Skessuhorn - 07.11.2018, Blaðsíða 15
MIÐVIKUDAGUR 7. NÓVEMBER 2018 15
PÓ
ST
U
R
IN
N
©
2
01
8
Bæjarstjórnarfundur
1282. fundur bæjarstjórnar Akraness verður haldinn
í bæjarþingsalnum að Stillholti 16-18, þriðjudaginn
13. nóvember kl. 17:00. Fundirnir eru öllum opnir
og eru bæjarbúar hvattir til að mæta og kynna
sér bæjarmálin. Vakin er athygli á því að hægt
er að hlusta á fundinn á FM 95,0.
Bæjarmálafundir flokkanna verða sem hér segir:
• Samfylkingin í Stjórnsýsluhúsinu, 1. hæð,
Stillholti 16-18, laugardaginn 10. nóv. kl. 11:00
• Framsókn og frjálsir í Stúkuhúsinu, mánudaginn
12. nóv. kl. 20:00
• Sjálfstæðisflokkurinn að Kirkjubraut 8,
laugardaginn 10. nóvember kl. 10:30
Kór Lindakirkju
Tónleikar í Stykkishólmskirkju
Laugardaginn 10.nóvember Klukkan 17:00
Aðgangur ókeypis
undir stjórn Óskars Einarssonar
Tónleikar í Borgarneskirkju
Sunnudaginn 11.nóvember Klukkan 15:00
GOSPEL & GLEÐI
Borgarland ehf. hefur til leigu nokkur
skrifstofurými á Hvanneyri
Sameiginleg kaffistofa og fundarstofa er í húsinu fyrir
þá sem þar starfa
Hagstæð langtímaleiga, fyrir stærri sem smærri rými
Nánari upplýsingar veitir Guðsteinn Einarsson
í síma 430-5502 eða gudsteinn@kb.is
Sú breyting hefur orðið á rekstri
Hótels Hafnarfjalls í Hafnarskógi
að Steinþór Árnason veitingamaður
hefur tekið rekstur hótelsins á leigu.
Farfuglaheimilið í Borgarnesi keypti
staðinn árið 2013, ásamt tíu hektara
lands. „Við byrjuðum á því að laga
húsnæðið hérna smám saman, sam-
hliða því að við fengum svæðið deili-
skipulagt og byggðum fimm smáhýsi
af ellefu sem deiliskipulögð hafa ver-
ið hér í landi Hafnar 3. Smáhýsin í
bland við hefðbundin standard her-
bergi, ásamt uppgangi í ferðaþjón-
ustu, skilaði okkur allt annarri flóru
í gistingu en áður var, jafnframt sem
tveimur svítum var bætt við á hót-
elinu. En veitingamanninn vantaði,
hann fundum við ekki fyrr en 2018,“
segir Gylfi Árnason og lítur á Stein-
þór. „Áður höfðum við aðeins boð-
ið upp á veitingar fyrir hópa,“ bætir
hann við.
Steinþór er menntaður bakari
og konditor frá Danmörku og með
meistaragráðu í hótelstjórnun. Und-
anfarinn áratug hefur hann rek-
ið kaffihús, veitingastaði og hót-
el bæði hérlendis og erlendis. Um
þessar mundir rekur hann Lesbók-
ina á Akranesi og veitingaþjónustu
að Hlöðum í Hvalfirði. Nú hefur
hann bætt rekstri Hótels Hafnar-
fjall við sig og ætlar að opna veit-
ingastað hótelsins með viðhöfn eftir
áramót. „14. febrúar, á Valentínus-
ardaginn, munum við opna hér sem
„a la carte“ staður,“ segir Steinþór.
„Það verður svona diner-stemning
að amerískri hótel/mótel fyrirmynd,
það er að segja hamborgarar og sjeik,
kjúklingavængir, fish & chips, rif og
fleira borið fram með laukhringjum
og frönskum kartöflum. Hunt‘s tóm-
atsósuflöskur úr gleri verða á borð-
unum og rauðköflóttir dúkar, það
er stemningin sem við erum að leit-
ast eftir,“ segir hann. „Í bland við
það ætlum við að hafa mikið úrval af
grænmetis- og veganréttum á mat-
seðli,“ bætir hann við.
