Skessuhorn - 05.10.2016, Blaðsíða 22
MIÐVIKUDAGUR 5. OKTÓBER 201622
Sauðamessa var á laugardaginn haldin í þrettánda skipti í
Borgarnesi. Dagskráin hófst reyndar á föstudagskvöldinu
þegar heimildamyndin Lopi var sýnd. Á laugardaginn byrjaði
fólk að koma saman upp úr hádegi. Komið var með hóp af fal-
legu fé frá Snartarstöðum í Lundarreykjadal á kerru og kind-
unum sleppt uppi við Brákarhlíð. Þar gátu íbúar heilsað upp
á fólk og fénað, en að því búnu var fjárrekstur niður Borgar-
braut og í aðhald sem komið hafði verið fyrir upp við Skalla-
grímsgarðinn þar sem dagskrá hófst. Segja má að dagskráin
hafi verið hefðbundin á flestan hátt. Raftar buðu upp á dýr-
indis kjötsúpu, markaður var í tjaldi í garðinum og dagskrá á
sviðinu. Veitt voru umhverfisverðlaun Borgarbyggðar, börn
og fullorðnir tóku þátt í leikjum og farið með gamanmál.
Hlédís Sveinsdóttir og Rúnar Gíslason voru framkvæmda-
stjórar hátíðarinnar líkt og á síðasta ári, en þeim til aðstoð-
ar voru ýmsir, þar á meðal hjónin Eiríkur Jónsson og Krist-
ín Amelía Þuríðardóttir. Rúnar og Hlédís voru ánægð með
hvernig til tókst, en allt gekk vel fyrir sig, utan þess sem posar
brugðust þegar sala á dansleikinn stóð sem hæst um kvöldið.
Veðrið lék hins vegar við gesti Sauðamessu að þessu sinni, en
nú líkt og oftast áður voru Borgnesingar og gestir heppnir í
happdrættinu um góða veðrið, eins og meðfylgjandi myndir
bera með sér.
mm
Sauðamessa einkenndist af rólegheitum og góðu veðri
Sigurjón á Glitstöðum og Gunnlaugur sveitarstjóri á tali saman. Kindunum hleypt af stað við Brákarhlíð. Þarna eru m.a. Hlédís
sauðamessustjóri og Jón Eyjólfsson rekstrarstjóri.
Þeir Sævar Jónsson og Kristján Finnur Kristjánsson á spjalli.
Rúnar og Hlédís Sauðamessustjórar.Jón Karl kjötiðnaðarmaður stýrði kappátinu.
Góð stemning var á dansleiknum í Hjálmakletti þar sem hljóm-
sveitin Bland spilaði.
Sveppi og Villi komu og skemmtu. Hér eru þeir ásamt Alex sem að
sjálfsögðu fékk mynd af sér.
Börnin nutu þess að fá að komast í návígi við kindurnar frá Snartarstöðum.
Hér var búið að koma kindunum í aðhald við Brákarhlíð og skammt að bíða að þeim yrði stillt upp á
rásmarkið áleiðis í Skallagrímsgarðinn.
Skemmtilegt skilti til myndatöku.