Skessuhorn - 14.11.2018, Blaðsíða 2

MIÐVIKUDAGUR 14. NÓVEMBER 20182
Fjöliðjan á Akranesi hefur tekið að
sér að taka í sundur veglykla sem
áskrifendur í Hvalfjarðargöng hafa
skilað inn frá því gjaldtöku lauk í
haust. Inni í hverjum lykli er raf-
hlaða og tölvukubbur sem þarf að
fjarlægja svo hægt sé að endurvinna
þá íhluti sem eru í veglyklunum.
Þegar Skessuhorn kíkti við í Fjöl-
iðjunni síðastliðinn fimmtudag var
Máni Jóhannsson á fullu að rífa í
sundur lyklana. Ekki er um létt verk
að ræða en það þarf töluvert afl til
að spenna hulstrin utan um lyklana
í sundur. „Ég spenni þá upp með
skrúfjárni og tek svo innan úr skel-
inni. Batteríin fara í sér körfu, tölv-
urnar hér í kassann og svo skeljarn-
ar sjálfar í sinn kassa. Batteríin og
skeljarnar fara svo í endurvinnslu,“
útskýrir Máni fyrir blaðamanni og
bætir því við að líklega verði eitt-
hvað gert við tölvurnar líka.
Inni í geymslu hjá Fjöliðjunni
standa stórir staflar af kössum fullir
af veglyklum sem bíða þess að vera
rifnir í sundur. Mun þetta verk-
efni því taka einhvern tíma en þar
sem ekkert liggur á getur starfsfólk
stokkið í þetta verk inn á milli þeg-
ar tími gefst til.
arg
Nú erum við að síga inn í myrkasta
tímabil ársins hér á norðurhjara ver-
aldar. Á meðan lítillar sólar gæt-
ir minnkar framleiðsla D vítamíns í
húðinni og því ástæða til að taka inn
D vítamín í hóflegu magni. Það stuðl-
ar m.a. að vexti og viðhaldi beina
en skortur á D vítamíni getur vald-
ið beinþynningu, beinmeyru, vöðv-
arýrnun og tannskemmdum í full-
orðnum en beinkröm og vansköpun
beina vegna kalkskorts í börnum.
Austan- og norðaustanátt, 8-13 m/s
á morgun og slidda eða rigning með
köflum á sunnanverðu landinu. Dá-
lítil snjókoma fyrir austan. Hiti um og
undir frostmarki, en 0 til 4 stig sunn-
an heiða. Gengur í hvassa suðaust-
anátt á föstudag með rigningu á
Suður- og Vesturlandi. Hlýnandi veð-
ur. Á laugardag og sunnudag er út-
lit fyrir sunnanátt, vætusamt og hlýtt
veður, en þurrt á norðausturhluta
landsins. Útlit fyrir svipað veðru á
mánudag en kólnar um tíma.
Þarftu að hafa fyrir því að komast í
kjólinn fyrir jólin?“ Þannig hljóðaði
spurning síðustu viku á vef Skessu-
horns. „Nei, smellpassa í allt“ sögðu
flestir, eða 45%. „Á ekki sérstök jóla-
föt“ sögðu 27%, „Já gæti þurft að
missa einhver kíló“ sögðu 23% en
„veit það ekki ennþá“ sögðu 8%.
Í næstu viku er spurt:
Hefur þú gert þér upp veikindi til
að fá frí í vinnu eða skóla?
Nágranni kom húsráðanda til að-
stoðar þegar eldur kviknaði í húsi við
Vesturgötu á Akranesi á föstudags-
kvöld. Þessi góði granni er Vestlend-
ingur vikunnar.
Spurning
vikunnar
Til minnis
Veðurhorfur
Vestlendingur
vikunnar
Fannst látinn á
Spáni
AKRANES:
Skagamaður-
inn Jóhann
Gíslason, sem
saknað hefur
verið á Spáni
síðan í júlí í
sumar, fannst látinn þar í landi
í síðustu viku. Spænska lög-
reglan hefur staðfest það og
aðstandendur hans verið látn-
ir vita. Ekki liggja fyrir vís-
bendingar um að andlát Jó-
hanns hafi borið að með sak-
næmum hætti. Jóhann flaug
til Alicante 8. júlí og tilkynnti
fjölskylda hans um hvarf hans
tæpri viku síðar, enda hafði
hann verið vanur að vera í nær
daglegu sambandi við sitt fólk.
