Skessuhorn - 17.08.2016, Blaðsíða 32

MIÐVIKUDAGUR 17. ÁGÚST 201632
„Hvað er
skemmtilegast
við að byrja í
skólanum?“ Magni Blær Hafþórsson, Stykkishólmi
Hlakka mest til að byrja í stærð-
fræði og myndmennt.
Veronika Ósk Þrastardóttir,
Stykkishólmi
Að hitta vini mína, leika mér og
læra meira.
Védís Bergþórsdóttir,
Stykkishólmi
Hitta alla krakkana og koma
reglu á daginn.
Gróa Hinriksdóttir,
Stykkishólmi
Hitta krakkana og koma sér í
rútínu.
Spurning
vikunnar
Grunnskóli Borgarfjarðar hefur
þrjár starfsstöðvar; eina á Hvann-
eyri, aðra á Kleppjárnsreykjum
og þá þriðju á Varmalandi. Skól-
inn verður settur 22. ágúst og
hefst kennsla samkvæmd stunda-
skrá þriðjudaginn 23. ágúst. „Fyr-
ir komandi vetur eru 195 nemend-
ur skráðir við skólann, samanlagt á
öllum starfsstöðvum. Það er svip-
aður fjöldi og síðastliðið skólaár,“
segir Ingibjörg Inga Guðmunds-
dóttir skólastjóri sem kemur nú til
baka að afloknu árs námsleyfi.
Hátt hlutfall kennara
með réttindi
Við skólann eru rúmlega 90%
kennara með kennsluréttindi. „Við
erum með þrjá leiðbeinendur en
tveir þeirra eru á lokametrum þess
að ljúka sínu réttindanámi og er því
er hátt hlutfall menntaðra kennara
við skólann,“ segir Ingibjörg Inga.
„Það eru alltaf einhverjar breyt-
ingar á starfsmannahópi milli ára.
Hlöðver Ingi Gunnarsson deild-
arstjóri Varmalandsdeildar tók við
stöðu skólastjóra í Búðardal og í
hans stað kemur Aron Páll Hauks-
son. Tveir nýir kennarar hefja störf
og nokkrar breytingar eru á öðrum
stöðum innan skólans, sumar vegna
afleysinga og aðrar vegna þess að
fólk velur að breyta um starfsvett-
vang, þá er ég sjálf að koma aftur
til starfa eftir ársleyfi,“ segir Ingi-
björg Inga og bætir því við að ágæt-
lega hafi gengið að ráða starfsfólk
fyrir komandi skólaár.
Aukin áhersla á
teymiskennslu
Grunnskóli Borgarfjarðar er Græn-
fána- og heilsueflandi skóli og starf-
ar í anda þess. Að sögn Ingibjarg-
ar Ingu hefur skólinn undanfarið
unnið að leiðtogaverkefninu „The
Leader in me“. Því er ætlað að
auka sjálfsöryggi, ábyrgðartilfinn-
ingu og frumkvæði þar sem hver og
einn lærir að koma auga á styrkleika
sína og annarra, hlusta á nýjar hug-
myndir og tjá hug sinn. Nemendur
og starfsfólk læra að nýta fjölbreyti-
leikann í samstarfi og hverja hvert
annað til að ná enn betri árangri.
„Framundan í vetur er verkefnið
Hugarflug sem hefur meðal ann-
ars það markmið að stuðla að sam-
starfi skóla í Borgarbyggð við að-
ila sem styðja við frumkvöðlastarf
og að fræða kennara um nýsköp-
unar- og frumkvöðlakennslu. Auk-
in áhersla verður á teymiskennslu.
Að öðru leyti höldum við okkur við
þau verkefni sem við höfum verið
að vinna að fram að þessu með það
markmið að gera betur frá ári til
árs,“ segir Ingibjörg Inga.
Aðspurð um sérstöðu Grunn-
skóla Borgarbyggðar segir Ingi-
björg Inga það fyrst og fremst vera
staðsetninguna og að skólinn sé
þriggja deilda skóli. „Allar starfs-
stöðvar eru staðsettar í fallegri sveit
þar sem auðvelt er að tengja skóla-
starfið við náttúru og sögu héraðs-
ins,“ segir Ingibjörg Inga.
arg
Alls verða nemendur Grunnskóla
Snæfellsbæjar 249 talsins á kom-
andi skólaári. Síðasta vor luku 29
nemendur námi og 28 hefja nám
í nú haust. Skóli verður settur
þriðjudaginn 23. ágúst og verð-
ur skólasetning með breyttu sniði
að þessu sinni. „Nemendur mæta
til skólasetningar og stuttrar sam-
veru með umsjónarkennara sín-
um,“ segir Hilmar Már Arason
skólastjóri. „Nemendur 1. bekkj-
ar og forráðamenn verða boðaðir í
viðtöl til umsjónarkennara mánu-
daginn 22. ágúst og þriðjudaginn
23. ágúst,“ segir Hilmar. Kennsla
hefst síðan samkvæmt stundaskrá
miðvikudaginn 24. ágúst.
