Skessuhorn - 05.10.2016, Blaðsíða 21

MIÐVIKUDAGUR 5. OKTÓBER 2016 21
Halldórsson sem er mjög efnileg-
ur,“ bætir hann við. „Hópurinn er
ungur fyrir, sumir hafa reynslu en
aðrir ekki og því var lagt upp með
að fá til liðsins reynda menn til að
leiða hópinn.“
Aðspurður um leikstíl liðsins á
komandi vetri stendur ekki á svörum
hjá þjálfaranum. „Við ætlum að spila
skemmtilegan bolta,“ segir Finnur
en viðurkennir að einhverjar breyt-
ingar kunni að verða frá leikstíl síð-
asta árs en engu að síður verði byggt
á svipuðum grunni. „Við reynum að
hafa þetta í senn skemmtilegt fyrir
augað og árangursríkt. Við munum
spila hratt þegar það á við en þegar
það á ekki við verðum við tilbúnir
að spila hægt. Það fer eftir and-
stæðingum og fleiru. Við verðum
að reyna að vera taktískir,“ segir
hann og bætir því við að þó nokkur
munur sé á 1. deild og deild þeirra
bestu hvað það varðar. „Það er mik-
ill munur á deildunum. Okkar leik-
menn koma til með að glíma við
menn sem voru að spila á móti Pau
Gasol og Dirk Nowitzki á Evrópu-
mótinu síðasta sumar,“ segir hann
og á við leikmenn eins og til dæm-
is Hlyn Bæringsson og Jón Arnór
Stefánsson. „En það er náttúrulega
frábært fyrir þessa ungu stráka að
fá að spila á móti mönnum eins og
Hlyni og Jóni Arnóri. Þeir verða að
nýta tækifærið og njóta þess að spila
á móti svona gæðaleikmönnum,“
segir hann.
Aðspurður um markmið komandi
vetrar segir Finnur nýliða Skalla-
gríms stefna hærra en að halda sæti
sínu í deildinni. „Við stefnum fulla
ferð að úrslitakeppninni og setjum
okkur svo bara ný markmið þegar
það næst,“ segir hann og vill að lok-
um hvetja fólk til að vera duglegt að
mæta á völlinn. „Áhorfendur voru
geggjaðir í fyrra, það er ekkert hægt
að orða það öðruvísi og ég hvet
alla til að mæta á völlinn í vetur og
styðja við bakið á liðinu.“
Fyrsti leikur Skallagríms fer fram
föstudaginn 7. október næstkom-
andi þegar liðið mætir Haukum í
Hafnarfirði.
„Förum ekki endilega
hratt yfir“
ÍA lauk keppni í 5. sæti 1. deildar
karla síðastliðið vor en varð að lúta
í lægra haldi gegn Fjölni í fyrri um-
ferð úrslitakeppninnar. Liðið mun
því leika áfram í 1. deild á komandi
keppnistímabili. „Ég er spenntur
fyrir komandi vetri,“ segir Jón Þór
Þórðarson þjálfari. Hann var liðs-
stjóri í úrslitakeppninni síðasta vor
og tók síðan alfarið við þjálfun liðs-
ins í sumar. Leikmannahópurinn
er að stærstum hluta óbreyttur og
Jón Þór kveðst ánægður að reynslu-
miklir leikmenn ætli að halda áfram
að leika með liðinu. „Þetta er nánast
sami kjarni og í fyrra en við hópinn
bætast nokkrir ungir leikmenn sem
allir hafa leikið með yngri flokkum
ÍA auk Bandaríkjamannsins De-
rek Dan Shouse. Reynsluboltarnir
í hópnum, Fannar Freyr Helgason,
Áskell Jónsson og Jón Orri Krist-
jánsson, ætla allir að vera með og
það er mjög jákvætt,“ segir hann.
Aðspurður um leikstíl liðsins
á komandi vetri segir Jón Þór að
einfaldleikinn verði hafður í fyrir-
rúmi. „Leikur okkar verður ekkert
flókinn, við munum spila einfaldan
bolta byggðan á þeirri reynslu sem
menn búa yfir. En ég á ekki von á
að við förum endilega hratt yfir,“
segir Jón Þór léttur í bragði, „enda
liggur styrkur hópsins ekki þar,“
bætir hann við.
Þjálfarinn segir undirbúning
liðsins hafa gengið vel. Byrjað hafi
verið að fara með yngri leikmenn-
ina til keppni á unglingalandsmóti
og síðan þá hafi verið æft nánast
daglega. „Eldri leikmenn hafi hafa
síðan bæst við æfingarnar hægt og
sígandi. Þá höfum við spilað þrjá
æfingaleiki sem hafa gert okkur
gott þannig að við erum spenntir
að fara að byrja,“ segir hann. En
hvert er markmið ÍA í 1. deildinni
fyrir komandi vetur? „Markmið-
ið á þessu stigi er náttúrulega bara
að vinna hvern leik fyrir sig og þá
ræðst hvar við endum. Okkur er
spáð sjöunda sæti deildarinnar og
það væri gaman að geta gert betur
en það. Ég neita því ekki að úrslita-
keppnin væri frábær árangur,“ segir
Jón Þór að lokum.
ÍA hefur leik í 1. deild karla
fimmtudaginn 6. október þegar lið-
ið mætir FSu á Selfossi.
kgk/ Ljósm. úr safni.
Menntabúðir Vesturlands voru
haldnar í Grunnskóla Snæfellsbæj-
ar á Hellissandi undir yfirskriftinni
„Það er leikur að læra.“ Met þátt-
taka var á þessum fyrstu mennta-
búðum vetrarins og mættu 76 gestir
frá grunn-, leik- og framhaldsskól-
um á Vesturlandi. Einnig hafði bæj-
arstjórn Snæfellsbæjar verið boðið
í heimsókn og mjög ánægjulegt að
fulltrúar hennar gáfu sér tíma til að
skoða það sem í boði var.
