Skessuhorn - 14.11.2018, Blaðsíða 22
MIÐVIKUDAGUR 14. NÓVEMBER 201822
hönnun og handverki og er af ýmsu
að taka. Sjöfn, Gerður og Eygló fást
allar við textíl, Bryndís við grafík og
teikningu og Ingigerður við leir- og
myndlist.
Flestar í hópnum höfðu áður
tekið þátt í Gallerí Urmul, sem var
starfrækt í sama húsi þar til í árs-
lok 2016. Þeim langaði hins vegar
að prófa annað fyrirkomulag en að
standa saman að galleríi.
„Hugmyndin með galleríi er allt
önnur, þar tekur handverksfólks sig
fyrst og fremst saman um að selja
vörurnar sínar. En okkur langaði
að vera með sameiginlega vinnu-
stofu og geta mætt þangað þegar
hentar hverri og einni, án þess að
vera bundin af fyrirfram ákveðn-
um tímum,“ segir Sjöfn. „Þannig
erum við líka sýnilegri, ekki hver í
sínu horni,“ bætir Eygló við. „Tím-
inn nýtist líka betur á svona vinnu-
stofu en í galleríi. Í staðinn fyrir að
vera með vinnustofuna heima, búa
þar til vöruna, fara með hana í gall-
eríið og standa síðan í afgreiðslunni
þar, þá er tíminn sem ekki er verið
að afgreiða einfaldlega nýttur í vinn-
una,“ segir Ingigerður. „Síðan finnst
okkur líka skemmtilegra að bjóða
fólki að koma og skoða þar sem
varan verður til, fylgjast með okk-
ur vinna og spjalla í rólegheitum við
okkur,“ segir Sjöfn. „Það er óvenju-
legt fyrir fólk að koma á vinnustofur
og margir hafa rekið hér inn nefið
af einskærri forvitni. Það þykir mér
skemmtilegt,“ og hinar taka und-
ir það. „Hingað hafa margir komið
og heimsótt okkur þessa mánuði frá
því við komum okkur fyrir. Allir eru
glaðir og ánægðir að sjá starfsemi
aftur í húsinu,“ segir Ingigerður.
Enginn fastur opnunartími er á
vinnustofum listakvennanna. Hins
vegar eru allir velkomnir ef einhver
er á staðnum. „Reglan er bara sú að
ef það er dregið frá glugganum, þá
er opið. Þá er að minnsta kosti ein
okkar á staðnum og öllum velkomið
að líta við,“ segja þær.
Góður hópur
Handverkskonurnar komu sér fyrir
á vinnustofunum síðsumars, en að-
dragandinn að því var langur. „Fyr-
ir bráðum tveimur árum síðan byrj-
uðum við Eygló að leita að skemmti-
legum hópi til að standa saman
að vinnustofum og hentugu hús-
næði,“ segir Gerður. „Við skoðuð-
um örugglega tíu staði áður en við
komum hingað,“ segir Eygló. „Að
lokum ákváðum við að koma hingað,
þessi hópur og erum ánægðar hérna.
Þetta er mjög góður hópur og þó
Sjöfn sé nærri helmingi yngri en við
hinar þá náum við allar vel saman,
þykir vænt um hvora aðra og njót-
um þess að vera hérna saman,“ seg-
ir Gerður og hinar taka undir það.
„Samstaðan í hópnum er góð og við
fáum hvatningu og höfum stuðning
af hvorri annarri. Sjálf var ég að spá
í að hætta áður en þetta kom til, var
orðin leið á að vera alltaf ein á minni
heimavinnustofu,“ segir Sjöfn. „Það
er gaman að vinna í sínu með fólki
sem hefur þetta sameiginlega áhuga-
mál sem hönnun er, geta rætt um
það og unnið að sínu í kringum aðra
hönnuði,“ segir Ingigerður.
Jólavertíðin undirbúin
Þessa dagana vinna listakonurnar
hörðum höndum að undirbúningi
jólavertíðarinnar. „Það er ástæða
til að benda þeim sem þurfa að láta
gera við föt fyrir jólin á að koma með
fötin sín fyrir jól,“ segir Gerður og
hinar hlæja við. „Það er ekki nóg að
koma með föt á Þorláksmessu ef þau
eiga að vera tilbúin fyrir hátíðirnar,“
bætir hún við. „Einnig er ástæða til
að panta alla gjafavöru tímanlega,
sérstaklega ef fólk er með sérpant-
anir eins og til dæmis skreyttar bæk-
ur eða annað slíkt. Þá er vissara að
panta fyrr en síðar til að gjafirnar
komist nú örugglega í jólapakkann,“
segir Bryndís.
