim afgangi af rekstrinum
sem stjórnvöld hafa krafist til þess
að greiða niður skuldir skólans við
ríkissjóð,“ segir Björn.
Rektorinn segir sjóðsstöðu skól-
ans vera góða og á von á því að
reksturinn geti skilað afgangi fyrir
árið 2016 eins og árið áður. „Fyr-
ir árið 2016 bendir sjóðsstaða og
allar áætlanir til að það muni tak-
ast eins og fyrra ár. Um leið gerir
stjórn skólans sér vonir um að góð-
ur árangur á þessu sviði geti leitt til
að hægt verði að semja um afskrift-
ir eldri skulda á einhverjum tíma-
punkti,“ segir hann. Gangi slíkt
eftir verði hægt að ráða nýtt fólk
til starfa við skólann, en vöntun er
á sérfræðingum og sum fræðasvið
undirmönnuð. „Með því móti ætti
að losna um fé til að ráða sérfræð-
inga á ómönnuð eða vanmönnuð
fræðasvið. Brýnt er að ná viðspyrnu
til þess að hefja sókn að nýju og
fylla í eyðurnar sem skapast hafa
við að starfsmenn hafa hætt vegna
aldurs og ekki hefur verið mögulegt
að ráða sporgöngumenn í þeirra
stað,“ segir Björn Þorsteinsson
rektor að lokum. kgk
Landbúnaðarháskóli Íslands:
Lífið og landið er rauði þráðurinn í kennslu og rannsóknum
Björn Þorsteinsson, rektor Landbúnaðarháskóla Íslands á Hvanneyri.
Búfræðinemar fá leiðsögn í að úrbeina kjöt frá Óla Þór Hilmarssyni, sérfærðingi hjá Matís, í heimsókn hans á Hvanneyri
síðastliðinn vetur. Ljósm. LbhÍ.
Nemendafélag Landbúnaðarháskólans stendur árlega fyrir keppni í leðjubolta á
bökkum Hvítár. Ljósm. Nemendafélag LbhÍ.
Einn af bústólpum framtíðarinnar járnar hest á sumarnámskeiði búfræðinga á
liðnu sumri. Ljósm. LbhÍ.