Skessuhorn - 14.11.2018, Blaðsíða 19
MIÐVIKUDAGUR 14. NÓVEMBER 2018 19
„Það er svolítið lagt upp með að
þetta sé eitthvað sem grípur,“ seg-
ir Sveinn Arnar Sæmundsson, org-
anisti og kórstjóri í Akraneskirkju,
um lögin sem verða á nýjum diski
sem Kór Akraneskirkju ætlar að
gefa út fyrir jólin. Kórinn tók upp
plötu í síðustu viku. Þrjú kvöld og
fleiri klukkutímar fóru í að fín-
pússa lögin og áætlað er að halda
útgáfutónleika 15. desember. Tólf
lög verða á plötunni; veraldleg
og andleg, íslensk og írsk þjóðlög
og íslensk dægurlög. Blaðamaður
Skessuhorns fékk að kíkja við þeg-
ar upptökur fóru fram síðastliðið
fimmtudagskvöldi. Upptökurnar
hófust kvöldið áður og söng kórinn
til klukkan ellefu um kvöldið.
Ekki jólatónlist
Rétt fyrir klukkan sjö á öðru upp-
tökukvöldi fara kórfélagar að tín-
ast inn. Undirspilararnir æfa sinn
hluta þegar blaðamaður kemur inn
í Vinaminni. Jón Rafnsson leikur á
kontrabassa og Viðar Guðmunds-
son á píanóið. Einnig kemur Krist-
ín Sigurjónsdóttir, fiðluleikari og
meðlimur í kórnum, að undirleik á
plötunni. Eyjólfur Rúnar Stefáns-
son spilar á gítar í einu laganna og
Halldór Hallgrímsson fer með ein-
söng í öðru lagi.
„Þetta er ekki jólatónlist þótt
platan komi út rétt fyrir jólin,“
segir Sveinn Arnar og bendir á
að það séu til dæmis þrjú lög eftir
Benny Anderson úr ABBA á plöt-
unni. Einnig verður frumflutt nýtt
lag eftir Valgeir Guðjónsson Stuð-
mann. „Vonandi kemst það á disk-
inn,“ segir Sveinn Arnar og út-
skýrir að lagið hafi ekki komið til
kórsins fyrr en fyrir tveimur vik-
um. „Þetta var ekki planað, það var
bara ákveðið í síðustu viku að þetta
yrði gert.“
„Við vonum bara að Skagamenn
og nærsveitungar taki vel í þetta,
því tónlistin er mjög hlustenda-
væn. Margir textar eru eftir Skaga-
fólk, þá þýddir og aðlagaðir,“ seg-
ir Sveinn Arnar og telur upp Guð-
mund Kristjánsson, Jón Gunnar
Axelsson, Sigurbjörgu Þrastardótt-
ur, Halldór Hallgrímsson og Jón-
ínu Björgu Magnúsdóttur sem höf-
unda texta á plötunni.
Sjóaðir upptökustjórar
Kórfélagar heilsast þegar þeir tín-
ast inn í salinn. Andrúmsloftið er
afslappað, fólk ræskir sig, hóstar og
spjallar saman. Sumir sitja í hóp-
um og humma lagið saman. Aðr-
ir hafa ekki haft tíma til að borða
kvöldmat og sporðrenna súkkul-
aðistykki með malti úr glerflösku.
Upptökustjórar eru Håkan Ekman
og Dalamaðurinn Eyþór Ingi Jóns-
son. Eyþór er organisti við Akur-
eyrarkirkju og Håkan er upptöku-
stjóri. Sveinn Arnar segir að þeir
hafi stundað nám saman í kirkju-
tónlist í Svíþjóð, svo farið í sitt-
hvora áttina eftir námið. Eyþór
hélt áfram að læra kirkjutónlist en
Håkan lærði upptökustjórnun. Þeir
hafa áður unnið saman að upptök-
um á Íslandi. „Håkan hefur tek-
ið upp nokkra diska fyrir Eyþór
og svo hefur hann líka tekið upp
Schola Cantorum kórinn í Hall-
grímskirkju,“ segir Sveinn Arnar.
„Ég fæ þá svolítið frjálsar hendur
til að gera það sem ég þarf að gera.
Eyþór er með eyrun og lætur okk-
ur vita ef það er eitthvað sem þarf
að laga.“ Og þegar líður að töku,
þá skilur blaðamaður hvað Sveinn
Arnar á við.
