Morgunblaðið - 12.09.2019, Qupperneq 42

42 UMRÆÐAN
MORGUNBLAÐIÐ FIMMTUDAGUR 12. SEPTEMBER 2019
Full búð af
nýjum vörum!
Bláu húsin v/Faxafen
Sími 553 7355 • www.selena.is • Selena
undirfataverslun • Næg bílastæði
Maður að nafni Guð-
mundur Oddsson sendi
nýlega inn grein þar
sem hann velti vöngum
yfir hinsegin mál-
efnum.
Persónulega finnst
mér það frábært þegar
fólk tekur þátt í um-
ræðum um hinsegin
fólk, því fyrir mér er
það kjörið tækifæri fyr-
ir fólk að fræðast og eiga upp-
byggileg samtöl um hlutina.
Ekki er að undra að Guðmundi
hafi fundist regnbogafánamálið frek-
ar dramatískt, enda ekki á hverjum
degi sem þjóðarleiðtogi annars ríkis
kemur á klakann. Ekki er Mike
Pence heldur bara hvaða þjóðarleið-
togi sem er, heldur þjóðarleiðtogi
sem er þekktur fyrir grófa fordóma
gagnvart hinsegin fólki í þokkabót.
Ástæða þess að regnbogafáninn
blakti við hún var sú að Mike Pence,
varaforseta Bandaríkjanna, finnst að
það sé í lagi að reka fólk eins og mig
úr vinnu og neita mér um þjónustu
fyrir það eitt að vera eins og ég er.
Ekki finnst honum það bara í lagi,
heldur hefur staðið fyrir lagasetning-
um og breytingum á lögum sem leyfa
það.
Hann styður sömuleiðis svokall-
aðar „afhommunarbúðir“, þar sem er
reynt að fá fólk til að hætta að vera
hinsegin með öfgafullum hætti, eins
og t.d. pyntingum, heilaþvotti og of-
beldi. En það veit allt
vel þenkjandi fólk að
ekki er hægt að neyða
fólk til að vera eitthvað
sem það er ekki, enda
held ég að þá enginn
myndi vera hinsegin.
Hinsegin hvað?
Mér finnst líka sömu-
leiðis mikilvægt að
árétta að Hinsegin dag-
ar eru hátíð sem hefur
verið til í nær tvo ára-
tugi (og í raun lengur ef
kröfugöngur frá ’93 og
’94 eru taldar með), en ekki einungis
nokkur ár eins og Guðmundur telur.
Hinsegin dagar hafa því lengi verið
mikilvægur hluti af íslenskri dægur-
menningu. Mér þykir það miður að
Guðmundi þyki ekki mikið til hátíð-
arinnar koma og hvet ég hann og allt
það fólk sem hefur ekki gert það nú
þegar að skella sér á næsta ári. Við
munum taka vel á móti ykkur.
Þar eru ýmsir fræðsluviðburðir,
skemmtanir, ganga og annað
skemmtilegt og eflandi fyrir gesti og
gangandi. Þessi hátíð er haldin til að
vekja athygli á hinsegin málefnum
og hverju þarf enn að berjast fyrir
svo við getum öll lifað í réttlátu og
frjálsu samfélagi – og auðvitað til
þess að fagna fjölbreytileikanum í
okkar litla og víðsýna samfélagi.
Einnig spyr Guðmundur hvers
fólk sem er ekki hinsegin eigi nú að
gjalda. Ég get huggað Guðmund
með því að hann þurfi nú að hafa litl-
ar áhyggjur af því, enda er staða
fólks sem er ekki hinsegin yfirburða-
góð. Engin lög eru í gildi neins stað-
ar í heiminum sem hefta frelsi þess
né þarf það að óttast fordóma, skiln-
ingsleysi og jafnvel ofbeldi fyrir það
eitt að vera ekki hinsegin. En það er
alltaf í myndinni að stofna bara sína
eigin hátíð og sýna þannig frum-
kvæði. Það ætti nú að vera lítið mál
ef áhyggjurnar eru einlægar og drif-
krafturinn til staðar.
Verulega áhyggjufull
Guðmundur hafði líka áhyggjur af
börnum og viðkvæmri stöðu þeirra –
og þar er ýmislegt til að hafa áhyggj-
ur af. Mér finnst það frábært að
hann láti sig málefni barna varða,
enda er það eitthvað sem er mikið
baráttumál fyrir mér að börnum á
Íslandi líði vel. Hinsegin ungmenni
upplifa mikla vanlíðan vegna þess að
þau geta ekki verið þau sjálf og upp-
lifa jafnvel einelti í skólum fyrir það
að vera hinsegin eða sýna hegðun
sem fellur út fyrir normið. Það er því
rosalega mikilvægt að við byggjum
frjálst og réttlátt samfélag þar sem
fólk getur verið það sjálft og fengið
að vera hamingjusamt.
