Heimsmynd - 01.06.1990, Blaðsíða 87

Óánœgð kona krefst munaðar en
kona sem elskar er fús til að hvíla á
berum fjölum.
vers vegna giftist fólk? Hvers
vegna er fólk talið skera sig
úr ef það býr eitt? Eru það
þjóðfélagsaðstæður sem ýta
fólki út í hið hefðbundna
form að stofna fjölskyldu? Er
það tilgangur lífsins að finna
maka eignast börn og deyja
síðan?
Við þessu eru mörg og ef-
laust ólík svör en að vísu
virðist þetta vera það sem
flestir gera.
Til eru konur sem kjósa að vera það
sem við getum kallað sjálfstæðar. Gera
það sem þær sjálfar lystir og finnst það
vera kostur að vera ógiftar. Það er samt
ekki þar með sagt að þær komi aldrei til
með að gifta sig en í augnablikinu finnst
þeim það að vera sjálfstæðar besta lífs-
munstrið.
Hverjir eru þessir kostir?
Anna, sem er uppeldisfræðingur að
mennt, telur besta kostinn vera þann að
hún þarf ekki samþykki neins annars til
að framkvæma hluti. Ef henni dettur í
hug að skreppa til Amsterdam þá þarf
enga umræðu um það. Hún bara fer. Svo
er erfitt að vera fjárhagslega sjálfstæður
þegar búið er með öðrum og nokkrar af
þeim konum sem tilbúnar voru að tjá sig
um kosti þess að vera karlmannslaus
voru sammála um að erfitt yrði að afsala
sér fjárhagslegu sjálfstæði sínu.
Kannski er hægt að segja að konur
geti verið fjárhagslega sjálfstæðar í
hjónabandi þegar þær vinna úti en sam-
eiginlegur rekstur heimilis er það stór
hluti hins daglega lífs að varla er það
konunni í sjálfsvald sett í hvað hún lætur
launin sín.
Aðrar töldu fjármálin vera aðalókost-
inn við að búa einar því oftast nær er full
þörf á tveimur fyrirvinnum til að endar
nái saman.
Margrét, þrjátíu og fjögurra ára gömul
hjúkrunarkona, segir kostina við að vera
kallalaus þá að geta teygt úr sér í rúm-
inu. Hafa allt rúmið fyrir sig sjálfa. Geta
hrúgað bókum og blöðum upp í það og
haft ljósið kveikt hvenær sem er. Verið
sinn eigin dagskrárstjóri, þurfa ekki að
verða fúl vegna þess að hann langar til
að sjá eitthvað annað.
Geta farið á skemmtistað og slett úr
klaufunum án þess að brúnirnar á hon-
um þyngist. Geta keypt flík án þess að fá
samviskubit. Geta drollað í heimsóknum
ein án þess að sett verði út á það. Geta
hitt mann, orðið smáskotin og skellt sér
á hann.
Rósa Ingólfsdóttir er þekkt fyrir
eftir KRISTÍNU JÓNSDÓTTUR
HEIMSMYND 87