Skessuhorn - 21.12.2016, Blaðsíða 50

MIÐVIKUDAGUR 21. DESEMBER 201650
skólastjóri, sagði að þegar henni hefðu með nokkrum fyrirvara
borist fregnir af því að maður hennar ætti að vera réttarstjóri.
Tók hún þá ekki annað í mál en að vera að minnsta kosti jafn
vel merkt og eiginmaðurinn. Vakti framtak þeirra hjóna mikla
lukku viðstaddra.
Aukin framlög til
Skógarstrandarvegar
Lögregla, slökkvilið og sjúkra-
flutningamenn í Dölum þurftu
á árinu að sinna tugum útkalla
vegna tíðra umferðaróhappa
á vegi nr. 54, Snæfellsnesvegi
um Skógarströnd. Ástand veg-
arins var orðið svo bágborið
á haustmánuðum að lögregla
óskaði eftir því við Vegagerð-
ina að hámarkshraði um veginn yrði lækkaður niður í 50 km/
klst. Um 20 manns höfðu þurft að leita læknisaðstoðar vegna
umferðaróhappa og slysa áður en októbermánuður gekk í garð
og á endanum fór svo að ráðamenn tóku að lokum við sér. Ákvað
var á Alþingi að verja 250 milljónum á næstu tveimur árum til
endurbóta á Skógarstrandarvegi, en áður hafði ekki verið gert
ráð fyrir svo mikið sem krónu til viðhalds og endurbóta á þessum
60 km kafla fyrr en árið 2019. Dalamenn voru að vonum ánægð-
ir og sjá fram á að loksins verði ráðin bót í máli. „Við erum mjög
ánægð með þetta framlag sem kom inn í samgönguáætlun á síð-
ustu stundu og var eiginlega framar okkar vonum. Við trúum
því að umræða síðustu vikna og mánaða hafi haft jákvæð áhrif
á þróun málsins þar sem lögregla, sveitarfélagið, Skessuhorn og
fleiri vöktu athygli á málinu og hve brýnt það væri,“ sagði Sveinn
Pálsson sveitarstjóri Dalabyggðar í samtali við Skessuhorn um
miðjan október.
Tekist á um Teigsskóg enn á ný
Undirbúningur hófst á haustmánuðum vegna fyrirhugaðra fram-
kvæmda við nýjan Vestfjarðaveg um Gufudalssveit í Reykhóla-
hreppi. Í niðurstöðu frummatsskýrslu Vegagerðarinnar er mælt
með leið Þ-H; þverun Þorskafjarðar og vegi um hinn umdeilda
Teigsskóg og síðan þverun bæði Djúpafjarðar og Gufufjarðar.
Skýrsla Vegagerðarinnar er í opinberu ferli og nýverið birti Um-
hverfisstofnun umsögn sína. Niðurstaða umfjöllunar stofnunar-
innar er að leið Þ-H sé einn af verri kostunum sem til skoðunar
eru, með tilliti til umhverfisáhrifa og mælir með jarðgangaleið,
leið D2, sem þverar Þorskafjörð, fer í jarðgöngum undir Hjalla-
háls og þaðan með nýju vegstæði yfir Ódrjúgsháls og síðan þver-
un Gufufjarðar. Vegagerð á þessu svæði hefur verið lengi í deigl-
unni og alla tíð verið umdeild. Margar hugmyndir hafa skotið
upp kollinum undanfarinn áratug eða svo og tekist á um nánast
allar. Fengu landeigendur Teigsskógar á sínum tíma hnekkt fyrri
áformum um veg um Teigsskóg og pattstaða var í málinu þar til
Vegagerðin fékk heimild til endurupptöku umhverfismatsins á
árinu. Málið er enn í ferli og aftur er farið að takast á um það.
Hrefna strandaði í Borgarvogi
Sjö metra löng hrefna lenti í sjálfheldu og strandaði á leirunum
í Borgarvogi, norðan við Borgarnes við upphaf Sauðamessu. Til
hvalsins sást kvöldið áður, en hann var særður og því talið útilok-
að að bjarga honum. Á fjöru um hádegisbilið var hvalurinn aflíf-
aður samkvæmt beiðni yfirdýralæknis. Hræið var síðan dregið á
land á næsta flóði og urðað.