Staðsetningin góð
Herbergi á Hótel Hafnarfjalli eru 17
talsins auk smáhýsanna fimm. Stein-
þór segir að smáhýsin muni fá nýtt
hlutverk eftir opnun veitingastaðar-
ins. „Ég mun leggja áherslu á að veit-
ingastaðurinn nái til allra gesta. Smá-
hýsin verða þá hugsuð sem lúxusgist-
ing með frábæru útsýni og góðum af-
slætti af matseðli veitingastaðarins,“
segir hann. „Þangað til verður áfram
opið í gistingu og mat fyrir hópa.
Fyrirtæki, starfsmanna- og vinahóp-
ar geta komið í vín- eða bjórkynn-
ingu, fengið heildarpakka með mat,
skemmtun og gistingu. Hótel Hafn-
arfjall er mjög vel staðsett hvað slíkt
varðar, í þessum margumtalaða 100
km radíus frá höfuðborginni, en
einnig eru sóknarfæri í því hve stutt
er héðan í önnur ferðaþjónustufyrir-
tæki sem eru að gera mjög flotta hluti
í hvers kyns afþreyingu,“ segir Stein-
þór. „Staðurinn er líka mjög falleg-
ur. Hann lætur ekki mikið yfir sér frá
veginum en um leið og maður kemur
hingað, 200 metra niður eftir, þá tek-
ur á móti manni einstakt útsýni yfir
Borgarfjörðinn. Hér hefur einnig
reynst ákaflega gott að skoða norð-
urljósin í gegnum tíðina og síðsum-
ars blasir Snæfellsjökull við út um
gluggann, oftast baðaður kvöldsól-
inni,“ segir Gylfi. „Verulegt átak er í
undirbúningi hvað varðar heita potta
og sánaklefa í tengslum við hótelið.
Við trúum því að það geti verið lyk-
illinn að norðurljósamarkaðssetn-
ingu í framtíðinni,“ bæta þeir við.
Þarf ekki að breyta því
sem er gott
Að sögn Gylfa hefur reksturinn geng-
ið vel undanfarin ár. Aðkoma Stein-
þórs sé til þess fallin að stíga næsta
skref með fyrirtækið. „Nýtingin hef-
ur verið góð, var til að mynda 66%
á síðasta ári,“ segir Gylfi. „Sem er
ágætur árangur. Það er talað um það
í þessum geira að menn megi klappa
sér duglega á bakið ef nýtingin fer
yfir 50%,“ segir Steinþór og bætir
því við að gott starf hafi verið unn-
ið á hótelinu undanfarin ár. „Hót-
el Hafnarfjall er þekkt fyrir stand-
ard herbergin, frábæran morgun-
mat í úrvali og gott viðmót starfs-
fólks með áherslu á vandaða upp-
lýsingagjöf til ferðafólks. Ætlun-
in er að byggja á þessu til framtíð-
ar, bjóða jafnvel upp á heildarpakka
fyrir fólk með ferðum og afþreyingu
í samstarfi við önnur fyrirtæki en
gistingu og mat hér í fallegu og afs-
löppuðu „country style“ umhverfi,“
segir Steinþór. „Við höfum reynt að
byggja upp starfsemina undanfar-
in ár með það fyrir augum að koma
Hótel Hafnarfjalli á þann stað sem
það er á í dag, það er að segja að vera
góður áningarstaður. Við teljum að
það hafi tekist,“ segir Gylfi og veit-
ingamaðurinn tekur undir það. „Það
þarf ekki að breyta því sem er gott,
aðeins finna út hverju má bæta við
og hvað má gera betur,“ segir Stein-
þór að endingu.
kgk
Steinþór Árnason tekur við
rekstri Hótels Hafnarfjalls
Opnar veitingastaðinn á Valentínusardaginn
Steinþór Árnason og Gylfi Árnason.
Hótel Hafnarfjall skammt fyrir neðan þjóðveginn með fjallið í baksýn. „Síðsumars
blasir Snæfellsjökull við út um gluggann, oftast baðaður kvöldsólinni.“
Fimm smáhýsi tilheyra hótelinu. Þau verða hugsuð sem lúxusgisting.
Fréttaveita Vesturlands
www.skessuhorn.is