Heimsmynd - 01.07.1992, Qupperneq 68

.uciano Leggio > «PPj '',er
ilssíns.Þaðsemþon ein
kenna persónona ''ar Q l J1
bragð, tvírætt bros, greinda
legten iUsKuíegt augnarað 09
naulnalegar varir.
Don Calo frá Villalba var guðfaðir
sikileysku mafíunnar til dauðadags
1954. Hann skipulagði landgöngu
bandaríska hersins á Sikiley árið
1943 og fékk borgarstjóraembætti að
launum.
iQRfi tiM987 Þar voru 464 mafiosar
Frá fjöídaréttarhöldunum í Palermo a arunum 1986 til 1987.
sóttir til saka.
innar. Hann varð capo di tutti capi, foringi allra foringja, í
mafíustríðinu mikla sem geisaði á Sikiley á árunum 1981 til
1983.
Stærð Sikileyjar er um fjórðungur af flatarmáli Islands og
þar búa um 5 milljónir manna. Saga hennar einkennist af stöð-
ugum innrásum og þar hafa útlendingar löngum ríkt. Fönikíu-
menn tóku eyna, síðan Grikkir, Rómverjar, Vandalar, Austur-
Gotar, Býsansmenn, Arabar, Normannar, Þjóðverjar, Ara-
góníumenn, Spánverjar og Búrbónar. Á dögum Rómverja var
Sikiley kornforðabúr Rómaveldis og var þá skipt upp í geysi-
stóra búgarða og bændunum haldið sem ánauðugum þrælum.
Þetta gamla lénskerfi var ekki afnumið fyrr en um miðja 20.
öld. Eyjarskeggjar hafa löngum litið á landeigendur sem út-
lendinga og óvini og fóru snemma á öldum að mynda leynifé-
lög og hálfgerða ræningjaflokka gegn erlendri yfirstjórn.
Margir telja að mafían eigi rætur sínar þar.
RÓMANTÍSKUR UPPRUNI
Allt er þó á huldu um uppruna orðsins mafía og margar
kenningar til um hann. Flestir sagnfræðingar munu sammála
um að mafían sem skipulögð samtök hafi hafist er þjóðhetjan
Giuseppi Garibaldi frelsaði Sikiley undan konungdæmi Búr-
bóna og sameinaði hana Italíu. Sikileyingar tóku honum fagn-
andi er Rauðstakkar hans gengu á land í Palermó árið 1860.
Meðal þeirra fyrrnefdu voru um 2000 svokallaðir picciotti,
djarfir ungir þjóðernissinnaðir bændur, hálfgerðir ræningjar og
uppreisnarmenn, sem voru vanir að fela sig í fjallahellum sem
kallaðir voru maha á arabísku. Þaðan er sennilega nafnið maf-
ía komið. Talað var um picciotti, sem fylgdu Garibaldi að mál-
um, sem squadri della mafia.
Sikileyingar voru í hrifningarvímu við sameiningu Italíu og
skynjuðu hana sem frelsun frá erlendu oki í 2000 ár. Þeir
bjuggust við að hið gamla landeigendakerfi yrði brotið á bak
aftur og þeir fengju að njóta lands síns á ný. En allar slíkar
vonir urðu að engu. Hin nýja stjórn í Róm hreinlega gleymdi
Sikiley. Eyjan varð afskipt og það var þá sem picciotti tóku til
sinna ráða. Bráðlega urðu þeir að skipulagðri ræningjahreyf-
ingu sem sveipuð var ævintýraljóma. Mafían gerðist banda-
maður landeigenda og kirkju, en tók jafnframt að sér að full-
nægja réttlætinu. Ef fátæklingar töldu brotið á sér höfðu þeir
engan annan til að snúa sér til og mafían tók þá undir vernd-
arvæng sinn á eigin forsendum. Hún var á frumstigi sínu álitin
eins konar Hróa hattarhreyfing sem skáld mærðu í ljóðum sín-
um. En í raun þróaðist hún í hreinræktaða glæpahreyfingu.
Fyrsti stóri mafíuforinginn á Sikiley, capo di tutti capi, var
Don Vito Cascio Ferro. Hann var fæddur í Palermó árið 1862
og eftir hann lá slóð morða, fjárkúgunar, mannrána og hvers
konar ofbeldis. Don Vito neyddist til að flýja til Bandaríkj-
anna árið 1901 og þar gerðist hann upphafsmaður og faðir
bandarísku mafíunnar sem í fyrstu var kölluð Svarta höndin.
Það var hann sem kom á skattheimtu- og verndarkerfi maf-
íunnar sem alþekkt er enn þann dag í dag. Eftir það voru náin
tengsl milli Sikileyinga austan hafs og vestan.
MUSSOLINI OG INNRÁS BANDARÍKJAMANNA
Yfirvöldum í Róm var ekki um mafíuna gefið og gerðu
margar tilraunir til að uppræta hana. Mussolini taldi sér stafa
ógn af henni og réðist gegn henni af hörku þar sem meintir
mafíósar voru miskunnarlaust fangelsaðir eða teknir af lífi án
dóms og laga. Taldi hann sig að lokum hafa upprætt hana með
öllu. En þar fór hann villur vegar.
Þegar Bandaríkjamenn hugðust gera innrás á Italíu árið
1943 varð Sikiley fyrir valinu. Ástæðan var sú að þeir notfærðu
sér mafíuna sem var í fullkominni andstöðu við Mussolini og
fasistastjórn hans þó að hún léti lítið á sér bera. Þegar innrásin
hófst hafði mafían búið í haginn fyrir bandaríska herinn, und-
irbúið landgönguna og skipulagt leiðir hans. Tengiliður
Bandaríkjamanna var mafíósinn Lucky Luciano sem smyglað
hafði verið frá Ameríku til Sikileyjar. Þáverandi guðfaðir á
eynni, Don Calogero Vizzini frá bænum Villalba, stjórnaði að-
gerðum á eynni og að launum var hann gerður að borgarstjóra
í Villalba. Þegar hann var settur í embætti hrópuðu viðstaddir:
„Lengi lifi mafían. Lengi lifi Don Calo!“ Sama gerðist með
aðra mafíósa. Þeir voru settir í lykilembætti um alla Sikiley. Þá
var ekki hægt að væna um nein tengsl við fasistastjórnina.
Þeim tökum sem mafían náði í kjölfar innrásar Bandaríkja-
manna hefur ekki linnt síðan. Þau hafa miklu frekar eflst að
mun.
SAMNINGURINN í GRAND HOTEL DES PALMES
I Palermó er gamalt og virðulegt hótel sem nefnist Grand
Hotel des Palmes. Á haustdögum 1957 var þar haldinn sam-
eiginlegur toppfundur bandarískra og sikileyskra mafíubófa
sem átti eftir að valda þáttaskilum. Þarna komu menn eins og
sá goðsögulegi Lucky Luciano, Joe Bonanno (guðfaðir í
Brooklyn), Carmine Galante, John Bonventre, bræðurnir
Maggadino (sem stjórnuðu mafíunni í Buffalo), John Priziola
(guðfaðir Detroit-mafíunnar) og margir fleiri frá Bandaríkjun-
68 HEIMSMYND