Skessuhorn - 18.10.2017, Side 19

MIÐVIKUDAGUR 18. OKTÓBER 2017 19
Skipulagsauglýsingar
Deildartunga 3 – tillaga að breytingu á deiliskipulagi
Sveitarstjórn Borgarbyggðar hefur á 161. fundi sínum þann 14. september 2017,
samþykkt að auglýsa tillögu að skipulagi:

Um er að ræða breytingu á deiliskipulagi Deildartungu 3 frá árinu 2014 sem tekur eingöngu
til byggingarreits B. Byggingarreitur B stækkar úr 1280 fermetrum í 6350 fermetra og heildar-
byggingarmagn hans eykst úr 500 fermetrum í 1000 fermetra. Tillagan er sett fram á uppdrætti
dags. 3. ágúst 2017. Málsmeðferð verði í samræmi við 1. málsgrein 43. greinar Skipulagslaga nr.
123/2010.

Selás – tillaga að breytingu á deiliskipulagi
Sveitarstjórn Borgarbyggðar hefur á 162. fundi sínum þann 12. október 2017,
samþykkt að auglýsa tillögu að skipulagi:

Tillagan felur m.a. í sér breytingu á aðkomu að hluta svæðisins. Lóðamörk og vegir eru í ósam-
ræmi við gildandi deiliskipulag sem hefur áhrif á afmörkun svæðisins, því er tilgangur breyt-
inganna að samræma gildandi deiliskipulag við núverandi aðstæður. Tillagan er sett fram á
uppdrætti dags. 20. ágúst 2014. Tillagan verði auglýst í samræmi við 1. mgr. 43. greinar Skipu-
lagslaga nr. 123/2010.

Einkunnir – tillaga að nýju deiliskipulagi
Byggðarráð, í umboði sveitarstjórnar, hefur samþykkt á 382. fundi sínum þann
7. júlí 2016 að auglýsa deiliskipulag fyrir fólkvanginn Einkunnir.

Tillagan er sett fram á uppdrætti og í greinargerð dags. 1. júlí 2016. Skipulagið verði auglýst í
samræmi við 41. gr. skipulagslaga nr. 123/2010. Deiliskipulagstillagan er sett fram á einum
uppdrætti þar sem einnig er greinargerð og felur m.a. í sér að skipuleggja land til útivistar og
almenningsnota með áherslu á náttúru.
Friðlýsing fólkvangsins Einkunna var staðfest af ráðherra 20. júní 2017, skv. auglýsingu í B-deild
Stjórnartíðinda.

Skipulagstillögur liggja frammi í Ráðhúsi Borgarbyggðar, Borgarbraut 14 í Borgarnesi, frá 18.
október til 30. nóvember 2017 og verða einnig aðgengilegar á heimasíðu Borgarbyggðar,
www.borgarbyggd.is.
Hverjum þeim aðila sem hagsmuna á að gæta er gefinn kostur á að gera athugasemd við
tillögurnar. Athugasemdir og ábendingar skulu vera skriflegar og berast í síðasta lagi
30. nóvember 2017 í Ráðhús Borgarbyggðar, Borgarbraut 14, 310 Borgarnesi eða á netfangið
borgarbyggd@borgarbyggd.is.

Miðvikudaginn 8. nóvember 2017 milli kl 17:00 og 18:00 verða starfsmenn umhverfis- og skipu-
lagssviðs Borgarbyggðar með opið hús í Ráðhúsi Borgarbyggðar, Borgarbraut 14 í Borgarnesi þar
sem tillögurnar verða kynntar sérstaklega þeim sem þess óska.

Flatahverfi – tillaga að nýju deiliskipulagi
Sveitarstjórn Borgarbyggðar hefur á 162. fundi sínum þann 12. október 2017,
samþykkt eftirfarandi skipulag:

