Skessuhorn - 27.06.2018, Blaðsíða 25

MIÐVIKUDAGUR 27. JÚNÍ 2018 25
limtrevirnet.is
Aðalskrifstofa - Borgarbraut 74 - 310 Borgarnes
Söluskrifstofa - Lynghálsi 2 - 110 Reykjavík
Netfang - sala@limtrevirnet.is
Aðalnúmer: 412 5300 | Söludeild: 412 5350
- stuttur afgreiðslutími
- lagerlitur hvítur, boðið upp á málun
- gluggar, bæði íkomnir og í lausu
Bílskúrshurðir frá Límtré Vírnet fást
í verslunum Húsasmiðjunnar um land allt
- hurðaopnarar
- boðið upp á uppsetningu
Andlit hússins
-fallegar og sterkar bílskúrshurðir frá Límtré Vírnet
SK
ES
SU
H
O
R
N
2
01
8
Auglýsing um breytingu á
deiliskipulagi á Akranesi
Bæjarráð í umboði bæjarstjórnar Akraness samþykkti á 21. júní
sl. að auglýsa tillögu að breytingu á deiliskipulagi Sementsreits
skv. 41. gr. sbr. 1. mgr. 43. gr. skipulagslaga nr. 123/2010.

Breytingar felast í að fjarlægja (sements) strompinn.

Tillagan verður til kynningar í þjónustuveri kaupstaðarins að
Stillholti 16-18, Akranesi og á heimasíðu Akraneskaupstaðar,
www.akranes.is, frá og með 28. júní til og með 15. ágúst 2018.
Eru þeir sem telja sig eiga hagsmuna að gæta hvattir
til að kynna sér tillöguna. Ábendingum og athugasemdum
við tillöguna þarf að skila skriflega eigi síðar en 15. ágúst 2018
í þjónustuver Akraneskaupstaðar eða á netfangið
skipulag@akranes.is.

Sviðsstjóri skipulags- og umhverfissviðs Akraneskaupstaðar.
Kvenfélagið 19. júní í Borgarfirði
hélt upp á 80 ára afmælið sitt á kaffi-
húsinu Skemmunni á Hvanneyri í
síðustu viku og voru 30 kvenfélags-
konur mættar til að halda upp á
daginn. Rósa Marinósdóttir, hjúkr-
unarfræðingur og formaður félags-
ins til rúmlega fimm ára, sagði þetta
hafa verið einstaklega skemmtileg
stund. „Við fögnuðum afmælinu á
Hvanneyri og bauð kvenfélagið upp
á vöfflukaffi í Skemmunni, kaffi-
húsinu okkar hér á Hvanneyri. Við
vorum með smá samsæti áður en
við funduðum í örlitla stund. Eft-
ir það tók við skemmtiatriði fyr-
ir konurnar og í framhaldi af því
var öllum kvenfélagskonum færð
gjöf í tilefni afmælisins. Allar fengu
þær svuntu sem var búið að sauma í
Kvenfélagið 19. júní, 80 ára 2018.
Þetta var vel heppnuð stund og allir
skemmtu sér vel,“ segir Rósa um af-
mælisfagnaðinn.
Kvenfélagið var stofnað fyrir 80
árum þegar frú Sigríður Bjarnadótt-
ir húsfreyja á Hesti boðaði til fund-
ar á bænum sínum sunnudaginn 19.
júní árið 1938 til að stofna kvenfé-
lag. Tíu konur úr héraðinu mættu
til fundarins og í kjölfarið var kven-
félagið 19. júní stofnað á kvenrétt-
indadaginn.
Margar ungar
konur í félaginu
Í dag eru 57 meðlimir í kvenfélaginu
sem gerir það eitt af stærri félögum
í Borgarfirði. „Við erum með kon-
ur víða úr héraðinu; úr Skorradal,
Bæjarsveit, Hvanneyri og nágrenni.
Nokkrar konur koma frá Borgar-
nesi og svo er ein sem býr á Selfossi
og tvær í Reykjavík en það eru kon-
ur sem bjuggu einu sinni í sveitinni
hjá okkur, eru brottfluttar en taka
ennþá virkan þátt í starfinu,“ segir
Rósa og segir enn fremur að margar
ungar konur séu félagar sem verð-
ur að teljast óhefðbundið miðað við
ímynd kvenfélaga á Íslandi í dag.
„Margar ungar konur hafa gengið í
félagið sem er frekar óvenjulegt þar
sem í flestum félögum eru eingöngu
konur yfir fertugt. Við erum með
konur sem eru á þrítugsaldrinum,
yngsta er fædd 1992,“ segir Rósa
stolt og á sama tíma spyr blaðamað-
ur af hverju það sé? „Við erum svo
skemmtilegar!“ svarar Rósa sam-
stundis og hlær.
Mannúðarmál hafa ávalt verið
kvenfélaginu mikilvæg í gegnum
tíðina og eru þær með tvo stóra
fjáröflunarviðburði ár hvert. „Fjár-
magnið sem við fáum notum við til
að styrkja annað hvort einstaklinga
sem hafa átt erfitt eða til þess að
kaupa ný tæki og tól til stofnana. Til
dæmis þá höfum við styrkt heilsu-
gæslustöðina og hjúkrunarheimil-
ið Brákarhlíð. Síðasta gjöf sem við
gáfum var fjölþjálfi sem er notað
til líkamsendurhæfingar og er það
staðsett hjá Sjúkraþjálfun Halldóru
í Borgarnesi,“ segir Rósa.
Kvenfélagið hefur einnig tekið
virkan þátt á Hvanneyrarhátíðinni
sem fer fram 7. júlí í næstu viku og
Kvenfélagskonur fengu svuntur
að gjöf í tilefni 80 ára afmælis
er líka liður í fjáröflun. Að þessu
sinni spilar kvenfélagið stórt hlut-
verk þar sem félagið hjálpar til við
að setja upp sýninguna, Konur í
landbúnaði í 100 ár, sem mun verða
opnuð á hátíðinni. glh
30 konur komu saman á Hvanneyri til að halda upp á 80 ára afmæli félagsins.
Ljósm. Kvenfélagið 19. júní.
Rósa Marinósdóttir með barnabarninu sínu, Elínu Rós Stefánsdóttur.
Kvenfélagskonur í nýju svuntunum. Ljósm. Kvenfélagið 19. júní.