Í aðdraganda hátíðanna hyggj-
ast þær vera með jólaopnun, nokkra
laugardaga í desember. „Það hefur
þó ekki verið ákveðið nákvæmlega
hvaða daga, en við munum auglýsa
það þegar nær dregur,“ segja þær.
„Þegar fram líða stundir sjáum við
fyrir okkur að geta haldið námskeið
hér í húsinu, en það verður þó aldrei
fyrr en eftir áramót,“ segir Gerður.
„En við tökum á móti hópum. Ef
saumaklúbbar eða aðrir smærri hóp-
ar hafa áhuga á að koma til okkar,
skoða og njóta í rólegheitum þá má
alltaf hafa samband,“ segir Eygló.
„Annars gildir bara að allir eru vel-
komnir ef það er dregið frá. Við
hvetjum alla til að líta við hjá okk-
ur, skoða vörurnar, spjalla við okk-
ur og njóta sín í rólegheitum og láta
sér líða vel,“ segja listakonurnar við
Kirkjubraut að endingu.
kgk/ Ljósm. ki.
Félag í eigu stofnenda Íslenska
gámafélagsins, stjórnarformanns-
ins Jóns Þóris Frantzsonar og Ólafs
Thordersen, hefur fest kaup á meiri-
hluta hlutafjár í félaginu og dóttur-
félagi þess, Vélamiðstöðvarinnar.
Kaupverðið er trúnaðarmál. Sölu-
ferli Íslenska gámafélagsins hófst
í sumar þegar boðnir voru til sölu
allir hlutir í félaginu í eigu eignar-
haldsfélagsins Gufuness og fram-
takssjóðsins Auðar I slf.
Hjá Íslenska gámafélaginu og
dótturfélögum þess starfa um 300
manns, en aðalstarfsemi Íslenska
gámafélagsins er almenn sorphirða
og útleiga á gámum, bifreiðum og
tækjum. Velta félagsins er tæpir
fimm milljarðar króna, en heildar-
eignir þess námu 5,5 milljörðum
í lok árs 2017. Viðskiptavinir eru
um 4.500 talsins og samanstanda af
2.800 fyrirtækjum og stofnunum,
1.700 einstaklingum og 23 sveitar-
félögum. Fyrirtækið er m.a. með
starfsemi í Grundarfirði, Stykkis-
hólmi og Borgarnesi.
Jón Þórir Frantzson hefur tekið
aftur við sem forstjóri félagsins og
Ólafur Thordarsen við stöðu að-
stoðarforstjóra, en hann var áður
framkvæmdastjóri þjónustusviðs Ís-
lenska gámafélagsins. Eftir viðskipt-
in eru þeir Jón Þórir Frantzson og
Ólafur Thordersen jafnframt stærstu
einstöku hluthafar félagsins. „Þessi
niðurstaða er mér mikið ánægjuefni
og má kannski segja að fyrirtækið sé
komið aftur heim, í hendur okkar
sem stóðu að stofnun þess á sínum
tíma. Ég hlakka til að halda áfram
því góða og mikilvæga starfi sem
unnið er hjá Íslenska gámafélag-
inu og vinna að frekari framgangi
og uppbyggingu félagsins, með því
góða fólki sem hér starfar,“ segir Jón
Þórir Frantzson í tilkynningu.
mm
Jón Þórir Frantzson forstjóri (t.v) og Ólafur Thordersen aðstoðarforstjóri Íslenska
gámafélagsins.
Íslenska gámafélagið
selt fyrri eigendum
Þær Bryndís Siemsen, Eygló Gunn-
arsdóttir, Gerður Guðrúnar, Ingi-
gerður Guðmundsdóttir og Sjöfn
Magnúsdóttir halda saman úti
vinnustofu að Kirkjubraut 54 á Akra-
nesi. Þar sinna þær listsköpun sinni,
Líflegar listakonur við Kirkjubraut á Akranesi
„Ef það er dregið frá, þá
er opið og allir velkomnir“
Sjöfn Magnúsdóttir kjólasveinn við vinnuborðið sitt.
Gerður Guðrúnar við föt sem hún hannar og saumar.
Listakonurnar á vinnustofunni við Kirkjubraut. F.v. Sjöfn Magnúsdóttir, Eygló
Gunnarsdóttir, Bryndís Siemsen, Gerðru Guðrúnar og Ingigerður Guðmundsdóttir.
Bryndís fæst við hvers konar grafík og teikningu og hefur m.a. verið að þrykkja
barnamyndir.
Ingigerður leir- og myndlistarkona.
Eygló Gunnarsdóttir fæst einkum við textíl.