Skessuhorn - 21.12.2016, Blaðsíða 67

MIÐVIKUDAGUR 21. DESEMBER 2016 67
Kveðjur úr héraði
Vinstrihreyfingin grænt framboð
í Norðvesturkjördæmi óskar íbúum kjördæmisins
og lesendum Skessuhorns gleðilegra jóla
og farsældar á komandi ári.
Þökkum samstarfið og stuðninginn á árinu sem er að líða.
Gleðileg jól
S
K
E
S
S
U
H
O
R
N
2
01
5
Gleðileg jól og farsælt komandi ár.
Þökkum ánægjuleg samskipti á líðandi ári.

God jul og godt nytt år.
Vi takker for samarbeidet i året som gikk.

Merry Christmas and a happy new year.
Thank you for enjoyable moments in
the passing year.
Wesołych Świąt i szczęśliwego nowego.
Dziekujemy za owocna wspolprace w 2016 roku i
mamy nadzieje ze przyszly rok bedzie rownie udany
Счастливого Нового Года и светлого Рождества!
С благодарностью за сотрудничество
и совместную работу в прошлом году,
Jólakveðja – Julehilsen • Christmas
greeting • życzenia świąteczne -
Поздравления с Рождеством!
S
K
E
S
S
U
H
O
R
N
2
01
6
Fyrsta jólaminningin 1962, ég er
nýorðin þriggja ára gömul. Við
erum fimm við borðið á aðfanga-
dagskvöld, afi og amma, mamma
og ég, og Nonni stóri bróð-
ir mömmu minnar. Við borðum
hangikjöt á aðfangadagskvöld og
svo eru ávextir úr dós með rjóma
í eftirrétt. Eftir matinn koma Óli
frændi, kona hans og þrjú frænd-
syskini mín yfir til okkar. Afi og
frændurnir syngja allir í karlakór
og spila á hljóðfæri. Afi sest við
orgelið, Kjarri frændi tekur nikk-
una og nú er sko fjör! Við dönsum
kringum jólatréð, ég syng og syng,
hoppandi og dansandi af gleði. Að
lokum er borið fram heitt súkkul-
aði með rjóma og smákökur. Þetta
er fyrsta jólaminning mín, dásam-
leg jól í faðmi kærleiksríkrar stór-
fjölskyldu.
Við hjónin höfum saman upp-
lifað mörg dásamleg jól, sum jólin
alein á erlendri grund, önnur hér
á Íslandi þar sem við flugum heim
með börnin okkar tvö til að njóta
jólanna í faðmi stórfjölskyldunn-
ar. Ekki var nú alltaf jólalegt þeg-
ar við vorum að halda jólin okkar
ein í útlöndum og ég var að spreyja
jólasnjó inn á gluggana meðan
„jólarigningin“ og svart myrkr-
ið réði ríkjum úti fyrir. Íslenski
jólasveinninn gat þó alltaf fundið
börnin okkar og gefið þeim í skó-
inn, þó að þau byggju í útlöndum,
það voru lesnar sögur á kvöldin um
sveinkana og stundum sá smáfólk-
ið jafnvel glitta í rauðar húfur og
fótspor fyrir utan gluggann sinn.
Eftir um 30 ára veru erlendis
fluttum við hjónin til baka til Íslands
árið 2010, börnin tvö orðin fullorð-
in og komin í sambúð. Fyrstu jólin
eftir flutningana komu þau hingað
til okkar og við áttum fullkomin jól
í litla rauða húsinu okkar í Skorra-
dalnum. Hjuggum jólatréð sjálf hjá
vinkonu okkar inná Fitjum, bök-
uðum laufabrauðið og öllum okkar
jólahefðum fylgt út í ystu æsar.
Þessi jól lít ég tilbaka á viðburð-
arríkt ár og tilbaka til síðustu jóla
sem svo sannarlega voru öðruvísi
heldur en jólin sem nú eru að renna
í garð. Í lok nóvember 2015 fædd-
ist fyrsta barnabarnið okkar úti í
París og við skruppum til að heim-
sækja þau vikuna fyrir jólin. Það var
16 stiga hiti og vopnaðir hermenn
gráir fyrir járnum á verði í versl-
unarmistöðvum og lestarstöðvum.
Það verður að viðurkennast að það
var erfitt að skilja við litlu fjölskyld-
una í París þegar við flugum tilbaka
þann 20. desember. Sonur okkar og
hans kærasta héldu jólin erlendis hjá
fjölskyldu hennar, við vorum jú svo
heppin að þau fluttu til Íslands árið
áður (2014) svo við höfðum þau allt-
af hjá okkur og sanngjarnt að fjöl-
skylda hennar hefði þau hjá sér á
jólunum. Jólin 2015 voru því fyrstu
jólin sem við hjónin vorum ein á
aðfangadagskvöld og við hugsuð-
um með okkur að svona myndi það
sennilega verða framvegis. Nýtt ár
gekk í garð og litlir spámenn vor-
um við.
Í lok febrúar 2016 fengum við
minnisstætt símtal þegar dóttir okk-
ar og tengdasonur tilkynntu okk-
ur að þau væru búin að selja íbúð-
ina þeirra í París og væru búin að
ákveða að flytja til Íslands, barnsins
vegna og til að vera nær fjölskyld-
unni. Gleðin var meiri en hægt er að
lýsa með orðum og þetta kom okk-
ur algjörlega í opna skjöldu. Þann
12. ágúst flutti litla fjölskyldan í
Kópavog þar sem dóttir okkar hef-
ur búið þeim yndislegt heimili. Þau
eru hamingjusöm hér á Íslandi og
líður vel með litla drengnum sínum
sem nýverið hélt uppá fyrsta afmæl-
ið sitt hér í faðmi stórfjölskyldu, afar
og ömmur, langafi og langamma,
frændur og frænkur, vinir og vin-
konur hittust og héldu upp á þenn-
an stóra áfanga með honum. Bæði
pabbinn og litli maðurinn eru byrj-
aðir að tala íslensku og gengur bara
vel hjá báðum.
Aðrar stórar fréttir komu í mars
þegar sonurinn og tengdadóttirin
tilkynntu okkur að von væri á barni
hjá þeim í nóvember. Í lok nóvem-
ber sl. fæddist þeim hraustlegur og
myndarlegur drengur sem verður
vel tekið á móti í faðm stórfjölskyld-
unnar hér á Íslandi. Að við myndum
halda jólin 2016 með báðum börn-
um, tengdabörnum og tveim litlum
nóvemberstrákum hefði okkur ekki
dottið í hug þegar við sátum ein á
aðfangadagskvöldið 2015. Við höf-
um fengið þær stærstu gjafir sem
hægt er að hugsa sér á þessu ári, það
er að fá að hafa þau öll hjá okkur hér
á góða landinu okkar.
Efst í huga mér þessi jólin er því
þakklæti fyrir að vera Íslending-
ur, þakklæti fyrir landið mitt góða,
þakklæti til forfeðra minna og
þakklæti fyrir þá miklu gjöf að vera
móðir og amma.
Gleðileg jól kæru sveitungar,
Sigrún Guttormsdóttir Þormar.
Höf. situr í sveitarstjórn Skorra-
dalshrepps og er verkefnastjóri í
Snorrastofu.
Jólin
Blessuð jólin helgan frið þér færa,
fögnuð hugans sífellt endurnæra.
Einhver undrabjarmi
yljar þínum barmi.
Þú ert aftur barn með bros á hvarmi.
Höf. Kjartan Ólafsson (afi fæddur
á Húsafelli 1895).
Fullkomin jól
Jólakveðja úr Skorradal