Að þessu sinni voru menntabúð-
irnar nánast eingöngu það sem kall-
að er „hands on“ eða prufa og prófa.
Tólf mismunandi stöðvar voru til
kynningar og voru þátttakendur
nær allan tíma að prófa, fikta og
kynna sér hina ýmsu kennslufræði-
legu hluti. Það voru starfsmenn
Grunnskóla Snæfellsbæjar sem sáu
um menntabúðirnar að þessu sinni.
Stutt hlé var tekið og var boðið upp
á fiskisúpu ásamt brauði, kaffi og
kökum sem starfsfólk skólans hafði
undirbúið. Menntabúðir hafa ver-
ið haldnar undanfarin ár og verið
í þróun. Þær eru mjög mikilvægar
fyrir kennara og starfsfólk sem vinn-
ur við menntun og fræðslu barna og
ungmenna. Voru allir sammála um
að menntabúðirnar hefðu heppn-
ast mjög vel og er mikil spenna fyrir
þeim næstu. þa
Rökkurdagar í Grundarfirði verða
haldnir 13. til 22. október næst-
komandi. Rökkurdagar eru árleg
menningarhátíð í sveitarfélaginu
og er þetta í fimmtánda sinn sem
hún fer fram. Að vanda verður nóg
um að vera. „Við ætlum að byrja
Rökkurdaga á því að opna mynda-
vefinn www.baeringsstofa.is, sem er
myndasafn Grundfirðingsins Bær-
ings Cecilssonar. Hann var bæði
áhugaljósmyndari og fréttaljós-
myndari fyrir sjónvarpið og dag-
blöð. Eftir hann liggja tugir þús-
unda mynda og hefur hluti þeirra
verið skannaður inn í tölvu. Myndir
Bærings spanna sögu þéttbýlisins í
Grundarfirði og eru fábærar og dýr-
mætar heimildir í varðveislu bæjar-
ins,“ segir Sigríður Hjálmarsdótt-
ir menningar- og markaðsfulltrúi
Grundafjarðarbæjar. Að sögn Sig-
ríðar samanstendur dagskrá Rökk-
urdaga af hinum ýmsu menningar-
viðburðum og er reynt að höfða til
sem flestra. „Þarna má finna fasta
liði eins og Pub Quz, markað kven-
félagsins og félagsvist. Þá verður
Opna Rökkurmótið í Skrafli haldið
annað árið í röð en það vakti mikla
lukku á síðustu Rökkurdögum.“
Lifandi tónlist skipar stóran sess í
dagskrá Rökkurdaga í ár og verða
tónleikar í kirkjunni, á Kaffi Emil
og 59 Bístróbar. Eins verða ýmis
tilboð á veitingastöðum og kaffi-
húsum bæjarins. „Við fáum töfra-
manninn Einar Mikael í heimsókn
og hann ætlar að vera bæði með
námskeið og sýningu í Samkomu-
húsinu, undir nafninu Töfraheim-
ur Einars Mikaels. Það eru allir vel-
komnir og ókeypis aðgangur á við-
burði töframannsins. Miðvikudag-
inn 19. október ætla grínararnir Ari
Eldjárn og Björn Bragi að leggja
land undir fót og verða með uppi-
stand sitt „Á tæpasta vaði“ í Sam-
komuhúsinu í Grundarfirði,“ held-
ur Sigríður áfram.
Opinn október
á Snæfellsnesi
Í ár eru Rökkurdagar hluti af stærra
verkefni sem kallast Opinn októ-
ber á Snæfellsnesi og er það unnið
í samstarfi við Svæðisgarðinn Snæ-
fellsnes. „Við sáum að það væri al-
veg kjörið að setja saman í einn pott
alla þá árlegu viðburði sem eru á
Nesinu í október, enda eru öll sveit-
arfélögin með einhvern viðburð,“
útskýrir Sigríður. Viðburðir Op-
ins októbers eru meðal annars fjöl-
menningarhátíð í Rifi, Rökkurró í
Lýsuhólslaug, Northern Wave kvik-
myndahátíðin sem haldin verð-
ur í Rifi í ár, Norðurljósaskoðun í
Helgafellssveit, Norðurljósahátíð
í Stykkishólmi auk Rökkurdaga og
fleiri viðburða. „Snæfellsnesið er í
raun eitt markaðssvæði og því kjör-
ið að fara milli staða og sækja þá við-
burði sem fólk hefur áhuga á,“ segir
Sigríður að endingu. grþ
Menntabúðir Vesturlands
voru á Hellissandi
Rökkurdagar framundan í Grundarfirði
Hljómsveitin Ylja lék fyrir gesti á Rúben á Rökkurdögum í fyrra. Lifandi tónlist skipar stóran sess í dagskrá Rökkurdaga í ár,
en hátíðin að þessu sinni hefst með opnun myndavefjarins baeringsstofa.is.
Sigtryggur Arnar Björnsson og liðsfélagar hans í Skallagrími hefja leik í Domino‘s
deildinni á föstudag. Að sögn Finns Jónssonar þjálfara ætla nýliðarnir sér að
komast í úrslitakeppnina.
ÍA sendir lið til keppni í 1. deild karla. Leikmannahópurinn er að stærstum
hluta óbreyttur frá síðasta vetri. Jón Þór Hauksson þjálfari kveðst ánægður að
reynslumiklir leikmenn á borð við Fannar Frey Helgason, Áskel Jónsson og Jón
Orra Kristjánsson, sem hér er í mynd, ætli að leika áfram með liðinu.