Skessuhorn - 05.10.2016, Blaðsíða 4

MIÐVIKUDAGUR 5. OKTÓBER 20164
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.835 krónur með vsk. á mánuði. Elli- og örorkulífeyrisþegar greiða
kr. 2.457. Rafræn áskrift kostar 2.226 kr. Rafræn áskrift til elli- og örorkulífeyrisþega er 2.058 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Guðný Ruth Þorfinnsdóttir gudny@skessuhorn.is
Kristján Gauti Karlsson kgauti@skessuhorn.is
Auglýsingar og dreifing:
Lísbet Sigurðardóttir lisbet@skessuhorn.is
Valdimar Björgvinsson valdimar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Þórarinn Ingi Tómasson toti@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Grumpy old men
Ég hef gert mjög vísindalega könnun undanfarin sex-átta ár. Reyndar
ekki meðvitað, þetta bara fór svona. Þannig er nefnilega mál með vexti
að ég hef verið virkur meðlimur á samskiptasíðunni Facebook þenn-
an tíma. Hef þar eignast ýmsa pennavini, styrkt tengslin við eldri vini,
skólafélaga og fjarskylda ættingja og uppgötvað mjög margt í fari og lífs-
skoðunum fólks sem maður hefði aldrei komist að ella. Þessi samskipta-
vefur er nefnilega svona eins og andlit. Smám saman fer maður að kunna
að lesa í hrukkur, andlitsdrætti, viðmót og sérkenni hvers og eins. Sum-
ir eru jafnvel svo opinskáir að ég tel mig með nokkurri vissu geta kosið í
kjörklefanum fyrir að minnsta kosti helming af þessu fólki, því þótt flest-
ir segi ekki beint út hvað þeir kjósi, þá segja þeir skoðanir sínar á mönn-
um og málefnum með því að smella litlu „like“ eða fýlukalli á stöðuupp-
færslu á Facebook eða deila fréttum skoðanabræðra og -systra. Slík tákn
segja meira en mörg orð. Ef ég set til dæmis stöðufærslu á Facebókina
mína sem er pólitísks eðlis get ég nánast fyrirfram sagt til um hverjir
„like-a“ við slík ummæli og hverjir láta eins og þeir séu ekki til. Af þessu
leiðir að ef einhver ætlaði t.d. að stofna stjórnmálaflokk og vantaði fólk
með í hópinn sem hefði nokkurn veginn sömu skoðanir eða lífsgildi, þá
væri góð bakgrunnsrannsókn á þessum samskiptasíðum tilvalin leið til
árangurs. Á sama hátt gætu menn forðast villikettina með því að fara yfir
ummæli og skapgerð viðkomandi á Facebook. Dæmi eru einmitt um að
slík bakgrunnsrannsókn hafi orðið til þess að fólki hafi verið neitað um
störf.
Skráðir vinir mínir á Facebook eru um 900 talsins. Þar af gæti ég trúað
að ég þekkti ríflega sjötíu prósent þeirra í sjón og myndi heilsa þeim ef ég
hitti á förnum vegi svona með gamla laginu; augliti til auglitis. Um leið er
ég að segja að þriðjung þessa hóps þekki ég alls ekki í reynd. Einhvern veg-
inn hefur þetta fólk samt ratað inn á vinalistann og í því tilfelli þarf tvo til.
Þetta er auðvitað ágætis fólk og gaman að kynnast því. Jafnvel skemmti-
legri en sumir sem maður hefur þekkt lengi. Það eru nefnilega alltaf ein-
hverjir sem geta verið þreytandi til lengdar. Ekki síst þegar kosningar eru
í nánd. Þeir geta átt það til að staglast á ágæti sinna pólitísku meðbræðra
en fundið öðrum allt til foráttu. Jafnvel sýnt þeim fjandskap og hatur. Þá
er illa komið og ástæða til að hnyppa í viðkomandi.
Samskiptasíður eins og Facebook er nefnilega uppspretta átaka og góð-
ar sem slíkar því átök eiga samkvæmt fræðunum að leiða til framfara. Vilji
menn hins vegar standa utan við slík átök, er ekki nema tvennt í stöðunni.
Annars vegar að hreinsa reglulega til á vinalistanum eða takmarka þar við-
veru. Til lengdar finnst mér nefnilega hvorki notalegt né hollt fyrir sálina
að þurfa að erja mig á þeim sem finnst allt ómögulegt í veröldinni, þessar
„Grumpy old man“ týpum. Það eru þeir sem til dæmis þurfa að ergja sig
yfir að aðrir nenna út á kvöldin til að mynda norðurljósin, meðan þeir
sjálfir sitja drýldnir og grámyglulegir framan við tölvuna eða símann. Þess
vegna lærir maður að meta þá vini sína á Facebook sem sýna glaðværð og
jákvæðni í skrifum, pósta inn skemmtilegum myndum og geta jafnvel gert
grín að sjálfum sér. Slíkir vinir eru gulls ígildi.
Af framansögðu er niðurstaða mín sú, eftir þessa sex til átta ára ómeð-
vituðu rannsókn, að of mikil viðvera á samfélagsmiðlum er óholl nema
varlega sé farið. Jafnvel þótt reglulega sé tekið til í vinasafninu, þá er áreiti
markaðsaflanna og vafasamra strauma meira en viðkvæm sál eins og mín
þolir til lengdar. Enda hef ég vafalítið uppskorið að verða sjálfur talinn
Grumpy old man, sem aldrei fer út á kvöldin til að mynda norðurljósin.
Magnús Magnússon.
