Skessuhorn - 11.10.2017, Side 4

MIÐVIKUDAGUR 11. OKTÓBER 20174
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.835 krónur með vsk. á mánuði. Elli- og örorkulífeyrisþegar greiða
kr. 2.457. Rafræn áskrift kostar 2.226 kr. Rafræn áskrift til elli- og örorkulífeyrisþega er 2.058 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Auglýsingar og dreifing:
Emilía Ottesen emilia@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Áfram Ísland!
Árangur íslenska karlalandsliðsins í knattspyrnu hefur sannarlega fyllt
mig stolti, líkt og marga ef ekki alla Íslendinga. Jafnvel forpokaðir anti-
sportistar hafa séð ljósið, eða í það minnsta ekki haft hátt síðan þessi nið-
urstaða lá fyrir. Á mánudagskvöldið fylgdumst við með því þegar liðið bar
sigur úr býtum í lokaleik þess í undankeppni fyrir sjálft Heimsmeistara-
mótið sem spilað verður austur í Rússlandi næsta sumar. Með sigri náði
liðið besta árangri nokkurs knattspyrnuliðs fyrr og síðar þegar stuðst er
við hina margrómuðu höfðatölureglu. Að verða einn af fjórtán fulltrúum
Evrópulanda á HM er ótrúlegt afrek.
Það elskulegasta við þessa staðreynd er ekki síst að nú getur þjóðin
sameinast um jákvæðan atburð. Allir samgleðjast, fyllast stolti, brosa og
tala um fótbolta. Unga fólkið okkar rífur sig upp frá spjaldtölvunum og
æpödunum og hleypur út á túnblett með bolta. Sannarlega er þetta eitt-
hvað sem þjóðin þurfti á að halda. Mér finnst við einmitt að auka þurfi
jákvæðnina í garð þess sem við erum, getum og verðum. Vissulega erum
við örþjóð norður í hafi og þessi árangur íslenska karlalandsliðsins er því
einstakur, enda hafa fjölmiðlar hvarvetna í heiminum fjallað um hann og
fyllst lotningu. Með bjartsýni að vopni eru okkur allar götur greiðar, vit-
um við hvert við eigum að stefna.
Ég leyfi mér að hvetja það ágæta fólk sem nú gefur kost á sér til forystu
í stjórnmálum að taka íslenska karlalandsliðið í knattspyrnu sér til fyrir-
myndar. Enginn vafi er á að árangur þess má rekja til rétta hugarfarsins,
auk náttúrlega líkamlegs þreks og fimi. Þarna stefna menn í sameiningu
að ákveðnu marki, vinna sem ein heild og ná þess vegna árangri. Alveg á
sama hátt gætu stjórnmálamenn ákveðið það hér og nú að taka upp að-
ferðir strákanna og unnið saman að því marki að bæta hag Íslendinga með
því að vinna betur saman en gert hefur verið.
Ég horfði á pallborðsumræður í sjónvarpinu á mánudagskvöldið þar
sem fulltrúar tólf stjórnmálahreyfinga stóðu fyrir svörum í aðdraganda
kosninga. Mér fannst þetta um margt athyglisverðar umræður og góð-
ur þáttur. Að vísu voru framboðin mörg og því takmarkaður tími sem
hver og einn hafði til svara. En gleymum því ekki að það er lýðræðis-
legur réttur að bjóða fram lista hvort sem málefnin eru mörg eða fá. Mér
fannst þessi þáttur gagnlegur ekki síst fyrir þær sakir að ég er fyrir margt
löngu orðinn pólitískur flakkari, sveiflast frá vinstri til hægri og kýs orð-
ið þær persónur sem mér hugnast best hverju sinni. Flokkarnir höfðu
fram til þessa haft litla möguleika til að kynna stefnumál sín og þarna var
nokkrum þeirra komið á framfæri. Ég gat byrjað að mynda mér skoðun. Í
blaðinu í dag er rætt við hátt í fjóra tugi Vestlendinga og þeir spurðir hver
áherslumál stjórnmálamanna ættu að vera. Svörin voru næstum eins mörg
og þeir sem spurðir voru. Hins vegar vakti það athygli mína að nú rúmum
hálfum mánuði fyrir kosningar, hafði meira en helmingur kjósenda ekki
gert upp hug sinn hvar exið yrði sett á seðil í kjörklefanum. Þess vegna
þurfum við fleiri svona umræðuþætti og stjórnmálamennirnir verða að
vera duglegir að koma sér og sínum málum á framfæri.
