Skessuhorn - 14.11.2018, Blaðsíða 23

MIÐVIKUDAGUR 14. NÓVEMBER 2018 23
Stórsöngvarinn Eyþór Ingi Gunn-
laugsson heldur hátíðartónleika
um allt land á aðventunni. Hátíð-
artónleikaröðin hefst á Húsavík
fyrsta sunnudag í aðventu en að
þeim loknum leggur hann í ferða-
lag um Vesturland. Hann syng-
ur í Akraneskirkju miðvikudaginn
5. desember, Félagsheimilinu Klifi
í Ólafsvík 6. desember og Borgar-
neskirkju 7. desember.
Auk þess að vera landsþekktur
söngvari hefur Eyþór getið sér gott
orð sem eftirherma. Hátíðartón-
leikarnir eru létt, hugljúf og jólaleg
kvöldstund þar sem Eyþór kemur
fram einn síns liðs, með gítarinn,
píanóið og röddina að vopni. „Ég
hef lagt það í vana minn að reyna
að hafa stemninguna létta og heim-
ilislega, spjalla á milli laga og hafa
þetta allt saman á léttu nótunum.
Síðan er aldrei að vita nema ég
bregði mér í líki einhverra lands-
þekktra einstaklinga,“ segir Eyþór
í samtali við Skessuhorn.
Kórar úr heimabyggð verða sér-
stakir gestir á hátíðartónleikunum
og munu taka lagið með Eyþóri.
Karlakórinn Kári úr Grundarfirði
mun syngja með honum í Klifi,
Kammerkór Akraneskirkju á tón-
leikunum á Akranesi og Freyju-
kórinn úr Borgarfirði á tónleikun-
um í Borgarnesi. Eyþór segir allt-
af skemmtilegt að syngja með nýj-
um kórum, heimsækja nýja staði og
hitta fólk. „Þetta hafa verið ofboðs-
lega skemmtilegir konsertar. Mér
finnst gaman að ferðast um landið
og koma við á fallegum stöðum hér
og þar, stöðum sem maður hefur
suma hverja aldrei heimsótt áður.
Það er einstakt og gefandi. Eftir
tónleikana gef ég mér jafnan tíma
til að spjalla við fólk og þakka fyr-
ir mig. Það er sérstaklega skemmti-
legt. Suma gesti hittir maður ár
eftir ár en aðra í fyrsta sinn,“ seg-
ir hann og hvetur fólk til að næla
sér í miða sem fyrst. „Það er allt að
því uppselt á tónleikana í Akranes-
kirkju en ennþá eru til miðar á tón-
leikana í Ólafsvík og Borgarnesi,“
segir Eyþór að endingu.
kgk
Eyþór Ingi heldur hátíðartónleika
á Vesturlandi
Eyþór Ingi Gunnlaugsson.
Tónlistarkennarar úr Tónlistar-
skóla Borgarfjarðar fóru í náms-
ferð til Kanarí dagana 29. október
til 5. nóvember sl. Forsagan að því
að ákveðið var að heimsækja þessa
eyju er sú að Theodóra Þorsteins-
dóttir skólastjóri og fjölskylda henn-
ar héldu tónleika á Kanarí um jólin
fyrir tveimur árum og unnu þá með
þarlendum píanóleikara. Eftirfarandi
er frásögn Theodóru af ferðinni:
Í höfuðborg Gran Canaria, Las
Palmas, er mjög góður tónlistarskóli,
Conservatorio Superior de Música
de Canarias (CSMC). Þar fer fram
kennsla allt frá byrjendastigi til há-
skólastigs. Fyrir hádegi er kennt á
framhalds- og háskólastigi en eftir
hádegi eru yngri börn á grunn- og
miðstigi í námi.
Á mánudeginum var skipulögð
heimsókn í CSMC þar sem skólinn
var skoðaður undir leiðsögn José
María Curbelo González og einnig
fengu kennararnir að hlýða á tón-
leika með nemendum á háskólastigi.
Mjög fróðlegt og áhugavert. Það er
greinilegt að tónlistarnám innfæddra
er metnaðarfullt og nemendurnir fá
mjög góða tónlistarkennslu. Einn-
ig fengu kennarar Tónlistarskóla
Borgarfjarðar rými til að æfa fyrir
fyrirhugaða tónleika hópsins.
Eftir heimsóknina til CSMS var
staldrað við menningarhús borgar-
innar, Auditorio Alfredo Kraus, en
það er nefnt eftir tenórnum Alfredo
Kraus, sem var frægastur fyrir „háu
C“ -in sín og var einmitt frá Kanar-
íeyjum. Einnig var komið við í hin-
um merka Dal hellanna eða Barr-
anco de Guayadeque og skoðaðir
hellar sem búið hefur verið í frá tím-
um frumbyggjanna.
Tíminn var nýttur til æfinga, far-
ið á Kabarettsýningu á Café del Mar,
ekið um eyjuna, safnið MECIV Mu-
seo etnográfico heimsótt og kom-
ið við hjá hinum fræga kletti Roqe
Nublo.
