Ársrit um starfsendurhæfingu - 2010, Qupperneq 13

13www.virk.is
STARFSENDURHÆFINGARSJÓÐUR
Útgáfa bæklinga
Eftirfarandi bæklingar hafa verið gefnir út
hjá VIRK:
K• ynningarbæklingurinn „Verum
virk“. Þetta er almennur
kynningarbæklingur um starfsemi
VIRK sem dreift hefur verið um
allt land. Bæklingurinn er líka til á
ensku og heitir „Stay Active“.
F• ræðsluritið „Vinnum saman“.
Um er að ræða upplýsingar
um árangursríka endurkomu til
vinnu eftir veikindi og slys, sem
gagnast bæði stjórnendum og
starfsmönnum í atvinnulífinu.
F• ræðsluritið „Úr veikindum í vinnu“.
Þetta er bæklingur sem ráðgjafar
afhenda einstaklingum sem koma
til þeirra í þjónustu. Í honum eru
góð ráð er varða endurkomu til
vinnu og tengsl við vinnustað í
veikindum.
Heimasíða
Heimasíðan (www.virk.is) er í stöðugri
þróun. Þar er að finna fjölbreyttan
fróðleik um starfsemi VIRK og um
starfsendurhæfingarúrræði hér á landi.
Á síðunni er einnig að finna ýmsar
fræðigreinar og tengla í áhugaverðar
síður. Notkun heimasíðunnar eykst
stöðugt, fjöldi innlita á hverjum degi er
um 120-150 að meðaltali, fjöldi innlita
í hverjum mánuði er um 3000 og fjöldi
gesta í hverjum mánuði er um 1200.
Samningar um úrræði
og þjónustu
Hjá VIRK hafa verið mótuð stöðluð
samningsdrög sem notuð eru í sam-
ningagerð við úrræðaaðila um allt land.
Þessi samningsdrög innihalda meðal
annars ákvæði um innihald, umfang
og framkvæmd þjónustu, kröfur til
þjónustusala, upplýsingagjöf og eftirlit,
skýrslur, eftirlit og árangur, samstarf auk
almennra samningaákvæða svo sem um
markmið og tilgang, gildissvið, ábyrgð og
tryggingar, þagnarskyldu og trúnað og
gildistíma og uppsögn.
Mótaður hefur verið rammasamningur
við sálfræðinga þar sem skilgreindar
eru kröfur til þeirra auk þess sem
þjónusturamminn er skilgreindur. Hins
vegar var ákveðið að miða ekki við fast
verð í þessum samningi heldur þarf
sérhver sálfræðingur að bjóða fram
þjónustu sína gegn ákveðnu verði.
Ráðgjafar og sérfræðingar VIRK taka
síðan ákvörðun um af hverjum þjónusta
er keypt á grundvelli samningsins og
þá er bæði tekið mið af verði og árangri
viðkomandi. Á þriðja tug sálfræðinga
hafa skráð sig á þennan samning og
sífellt bætast fleiri við.
Auk þessa hafa verið undirritaðir form-
legir samningar við ýmsa aðila um kaup
á heilsu- og líkamsræktarþjónustu,
kaup á námskeiðum og þjónustu á sviði
fjármálaráðgjafar. Fleiri samningar eru í
vinnslu.
Þjónusta og úrræði hafa einnig verið
keypt án þess að fyrir liggi formlegir
samningar en hér er yfirleitt um að ræða
lítið umfang og þjónustu sem keypt er
samkvæmt fyrirliggjandi gjaldskrá.
Samstarf við atvinnulífið
Stjórn VIRK hefur samþykkt ákveðna
framtíðarsýn og stefnu vegna starfs-
endurhæfingar á vinnustöðum. Helstu
þættir hennar eru eftirfarandi:
A• ð vinnustaðir á Íslandi
leggi áherslur á forvarnir,
fjarvistastjórnun og viðbrögð
við skammtíma- og langtíma
fjarvistum vegna veikinda og slysa,
í starfsmannastefnu sinni.
A• ð stefna, athafnir og viðhorf á
vinnustöðum stuðli að eflingu
starfsendurhæfingar og aukinni
virkni einstaklinga með skerta
starfsgetu.
A• ð viðhorf á vinnustöðum séu
þannig að gert sé ráð fyrir að allir
eigi hlutverk í atvinnulífinu þrátt
fyrir skerta starfsgetu af ólíkum
ástæðum.
Starfsmenn VIRK og ráðgjafar um allt
land hafa átt gott samstarf við vinnustaði
– bæði með fræðslu fyrir starfsmenn og
stjórnendur og vegna einstakra mála þar
sem unnið er að því að bæta starfsgetu
starfsmanna.
Fundur fulltrúa VIRK með fulltrúum stéttarfélaga á Akureyri og Eyjafjarðarsvæðinu