Það er trú mín að fólkið okkar í stjórnmálunum sjái að betra er fyr-
ir heilsu þess og almenna lýðheilsu landsmanna að fólk starfi saman að
góðum verkum. Auðvitað verður skoðanamunur um áherslur, stefnur og
hvort samneyslan eigi að vera meiri eða minni, skattarnir hærri eða lægri
og svo framvegis. En með rétta hugarfarinu geta stjórnmálamenn nefni-
lega alveg náð góðum árangri rétt eins og strákarnir okkar í boltanum. Ég
hendi því almennri kveðju út í tómið og segi; Áfram Ísland!
Magnús Magnússon.
Leiðari
Um liðna helgi var síðasti opnun-
ardagur blóma- og gjafavöruversl-
unarinnar Blómaverks í Ólafs-
vík. Guðmunda Wiium, eigandi
verslunarinnar, hefur rekið hana
nær sleitulaust frá árinu 2002 utan
ríflega árs þegar hún var í rekstri
annarra. Ástæður lokunarinnar
eru að sögn Guðmundu nokkr-
ar. Finnst henni hún vera búin að
sinna sínu með rekstri þessarar
verslunar, en hún hóf fyrst rekst-
ur gjafavöruverslunar að Vallholti
4 árið 2000. Þá segir Guðmunda
að heilsan sé farin að segja til sín
og þar sem hún geti ekki lengur
staðið vaktina alla daga sjálf verði
hún að loka þar sem reksturinn
beri ekki að hafa starfsmann. Öll
árin sem Guðmunda hefur rekið
verslun hefur hún einnig unnið á
heilsugæslustöðinni sem læknarit-
ari fyrri hluta dagsins og því verið
í tveimur störfum. þa
Blómaverki í Ólafsvík lokað
Aðalsteinn Kristófersson og
Sigurður Höskuldsson, eigin-
maður Guðmundu, tóku lagið
á lokadegi verslunarinnar.
Guðmunda Wiium og Brynja Úlfarsdóttir.
Alþjóðadagur kennara er haldinn
um allan heim 5. október. Að því
tilefni var efnt til Smásagnasam-
keppni KÍ, Heimils og skóla og
Samtaka móðurmálskennara. Eins
og fram kemur á vef Kennarasam-
bands Íslands er þetta í þriðja skipti
sem efnt er til keppninnar og bárust
á annað hundrað smásögur þetta
árið. Keppt er í fimm flokkum sem
skiptast í; leikskólabörn, 1.-4. bekk-
ur, 5.-7. bekkur, 8.-10. bekkur og
framhaldsskólinn.
Úrslit voru kynnt í Hörpu 4.
október sl. Voru það börn í ár-
gangi 2012 á leikskólanum Skýja-
borg í Hvalfjarðarsveit sem unnu í
flokki leikskólabarna í ár, með sög-
una Kennarinn með blað í fanginu.
Aðrir verðlaunahafar voru Kjartan
Kurt Gunnarsson í 1. bekk Grunn-
skóla Þórshafnar, Heiðrún Vala
Hilmarsdóttir, 5. bekk Hraunvalla-
skóla á miðstigi grunnskóla, Elísa
Sverrisdóttir í 10. bekk Foldaskóla
í elsta flokki grunnskóla Dagný Ás-
geirsdóttir, nemi í Menntaskólan-
um Tröllaskaga í flokki framhalds-
skólanema.
arg
Börn á Skýjaborg unnu smásagnakeppni
Meðfylgjandi er mynd af verðlaunahöfum og dómnefnd.
Hafliði Aðalsteinsson, skipasmíða-
meistari og formaður Bátasafns
Breiðafjarðar á Reykhólum, hefur
frá því um miðjan ágúst unnið að því
að smíða súðbyrðing hjá Kystens Arv
í Syðri Þrændalögum í Noregi. Verk-
efni Hafliða ytra var að smíða dæmi-
gerðan breiðfirskan súðbyrðing. Haf-
liði mældi og teiknaði upp bátinn
Sendling sem Ólafur Bergsveinsson,
langafi hans, smíðaði fyrir um 130
árum, en þess má geta að Hafliði er
sjöundi ættliður bátasmiða. Báturinn
var sjósettur í Noregi við hátíðlega
athöfn síðastliðinn laugardag og hon-
um gefið nafn. Var það gert á sérstök-
um Íslendingadegi þar sem Jófríður
Benediktsdóttir, eiginkona Hafliða,
sýndi einnig íslenska þjóðbúninginn,
en hún er kjóla- og klæðskerameistari
og með BA í litstfræði frá HÍ. mm
Íslenskur súðbyrðingur sjósettur í Þrándheimi
Hafliði er hér kominn vel á veg með smíðina.
Ljósm. af síðu Bátasafns Breiðafjarðar.
Þessi mynd er af Facebook síðu Museet Kystens Arv í Noregi.
Þarna glittir í Hafliða sem situr á nýja súðbyrðingnum.