Við Grunnskóla Snæfellsbæj-
ar starfa 66 starfsmenn, þar af 38
kennarar og stjórnendur og 28 al-
mennir starfsmenn. „Þar af eru
þrír kennarar sem eru ekki með
réttindi og hefur réttindalaus-
um kennurum fækkað á milli ára,“
bætir hann við. Hilmar segir stöð-
ugleika í starfsmannahaldi skólans
og að almennt hafi gengið vel að
ráða í lausar stöður. Þó hafi ekki
tekist að ráða í stöðu sérkennara
sem losnaði á vormánuðum.
Teymi halda
utan um verkefnin
Aðspurður um helstu áherslur segir
Hilmar að innan veggja skólans sé
unnið að fjölda verkefna sem skili
sér í betri skólabrag. Hvert verk-
efni sé leitt af teymi starfsfólks sem
fundi reglulega og leggi línur varð-
andi áherslur hvers verkefnis og
viðfangsefnis. Á síðasta vetri tóku
til starfa teymi í stærðfræði, læsi
og upplýsingatækni. Teymin kort-
lögðu stöðuna í skólanum og mörk-
uðu stefnu um hvernig hægt væri
að gera betur. „Læsisteymið okk-
ar stóð fyrir lestrarspretti í lok síð-
asta skólaárs og er skemmst frá því
að segja að spretturinn tókst vel,“
nefnir Hilmar sem dæmi. Einnig
stóð skólinn fyrir sumarlestri í sam-
starfi við Bókasafn Snæfellsbæjar
og nemendur 9. bekkjar voru með
menntasmiðju fyrir í 1.-4. bekk á
liðnum vetri. Á komandi skólaári
segir Hilmar að áhersla verði lögð
á svokallaða teymiskennslu, sem
byggir á auknu samstarfi og sam-
vinnu kennara um nám og kennslu
nemenda. „Það hefur sýnt sig að
með slíkum vinnubrögðum skapist
sameiginleg ábyrgð, aukinn stuðn-
ingur og vinnuhagræðing. Í teymis-
kennslu koma fram fleiri hugmynd-
ir, skoðanir og möguleikar á lausn-
um. Kostir teymiskennslunnar
liggja í samstarfinu þar sem styrk-
leikar hvers og eins fá að njóta sín,“
segir Hilmar, en Grunnskólarnir á
Snæfellsnesi vinna að þessu verk-
efni í sameiningu.
Námskrá í
átthagafræðum
Grunnskóli Snæfellsbæjar er þátt-
takandi í Grænfánaverkefninu,
sem miðar að því að vinna að sjálf-
bærni og umhverfisvænu sam-
félagi. Skólinn er Heilsueflandi
skóli og hefur tekið þátt í Eras-
mus+ verkefni því tengdu. Auk
þess var Vinaliðaverkefnið innleitt
síðasta vetur, en það miðar að því
að hvetja nemendur til hreyfingar
í frímínútum og vinna gegn ein-
elti.
Ein helsta sérstaða skólans er
kennsla í átthagafræðum, fræðslu
um nærsamfélagið. „Skólinn er
einn fárra skóla sem státar af
námskrá í átthagafræðum,“ segir
Hilmar. „Hver bekkur kynnir sér
ákveðið svæði eða fróðleik þar að
lútandi og fer í vettvangsferðir,“
bætir hann við.
„Öflugt starf er unnið und-
ir merkjum skólans, borið uppi
af metnaðarfullu starfsfólki, góð-
um nemendum og samstarfsfúsum
foreldrum. Verum alltaf minnug
þess að við getum gert betur og
veitum hvort öðru aðhald í því
að viðhalda því góða starfi sem
unnið er í skólanum með það að
markmiði að gera enn betur,“ seg-
ir Hilmar Már Arason skólastjóri
að lokum. kgk
Grunnskóli Borgarfjarðar:
Skóli í fallegri sveit og umhverfi sem
auðvelt er að tengja við skólastarf
SKÓLABLAÐ SKESSUHORNS
Grunnskóli Snæfellsbæjar:
Öflugt starf unnið undir merkjum skólans
Í Grunnskóla Borgarfjarðar þurfa nemendur ekki að fara langt til að komast í
fallega náttúru.
Svipmynd úr vorferð 8.-10. bekkjar Grunnskóla Snæfellsbæjar.