Skessuhorn - 14.11.2018, Blaðsíða 10

MIÐVIKUDAGUR 14. NÓVEMBER 201810
Þjóðskrá Íslands hefur frá árinu
2009 unnið að endurskoðun á að-
ferðafræði fasteignamats fyrir all-
ar tegundir eigna til að endur-
spegla betur markaðsverð fasteigna
á hverjum tíma en unnt var með
eldri aðferðum. Árið 2009 var tek-
in upp ný aðferðafræði fyrir íbúðar-
eignir og árið 2014 voru nýjar að-
ferðir teknar upp við mat á versl-
unar- og skrifstofuhúsnæði og létt-
um iðnaðareignum. Á þessu ári var
fasteignamat sumarhúsa endur-
skoðað og leiddi það til verulegr-
ar hækkunar fasteignagjalda á flest-
um svæðum landsins. Nýtt mat fyr-
ir sumarbústaði byggist á þinglýst-
um kaupsamningum, en í tilkynn-
ingu Þjóðskrár sem send var út á
síðasta ári segir að samskonar að-
ferðarfræði hafi verið beitt og not-
uð var fyrir íbúðarhúsnæði. Á þessu
ári hækkaði því heildarfasteigna-
mat sumarbústaða og sumarbústað-
alóða á landinu, sem alls eru ríflega
19 þúsund talsins, úr 167 milljörð-
um króna í 231 milljarð króna eða
um 38,7%. Við þessa nýju matsað-
ferð Þjóðskrár hækkaði fasteigna-
mat 90,2% sumarbústaða en lækkar
hjá 9,8% húseigenda. Þessi hækk-
un þýðir í mörgum tilfellum tuga
prósenta hækkun fasteignagjalda
milli ára, eins og eigandi sumar-
húss í Skorradal lýsti fyrir blaða-
manni. Samkvæmt lauslegri könn-
un sem unnin var fyrir Skessuhorn
eru dæmi um að fasteignamat sum-
arhúsa í Skorradal hafi lækkað um
nokkur prósent, en mat annarra
húsa hækkað um á fimmta tug pró-
senta milli ára.
Mynduð ný
markaðssvæði
Matsbreytingar Þjóðskrár eru mjög
mismunandi eftir landshlutum,
samkvæmt tilkynningu sem stofn-
unin sendi frá sér í lok síðasta árs.
Algengasta hækkun er 39,7%. Þó
svo að matsbreytingar séu mikl-
ar í prósentum talið þá eru 70%
eigna að hækka um innan við fjórar
milljónir kr. og 80% minna en um
sex milljónir kr. Staðsetning ræður
miklu um verðmæti sumarbústaða.
Þannig metur Þjóðskrá fjarlægð frá
golfvöllum, háspennulínum og að
nálægð við vatn skipti miklu máli
fyrir fasteignamatið. Fyrir fasteigna-
matið voru mynduð ný markaðs-
svæði fyrir sumarhúsabyggðir. Í fast-
eignamatinu 2018 eru verðmætustu
sumarhúsabyggðir landsins á Suður-
landi. Dýrasta svæðið er Þingvellir,
þar á eftir kemur Kiðjaberg og loks
við Álftavatn. Í Skorradalshreppi eru
622 sumarhús og hækkaði fasteigna-
mat þar um 25,7% að jafnaði. Ein-
ungis í Kjósarhreppi og Reykhóla-
hreppi er meiri hækkun fasteigna-
mats milli ára. Mat fyrir óbyggðar
lóðir og lönd í Skorradal hækkaði
um 59% milli ára. Í hreppnum eru
292 slíkar eignir.
„Ætlaði að eiga þar
áhyggjulaust ævikvöld“
Í Skorradal hefur það tíðkast um
árabil að innheimta fasteigna-
gjöld af eigendum sumarhúsa með
greiðsluseðlum sem sendir eru út í
nóvember og desember. Innheimta
svo seint á árinu var að beiðni fé-
lags sumarhúsaeigenda sem taldi
þetta fyrirkomulag til bóta þar sem
félagsmenn hefðu þá lokið greiðslu
fasteignagjalda af íbúðarhúsnæði
sínu. Þrátt fyrir að öllum fasteigna-
eigendum ætti að vera ljós hækk-
unin, þá býtur þessi mikla hækk-
un fasteignagjalda verulega hjá
sumum þegar greiðsluseðlar ber-
ast í heimabankann. Húseigandi
og eldri borgari sem hafði sam-
band við ritstjórn segist nú vera að
fá í fangið 38% hækkun milli ára og
segist varla ráða við að halda hús-
eigninni eftir svo mikla hækkun.
Hann kveðst hafa byggt hús sitt
fyrir ellefu árum og hafði hugsað
sér að eiga áhyggjulaust ævikvöld í
sveitinni. „En nú er skattlagningin
orðin slík að ég veit ekki hvort líf-
eyririnn dugar til að njóta lífsins í
Skorradal,“ segir hann.
