Skessuhorn - 07.11.2018, Blaðsíða 20

MIÐVIKUDAGUR 7. NÓVEMBER 201820
Veturnætur voru haldnar hátíð-
legar á Byggðasafninu í Görðum
á Akranesi að kvöldi 31. október.
Þegar viðburðurinn var haldinn
í fyrsta sinn á sama tíma á síðasta
ári var mætingin góð, en ekki nærri
eins mikil og í ár. „Við tippum á að
það hafi mætt um 2.500 manns í
ár,“ segir Ella María Gunnarsdótt-
ir, forstöðumaður menningar-og
safnamála hjá Akraneskaupstað, í
samtali við Skessuhorn.
Nemendur Grundaskóla
sem afturgöngur
Þetta er í annað skipti sem við-
líka viðburður er haldinn á safn-
inu, þar sem starfsmenn þess skapa
hryllilega stemningu og afturgöng-
ur, skrímsli og aðrar hrollvekjandi
verur taka safnið yfir. Mikið var
lagt í viðburðinn í ár, líkt og í fyrra.
Starfsmenn klæddu sig upp sem
draugar og færðu safnið í hrylli-
legan búning. „Það var líka fjöldi
af nemendum úr Grundaskóla sem
var að vinna að þessu með okkur.
Bæði í undirbúningi og svo voru
þau í búningum á safninu og stóðu
sig rosalega vel.“
Öngþveiti en
þolinmæði
Fyrir utan safnið myndaðist löng
röð gesta. „Við vildum reyna að
hafa ekki of marga inni í einu,
þannig að við stýrðum aðgangin-
um. Maður fær ekki sömu hughrif-
in ef maður er með hausinn ofan í
næsta manni,“ segir Ella María. Svo
virðist sem fólk hafi tekið biðinni og
röðinni með jafnaðargeði og sýnt
því skilning að til að fá sem besta
upplifun af viðburðinum væri betra
að bíða ögn. Ótrúlegur fjöldi fólks
mætti og þegar fólk var að koma
og fara myndaðist nánast umferð-
aröngþveiti á bílastæðunum.
Ella María segir að það hafi
ekki komið til umræðu að láta fólk
borga aðgangseyri. „Okkur finnst
það ekki passa, það er almennt séð
ódýrt inn á safnið og okkur finnst
safnið eiga að leggja þetta til sam-
félagsins. Þannig vekjum við líka
athygli á Byggðasafninu um leið.“
klj/ Ljósm. Myndsmiðjan
Vel mætt á Veturnætur á Byggðasafninu í Görðum
Framliðinn á safninu.
Þær eru vinalegar þessar ungu stú
lkur á þessari mynd, en í myrkrinu
voru þær
allhryllilegri.
Blóðugt par en blómlegt.
Einn illa slasaður.
Ógnvekjandi nunna.
Afturgengin spákona
spáði í kristalskúlu.
Safngripir Byggðasafnsins fengu líka að njóta sín, meðal annars þessi uppstoppaði minkur. Slátrarinn á Akran
esi að störfum.
Afturgengnir nemendur sátu á skólabekk.
Ungur sjómaður hvíldi s
ig í
bátnum sínum.