Skessuhorn - 14.11.2018, Blaðsíða 24

MIÐVIKUDAGUR 14. NÓVEMBER 201824
Síðastliðinn föstudag var því fagn-
að að tíu ár eru liðin frá því fyrir-
tækið Ritari ehf. var stofnað á Akra-
nesi. Viðskiptavinum og velunn-
urum var boðið í heimsókn til að
kynna sér starfsemina og samfagna
með hópi starfsfólks. Ritari sérhæf-
ir sig í heildarlausnum í skrifstofu-
rekstri, hvort sem það er á sviði
símsvörunar, bókana, bókhalds, út-
hringiþjónustu eða annarra þátta
sem hagkvæmt getur verið að út-
vista úr eigin rekstri. Viðskiptavin-
ir geta því verið sjúkranuddari eða
lögfræðingur, stórfyrirtæki, stofnun
eða einyrkjafyrirtæki. Eðli slíkrar
skrifstofuþjónustu er að hún getur
verið stödd hvar sem góða ljósleið-
aratengingu er að hafa. Í dag eru
tugir fyrirtækja um allt land í við-
skiptum við Ritara og starfsmenn
eru tólf.
Stofnendur Ritara voru hjón-
in Eyjólfur Rúnar Stefánsson og
Arndís Halla Jóhannesdóttir, auk
Reynis Georgssonar og Dagnýjar
Halldórsdóttur. Ári áður höfðu þau
ráðist í kaup á skrifstofuhúsnæði
við Stillholt sem innréttað var sem
skrifstofuhótel með sex sjálfstæðum
vinnustöðvum með húsgögnum,
símkerfi, nettengingu og öðrum
búnaði sem slíkum rekstri fylgir.
Eyjólfur sá að gott væri að forrita
búnað sem miðlað gæti símtölum
og annarri þjónustu og voru fyrstu
verkefni Ritara á sviði úthringinga í
símasölu. Þannig má segja að tölvu-
grúsk við forritun hafi leitt til þess
hugbúnaðar sem enn í dag er lyk-
illinn að þjónustu Ritara. Síðar áttu
eftir að bætast við þjónustuþættir á
borð við bókanir og tímapantanir í
tengslum við símsvörunina og síð-
ar bókhald, heimasíðugerð, umsjón
með rekstri húsfélaga og sitthvað
fleira.
Fyrirtækið óx og dafnaði á næstu
árum og bættist í hluthafahópinn.
Árið 2011 bættist Ingibjörg Valdi-
marsdóttir í hóp hluthafa og tók við
framkvæmdastjórn fyrirtækisins.
Fyrir tæpum tveimur árum kaupir
loks EIH ehf., fyrirtæki í eigu Ingi-
bjargar og Eggerts Herbertsson-
ar eiginmanns hennar, allt hlutafé
í Ritara. Samhliða þessum rekstri
reka þau einnig Stay West, fyrirtæki
á sviði hótelrekstrar á Vesturlandi.
Að sögn Ingibjargar gengur rekst-
ur Ritara prýðilega og segir hún
tækifærin á þessu sviði þjónustu nær
óþrjótandi. Fyrirtækið er nú til húsa
í nýlegu skrifstofuhúsnæði við Esju-
braut 49 en í sama húsi er auk þess
Tölvuþjónustan til húsa. „Fram-
tíðarsýn Ritara er að vera leiðandi
í lausnum í rekstri fyrirtækja og
bjóða viðskiptavinum okkar upp á
afburðarþjónustu, sem að vísu fer
öll fram í sýndarumhverfi, en það
þýðir að rekstur fyrirtækisins sem
kaupir af okkur þjónustuna fer fram
óháð stað og tíma starfseminnar.
Við getum leyst öll rekstrartengd
verkefni viðskiptavina okkar beint
frá skrifstofunni okkar og þurfum
ekki endilega að vera á staðnum til
að geta leyst verkefnin á faglegan
hátt. Því má segja að við hjálpum
viðskiptavinum okkar að sinna öll-
um stundum þeim störfum sem til-
heyra þeirra kjarnastarfsemi og við
sjáum um hitt. Með því móti auk-
um við framleiðni fyrirtækjanna því
Ritari dregur úr kostnaði viðskipta-
vina með því að auðvelda þeim að
sníða sér stakk eftir vexti og kaupa
sérfræðiþjónustu í skrifstofurekstri
eftir þörfum,“ segir Ingibjörg.
mm
Tíu ára afmæli Ritara á Akranesi
Það getur reynst hagkvæmt að útvista skrifstofurekstrinum
og hlúa í staðinn að kjarnastarfseminni
Starfsmenn Ritara í afmælisfagnaðinum síðastliðinn föstudag.
Stofnendur Ritara voru hjónin Eyjólfur Rúnar Stefánsson og Arndís Halla Jó-
hannesdóttir, sem lést fyrr á þessu ári eftir erfið veikindi. Hér er Eyjólfur ásamt
hjónunum Reyni Georgssyni og Dagnýju Halldórsdóttur, sem einnig voru
stofnendur Ritara.
Rakel Eyjólfsdóttir og María Einarsdóttir sungu fyrir afmælisgesti.
Mæðgur sem báðar hafa starfað hjá Ritara. Jóhanna L. Jónsdóttir og Ingibjörg
Valdimarsdóttir framkvæmdastjóri.
Þegar hringt er í eitthvað af fyrirtækjum sem Ritari þjónar, færist hringingin til
þjónustufulltrúa Ritara sem svarar og leiðbeinir viðskiptavininum áfram, bókar
t.d. tíma eða hringir upp ákveðinn starfsmann. Inga Jóna Pálsdóttir er hér að
afgreiða erindi.
Halla Sigríður Bragadóttir tekur símtal.
Handan við vegg í húsnæði Ritara er Tölvuþjónustan rekin, en eignatengsl eru
milli fyrirtækjanna að hluta. F.v. Eggert Herbertsson, Valdimar Þór Guðmundsson
og Eyjólfur Rúnar Stefánsson.