Sveitarstjórn Skorradalshrepps
ákvað álagningarprósentu fast-
eignaskatt á fundi 1. mars á þessu
ári. Þar var samþykkt að álagn-
ingarhlutfall fasteignagjalda yrði
fyrir A-stofn 0,46% (sumarhús)
og fyrir B- og C-tofn 1,28%. Þar
með lækkaði hreppsnefnd álagn-
ingarprósentu sumarhúsa úr 0,5 í
0,46% og átti lækkunin að koma
til móts við þá miklu hækkun sem
Þjóðskrá hafði gert á fasteignamati
sumarhúsa í hreppnum.
mm
Hækkun fasteignamats sumarbústaða
býtur verulega í fyrir eigendur
Þjóðskrá byggir nýtt fasteignamat sumarbústaða m.a. á nálægð við golfvelli, vötn og fjarlægð frá háspennulínum. Ljósm. úr
safni Skessuhorns og horft yfir sumarhúsabyggð á Indriðastöðum.
Bæjarstjórn Stykkishólmsbæjar
samþykkti á síðasta fundi að fela
bæjarstjóra, í samráði við oddvita
allra lista, að ganga til samninga við
Gunnhildi Gunnarsdóttur og Gísla
Pálsson, íþróttafræðinga í Stykkis-
hólmi, um umsjón með heilsuefl-
ingu íbúa bæjarfélagsins 60 ára og
eldri veturinn 2018 til 2019. Samn-
ingur þess efnis var undirritaður 6.
nóvember síðastliðinn. Felur hann
í sér fjölþætta heilsurækt sem sam-
anstendur af þjálfun, undirbúningi,
eftirfylgni og mælingum.
„Þekking um mikilvægi hreyf-
ingar og meðvitundar um heilsu
er sífellt að aukast. Til þess að sem
flestir njóti lífsgæða er mikilvægt
að huga betur að heilsueflingu og
lýðheilsu og eru eldri borgarar þar
engin undantekning. Með reglu-
legri hreyfingu viðheldur einstak-
lingurinn líkamlegu hreysti, lík-
amlegri og andlegri vellíðan ásamt
því að draga úr líkum á heilsufars-
legum kvillum. Þessi jákvæðu áhrif
skapa svo meira sjálfstæði sem felst
m.a. í því að nauðsyn umönnunar
og aðstoðar er frestað. Því verður
einstaklingurinn betur í stakk bú-
inn til að takast á við mismunandi
kröfur daglegra athafna,“ segir Jak-
ob Björgvin Jakobsson bæjarstjóri á
vef Stykkishólmsbæjar.
Í heilsueflingu eldri borgara er
gert ráð fyrir að notaðir verði ár-
angursmælikvarðar og ýmsar ein-
staklingsmiðaðar mælingar við upp-
haf verkefnisins, svo sem göngu-
hraði, gripstyrkur og jafnvægi.
Mikilvægt þykir að nota slíka mæli-
kvarða til að meta megi árangur og
þróun á getu einstaklinga. Fyrir-
komulag æfinganna verður kynnt
Aftanskini, félagi eldri borgara í
Stykkishólmi. Auk þess munu þjálf-
arar fara yfir helstu þætti heilsuefl-
ingar með þátttakendum þegar æf-
ingarnar hefjast.
Ásamt þessu er gert ráð fyrir að
þátttakendum standi til boða að
sitja að minnsta kosti fjögur nám-
skeið og fyrirlestra, tvo fyrir áramót
og tvo eftir áramót, þar sem fjallað
verður um hreyfingu og sjúkdóma,
næringu, mataræði, markmiðasetn-
ingu og lífstílsbreytingu. Þá mun
bæjarfélagið fjárfesta í tækjum sem
notuð verða við æfingar og mæl-
ingar. „Margt getur haft jákvæð
áhrif á lífsgæði okkar en regluleg
og markviss hreyfing leikur þar án
efa aðalhlutverk, bæði hvað varðar
líkamlega og andlega heilsu. Ég vil
því hvetja íbúa Stykkishólmsbæjar
60 ára og eldri til þess að kynna sér
þetta nýja verkefni nánar og taka
skref að auknum lífsgæðum á efri
árum. Í ljósi þess að um nýtt verk-
efni er að ræða stendur til boða að
mæta fyrstu vikuna (fjórir tímar) til
kynningar án þess að greiða þurfi
þátttökugjald,“ segir bæjarstjórinn.
Nánari upplýsingar um þátttöku-
gjald, skráningu og tímasetning-
ar er að finna á vef Stykkishólms-
bæjar.
kgk
Samið um heilsurækt eldri borgara í Stykkishólmi
Frá undirritun samninganna. F.v. Gunnhildur Gunnarsdóttir íþróttafræðingur, Jakob Björgvin Jakobsson bæjarstjóri og Gísli Pálsson íþróttafræðingur.
Ljósm. stykkishólmur.is.