-mm
Banaslys í
umferðinni
BORGARFJ: Banaslys varð
á sjöunda tímanum síðastlið-
ið sunnudagskvöld á Borgar-
fjarðarbraut. Bifreið á suður-
leið valt nokkrar veltur í sneið-
inni rétt norðan við brúna yfir
Flókadalsá. Ökumaður, sem
var einn í bifreiðini, var fluttur
alvarlega slasaður með þyrlu á
Landspítala þar sem hann var
úrskurðaður látinn skömmu
eftir komuna þangað. Fjöl-
mennt lið viðbragðsaðila var
kallað út vegna slyssins, en
meðal annars þurfti að beita
klippum slökkviliðs á bílinn til
að ná ökumanninum út. Unn-
ið er að rannsókn á tildrögum
slyssins. Rannsóknardeild lög-
reglunnar á Vesturlandi fékk
strax um kvöldið til liðs við
sig rannsóknarnefnd umferð-
arslysa og tæknideild lögregl-
unnar á höfuðborgarsvæð-
inu. Maðurinn var erlend-
ur en starfsmaður á svínabúi í
Hálsasveit. -mm
Hafna
hækkunarbeiðni
LANDIÐ: Póst- og fjarskipta-
stofnun hefur birt ákvörð-
un sína nr. 21/2018, þar sem
stofnunin hafnar erindi Ís-
landspósts ohf. um 8% hækk-
un á gjaldskrá félagsins innan
einkaréttar. Í ákvörðun stofn-
unarinnar kemur m.a. fram að
krafa félagsins um 8% hækk-
un, sem byggðist á magn-
minnkun, sé hærri en sem
nemur tekjutapi félagsins af
þeirri magnminnkun sem er-
indi félagsins byggir á.
-mm
Óhapp í
göngunum
HVALFJ: Umferðaróhapp
varð í Hvalfjarðargöngunum á
tólfta tímanum að kvöldi síð-
asta fimmtudags. Tvær bif-
reiðar voru óökufærar á eftir.
Bílstjórar komust þó nokkuð
vel frá slysinu, að því er seg-
ir í dagbók lögreglu, en annar
þeirra kvartaði yfir eymslum í
hálsi. -mm
Bilun kom nýlega upp í flugleið-
sögubúnaði einnar þriggja þyrlna
Landhelgisgæslunnar, TF-LÍF.
Þyrlan má því ekki fara í blind-
flug. Komi upp neyðarástand úti á
sjó að nóttu til getur Landhelgis-
gæslan því ekki brugðist við. Haft
var eftir Sigurði Heiðari Wiium,
yfirflugstjóra Landhelgisgæslunnar
í Morgunblaðinu í síðustu viku að
nauðsynlegt sé að hafa þyrlu sem sé
hæf í blindflug til að geta farið í út-
köll á sjó í myrkri. Þjónusta Land-
helgisgæslunnar mótist af því hvaða
vélar sé hægt að nota hverju sinni.
Þjónustan á landi og sjó sé ekki
skert að degi til en hendur Land-
helgisgæslunnar séu bundnar eftir
að skyggja tekur.
Til stendur að endurnýja þyrlu-
flota Landhelgisgæslunnar á næsta
ári. Þangað til það verður gert þarf
að viðhalda gömlu vélunum. Verið
sé að leita að varahlut í TF-LÍF, en
það gangi illa vegna þess hve bún-
aðurinn er orðinn gamall í þyrl-
unni. Erfiðara sé að fá varahluti í
eldri vélar og leitin geti tekið lang-
an tíma. Sigurður segir að ef þyrl-
urnar væru nýrri þá væri mun auð-
veldara að fá varahluti. klj
Þyrlan biluð og má ekki
fljúga blindflug
Fjarskiptasjóður hefur nú auglýst
eftir umsóknum um styrki í átaks-
verkefninu Ísland ljóstengt fyr-
ir árið 2019. Umsóknarferli vegna
ársins 2019 skiptist í A, B og C
hluta. Stefnt er að undirritun síð-
ustu samninga á grundvelli verk-
efnisins vorið 2020 og er tekið á
móti umsögnum vegna A hluta til
23. nóvember nk. Á vef Stjórnar-
ráðsins kemur fram að verkefnið sé
eitt af lykilverkefnum í byggðaáætl-
un stjórnvalda með það að mark-
miði að byggja upp ljósleiðarakerfi
utan markaðssvæða í dreifbýli um
allt land. Búið er að ljúka við land-
stór svæði, en mörg eru þó eftir. Til
að mynda er ekki lokið ljósleiðara-
væðingu í Dölum og Borgarfirði.
Einnig kemur fram að sveitarfé-
lögum standi nú einnig til boða að
sækja um samvinnustyrki sem val-
kost við umsókn á grundvelli sam-
keppnisfyrirkomulags. mm
Umsóknir í lokahnykk
ljósleiðaraverkefnis
Plægt fyrir ljósleiðara á Erpsstöðum í Dölum. Ljósm. úr safni: Dalaveitur.
Starfsfólk Fjöliðjunnar tekur veglyklana í sundur
Máni Jóhannsson var ekki lengi að rífa í sundur veglyklana.
Stórir staflar af kössum fullir af veglyklum sem bíða þess að vera teknir í sundur. Í
hverjum pappakassa eru um 150 lyklar.