Þess vegna er jafningjafræðsla
Samtakanna ’78 einmitt svo dýrmæt.
Þar lærir fólk að virða annað fólk og
að það sé ekkert óeðlilegt að vera
hinsegin. Með því að fræðast um hin-
segin fólk og fjölbreytni þá sköpum
við samfélag þar sem við getum öll
dafnað og átt sömu tækifærin. Sam-
félag, þar sem fólk þarf að skammast
sín fyrir að vera svona eða hinsegin,
er ekki samfélag sem ég vil búa við
og efast ég um að Guðmundur vilji
það.
Guðmundur kemur einnig aðeins
inn á það að hann hafi áhyggjur af
því að það að vera trans sé orðið
tískubylgja. Ekki er ástæða til þess
að hafa áhyggjur af því að nokkur
manneskja geri slíkt af einhverju
kæruleysi, enda er það erfitt og flók-
ið ferli að koma út sem trans mann-
eskja. Um er að ræða margra ára
ferli sem krefst tíma, þrautseigju og
mikillar fyrirhafnar.
Fólk burðast oft með þetta í mörg
ár og jafnvel áratugi og er það frá-
bært að við sem samfélag séum orðin
víðsýnni og farin að gera ungu fólki
kleift að koma fyrr út. Málið snýst
alls ekki um að trans fólk sé á ein-
hvern hátt óvisst um hver þau eru,
heldur þvert á móti snýst þetta um
að þau vita nákvæmlega hver þau
eru.
Að lokum langar mig að segja að
enginn þarf að hafa sérstakar
áhyggjur af lítilli fjölgun þjóðarinn-
ar. Íslendingar hafa aldrei verið fleiri
og þrátt fyrir að fæðingartíðni hafi
lækkað hérlendis þá efast ég stór-
lega um að það sé vegna trans fólks.
Trans fólk er nefnilega fullkomlega
fært um að eignast börn líkt og allt
annað fólk.
Ef einhver hefur áhuga á því að
fræðast meira um hinsegin málefni
þá er lítið mál að hafa samband við
bæði Trans Ísland og Samtökin ‘78
og kíkja í kaffi. Við erum svo sannar-
lega til í samtalið. Verið velkomin í
heimsókn hvenær sem er.
Nei, það er ekki búið að
skipta um þjóðfána
Eftir Uglu Stefaníu
Kristjönudóttur
Jónsdóttur
»Með því að fræðast
um hinsegin fólk og
fjölbreytni þá sköpum
við samfélag þar sem við
getum öll dafnað og átt
sömu tækifærin.
Ugla Stefanía Krist-
jönudóttir Jónsdóttir
Höfundur er kynjafræðingur og
formaður Trans Íslands.
Móttaka
aðsendra
greina
Morgunblaðið er vettvangur lif-
andi umræðu í landinu og birtir
aðsendar greinar alla útgáfu-
daga.
Þeir sem vilja senda Morg-
unblaðinu greinar eru vinsam-
lega beðnir að nota inn-
sendikerfi blaðsins. Kerfið er
auðvelt í notkun og tryggir ör-
yggi í samskiptum milli starfs-
fólks Morgunblaðsins og höf-
unda. Morgunblaðið birtir ekki
greinar sem einnig eru sendar
á aðra miðla.
Kerfið er aðgengilegt undir
Morgunblaðslógóinu efst í
hægra horni forsíðu mbl.is.
Þegar smellt er á lógóið birtist
felligluggi þar sem liðurinn
„Senda inn grein“ er valinn.
Í fyrsta skipti sem inn-
sendikerfið er notað þarf not-
andinn að nýskrá sig inn í kerf-
ið. Ítarlegar leiðbeiningar fylgja
hverju þrepi í skráningarferlinu.
Eftir að viðkomandi hefur skráð
sig sem notanda í kerfið er nóg
að slá inn kennitölu notanda og
lykilorð til að opna svæðið.
Hægt er að senda greinar allan
sólarhringinn.
Nánari upplýsingar veitir
starfsfólk Morgunblaðsins alla
virka daga í síma 569-1100 frá
kl. 8-18.