Þurfa að færa
út kvíarnar
Kór Akraneskirkju hefur verið
með fjölda tónleika síðustu ár og
ekki síst vakið athygli fyrir frum-
lega tónleika utan kirkjunnar, þar
sem sungin eru veraldleg lög. „Við
syngjum við messur og erum ekki
með mikið af veraldlegri tónlist
þar, en kórinn er líka sjálfstæð ein-
ing. Okkur er frjálst að gera hvað
sem er og við höfum gert það sem
okkur sýnist,“ segir Sveinn Arn-
ar og bætir við að kórinn þurfi að
færa út kvíarnar með því að spila
mismunandi tegund af tónlist til að
ná til fólks.
Rafmagnað andrúmsloft
En nú fara upptökurnar að byrja.
Sveinn Arnar gengur fyrir hóp-
inn sem hefur safnast í sæti í öðr-
um enda salarins. Hann hóar þeim
saman, leiðbeinir og síðan byrja
kórfélagar að syngja og fara í einu
og öllu eftir leiðbeiningum Sveins
Arnars, eða svo hljómar það fyrir
blaðamanni. Eftir nokkur rennsli
í gegnum fallegt og milt lag fer
kórinn að koma sér fyrir á pöllun-
um í kringum flygilinn og kontra-
bassann. Eyþór kemur fyrir hóp-
inn og hrósar félögum hans fyr-
ir góða frammistöðu kvöldið áður,
þegar kórinn söng sleitulaust í
fjóra klukkutíma. „Ef þetta gengur
eins vel og í gær verður þetta ekk-
ert mál. Þetta er rosalega mjúkur
og fallegur kór,“ segir hann. „En
passið þreytuna.“ Hann heldur
áfram að gefa þeim leiðbeiningar
og er svo horfinn út úr salnum og
skyndilega er loftið í salnum raf-
magnað. Hurðinni úr salnum er
læst og þögn færist yfir.
Eyþór kallar í kallkerfi að hann
og Håkan séu tilbúnir. „Hou-
ston kallar tunglið,“ segir hann í
gríni og uppsker nokkurn hlátur.
Það er spenna í salnum. Nokkrir
hósta, stynja, ræskja sig, en þeg-
ar Sveinn Arnar lyftir höndunum
fær hann fulla athygli allra í saln-
um og dauðaþögn færist yfir. Svo
stjórnar Sveinn Arnar kórnum
inn í allt annað lag en blaðamað-
ur hafði hlustað á æft áður. Þegar
laginu er lokið verður aftur dauða-
þögn og beðið eftir að heyra eitt-
hvað frá yfirvaldinu í kallkerfinu.
Dómurinn kemur nokkrum sek-
úndum síðar, það þarf að laga hitt
og þetta og kórinn syngur parta af
laginu í klukkutíma. Annað kvöldið
í röð lauk upptökum ekki fyrr en
um rétt tæplega ellefu um kvöldið.
klj
Límtré-CLT-Stálgrind
| Strúktúr ehf | www.struktur.is | struktur@struktur.is | Stangarhyl 7 | 110 Reykjavík | Sími: 588 6640 & 860 0264 |
HÚS - BITAR - ÞÖK - KLÆÐNINGAR
Komdu með teikninguna
eða við teiknum fyrir þig.
Taka upp plötu í Vinaminni
Fylgst með upptökum þegar Kór Akraneskirkju tekur upp tólf laga plötu
Þegar Sveinn Arnar rétti upp hendurnar varð dauðaþögn og eftir hans bendingu byrjuðu allir að syngja.
Kirkjukórsfélagar hlustuðu af einbeitingu á Svein Arnar á meðan hann útskýrði
tónfall og áherslur.
Sveinn Arnar er hvatamaður að því að kirkjukórinn syngur ekki einungis kirkjuleg
lög.
Kontrabassaleikarinn Jón Rafsson
leikur undir á plötunni. Hann var
byrjaður að æfa undirspilið þegar
blaðamaður kom á upptökustað.
Viðar Guðmundsson leikur undir á
píanó.
Við æfingarnar stóð fólk eða sat, en þegar kom að upptökunum sjálfum voru allir
mun agaðri.
Upptökustjórar eru Eyþór Ingi Jónsson
og Håkan Ekman.