Á sunnudeginum var farið til
fjallaþorpsins Valleseco. Í sveitarfé-
laginu Valleseco búa ámóta margir
og í Borgarbyggð, þó svo að það sé
eingöngu 22 ferkílómetrar að stærð
en Borgarbyggð um 4.900 km2. Um
fjörutíu nemendur stunda nám við
Escuela de músic de Valleseco (tón-
listarskólann í Valleseco) og kennar-
arnir eru fimm. Skólinn var skoðað-
ur og síðan voru sameiginlegir tón-
leikar í menningarhúsinu Auditorio
Dr. Juan Díaz Rodríguez þar sem
Íslendingarnir fluttu og kynntu ís-
lenska tónlist. Flutt voru íslensk
þjóðlög og lög eftir Jón Múla Árna-
son, Megas, Sigurð Þórðarson, Sig-
valda Kaldalóns og Þórarinn Guð-
mundsson. Einnig var flutt frum-
samið lag eftir Ólaf Flosason á óbó
og píanó og kórlag eftir Birnu Þor-
steinsdóttur. Kanaríski píanóleikar-
inn José María Curbelo Gonzáles lék
með í nokkrum lögum. Tónleikarn-
ir tókust vel og virtust heimamenn
kunna vel að meta íslenska tónlist.
Hafði einn tónleikagestur á orði að
konan sín hefði grátið nánast allan
tímann því tónlistin hefði verið svo
falleg. Síðan lék skólahljómsveit tón-
listarskólans í Valleseco nokkur lög.
Íslendingunum var einkar vel tekið
og rætt um að hér væri ef til vill að
hefjast samstarf milli þessara tveggja
skóla. Sýndu heimamenn áhuga á að
heimsækja okkar slóðir.
Það má með sanni segja að eyjan
Gran Canaria hafi upp á margt fleira
að bjóða en sól og sand. Kennarar
Tónlistarskóla Borgarfjarðar fóru
heim fróðari um tónlist og tón-
listarfólk þessarar eyju suður í höf-
um. Þarna er fjölbreytt menning og
metnaðarfullt tónlistarstarf. tþ
Tónlistarkennarar á ferð um Kanarí
Hópurinn í Tónlistarskólanum í Las Palmas.
Hópurinn ásamt hluta nemenda og kennara tónlistarskólans í Valleseco.
Fórnarlamba umferðarslysa á Ís-
landi verður minnst á alþjóðleg-
um minningardegi sunnudaginn
18. nóvember. Minningarathöfn
verður við þyrlupallinn við bráða-
móttöku Landspítalans í Fossvogi
í Reykjavík kl. 16 en þetta verð-
ur í sjöunda sinn sem minningar-
dagurinn er haldinn hér á landi.
Hliðstæð athöfn fer fram víða
um heim undir merkjum Samein-
uðu þjóðanna sem hafa tileinkað
þriðja sunnudag í nóvember þess-
ari minningu.
Um það bil 4.000 einstakling-
ar láta lífið og hundruð þúsunda
slasast í umferðinni í heiminum á
degi hverjum. Enn fleiri takast á
við áföll, sorgir og eftirsjá af þess-
um völdum. Segja má að allir upp-
lifi með einum eða öðrum hætti
afleiðingar umferðarslysa. Vart er
til sá einstaklingur sem þekkir ekki
einhvern sem lent hefur í alvarlegu
slysi í umferðinni.
Allir eru velkomnir að taka þátt í
minningarathöfninni við þyrlupall
bráðamóttökunnar í Fossvogi sem
hefst kl. 16. Boðað verður til einn-
ar mínutu þagnar kl. 16:15 og eru
allir sem eiga þess kost hvattir til
að taka þátt í því. Á þessum degi er
vert að leiða hugann að minningu
þeirra sem látist hafa í umferðinni
og íhuga þá ábyrgð sem hver og
einn ber.
Dagurinn er ekki aðeins tileink-
aður minningu látinna í umferð-
inni heldur hefur skapast sú venja
hér á landi að heiðra starfsstéttir
sem sinna björgun og aðhlynningu
þegar umferðarslys verður. Þeim
eru færðar þakkir fyrir mikilvægt
og óeigingjarnt starf þeirra. Gert
er ráð fyrir að ein af þyrlum Land-
helgisgæslunnar lendi á þyrlupalli
bráðamóttökunnar rétt fyrir at-
höfnina og verður ökutækjum við-
bragðsaðila stillt upp við þyrluna.
Má þar nefna lögreglubíla og bif-
hjól, sjúkrabíla, slökkviliðsbíla,
björgunarsveitarbíla og fleiri. Í er-
indum dagsins verður lögð sérstök
áhersla á þann stóra hóp aðstand-
enda sem eiga um sárt að binda.
mm
Fórnarlamba
umferðarslysa minnst