Heimsmynd - 01.04.1993, Síða 91

öðrum keppendum hvað það snerti: „Ég var bara
ferlega lasin og hefði legið heima í flensu ef
keppnin hefði ekki verið.“ Keppnin hefur
verið mikið gagnrýnd fyrir glys og
innihaldslaust skrum, lögin þykja
keimlík frá ári til árs:
„Mér
finnst
ekkert sér-
stakt um lögin
í þessari
keppni eða
keppnina sjálfa
yfirleitt,“ segir hún
hikandi og verður
síðan kjaftstopp í dá
litla stund. „Þegar Jón
Kjell hringdi í mig og
mig að syngja lagið tók ég
mér langan umhugsunarfrest
en sló svo til aðallega af því í
mér fannst lagið fallegt. Mér hefur
aldrei þótt þessi keppni vera spenn-
andi en mér finnst hún eiga rétt á sér.
Ekki síst íslenska forkeppnin núna þar
sem margir ungir flytjendur komu fram í
fyrsta sinn.“
Pís of keik spilar House-tónlist og það
er altalað að House-tónlist og pakkhúspartí
(sem eru dansleikir þar sem aðallega er
spiluð slík tónlist og standa gjaman fram
undir morgun) tengist neyslu á fíkniefninu
alsælu (Esctasy). Hún segist ekki þola
ofdrykkju eða vímuefnanotkun og sjálf snerti
hún aldrei fíkniefni þó að hún þekki fólk sem
notar þau: Ég er ekki ofstækisfull en ég kemst
nærri því þegar fíkniefni eru annars vegar. Þetta
er ákaflega persónulegt mál því að manneskja
sem er mér mjög nákomin fór mjög illa út úr því.
Ég veit að alsæla er í gangi en ég verð ekki vör við það,
sjálfsagt af því ég vil ekki sjá það.“ Hún segist ekki hafa
neinar fyrirmyndir í söngnum. „Ég tek ekki neinn til
fyrirmyndar í lífinu almennt. Ég vil bara líkjast
sjálfri mér. Ég hef breiðan tónlistarsmekk og
hlusta á allar tegundir tónlistar nema kannski helst
kántrí. Ég hlusta líka mikið á tónlist frá sjöunda
áratugnum eins og svo margir af minni kynslóð.
Þessi lög með Trúbrot, Hljómum og fleiri
hljómsveitum eru aftur orðin gífurlega vinsæl og
það er í rauninni mjög skemmtilegt að þetta
andrúmsloft sem var á þessum tíma skuli vera
komið aftur þó að það sé í breyttri mynd. Ég
lofaði sjálfri mér því þegar ég var yngri að ég
skyldi aldrei láta sjá mig í útvíðum buxum. En
sjáðu mig núna.“ Hún teygir fram annan fótinn
og togar í skálmina: „Mér finnst þetta alveg
æðislega smart. Fólk er almennt orðið
miklu frjálslegra núna en fyrir fáum
árum.
Það sem Ingibjörg hefur
fram yfir aðrar söng-
konur af yngstu
kynslóðinni í
skemmtana-
bransanum er
ekki bara gull-
falleg rödd
heldur líka
óaðfinnanleg
sviðsframkoma og
útgeislun sem aðeins fáir búa yfir,
ásamt bamslegu sjálfsöryggi og
tærri einlægni er það óumdeilan-
lega það sem kallað er vestanhafs
„star quality“.
í maí mun hún þannig birtast
milljónum sjónvarpsáhorfenda
sem fulltrúi Islands í Júró-
visjón-söngvakeppninni,
fulltrúi sem hvað sem
öllu öðru líður, við
getum verið stolt
af. ■