Leiðari
Harður árekstur varð á Vesturlands-
vegi, á móts við bæinn Gufuá í Borg-
arhreppi, á tólfta tímanum síðastlið-
inn föstudag. Sjúkrabíll úr Búðardal
sem var í forgangsakstri á suðurleið
skall á jepplingi. Bílarnir köstuðust
báðir út fyrir veg og lenti jeppling-
urinn á toppnum. Beita þurfti klipp-
um slökkviliðs á báða bílana til að ná
fólkinu út. Mikill viðbúnaður við-
bragðsaðila var vegna slyssins. Flytja
þurfti sex manns sem í bílunum voru
undir læknishendur. Tvennt slasað-
ist talsvert og flaug þyrla Landhelg-
isgæslunnar á móts við sjúkrabíl og
flutti einn hinna slösuðu á sjúkrahús
í Reykjavík. Lenti þyrlan á veginum
sunnan við Hvalfjarðargöngin. mm
Sjúkrabíll í forgangsakstri í árekstri við jeppling
Ármann Smári Björnsson, fyrirliði
ÍA, hefur verið kjörinn leikmað-
ur ársins 2016 hjá Morgunblaðinu
í Pepsi deild karla í knattspyrnu.
Hann varð efstur í einkunnagjöf
íþróttafréttamanna blaðsins sem
gefa leikmönnum einkunn fyr-
ir frammistöðu sína í hverjum ein-
asta leik sem þeir taka þátt í á tíma-
bilinu.
Fyrirliðinn missti af síðustu þrem-
ur leikjum tímabilsins eftir að hann
sleit hásin. Það dugði öðrum leik-
mönnum þó ekki til að komast fram
úr honum í einkunnagjöf blaðsins.
Ármann gekk til liðs við ÍA árið
2012 eftir fimm ár í atvinnumennsku
í Noregi og Englandi og hefur ver-
ið fyrirliði Skagamanna undanfarin
þrjú keppnistímabil.
kgk
Ármann Smári er leikmaður ársins
Gert er ráð fyrir því að fjárhagur
Orkuveitu Reykjavíkur og dóttur-
félaga muni halda áfram að styrkjast
á næstu árum þrátt fyrir talsverð-
ar fjárfestingar og lækkun á gjald-
skrá fyrir rafmagn og neysluvatn
nú um áramótin. Þetta kemur fram
í fjárhagsspá OR fyrir árin 2017 til
2022 sem stjórn fyrirtækisins sam-
þykkti fyrr í vikunni. Nettóskuldir
fyrirtækisins munu lækka um þriðj-
ung á árabilinu, eða um 40 millj-
arða króna. Árlegar afborganir lána
og vaxtagreiðslur eru engu að síð-
ur áætlaðar frá 15 til 20 milljarð-
ar króna á árunum 2017 til og með
2022. Fjárhagsspáin er fyrir OR og
dótturfélög. Veigamest þeirra eru
Veitur ohf., Orka náttúrunnar ohf.
og Gagnaveita Reykjavíkur ehf.
Nú um áramót mun verð raf-
orkudreifingar lækka hjá fyrirtæk-
inu sem og vatnsgjaldið sem fast-
eignaeigendur greiða fyrir neyslu-
vatn. Breyttar verðskrár verða
kynntar í desember. Ekki er gert
ráð fyrir lækkun á gjaldskrá fyrir
hitaveitu eða fráveitu og er ástæðan
sögð mikil fjárfestingaþörf í þeim
þjónustuþáttum. Veitur sjá um raf-
magnsdreifingu frá miðjum Garða-
bæ í suðri til Akraness í norðri og
þjóna um helmingi landsmanna.
Vatnsveitur Veitna eru í fimm sveit-
arfélögum og þjóna um 40% lands-
manna.
Hluti hins svokallaða Plans Orku-
veitunnar, sem gert var til að mæta
gríðarlegum skuldum fyrirtækisins
eftir hrun, er að eigendum OR, þ.e.
Reykjavíkurborg, Akraneskaupstað-
ur og Borgarbyggð, fái greiddan
arð á árinu 2018. „Áður en til þeirra
kemur þarf að liggja fyrir að fjár-
hagur OR standist þau arðgreiðslu-
skilyrði sem eigendur samþykktu
árið 2015 og álagspróf sem gert
verður á rekstrinum með tilliti til
arðgreiðslna. Það er svo í höndum
eigenda OR að ákveða á aðalfundi
hvort arður verður greiddur. Gert
er ráð fyrir að arðgreiðslur aukist
smám saman eftir því sem greiðslu-
byrði af lánum minnkar.
Talsverðar fjárfestingar
Endurnýjun stofnæða í öllum
veitukerfum heldur áfram. Þar má
nefna meginhitaveituæðar höfuð-
borgarsvæðisins, Vesturlands og á
Suðurlandi og endurnýjun burðar-
virkja í raforkudreifingu, það er að-
veitustöðva og dreifistöðva. Upp-
byggingu nýrra fráveitna á Vestur-
landi verður að mestu lokið fyrir
árslok 2016, en því verki var slegið
á frest í nokkur ár meðan OR var
að vinna sig út úr mestu fjárhags-
vandræðunum eftir hrun.
mm
Verðskrá fyrir rafmagn og neysluvatn mun lækka
Orkuveitan heldur áfram endurnýjun stofnæða í öllum veitukerfum. Verð fyrir
neysluvatn og rafmagn mun lækka um áramótin, en ekki er ráðgerð lækkun á
fráveitugjöldum og hitaveitu.
Ármann Smári Björnsson í leik gegn Breiðabliki í sumar. Ljósm. úr safni.