Skessuhorn - 21.12.2016, Blaðsíða 32

MIÐVIKUDAGUR 21. DESEMBER 201632
Bestu jóla- og nýársóskir
með þökk fyrir samstarfið
á árinu sem er að líða
Landbúnaðarháskóli Íslands
Félagarnir Heiðar Mar Björnsson
og Heimir Berg Vilhjálmsson hafa
undanfarið unnið hörðum hönd-
um að því að setja upp vinnurými
við Ægisbraut 30 á Akranesi. Um
er að ræða svokallað samvinnu-
rými þar sem fólk getur leigt sér
vinnuaðstöðu í skapandi umhverfi.
Báðir eru þeir tiltölulega nýfluttir
í bæinn og fannst þeim vanta slíka
aðstöðu á Skaganum. „Við höf-
um báðir reynslu af svona sam-
vinnuskrifstofum. Ég hafði unnið
á svona skrifstofu í Reykjavík og
Heiðar í London og okkur fannst
vanta eitthvað svona á Skagann,“
segir Heimir. „Þetta byrjaði eigin-
lega þannig að okkur vantaði sjálf-
um aðstöðu og komumst að því að
það voru fleiri í sömu sporum. Við
ákváðum því að búa til aðstöðu fyrir
fólk sem er að skapa eitthvað, fyr-
ir fólk sem vantar vinnuaðstöðu,“
bætir Heiðar Mar við. Sjálfir eru
félagarnir með sína vinnuaðstöðu
á Ægisbrautinni, þar sem Heið-
ar Mar starfar við kvikmyndagerð
en Heimir hugbúnaðargerð. Þá
eru þeir einnig að setja á fót nýtt
fyrirtæki, OG GO, sem mun gera
önnur fyrirtæki sýnilegri á netinu,
til dæmis á samfélagsmiðlum með
gerð myndbanda, grafískri vinnu,
textagerð og öðru.
Léttleikinn í fyrirrúmi
Strákarnir fengu húsnæðið afhent
í haust og hafa síðan þá unnið að
því að gera allt tilbúið. „Við byrj-
uðum á þessu sjálfir og fengum svo
styrk frá Uppbyggingarsjóði Vest-
urlands upp á 800 þúsund krón-
ur, sem kom sér mjög vel. Án þess
hefði þetta án efa tekið mun lengri
tíma. Það þurfti að gera mikið
hérna inni og allt kostar þetta eitt-
hvað. Við tókum til dæmis að okk-
ur gæslu á Sauðamessuballi í Borg-
arnesi til að geta keypt parketið,“
segja þeir hlæjandi. Þeir stefna á
að allt verði tilbúið um áramót-
in og að þá verði hægt að leigja út
vinnuplássin. Nú þegar hafa tvö
þeirra verið leigð út en aðstað-
an býður upp á sex til átta vinnu-
pláss. „Það geta sex manns fengið
fast pláss en svo geta fleiri fengið
dag og dag. Það er hægt að leigja
aðstöðu til lengri eða skemmri
tíma en föstu borðin leigjast í að
minnsta kosti mánuð í einu.“ Þeir
sem leigja aðstöðu fá lykil að hús-
næðinu og pláss til að geyma dótið
sitt. „Það eina sem þarf er að mæta
með sína eigin tölvu, bók eða hvað
sem þarf til að geta unnið vinnuna
sína,“ segir Heimir. Internetteng-
ing er í rýminu og hægt að hella
sér upp á gott kaffi. „Fólk hefur
sýnt þessu mikinn áhuga og marg-
ir hafa sent okkur póst,“ segja þeir.
„Hér geta einyrkjar og aðrir kom-
ið og unnið í hópi skapandi fólks,
þar sem léttleikinn er í fyrirrúmi.
Það getur verið gott að komast út,
fara í vinnuna og skilja vinnuna svo
eftir þegar þú ferð heim.“ Frekari
upplýsingar um samvinnurýmið
má finna á Facebook: Coworking
Akranes eða með því að líta við á
Ægisbrautinni.
grþ
Opna samvinnurýmið „Coworking Akranes“ um áramótin
Heiðar Mar Björnsson og
Heimir Berg Vilhjálmsson.