Bætt aðstaða fyrir ferðamenn
Snæfellsbær hefur ekki farið varhluta af vaxandi ferðamanna-
straumi hingað til lands frekar en önnur sveitarfélög. Má bú-
ast við að um hálf milljón manns hafi sótt Snæfellsbæ heim áður
en árið rennur sitt skeið. Til að mæta þessum fjölda gesta hafa
forsvarsmenn sveitarfélagsins reynt að skipuleggja hvernig dreifa
megi ferðamönnum um sveitarfélagið, til að tryggja vernd nátt-
úruperla og koma í veg fyrir of mikinn ágang. Hefur verið gerð-
ur áningarstaður við Svöðufoss, útsýnisplan í Rifi og bílaplan við
Bjarnafoss sem hefur stórbætt aðgengi að fossinum, svo dæmi
séu tekin. Reynslan hefur sýnt að bætt aðgengi dreifir ferða-
mönnum um svæðið, léttir því á átroðningi og kemur öllum til
góða, íbúum og náttúrunni sjálfri. Á meðfylgjandi mynd má sjá
hvar steypt verið er að steypa bílaplan við Bjarnafoss í Staðar-
sveit.
Bræður eignuðustbarn sama dag
Tilviljun réði því að bræðurnir Sigurður og Kristján Guðmunds-
synir frá Hvanneyri eignuðust báðir barn á sjúkrahúsinu á Akra-
nesi sama daginn, mánu-
daginn 24. október síðast-
liðinn. Kvöldið áður höfðu
þeir snætt kvöldverð hjá for-
eldrum sínum ásamt barns-
mæðrum sínum og þegar
þeir kvöddust þá um kvöld-
ið áttu þeir ekki von á að
lenda saman á fæðingadeild-
inni. Þó var vitað að Kristján
yrði faðir þann dag, því Ey-
dís Smáradóttir, kona hans var bókuð í keisaraskurð. Settur dag-
ur hjá Aldísi Örnu Tryggvadóttur, konu Sigurðar, var hins vegar
ekki fyrr en í nóvember. Hlutirnir fóru þó öðruvísi en ætlað var
og kom barn Aldísar og Sigurðar í heiminn á undan barni Krist-
jáns og Eydísar.
Sjálfstæðisflokkur
stærstur í NV-kjördæmi
Kosið var til Alþingis laugardaginn 29. október síðastliðinn, tæp-
lega þremur og hálfu ári frá síðustu Alþingiskosningum. Kjör-
sókn var með dræmara móti í sögulegu samhengi, eða innan við
80%. Talningu atkvæða lauk laust fyrir kl. 9 að morgni sunnu-
dags og þá lágu fyrir tölur úr NV-kjördæmi. Sjálfstæðisflokk-
ur fékk 29,5% atkvæða og þrjá þingmenn kjörna, Framsóknar-
flokkur 20,8% og tvo þingmenn, Vinstri græn 18,1% og einn
þingmann, Píratar 10,9% og einn þingmann og Samfylkingin
fékk 6,3% atkvæða og kom jöfnunarþingmaður kjördæmisins úr
þeirra röðum.
Loftorkufeðgar seldu fyrirtækið
Eigendur Loftorku í Borgar-
nesi ehf., feðgarnir Bergþór
Ólason og Óli Jón Gunn-
arsson sem rekið hafa fé-
lagið síðan 2012, samþykktu
seint í nóvember tilboð í allt
hlutafé félagsins. Kaupand-
inn er félag sem Pétur Guð-
mundsson fer fyrir, en hann
er jafnan kenndur við bygg-
ingafélagið Eykt. Aðspurður
sagði Bergþór að þeir feðg-
ar hafi ekki verið í söluhug-
leiðingum, en þegar kaupaðili hafi nálgast þá af þeirri alvöru
sem gert var í þessu tilfelli hafi viðræður verið teknar upp. Þeir
Bergþór og Óli Jón sáu jafnframt að kaupendur hefðu alla burði
og vilja til að styðja við áframhaldandi uppbyggingu félagsins í
Borgarnesi.
