Fréttablaðið - 16.12.2015, Qupperneq 32

„Ég er mikill áhugamaður um Ísland.
Áður en ég kvæntist hafði ég bara einu
sinni verið í langtímasambandi og
það var með íslenskri konu, á níunda
áratugnum, áður en það var hægt að
kaupa bjór. Þá fór maður á Hótel Borg
að skemmta sér á hverju kvöldi, segir
Lars Seier Christensen. Lars og félagi
hans, Kim Fournais, stofnuðu saman
Saxo Bank árið 1992 og hefur Lars
verið forstjóri bankans undanfarin
ár. Hann ætlar að láta af störfum hjá
bankanum um áramótin og fara að
sinna öðrum fjárfestingum.
Lars var staddur hér á Íslandi í síð-
ustu viku og hélt fyrirlestur um rekst-
ur fyrirtækja í húsakynnum GAMMA.
Í fyrirlestri hans kom meðal annars
fram að hann hefur haft hugsjónir
rússneska rithöfundarins og heim-
spekingsins Ayns Rand að leiðarljósi
við rekstur fyrirtækisins.
Vinnur eftir heimspeki Ayns Rand
„Ég vil ekki að það hljómi of mikið
eins og költ. En þú þarft að hafa gildi í
fyrirtækjarekstri og ég held að það sé
betra að hafa greinileg gildi en að fólk
sé að giska á hver gildin séu,“ segir Lars
Seier. Hann bendir á að eftir margra
ára íhugun hafi Rand skilgreint sjö
gildi sem hún taldi að væri kjarninn
í tilvist mannsins og kjarninn í því
að eiga gott og árangursríkt líf. „Hún
hugsaði það fyrir einstaklinga en þessi
gildi hennar eiga við um fyrirtæki líka.
Þannig að við reynum að brýna það
fyrir okkar fólki að tileinka sér þau í
því sem fólk er að gera. Þetta eru engin
geimvísindi en þetta er ágætis leiðar-
vísir um það hvernig við viljum að
fólk hegði sér innan fyrirtækisins og
utan fyrirtækisins,“ segir Lars.
Hann útskýrir að þeir hafi verið
tveir, félagarnir, sem hafi í upphafi
sett fyrirtækið á laggirnar með 100
þúsund dali í banka og allir verið
starfandi á sama staðnum. „En þegar
við stækkuðum þá fjölgaði fólki og
tók til starfa á mismunandi stöðum.
Við vorum ábyggilega með fólk af
60 þjóðernum og í þeim aðstæðum
held ég að það sé gott að hafa sam-
eiginlegan skilning á því hvernig við
viljum að fyrirtækið sé rekið og við
vörðum því nokkrum tíma í að þróa
þessa innri stefnu um það hvernig við
viljum að fyrirtækið sé rekið, hvernig
framkoman við viðskiptavini okkar er
og þess háttar,“ segir hann.
Er það þá þetta einstaklingshyggju-
sjónarmið sem þið horfið til?
„Já, það er það. Við viljum að fólk
líti á sjálft sig sem einstaklinga en
að það sé þó hægt að vinna saman
í hópum,“ segir Lars og bendir á að
þótt fólk vinni saman í hópum þá
beri hver og einn ábyrgð á eigin vel-
gengni. „Við erum í umhverfi þar sem
við verðlaunum fólk sem gerir vel og
verðlaunum ekki fólk sem gerir ekki
vel,“ segir Lars.
Þú byrjaðir ferilinn í Danmörku,
hvernig var að byggja upp fyrirtæki
þar?
„Það er flókið í Danmörku af því að
þar eru háir skattar og almennt dýrt
að lifa miðað við á mörgum öðrum
stöðum,“ segir Lars. Aftur á móti sé
reglugerðafarganið og skriffinnska
ekki svo yfirþyrmandi þar og þar sé
mikið framboð af fólki með mikla
Evrusvæðið er enn þá í tómu rugli
Stofnandi Saxo Bank í Danmörku ætlar að yfirgefa brúna og einbeita sér að fjárfestingu í nýsköpun. Rekur fyrirtækið á grundvelli hug-
myndafræði rithöfundarins Ayn Rand. Telur jákvæð teikn á lofti í íslensku atvinnulífi. Í Evrópu hafi menn ýtt vandanum á undan sér.