Umhverfis-, skipulags- og landbúnaðarnefnd samþykkir fyrir sitt leyti tillögu að deiliskipulagi
Flatahverfis á Hvanneyri. Tillagan er sett fram á uppdrætti dags. 16. júní 2017 og felur m.a. í sér
deiliskipulag fyrir íbúðasvæði og leikskóla. Athugasemdafrestur er liðinn og alls bárust athuga-
semdir frá þremur aðilum. Sveitarstjórn Borgarbyggðar hefur farið yfir innsendar athugasemdir,
svarað þeim og tekið tillit til þeirra. Sveitarstjórn samþykkir óverulega breytingu á tillögu, tvær
lóðir verða felldar niður vegna lagnaleiða og svæðið skilgreint sem almennings- og útivistarsvæði.
SK
ES
SU
H
O
R
N
2
01
7
Alþjóðlega stuttmyndahátíðin
Northern Wave fagnar tíu ára af-
mæli sínu helgina 27.-29. októ-
ber næstkomandi. Fer hátíðin fram
í Frystiklefanum í Rifi. Að sögn
Daggar Mósesdóttur, skipuleggj-
anda hátíðarinnar, verða að þessu
sinni sýndar rúmar sjötíu alþjóð-
legar og íslenskar stuttmyndir, ís-
lensk tónlistarmyndbönd og blanda
af íslenskum og erlendum mynd-
bandsverkum. „Hátíðin býður að
auki upp á vinnustofu fyrir kvik-
myndagerðarfólk sem er að und-
irbúa fyrsta verkefni í fullri lengd
með fyrirlestrum og ráðgjafafund-
um en vinnustofan er unnin í sam-
starfi við Wift Nordic og verður
haldin í Grundarfirði.“
Northern Wave í samstarfi við
albumm.is hafa tilnefnt 14 íslensk
tónlistarmyndbönd til verðlauna
og skipuleggur hátíðin nú tónleika
í tengslum við myndböndin. Nán-
ari upplýsingar um vinnustofuna
og tónlistarmyndböndin má sjá
á heimasíðu hátíðarinnar; http://
www.northernwavefestival.com.
„Okkar ástsæla leikkona Edda
Björgvinsdóttir og bandaríski kvik-
myndaframleiðandinn og leikkon-
an Monica Lee Bellais eru heiðurs-
gestir hátíðarinnar en laugardaginn
28. október mun fara fram meist-
araspjall með þeim stöllum þar sem
þær munu ræða ýmis málefni sem
við koma kvikmyndagerð, svo sem
Harvey Weinstein sem Monica
hefur haft mikil kynni af og hvort
Hollywood geti eitthvað lært af Ís-
landi og öfugt. Monica hefur í ára-
raðir starfað með þekktustu stjörn-
um Hollywood bæði sem leikkona
(The Flinsstone, The Mask, House
of cards), handritshöfundur og
framleiðandi en síðasta mynd henn-
ar sem framleiðandi, Wakefield,
skartaði Brian Canston úr Breaking
Bad í aðalhlutverki. Monica hefur
mikinn áhuga á að tengjast íslenskri
kvikmyndagerð og koma íslensku
kvikmyndagerðarfólki á framfæri í
Bandaríkjunum,“ segir Dögg. Mo-
nica og Edda skipa að auki dóm-
nefnd hátíðarinnar í ár ásamt hand-
ritshöfundinum Ottó Geir Borg.
Á laugardagskvöldið 28. október
verður haldin hin árlega fiskirétt-
akeppni í afmælishátíðarbúningi
og verður boðið upp á afmælistertu
um daginn.
mm
Edda Björgvins og
Monica Lee Bellais heiðurs-
gestir Northern Wave
Fyrsta sýning vetrarins var frumsýnd
á Söguloftinu í Landnámssetrinu síð-
astliðinn laugardag. Að þessu sinni
var það rithöfundurinn Vilborg Dav-
íðsdóttir sem flutti Auði djúpúðgu –
söguna alla. Þarna lýkur Vilborg þrí-
leik sínum um Auði djúpúðgu og ævi
hennar með frásögn um flótta henn-
ar frá Skotlandi til Íslands.
Síðasta vetur fór ég með tíu ára
dóttur mína á sýninguna Svartagald-
ur á Söguloftinu og skemmst er frá
því að segja að hún varð heilluð af
bæði sýningunni og söguforminu. Ég
ákvað því að bjóða henni með mér á
Auði djúpúðgu í óvissu um hvort sýn-
ingin myndi henta svo ungum áhorf-
enda. Þær áhyggjur hurfu fljótt því
Vilborg náði á undursamlegan hátt
að fanga okkur mægður frá fyrstu
mínútu. Sagan af Auði er ævintýraleg
og Vilborg kveikir hana lífi með frá-
sögn sem fær mann til að trúa því að
hún hafi sjálf verið á viðstödd sögu-
sviðið. Vilborg tekur mann með sér
yfir hafið og aftur til baka. Blóðugir
bardagar, baráttan um líf og dauða,
ferðalög Auðar og skörungsskapur
lifnar við. Lýsingar á persónum og
stöðum er sterk og fær mann til að
tengjast þeim á örskömmum tíma.
Textinn leið áreynslulaust áfram
og hvergi voru hnökrar. Augljóst er
að Vilborg hefur hrærst með sögu
Auðar um langa hríð, en flutningur
hennar ber vitni um mikla virðingu
fyrir þeim persónum sem koma fyrir
og örlögum þeirra. Það er kúnst að
geta komið svo yfirgripsmikilli sögu
frá sér og haldið áheyrandanum við
efnið, en það fórst Vilborgu vel úr
hendi. Það einfalda og sígilda form
sem haft er við á Söguloftinu, þar
sem sögumaðurinn gengur um gólf
með ekkert annað í farteskinu en
söguna, er sérstaklega heillandi og sú
tenging sem myndast við áhorfand-
ann hverju sinni.
Sýningin Auður djúpúðga – sagan
öll hentar fólki á öllum aldri sem hef-
ur unun af því að hlusta á góða frá-
sögn af einni af merkilegustu pers-
ónum landnáms íslands. Um það
vorum við mægður sammála.
Bestu þakkir fyrir okkur.
Guðveig Anna Eyglóardóttir
Auður djúpúðga og sagan öll á Söguloftinu
Vilborg Davíðsdóttir að lokinni frumsýningu síðastliðið laugardagskvöld. Ljósm.
Áslaug Þorvaldsdóttir.