Heimsmynd - 01.06.1990, Blaðsíða 18

Jeppar og fjórhjóla-
drifsbílar.
Afgreiðum bílana á
flugvellinum.
Þjónusta allan
sólarhringinn.
BÍLAIilGMI ÖRN
Hvannavöllum 11, Akureyri
Sími (96) 24838/24535
Orri Yigfússon,
stjórn Eignarhaldsfélagsins,
stjórn Stöð 2, mjúki
maðurinn samningalipri
fylkinga kaupsýslumanna um hylli sjónvarpsglápara.
MJUKI MAÐURINN
Orri Vigfússon steig fram í sviðsljósið í vet-
ur þegar hann tók forystu fyrir hópi manna,
sem hóf alþjóðlegar samningaumleitanir um
kaup á úthafslaxveiðikvóta Færeyinga og
Grænlendinga. Orri er sagður slyngur samn-
ingamaður, heiðarlegur og sanngjarn en þó
fastur fyrir. Þær samkomulagstilraunir munu
þó hafa verið barnaleikur hjá því hlutverki
sem Orri gegndi í að bera klæði á vopnin milli
Stöðvarinnar og Eignarhaldsfélagsins og
höfðu næstum orðið til að hluti innborgaðs
hlutafjár yrði sóttur með fógetavaldi í íslands-
banka. Einnig ber mönnum saman að Orri
hafi átt drjúgan hlut að máli í samkomulaginu
frá 4. maí, þar sem ákveðið var að snúa af
braut innbyrðis samkeppni og sameina krafta
einkaframtaksins til harðrar samkeppni við
Ríkisútvarpið með tveimur sjónvarpsrásum
og tveimur útvarpsrásum. Sem sagt án Orra
stæði enn yfir borgarastyrjöld milli stríðandi
HARÐI MAÐURINN
Jón Óttar Ragnarsson lýsti Gísla V. Einars-
syni nýlega í viðtali sem hinum dæmigerða,
sanngjarna en grjótharða bankamanni, sem
hefði það eitt að leiðarljósi að gæta hagsmuna
hluthafa, sparifjáreigenda og annarra við-
skiptavina Verslunarbankans. Það er hins
vegar með ólíkindum hvað öllum þeim, sem
HEIMSMYND ræddi við, liggur kalt orð til
Gísla. Þeir kölluðu hann jafnan fullu nafni
Gísla Valentínus Einarsson með sérstaklega
háðslegri áherslu á Valentínus, svo sem til að
undirstrika að framkoma hans þyldi ekki
beinlínis samanburð við hinn mikla hjarta-
knúsara kvikmyndanna Valentino. Menn orð-
uðu það gjarnan svo að hann bæri kápuna á
báðum öxlum og léki tveim skjöldum og setti
jafnan eigin hagsmuni ofar hagsmunum
þeirra, sem valið hefðu hann til trúnaðar-
starfa fyrir sig. Gísli var fulltrúi Verslunar-
bankans við sameiningu einkabankanna
þriggja og Útvegsbankans, og maður sem ná-
ið fylgdist með því ferli fullyrti, að ef Ásmundur Stefánsson frá Alþýðuban-
kanum og Brynjólfur Bjarnason frá Iðnaðarbankanum hefðu ekki náð svo vel
saman á grunni gamals kunningsskapar og samstarfs frá þeim tíma er þeir voru
fulltrúar ASÍ og Vinnuveitendasambandsins, hefði sameining bankanna farið
út um þúfur vegna framferðis Gísla. í báðum hópunum, sem leituðu eftir
kaupum á Stöðinni, komu fram grunsemdir um að Gísli hefði ætlað sjálfum sér
stóran hlut í framtíðarskipan Stöðvarinnar, til dæmis stól stjórnarformanns.
Við lá að harka Gísla í innheimtu skulda Verslunarbankans, sem engin veð
voru fyrir, leiddi til þess að hlutafé Stöðvarinnar yrði sótt með fógetavaldi í fs-
landsbanka. Rök Gísla fyrir því að Eignarhaldsfélagið gengi að tilboði, sem
hefði gefið fyrri eigendum meirihluta í Stöðinni eru sögð þau, að Verslunar-
bankinn væri engum skuldbundinn, nægir kaupendur hefðu verið að fyrirtæk-
inu þótt þeir hefðu ekki komið til, og þeir þannig engan veginn bjargað bank-
anum á nokkurn hátt. Samið hefði verið um gagnkvæman forkaupsrétt og nýj-
um eigendum þannig í lófa lagið að halda meirihlutanum með því að hósta upp
100 milljónum í viðbót og losa bankann úr þeim 90 milljón króna ábyrgðum,
sem hlutabréfunum fylgdu. Fyrir áramót hafði Gísli gefið í skyn að til væri
kaupandi, sem keypti Stöðina á einu bretti fyrir 600 milljónir og er talið að átt
hafi verið við Herluf Clausen, sem þó hefur neitað því. HEIMSMYND bauð
Gísla viðtal, en hann hafnaði því.
Gísli V. Einarsson.
Borin illa sagan. Var hann
að vernda „litla manninn" og
smáfyrirtækin fyrir stórum
fjármagnseigendum?
18 HEIMSMYND