Skessuhorn - 14.11.2018, Blaðsíða 12
MIÐVIKUDAGUR 14. NÓVEMBER 201812
Sveitarfélagið Dalabyggð boðaði
til íbúafundar í Dalabúð þriðju-
dagskvöld síðustu viku. Á dag-
skrá fundarins var eitt mál, Laug-
ar í Sælingsdal, staða og framtíð.
Fundinum stýrði Páll S Brynjars-
son, framkvæmdastjóri Samtaka
sveitarfélaga á Vesturlandi. Fyrir-
komulag fundarins var þannig að
allir sjö fulltrúar í sveitarstjórn
lýstu í upphafi afstöðu sinni til
sölu fasteigna á Laugum og skýrðu
stöðu málsins, en eftir það var
orðið gefið laust þannig að íbúar
gætu tjáð sína skoðun og varpað
fram fyrirspurnum. Fjölmargir af
um 130 gestum á fundinum stigu
í pontu. Heilt yfir var fundurinn
gagnlegur og málefnalegur þrátt
fyrir að fólk hefði ákveðnar skoð-
anir með eða á móti sölu fasteigna
á fyrrum skólastaðnum. Engu að
síður er ljóst að eftir fundinn ligg-
ur skýrar fyrir en áður hver af-
staða bæði sveitarstjórnar og íbúa
er í málinu.
Sala reynd
Aðdragandi að máli því sem var
til umræðu á rætur á síðasta kjör-
tímabili. Þáverandi sveitarstjórn
samþykkti að bjóða til sölu fast-
eignir sem tengjast fyrrum starf-
semi skólahalds á Laugum og
freista þess að sveitarfélagið gæti
með því móti komið þeim í hend-
ur einkaaðila til atvinnusköpun-
ar. Um leið færðist þungur rekst-
ur staðarins af sveitarsjóði. Flest-
ir íbúar litu þannig á að andvirði
sölunnar yrði nýtt til uppbygging-
ar nýrra íþróttamannvirkja í Búð-
ardal, nærri grunn- og leikskóla.
Almenn skoðun íbúa er að slík
uppbygging sé aðkallandi. Fyrri
sveitarstjórn mat það svo að ekki
væri hægt að setja uppbyggingu
íþróttamannvirkja í Búðardal á
dagskrá án þess að afla til þess fjár
með eignasölu.
Í stuttu máli voru mannvirki
á Laugum og síðar einnig jörðin
Sælingsdalstunga ásamt vatnsrétt-
indum, boðin til sölu. Fyrst fyrir
um hálfan milljarð króna, en síðar
var óskað tilboða, þegar ljóst þótti
að tilboðin voru ekki að streyma
inn. Eitt tilboð barst frá fyrirtæk-
inu Arnarlóni ehf. og var í því far-
ið fram á að hluti kaupverðs yrði
með svokallaðri seljendaábyrgð
og miðað við að Dalabyggð lánaði
hluta kaupverð eða greiðslum yrði
seinkað gegn veði. Skömmu fyr-
ir síðustu kosningar var farið um
sveitarfélagið með undirskrifta-
lista þar sem því var mótmælt að
sveitarfélagið veitti slíkt seljen-
dalán eða gengist í ábyrgðir. Þá er
túlkað sem svo að óheimilt sé fyr-
ir sveitarfélagið að selja jarðhita-
réttindinn og kom það fram í áliti
Orkustofnunar dagsett 15. ágúst
síðastliðinn. Á fundum sveitar-
stjórnar í apríl og aftur í júlí kom
síðan í ljós að af sölu fasteigna á
Laugum yrði ekki og var tilboðs-
gjafa tilkynnt það með formlegum
hætti eftir fund sveitarstjórnar 12.
júlí.
Þungur rekstur
Fram kom í máli fjölmargra sem
til máls tóku á fundinum í Dala-
búð að rekstrarlega sé óhagkvæmt
fyrir Dalabyggð að eiga og reka
mannvirkin á Laugum miðað við
núverandi notkun og eignarhald.
Verulega skorti auk þess á að við-
hlýtandi viðhald gæti átt sér stað
á mannvirkjum. Sveitarfélagið
greiði því bæði með eignum og
getur ekki haldið verðgildi þeirra
við. Fram kom að meirihluti sveit-
arstjórnar og þorri þeirra íbúa
sem til máls tóku að fólk er fylgj-
andi því að haldið verði áfram með
þreifingar um sölu Lauga, en þó
þannig að heitavatnsréttindi verði
undanskilin. Um jörðina Sælings-
dalstungu töldu nokkrir fundar-
menn að ætti að kappkosta að selja
til búrekstrar fremur en að hún
fylgdi með í einum pakka til kaup-
enda sem ætluðu sér að reka ferða-
þjónustu á Laugum.
