Skessuhorn - 21.12.2016, Qupperneq 40

MIÐVIKUDAGUR 21. DESEMBER 201640
Stykkishólmur er ekki frábrugðinn öðrum stórborgum í að-
draganda jóla. Þar eru jólatónleikar og markaðir af ýmsu tagi.
Ljósmyndari Skessuhorns brá sér í bæinn og fangaði anda
jólanna í Stykkishólmi. Í Stykkishólmskirkju skemmtu söng-
sveitin Blær og karlakórinn Kári áheyrendum með söng sínum
undir stjórn Hólmfríðar Friðjónsdóttur. Það er gaman að segja
frá því að söngsveitin Blær flutti meðal annars þekkt lög við
texta eftir Hólmarann Ægi Breiðfjörð Jóhannsson.
Nemendur tónlistarskólans buðu upp á ágætis skemmtun í
kirkjunni. Athöfnin hófst með glæsilegri innkomu trommu-
sveitar og stigu nemendur skólans á stokk með margs konar
atriði, þar máttu heyra og sjá einsöngsatriði, lúðrasveit, saxó-
fón og trommuspilara og var gaman að sjá hvað nemendurn-
ir stóðu sig vel.
Næst var haldið í Norska húsið þar sem Hjördís Pálsdóttir
safnstjóri opnaði húsið með ýmsu handverki sem hægt var að
skoða og kaupa. Eiginmenn gripu tækifærið og hvíldu lúna fæt-
ur í húsgangasýningu Atons en sýningin hefur staðið yfir síð-
an í sumar.
Í sal Tónlistarskólans bauð Hólmgeir Þórsteinsson og hljóm-
sveitin Meðlæti upp á frábæra kvöldstund ásamt hæfileikarík-
um söngvurum úr Stykkishólmi sem fluttu jólalög. Kallast þessi
viðburður Dúllulegu jólatónleikarnir og voru þeir haldnir fjór-
um sinnum þetta árið og fullt var á alla tónleikana. Kvenfélag
Stykkishólms kemur að þessum viðburði og býður upp á smá-
kökur og heitt súkkulaði og rennur allur ágóði til góðgerða-
mála. Kynnir á jólatónleikunum var Helga Sveinsdóttir.
Rann nú upp laugardagur með Ljúfmetismarkaði sem var
haldinn í húsnæði BB og sona á Reitarveginum. Þar mátti sjá
Sæþór Þorbergsson frá Narfeyrarstofu með framleiðslu sína en
hann bauð upp á heimareykt hangikjöt og fleira góðgæti. Létt-
reyktar lambarifjur slógu algerlega í gegn. Helgi bakari, Hót-
el Egilsen og veitingahúsið Skúrinn buðu upp á sýnishorn af
framleiðslu sinni og Stykkið pizzagerð fór á kostum með ítölsk-
um pizzum með piparkökum. Hjónin Valentínus og Elísabet
voru með harðfiskinn sinn en fyrirtæki þeirra Friðborg fram-
leiðir harðfisk, þennan „sjúklega góða“. Rúkandi mætti á svæð-
ið og runnu randalínurnar þeirra út. Síðast en ekki síst skal telja
Sjávarpakkhúsið þar sem Sara og Agneska buðu upp á margs
konar rétti. Þarna mátti meðal annars smakka síld og steinbít
í hátíðarbúningi. Þetta var ljómandi fínn dagur og endaði ljós-
myndari Skessuhorns daginn á því að fara á baráttuleik Snæfells
og Grindavíkur í kvennadeild þar sem Snæfell fór með sigur af
hólmi. Fyrir þá sem fóru seinna að sofa heldur en ljósmyndar-
inn var hægt að fara á Pub quiz í Skúrnum eða hlusta á trúba-
dor í Sjávarpakkhúsinu.
Skátafélagið Royal Rangers rekur nytjamarkað til að standa
straum af rekstri skátafélagsins og þar kennir margra grasa og
margt sem heillar enda gekk ljósmyndarinn með fullan poka
út.
Hér er einungis stiklað á stóru því að hér er margt óupptal-
ið en eins og sjá má er engin lognmolla á Aðventunni í Stykk-
ishólmi og nóg um að vera, afþreying, skemmtun og viðburðir
við allra hæfi. sa
Fjölbreytt dagskrá á aðventu í Stykkishólmi
Söngsveitin Blær. Þau komu fram á Dúllulegum jólatónleikum.
Girnilegar veitingar á ljúfetismarkaði.
Hljómsveitin Meðlæti spilaði á Dúllulegum jólatónleikum.
Lúðrasveitin kom fram á tónleikum í skólanum. Narfeyrarstofa bauð gestum að prófa úrvals hangikjöt og sitthvað
fleira.
Á nytjamarkaði kenndi margra grasa.
Í heimsókn í Norska húsinu. Gott að hvíla lúin bein á húsgagnasýningu Aton. Þessi prúðu og fallegu börn komu fram á tónleikum í Tónlistar-
skólanum.
Karlakórinn Kári söng undir stjórn Hólmfríðar Friðjónsdóttur. Brauð og bakkelsi á ljúfmetismarkaði.