Gríðarlegt brunatjón á Miðhrauni
Mikið tjón varð í bruna í fiskþurrkuninni á Miðhrauni í Eyja- og
Miklaholtshreppi mánudaginn 21. nóvember. Allt tiltækt slökkvi-
lið frá sveitarfélögum á Snæfellsnesi, Borgarbyggð og Akranesi
var ræst út kl. 4:50 um morguninn, auk þess sem sendur var bún-
aður frá Brunavörnum Suðurnesja. Viðbúnaður var mikill enda
ljóst frá fyrstu mínútu að um stórbruna væri að ræða. Tvö stór
verksmiðjuhús brunnu en eldvarnarveggur, gott veður og snögg
handtök slökkviliðsmanna komu í veg fyrir að eldur næði að læsa
sig í stærsta og nýjasta húsið í þyrpingunni. Lögð var áhersla á að
verja það hús því ljóst var að eldri húsum yrði ekki bjargað, enda
alelda þegar slökkvilið bar að garði. Milli þrjá og fjóra klukkutíma
tók að ráða niðurlögum eldsins en slökkvistarf gekk vel miðað við
aðstæður. Var bruninn mikið áfall fyrir atvinnurekendur á Mið-
hrauni sem ákváðu þó að hefja endurbyggingu að fullu þegar búið
væri að meta tjónið.
Hlýtt ár í sögulegu samhengi
Hitamet hafa fallið víða um
land á þessu ári sem senn líð-
ur. Sérstaklega var þó heitt í
haust og fram undir þetta.
Meðfylgjandi mynd var tek-
in við Akraneshöfn í sumar
en þar var ungt fólk að æfa
stökk í höfnina. Samtaka
voru þau. Fjær liggja upp-
sjávarveiðiskip HB Granda
við kaja.
Byggt í miðbæ Borgarness
Framkvæmdir hófust í sumar við byggingu tveggja stórhýsa í
miðbæ Borgarness, á lóðunum Borgarbraut 57 og 59. Þar verður
reist ríflega 80 herbergja hótel auk fjölbýlishúss fyrir eldri borg-
ara. Þetta verður stærsta byggingaframkvæmd í héraðinu um
árabil. Tekist er á um skipulagsmál vegna Borgarbrautar 57, en
einkum er það skortur á bílastæðum sem steytir á. Meðfylgjandi
mynd var tekin þegar byrjað var að reisa fyrstu hæð hótelsins.
Þarna má sjá þá Alfreð Þór Alfreðsson frá Smellinn og Jóhannes
Freyr Stefánsson frá SÓ húsbyggingum.
Ferðamenn oft óvanir ökumenn
Fjölmargar fréttir bárust af því á árinu að ferðamenn á bílaleigu-
bílum höfðu komið sér í vandræði. Nær vikulega var hægt að lesa
slíkar fréttir í Skessuhorni um það þegar í dagbók lögreglunn-
ar á Vesturlandi var sagt frá ólíklegustu málum. Umræðu hef-
ur vakið í þjóðfélaginu lítil reynsla erlendra ökumanna af akstri
við erfiðar aðstæður, eða akstri almennt. Talsvert er um að as-
ískt fólk sérstaklega taki snöggsoðið ökupróf í heimalandi sínu,
ferðist til framandi landa, taki bílaleigubíla á leigu og hefji akst-
ur með hörmulegum afleiðingum. Oft er þetta fólk búið að koma
sér í ólíklegustu vandræði. Dæmi er um að bílaleiga hafi neitað að
senda nýjan bíl á vettvang óhapps, þegar viðkomandi ökumaður
var búinn að eyðileggja tvo bíla á jafn mörgum dögum. Á með-
fylgjandi mynd hafði átt sér stað útafkeyrsla við Hraunhafnará í
Staðarsveit á Snæfellsnesi. Fjórar asískar stúlkur voru í bifreiðinni
og sakaði þær ekki. Brostu þær og veifaðu til fréttaritara Skessu-
horns sem átti þar leið hjá.
Fréttaannáll ársins 2016 í máli og myndum