Tvö samhangandi mál
Svo var að heyra á hluta sveitar-
stjórnar að ekki væri útséð með
sölu mannvirkja á Laugum til fyr-
irtækisins Arnarlóns, en það skal
ítrekað að um það er ekki sam-
hljómur í sveitarstjórninni. Þær
viðræður hafi vissulega siglt í
strand í sumar af þeim ástæðum
sem nefndar hafa verið um vatns-
réttindi og söluábyrgðir. Flest-
ir sem tjáðu sig á fundinum, jafnt
sveitarstjórnarfólk sem almenn-
ir íbúar, telja mjög aðkallandi að
byrjað verði að undirbúa bygg-
ingu íþróttamannvirkja í Búðar-
dal. Það beinlínis dragi úr mögu-
leikum að nýir íbúar vilji setjist
að á svæðinu að aðstöðu skort-
ir til íþrótta- og tómstundastarfs.
Þá rýri það einnig búsetuskilyrði
fólks á öllum aldri. Sú framkvæmd
að byggja nýtt íþróttahús hafi hins
vegar verið sett í samhengi með
sölu fasteigna á Laugum enda hef-
ur sveitarfélagið ekki fjárhagslegt
bolmagn til slíkrar fjárfestingar
án þess að getað losað um aðrar
eignir. Eyjólfur Ingvi oddviti kvað
reyndar skýrt á um það að hann
setti byggingu íþróttahúss ekki
í samhengi við sölu Lauga, þetta
væru tvö aðskilin mál, þótt í huga
einhverra væru þau spyrt sam-
an. Sjálfur kvaðst hann sem odd-
viti ekki styðja það að hafin verði
bygging nýs íþróttahúss í Búðar-
dal nema sveitarsjóður losaði um
peninga í öðrum eignum áður.
Komið að ákvörðun
Sem fyrr segir kváðu fjölmarg-
ir íbúar sér hljóðs á fundinum.
Jóhann Sæmundsson rakti sögu
uppbyggingar á Laugum og skóla-
halds þar. Byggingu íþróttahúss,
sundlaugar og byggðasafni var
komið fyrir í húsakynnum. Sveinn
Gestsson taldi rétt að falast eft-
ir því við ríkið að Dalabyggð fái
húsnæði fyrrum Húsmæðraskól-
ans á Staðarfelli og að byggðasafn-
inu verði komið þar fyrir. Bætti
Sveinn því við að rétt væri að fara
fram á tvö til þrjú hundruð millj-
ónir króna í meðgjöf til þess verk-
efnis. Trausti Bjarnason á Á spurði
sveitarstjórn út í kostnað við rekst-
ur Lauga og hvaða áhrif sú niður-
staða hefði á rekstur sveitarfélags-
ins. Taldi hann nauðsynlegt að vita
þær tölur til að íbúar gætu mynd-
að sér skoðun um sölu Lauga. Í
svari Kristjáns Sturlusonar sveit-
arstjóra kom fram að Dalabyggð
á um 73% í Dalagistingu. Fram
kom að rekstrarkostnaður hefði
verið um 60 milljónir króna sam-
anlagt síðustu fjögur árin og upp í
þann kostnað kæmu um 11 millj-
ónir í tekjur. Trausti á Á og margir
fleiri sem til máls tóku sögðu skýrt
að dýrast væri fyrir sveitarfélagið
að gera engar breytingar. Komið
væri að því að taka verði afstöðu
til framtíðar Lauga.
Valdís Gunnarsdóttir birti tölur
um íbúaþróun í Dalabyggð, sem
verið hefur neikvæð síðustu árin.
Augljóslega þyrfti að fara í átak og
með tiltækum ráðum snúa þeirra
þróun við og benti hún á að bygg-
ing íþróttahúss væri eitt að því
sem yrði að ráðast í.
Fylgjandi óbreyttri
starfsemi á Laugum
Elísabet Ásdís Kristjánsdóttir frá
Efri-Múla í Saurbæ tók til varna
fyrir áframhaldandi eignarhaldi
Dalabyggðar á Laugum. Óttaðist
hún hvað gæti gerst ef staðurinn
yrði seldur. Sagði hún starf ung-
mennabúðanna mikilvægt fyrir
héraðið og ekki síður landið allt.
