Skessuhorn - 12.10.2016, Page 24

MIÐVIKUDAGUR 12. OKTÓBER 201624
Landssamband æskulýðsfélaga
og Samband íslenskra framhalds-
skólanema standa fyrir lýðræð-
isátakinu „Kosningavakning: #Ég
Kýs“. Markmið þess er að efla lýð-
ræðisvitund og hvetja ungt fólk til
að kjósa eftir upplýstri ákvörðun í
kjörklefanum, segir í tilkynningu.
Í því felst að halda lýðræðisviku
og skuggakosningar í framhalds-
skólum undir formerkjum nether-
ferðarinnar #ÉgKýs. Auk þess hef-
ur heimasíðan: egkys.is verið opn-
uð. Hún virkar sem gagnabanki
fyrir lýðræðisfræðslu og geym-
ir upplýsingar sem eru hugsaðar
til að hjálpa ungu fólki að ákveða
hvað kjósa skal. Á heimasíðunni
getur almenningur jafnframt nýtt
sér Kosningavitann (gagnvirk vef-
könnun sem sýnir kjósendum hvar
þeir standa í samanburði við fram-
boð til Alþingis)
Innanríkisráðherra og mennta-
og menningarmálaráðherra hvöttu
alla framhaldsskóla landsins til að
taka þátt. Nú hafa flestir skólar
staðfest þátttöku sína eða 24 af 30
og verða því 13.964 nemendur á
aldrinum 16-21 árs á kjörskrá. Þeir
sem eru að kjósa í fyrsta sinn til Al-
þingis verða þannig undirbúnir til
að kjósa fyrir alvöru og þeim sem
ekki hafa náð kosningaaldri verður
gefin rödd.
Lýðræðisvikan hófst 10. októ-
ber, en þá voru kennarar hvattir til
að leggja fyrir lýðræðistengd verk-
efni og stuðla að stjórnmálaumræðu
í kennslustundum. Lýðræðisvikan
endar á skuggakosningum sem sett-
ar eru upp eins og almennar kosn-
ingar á morgun, fimmtudaginn 13.
október. Hver skóli hefur myndað
yfirkjörstjórn, skipuð nemendum og
einum kennara. Þannig munu nem-
endur fá tækifæri til að læra að fram-
kvæma lýðræðislegt kosningaferli
undir leiðsögn kennara. Niður-
stöðurnar verða birtar á sama tíma
og fyrstu tölur alþingiskosninga
29. október. „Síðar verður gefin
út skýrsla um framkvæmd og nið-
urstöður skuggakosninga, enda
munu þær skapa mikilvæga þekk-
ingu um kosningahegðun ungs
fólks og vonandi auka þátttöku,
efla lýðræðislega borgaravitund og
verða að hefð í skólum í framtíð-
inni,“ segir í tilkynningu.
mm
#ÉgKýs - Lýðræðisvika og skugga-
kosningar í framhaldsskólum
Svipmynd úr kjördeild í Borgarnesi við alþingiskosningarnar 2013.
Ljósm. úr safni.
Gunnar Bragi Sveinsson sjávar-
útvegs- og landbúnaðarráðherra
skipar á ný fyrsta sæti á lista Fram-
sóknarflokksins í Norðvesturkjör-
dæmi, sem að venju býður fram
undir listabókstafnum B. Gunn-
ar Bragi er fæddur og uppalinn á
Sauðárkróki þar sem hann stund-
aði hefðbundna skólagöngu, sinnti
félagsstörfum og tók virkan þátt í
félagslífi. Hann lauk stúdentsprófi
frá FNV á Sauðárkróki 1989 og fór
þaðan í Háskóla Íslands þar sem
hann nam atvinnulífsfélagsfræði.
„Ég var alltaf jafnhliða í stjórnmál-
unum. Ég byrjaði ungur að vinna
í pólitíkinni og hef verið í henni
meira og minna alla mína ævi. Þar
hef ég alltaf haft mestan áhuga á
atvinnu- og byggðamálum,“ segir
Gunnar Bragi í samtali við blaða-
mann Skessuhorns. Gunnar Bragi
hefur sinnt ýmsum störfum í gegn-
um tíðina, hefur meðal annars ver-
ið framkvæmdastjóri, verslunar-
stjóri, ritstjóri og var aðstoðarmað-
ur félagsmálaráðherra á árunum
1997 – 1999. Hann tók þátt í sveit-
arstjórnarmálum í Skagafirði árin
2002 – 2009 þar sem hann meðal
var annars varaforseti sveitarstjórn-
ar sveitarfélagsins Skagafjarðar og
formaður byggðaráðs um tíma.
Gunnar Bragi tók þingsæti fyrir
Framsóknarflokkinn 2009 en sett-
ist í ráðherrastól 2013 þegar hann
tók við embætti utanríkisráðherra.
Hann situr nú í embætti sjávarút-
vegs- og landbúnaðarráðherra og
hefur gert frá því í apríl á þessu ári.
Þingstörfin
skemmtileg þrátt
fyrir neikvæðan anda
Aðspurður um reynslu sína af þing-
störfum segir Gunnar Bragi að
starfið sé skemmtilegt. „Ég hef haft
gríðarlega gaman af þingstörfun-
um. Það er mikið af góðu starfs-
fólki á Alþingi og ég er búinn að
læra heilmikið um hvernig málin
ganga fyrir sig. Maður hefur sjálfur
þroskast mjög mikið í þessu starfi.“
Hann segir þó hafa komið á óvart
hversu neikvæður andi sé á Alþingi.