Með 26 skrifstofur um heiminn„Ég vil ekki að það hljómi of mikið eins
og költ. En þú þarft að hafa
gildi í fyrirtækjarekstri og ég
held að það sé betra að hafa
greinileg gildi en að fólk sé
að giska á hver gildin séu
Lars Seier Christensen
Lars Seier Christensen segir að það sé erfitt að reka fyrirtæki í Danmörku, að því leyti að þar eru háir skattar og almennt dýrt að lifa. Hins vegar sé reglugerðarumhverfið ekki flókið og tækniþekking mikil. FRéttAbLAðið/GVA
„Þetta er skrítin skepna. Þetta er nokkurs konar miðlunarkerfi. Nærri
helmingur af starfsmönnum okkar er kerfisverkfræðingar og við höfum
byggt upp þetta miðlunarkerfi á síðustu 20 árum sem gerir mönnum
kleift að eiga viðskipti með hvers kyns eignir á ólíkum verðbréfamörk-
uðum víða í heiminum,“ segir Lars Seier þegar hann er beðinn um að
lýsa starfsemi Saxo Bank. Hann nefnir sem dæmi hlutabréfaviðskipti,
gjaldeyrisviðskipti, viðskipti með framvirka samninga, skuldabréf eða
annað.
Saxo Bank er með 26 skrifstofur um heiminn og er með miðlunar-
kerfi á 30 mismunandi tungumálum. „Við erum rafrænir miðlarar en
með banka í nokkrum löndum. Við erum því að hálfu leyti tæknifyrir-
tæki en að hálfu leyti banki,“ segir hann og bætir við að það sé erfitt
að skilgreina starfsemi bankans. „Við erum klárlega ekki hefðbundinn
fjárfestingabanki í samrunum og yfirtökum og stórum gerningum. En
við þjónustum stóra einstaklinga, vogunarsjóði og fagfjárfesta. Og við
höfum hannað mjög fjölbreytt miðlunarkerfi sem fjármálafyrirtæki
geta nýtt sér og notað undir eigin nafni við að þjónusta eigin viðskipta-
vini. Við höfum hannað þetta kerfi fyrir 100 fjármálastofnanir,“ segir
Lars. Á meðal þeirra sem noti þessi miðlunarkerfi þeirra séu stórir
bankar eins og Barclays. Einnig sinni Saxo Bank þjónustu við marga
smærri banka og sé meðal annars að leita viðskiptavina hér. Bankinn er
í viðræðum við tvo íslenska aðila en Lars Seier vill ekki segja hverjir þeir
eru: „Þeir verða að segja frá hverjir þeir eru.“
tækniþekkingu. Hins vegar séu ekki
svo mikil tækifæri fyrir viðskipti
innanlands í þeirri starfsemi sem
Saxo Bank rekur og því sé bankinn
alltaf að leita út fyrir landsteinana.
„Sem miðlarar þá erum við einungis
með um fimm prósent af starfsemi
okkar í Danmörku. Danmörk er því
meira heimili okkar en vettvangur
viðskipta,“ segir Lars Seier. Hann segir
að það hafi því vissulega verið ágætt
að byggja upp bankann í Danmörku.
„En ef ég væri að byggja hann upp frá
grunni, með þá vitneskju í farteskinu,
sem ég hef núna, þá er ég ekki viss um
að ég myndi velja Danmörku aftur. En
við erum þar og við fáum góða þjón-
ustu þar, þannig að við erum ánægð
með að vera þar.“
Starfsmenn bankans eru núna um
1.500 í heildina. Þar af starfar rétt tæp-
lega helmingur í Danmörku og hinn
hlutinn er dreifður um allan heim.
„Við erum með viðskipti í öllum
heimsálfum nema Norður-Ameríku.
Við erum með dálítið stóra aðstöðu í
Singapúr til þess að sinna viðskiptum
í Asíu, við erum með nokkuð stóra
aðstöðu á okkar eigin mælikvarða í
Zürich, og svo erum við í London og
smærri skrifstofur í mörgum öðrum
löndum. Helmingur þeirra er í Vest-
ur-Evrópu og helmingur á öðrum
svæðum heimsins,“ segir Lars. Hann
segir erfitt að eiga viðskipti í Amer-
íku. Helsta ástæðan sé sú að þar er
markaðurinn bæði ófyrirsjáanlegur
og flókinn.
1 6 . d e s e m b e r 2 0 1 5 m I Ð V I K U d A G U r6 markaðurinn