Þar dveldu að jafnaði 1500-1800
unglingar á hverju ári og að á
þessu ári færi sá fjöldi í 2200. Alls
hefðu 25 þúsund ungmenni dval-
ið á Laugum í gegnum tíðina og
slíkt væri góð kynning á héraðinu.
Laugar í núverandi mynd væru
mikilvægur vinnustaður í sveitar-
félaginu og þar fengi ungt fólk úr
héraðinu tækifæri og kæmi heim
til starfa að framhaldsnámi loknu.
Nefndi hún einnig þá hugmynd að
starfrækja lýðháskóla á Laugum á
sumrin. Þar væri auk þess heitt
vatn sem hægt væri að nýta t.d. til
garðyrkju. Vísaði Elísabet að end-
ingu til 2. greinar siðareglna sveit-
arstjórnar þar sem segir að sveitar-
stjórnarfulltrúar þurfi ætíð að hafa
almannahagsmuni í huga.
Betra að bjóða á
sanngjörnu verði
Steinunn Matthíasdóttir rakti í
innleggi sínu þá reynslu sem hefði
fengist þegar skólamannvirki á
Laugarbakka í Miðfirði voru seld
gegn vægu gjaldi. Þar hefði kaup-
endum tekist í ljósi lágs kaupverðs
að gera mannvirki upp af myndar-
skap þannig að þar þrífst nú hót-
elrekstur vel. Taldi hún það sama
gæta gerst ef mannvirki á Laugum
yrði verðlögð sanngjarnt. Hvatti
hún til þess að haldið yrði áfram
viðræðum við Arnarlón um kaup
á mannvirkjunum. Gagnrýndi hún
jafnframt að sumir sem hefðu beitt
sér fyrir íbúakosningu um sölu
Lauga fyrir kosningar í vor hefðu
verið á annarri skoðun eftir kosn-
ingar. Ragnheiður Pálsdóttir, sem
sæti á í sveitarstjórn, svaraði þeirri
gagnrýni á þann hátt að hún væri
fylgjandi sölu fasteigna á Laugum
en ítrekaði að vanda yrði til verka.
Var hún ekki tilbúin að setja í íbúa-
kosningu óljósar tillögur sem e.t.v.
stæðust ekki lagatæknileg atriði.
Meðal annars hefði komið fram að
sveitarfélaginu væri ekki heimilt
að selja heitavatnsréttindin.
Óraunhæfar væntingar
Fyrir fundinn lá það í loftinu að
gremju hefur gætt í garð sveitar-
stjórnar vegna þess hversu mál
þetta hefur dregist. Sú gremja er
mögulega mest vegna væntinga
um hátt söluandvirði fasteigna á
Laugum, væntinga sem ekki stóð-
ust með tilliti til eftirspurnar. Í
hugum hins almenna íbúa, sem
og fyrrum sveitarstjórnar, átti að
byggja nýtt íþróttahús fyrir sölu-
andvirði fasteigna á Laugum og
má segja að fólk hafi verið búið að
ráðstafa í huganum þeim fjármun-
um áður en þeir voru í hendi.
Forvarnargildi
íþróttamannvirkja
Anna Sigríður Grétarsdóttir rakti
mikilvægi þess að komið verði
upp íþróttamannvirkjum í Búðar-
dal, ekki síst vegna þess forvarnar-
gildis sem góð aðstaða hefur fyrir
unga fólkið. Heilbrigðir lífshætt-
ir byggist á að sú aðstaða verði
byggð upp og hreyfingarleysi væri
í dag helsta ógnunin við lýðheilsu.
Góð íþróttaaðstaða væri til dæmis
öflugt mótvægi við þá vá sem felst
í alltof mikilli skjánotkun ungs
fólks. Taldi hún þetta mun stærra
mál fyrir sveitarfélagið að leysa,
stærra en sala fasteigna á Laugum,
þótt vissulega hangi þessi tvö mál
saman í huga flestra.
Fjölmargir fleiri tóku til máls
sem of langt mál yrði að rekja.
Meðal annarra Rúna Blöndal sem
nýflutt er í sveitina úr þéttbýlinu
á Akranesi. Fannst henni jákvætt
hversu elskulegar móttökur hún
hafi fengið hjá íbúum og þakkaði
Málefni Lauga rædd á íbúafundi
Um 130 manns sóttu íbúafundinn í Dalabúð. Í ræðustól er Jóhann Sæmundsson aldursforsetinn á fundinum.