„Ég kynntist þinginu aðeins þegar
ég var aðstoðarmaður Páls Péturs-
sonar rétt fyrir aldamótin og mér
fannst vera meira traust og léttari
andi í þinginu á þeim tíma. Mesta
sjokkið við að setjast á þing var þessi
neikvæði andi sem hefur verið. En
starfið sjálft er mjög skemmtilegt,“
segir hann.
Vill aukna fjármuni í
samgöngumál
En hvað verður efst á baugi hjá
Framsóknarflokknum í komandi
kosningabaráttu? „Við munum fara
inn í þessa kosningabaráttu í kjör-
dæminu með byggðamálin á odd-
inum, samgöngumálin, sjávarút-
vegsmál og að sjálfsögðu velferð-
armálin. Þetta eru þessi stóru mál
sem við þurfum að ræða og móta
fyrir okkar kjördæmi. Áherslur
flokksins liggja þó kannski ekki al-
veg fyrir enda erum við nýkomn-
ir af flokksþingi,“ útskýrir Gunnar
Bragi. Hann segir þó hafa trú á því
að efnahags- og velferðarmál verði
efst á baugi. „Það eru eflaust málin
sem lögð verður aðaláhersla á, ég
geri fastlega ráð fyrir því.“ Norð-
vesturkjördæmi er landfræðilega
stórt kjördæmi og Gunnar Bragi
leggur áherslu á að kjördæmið
skipti miklu máli og að þar þurfi að
huga að ýmsum málum. „Þar þarf
að huga að innviðum, svo sem sam-
göngumálum, og vera óhrædd við
að fara nýjar leiðir í byggðamál-
um. Ég hef lagt áherslu á að við
notum skattkerfið til að styðja við
byggðirnar.“ Hann segir það ljóst
að þörf sé á framkvæmdum í sam-
göngumálum um allt kjördæmið.
„Það vantar aukna fjármuni inn í
samgöngurnar og það er eitthvað
sem við munum beita okkur fyr-
ir að verði gert. Góðar samgöngur
eru mikilvægar, til dæmis fyrir aðra
málaflokka og til að geta byggt
upp gott samfélag. Það þarf til að
mynda að setja meira fé í tengivegi
og malarvegi, vegakerfið stendur
ferðaþjónustunni fyrir þrifum að
mörgu leyti eins og það er. En svo
þarf að sjálfsögðu einnig að huga
að fjarskiptunum.“
Mikilvægt að aðstæður
séu góðar
Það sem stendur Gunnari Braga
næst í stjórnmálunum eru byggða-
málin. Hann segir þau taka yfir
stóran hluta þeirra samfélaga sem
eru á landsbyggðinni. „Ég lít þann-
ig á að hluti af byggðamálum séu
samgöngumálin, landbúnaðurinn
sem við þurfum bæði að verja og
efla, sjávarútvegurinn og orkumál.
Allt eru þetta byggðamál,“ segir
hann. Hann bætir því við að mikil-
vægt sé að aðstæður á landsbyggð-
inni séu góðar, þannig að fólk geti
sest þar að. „Við vitum að fjöldi
fólks vill það gjarnan. Við gætum
bætt þessar aðstæður til muna, til
dæmis með því að nota skattkerf-
ið, með breytilegu tryggingagjaldi
fyrirtækja og með endurgreiðslu á
kostnaði til og frá vinnu. Þá mætti
endurgreiða námslán að hluta til
þeirra sem eru búnir að mennta
sig og eru tilbúnir að setjast að á
landsbyggðinni. Það vantar víða
menntað fólk, hvort sem það er í
heilbrigðisgeiranum eða annars
staðar.“ Gunnar Bragi segir svip-
aðar aðgerðir hafa gefist ágætlega
í öðrum löndum, til dæmis í Nor-
egi. „Þess vegna vil ég að við för-
um sömu leið og gerum tilraun á
þessu,“ bætir hann við.
Þriðji maður í
baráttusætinu
Listi Framsóknarflokksins í Nor-
vesturkjördæmi hefur verið gerður
kunngjörður. Gunnar Bragi leiðir
listann líkt og hann gerði í kosning-
unum 2013. Í öðru sæti situr þing-
maðurinn Elsa Lára Arnardóttir
frá Akranesi og færist hún upp um
eitt sæti. Í þriðja sæti er Sigurð-
ur Páll Jónsson útgerðarmaður í
Stykkishólmi sem verið hefur vara-
þingmaður flokksins á því kjör-
tímabili sem nú er að ljúka. Gunn-
ar Bragi segir markmið Framsókn-
arflokksins í NV-kjördæmi í kom-
andi kosningum vera að ná inn
þessum þremur þingmönnum.
„Okkar baráttusæti er þriðji maður
á listanum, Sigurður Páll Jónsson,
og við stefnum á að ná honum inn.
Það er okkar markmið. Við teljum
að málefnalegur grunnur okkar sé
góður í kjördæminu og að sú fram-
tíðarsýn sem við komum til með að
boða sé eðlilegt framhald af þessum
góða grunni,“ segir Gunnar Bragi
Sveinsson að endingu.
grþ
KOSNIN
GAR
2016 Stefna á að ná þremur þingmönnum
í Norðvesturkjördæmi
Rætt við Gunnar Braga Sveinsson oddvita Framsóknarflokks í NV-kjördæmi
Gunnar Bragi Sveinsson segir að markmið Framsóknarflokksins í NV-kjördæmi sé að ná þremur mönnum inn á þing.