Fréttablaðið - 10.10.2015, Qupperneq 8

PLUSMINUS OPTIC
Smáralind
www.plusminus. is
10 ára
PLUSMINUS OPTIC fagnar
10 ára afmæli í október
Þökkum okkar fjölmörgu viðskiptavinum samstarfið
og minnum á afsláttinn sem þeir njóta
Tökum vel á móti og bjóðum nýjum viðskiptavinum
20% afslátt í október
Náttúra Landgræðsla ríkisins og
bændur hafa á síðustu árum grætt
upp tugi þúsunda hektara lands í
eigu bænda í gegnum samvinnu-
verkefni sem kallast „Bændur græða
landið“.
Verkefnið hefur verið starfrækt frá
árinu 1990 og hefur 18.500 tonnum
af áburði verið dreift á eignarlönd
bænda auk 188 tonna af grasfræjum.
Formaður Bændasamtakanna segir
það skipta miklu máli að halda
þessu samstarfi áfram.
„Tilhögun verkefnisins er sú að
Landgræðslan greiðir um 85 pró-
sent af verði áburðarins og lætur
af hendi landgræðslufræ bændum
að kostnaðarlausu,“ segir Sunna
Áskelsdóttir, sem annast verkefnið
fyrir hönd Landgræðslunnar.
„Bændur greiða það sem upp á
vantar og sjá um að dreifa áburði
og sá. Á þennan hátt hefur mikið
af landi verið grætt upp og land-
eyðing verið stöðvuð. Ásýnd lands
hefur batnað og búsetuskilyrði fyrir
bændur batnað þar sem heilmikið
hefur bæst við beitiland.“
Sindri Sigurgeirsson, formaður
Bændasamtakanna, segir verkefnið
vera gífurlega mikilvægt fyrir land-
græðslu í víðum skilningi og verk-
efnið sem slíkt hafi gengið mjög
vel. Samvinna Landgræðslunnar og
bænda hafi verið mjög góð og heilla-
vænleg síðasta aldarfjórðunginn.
„Heilt yfir hefur þetta verkefni
gengið mjög vel og bændur almennt
eru ánægðir og jákvæðir í garð þessa
verkefnis. Þetta sýnir að bændur
sem vörslumenn landsins sýna
ábyrgð í landnýtingu sinni. Það sést
best á umfangi verkefnisins. Bændur
eru langveigamestu aðilarnir í land-
græðslu á Íslandi,“ segir Sindri.
Skilyrði fyrir þátttöku eru þau
að land sé lítið gróið eða ógróið og
beitarálag hóflegt. Landgræðslan
leiðbeinir með uppgræðsluaðferðir.
Sunna segir bæði bændur og land-
græðsluna hafa öðlast þekkingu
með samstarfinu.
„Skilningur bænda á landnotkun
og landgræðslu hefur aukist en ekki
síður hefur bæst verulega í þekk-
ingarbrunn Landgræðslunnar,“
segir Sunna.
Oft hefur verið í umræðunni að
bændur beiti fé á illa farið land.
Sindri segir þá tíma liðna.
„Þegar menn slá þessu fram eru
það þrjátíu ára fréttir. Bændur vilja
vera með sjálfbæra landnýtingu og
þá er mikilvægt að hlúa að því landi
sem þarfnast uppgræðslu. Þetta var
ekkert endilega í lagi hér áður en
hugsun bænda er algjörlega breytt
og samkvæmt rannsókn er land í
framför á Íslandi. Bændur eru með-
vitaðir um þetta og þátttaka þeirra
í verkefninu sýnir að þeir leggja
mikið upp úr því að sýna ábyrgð,“
segir Sindri Sigurgeirsson.
sveinn@frettabladid.is
Mikill árangur í samstarfi við bændur
Samvinnuverkefnið „Bændur græða landið“ hefur verið starfrækt síðan 1990. Tugir þúsunda hektara hafa verið ræktaðir upp af heima-
löndum bænda sem eru ánægðir með útkomuna. Formaður Bændasamtakanna segir bændur veigamesta í uppgræðslu lands.
Tæplega 20 þúsund tonnum af áburði hefur verið dreift á lönd bænda og tugir
þúsunda hektara hafa breyst úr ógrónum melum í gróið land. Fréttablaðið/Rósa
Sindri Sigurgeirsson,
formaður Bænda-
samtakanna
Sunna Áskelsdóttir,
sérfræðingur hjá
Landgræðslunni
Gríðarlegt magn
áburðar
tugir þúsunda hektara hafa verið
græddir upp af eignarlöndum
bænda í gegnum landgræðslu-
verkefnið. Bændur leggja til tæki og
vinnu en Landgræðslan megnið af
fræjum og áburði.
516 bændur hafa tekið þátt í verk-
efninu „Bændur græða landið“ að
meðaltali á hverju ári frá því 1997.
18.645 tonn af áburði frá Land-
græðslunni hafa verið borin á
eignarlönd bænda á tímabilinu
1997-2014.
188 tonnum af grasfræjum frá
Landgræðslunni hefur verið sáð
á eignarlönd bænda á tímabilinu
1997-2014. Hefur gengið mjög vel
Oddný Steina Valsdóttir, varaformaður Landssamtaka sauðfjárbænda,
hefur tekið þátt í landgræðsluverkefninu í tíu ár. Hún
segir greinilegan mun á landinu. „Við erum með um eitt
hundrað hektara í verkefninu og árangurinn er ágætur.
Einnig höfum við girt aðra þrjátíu hektara utan við verk-
efnið þar sem markmiðið er að búa til ágætis beitarhólf
þar sem áður var snauður melur,“ segir Oddný sem
kveður verkefnið hafa skilað gríðarmiklum árangri á
mörgum stöðum.
„Ég held að samvinnan hafi skilað sér í auknum áhuga
bænda á landgræðslu sem og að við sjáum árangur víða. Bæði hefur
þekking bænda aukist sem og að sú þekking sem fyrir er á landinu nýtist í
starfið.“
1 0 . o k t ó b e r 2 0 1 5 L a U G a r D a G U r8 f r é t t i r ∙ f r é t t a b L a ð i ð