Heimsmynd - 01.07.1992, Síða 73

blaðamann sem kom að finna hann að máli mörgum árum
seinna).
Luciano Leggio hefur alltaf haldið því fram að hann væri
fórnardýr kommúnistískra ofsókna. í þessum réttarhöldum
taldi hann lögregluna og ofsækja sig. „Líf mitt tók umskiptum
þegar lögregluforingi bað mig ítrekað að gagnast konu hans
en ég neitaði af siðferðilegum ástæðum", sagði hann. „Eg
hafði ekkert samband við þá konu og hún hafði ekki reynt að
draga mig á tálar. Spyrjið ekki um nöfn. Ég er heiðursmaður.“
Fleiri slíkar sögur kom hann með í réttarhöldunum. Þeim lauk
með því að Leggio var dæmdur skilorðsbundið fyrir að stela
korni árið 1948 en var sýknaður af öllum öðrum ákærum og
sama gerðist með alla hina félaga hans í Corleonemafíunni.
Dómarinn sagði að órjúfanlegur þagnarmúr ótta og yfirhylm-
inga hefði stöðvað ríkissaksóknarann af. Almenningur var
furðu lostinn en Luciano Leggio var skemmt. Hann minnti
blaðamenn á að hann hefði alltaf haldið því fram að engin
mafía væri til og þessi réttarhöld sönnuðu mál sitt.
RAUÐA AKURLILJAN FRÁ CORLEONE
Þrátt fyrir fimm ára varðhald hafði Luciano Leggio haldið
áfram glæpastarfsemi sinni eins og ekkert hefði í skorist. Um
leið og hann var laus skipaði lögreglustjórinn í Palermó að
hann yrði handtekinn á ný þegar í stað, en dómsmálayfirvöld
úrskurðuðu, öllum til furðu, að handtakan gæti aðeins átt sér
stað í Corleone, heimabæ Leggios. Næstu ár var Leggio hund-
eltur af yfirvöldum en í raun og veru var það aðeins skrípa-
leikur og farsi. Allt upp til æðstu stjórnvalda í Róm var séð í
gegnum fingur við hann.
Luciano Leggio leitaði sér lækninga á bestu sjúkrahúsum ít-
alíu og enginn þóttist vita um hann. Ekki var talað um annað
en leitina að Leggio í ítölskum blöðum og hvað eftir annað
bar málið á góma í ítalska þinginu. Öll Italía stóð á öndinni,
en spilling og mútuþægni var hvarvetna, í öllum stjórnmála-
flokkum og stjórnkerfinu, og Luciano Leggio fór ferða sinna,
nánast eins og hann vildi, þó að svo ætti að heita að hann væri
í felum.
Hann hélt til í Mílanó og þar þróaðist mikil mafíustarfsemi í
kringum hann; þjófnaðir, fjárkúgun, byggingabrask, spilavíti,
hvít þrælasala á innflytjendum og mannrán í stórum stfl. Leg-
gio kallaði sig Osvaldo Fattori barón í Mflanó og þóttist vera
ríkur gimsteinasali, en hafði ellefu vegabréf með mismunandi
nöfnum sem hann ferðaðist á um Evrópu.
Loksins var Leggio handtekinn á ný árið 1974. Lögreglan
> hafði þá hlerað síma einhverra smábófa sem oft töluðu við
mann sem þeir kölluðu Signor Antonio: „Baciamu li manu a
vossia“ (Við kyssum á hönd yðar hátignar). Það er gamalt
sikileyskt ávarp bænda til aðalsmanna. Og nú tókst að koma
Luciano Leggio í lífstíðarfangelsi. Réttarhöldin fóru fram í
Mílanó og blöðin kölluðu hann Rauðu akurliljuna frá Corleo-
ne. Hann var tákn alls þess sem farið hafði úrskeiðis í viður-
eign yfirvalda við mafíuna. Og nú átti hann eftir að sanna
hversu haldlítil fangelsin voru. Hann hafði peninga, liðssveitir,
bandamenn og gríðarlegt áhrifavald til þess að leggja alla
sikileysku mafíuna undir sig frá klefa sínum.
MAFÍUSTRÍÐIÐ MIKLA Á SIKILEY
Um 1980 var sikileyska mafían orðin ævintýralega rík af
heróín- og kókaínsölu um allan heim. Auðæfin streymdu um
bankakerfi víða um heim og höfnuðu ekki síst í Palermó. Þar
kom að græðgin var slík að allsherjarstríð braust út milli maf-
íufjölskyldna á Sikiley. Leggio og Corleonemafían hafði gert
bandalag við aðrar mafíufjölskyldur og hafði undirtökin í eit-
urlyfjaverslun frá Gullna þríhyrningnum i Asíu. Hins vegar
réðu aðrar fjölskyldur, svo sem Bontate, Inzerillo, Gambino,
Spatola og Di Maggio yfir versluninni til og frá Ameríku.
Stríðið hófst í mars 1981 og það voru menn Leggios sem hófu
það með skothríð. Bontate og Inzerillo voru skotnir til bana
og í kjölfarið fylgdu fjöldamorð á heilu fjölskyldunum. Þegar
stríðinu lauk árið 1983 stóðu corleonesi uppi sem sigurvegarar
og Luciano Leggio varð guðfaðir á Sikiley, capo di tutti capi,
þó að hann sæti í fangelsi á Sardiníu. Þaðan lagði hann á ráð-
in, meðal annars morð á dómurum, lögregluforingjum og
blaðamönnum sem gerðust of nærgöngulir.
EITT SVAR VIÐ ÖLLUM ÁKÆRUM
Árið 1987 voru fjöldaréttarhöld yfir mafíósum í Palermó
sem vöktu heimsathygli. Alls var réttað yfir 464 mafíósum í
skotheldum glerbúrum. Meðal þeirra voru margir af frægustu
mammasantissima sem höfðu haldið Sikiley í heljargreipum í
áratugi. Meðal þeirra sem dregnir voru til vitnis var sjálfur
guðfaðirinn, Luciano Leggio, sem fluttur var úr fangelsinu á
Sardíníu og fékk sérstakt búr. Þar sat hann í öllu sínu hroka-
fulla veldi, þungur og hokinn, í æfingagalla og Adidas tennis-
skóm. Hann las í dagblaði og fékk sér öðru hverju vindil, en
þess á milli horfði hann letilega í kringum sig. Hann var þrif-
legur eftir tólf ár í fangelsi, en enn stafaði frá honum einhverj-
um óskýranlegum kulda. Frá hinum búrunum geislaði virðing,
lotning og auðmýkt til þessa óumdeilda foringja allra mafíósa.
framhald á bls.86
HEIMSMYND 73