Morgunblaðið - 12.10.2019, Blaðsíða 35

MINNINGAR 35
MORGUNBLAÐIÐ LAUGARDAGUR 12. OKTÓBER 2019
✝ Kristín Krist-insdóttir fædd-
ist 7. febrúar 1937
á Eyri á Arnar-
stapa í Breiðuvík.
Hún lést 25. sept-
ember 2019 á Heil-
brigðisstofnun
Vesturlands á
Akranesi. For-
eldrar hennar voru
Kristinn Sigmunds-
son og Karólína
Kolbeinsdóttir. Systkini hennar:
Erna, Ella Kolbrún, Stefán
Smári (látinn 1962), Pálína,
Kolbeinn, Margrét, og Lára.
Hinn 31. desember 1963 gift-
ist Kristín Kristófer Guðmunds-
syni, f. 19. ágúst 1928 frá Litla-
sambýlismaður Haris Orucevic.
2) Stefán Smári, f. 31. maí 1963,
maki Hrefna Rut Kristjáns-
dóttir, börn þeirra eru Steinunn
og Vignir Snær. 3) Kristinn, f.
6. maí 1967, maki Auður Sigur-
jónsdóttir, börn þeirra eru Sig-
urjón, Kristín og Kári Steinn.
Kristín ólst upp á Arnarstapa
í Breiðuvík. Árið 1957 var hún
við nám í Húsmæðraskólanum í
Reykjavík. Kristín fluttist
ásamt foreldrum sínum til
Ólafsvíkur 1958. Hún starfaði í
Kaupfélaginu Dagsbrún og
fiskvinnslunni Bakka. Kristín
var forstöðukona leikskólans í
Ólafsvík í mörg ár og endaði
sinn starfsferil sem stuðnings-
fulltrúi í grunnskóla Snæfells-
bæjar. Kristín var virk í fé-
lagsstörfum eldri borgara í
Ólafsvík og var gjaldkeri þeirra
í mörg ár.
Útför Kristínar fer fram frá
Ólafsvíkurkirkju í dag, 12.
október 2019, klukkan 14.
Kambi í Breiðuvík,
d. 23. desember
1999.
Synir þeirra eru:
1) Svanur, f. 29.
júlí 1961, maki
Guðrún Kjart-
ansdóttir, börn
þeirra eru a) Krist-
ófer, sambýliskona
Íris Aníta Björns-
dóttir, börn þeirra
eru Lúkas Alex-
ander, Ísabella Lára og Ólíver
Emilían, b) Kristín Anna, sam-
býlismaður Vidar André Iver-
sen, synir þeirra eru Christian
Smári og Benjamín Leander, c)
Reynir Smári, sambýliskona
María Lunde, d) Dýrleif Lára,
Elsku tengdamóðir mín, Krist-
ín Kristinsdóttir, eða Stína eins
og hún var kölluð, er farin í sitt
síðasta ferðalag. Stína hefur ver-
ið tengdamóðir mín í 39 ár. Hún
hefur kennt mér, af þolinmæði,
mikið í sambandi við handavinnu.
Í þeim efnum var hún snillingur.
Fyrir meira en þrjátíu árum
eignaðist Stína fyrsta barnabarn-
ið sitt, hann Kristófer. Síðan
eignaðist hún átta barnabörn og
fimm langömmubörn. Tengda-
foreldrar mínir stunduðu fjárbú-
skap, meðfram öðrum störfum.
Börnin okkar voru óþreytandi að
hjálpa til í fjár- og hesthúsunum
og að launum fengu þau útreiðar-
túra, sem glöddu þau mikið. Í lok
dags hafði Stína mín áhyggjur af
því hvort það væri fjárhúsalykt af
börnunum. Hún varð alltaf að þvo
fötin þeirra áður en þau fóru
heim.
Stína heimsótti okkur Svan og
börnin okkar til Noregs á hverju
sumri frá því við fluttum út 1998
og var hjá okkur í fjórar til sex
vikur. Mikið hefur verið brallað
með Stínu á þessum árum. Við
höfum ferðast saman um stóran
hluta Noregs, til Danmerkur,
Þýskalands, Frakklands og
Spánar. Í sumar var hún hjá okk-
ur í Balestrand og það var
dásamlegur tími. Vegna heilsu-
brests var hún óörugg að ferðast
ein til okkar í sumar en þá ákvað
Lára systir hennar að koma með
henni. Við áttum fjórar vikur
saman með börnum, barnabörn-
um og langömmubörnum. Þetta
voru yndislegir dagar. Stína sat
úti á svölum í sólinni og prjónaði
sokka á langömmubörnin og
horfði á þau leika sér í sjónum.
Synir hennar, Svanur, Stefán
og Kristinn, buðu Stínu til Lond-
on í tilefni af 80 ára afmæli henn-
ar. Við áttum skemmtilega daga,
sem seint munu gleymast. Við
fórum í skoðunarferðir, í leikhús
og út að borða. Við stelpurnar
fórum á söngleik og strákarnir á
fótboltaleik. Þetta var ómetanleg
ferð sem mun lifa með okkur um
alla framtíð.
Þegar tengdafaðir minn lést
árið 1999 áttum við von á því að
Stína yrði bara innivið og léti sér
leiðast. Nei, það gerði hún ekki.
Stína fór á fullt í starf eldriborg-
ara í Ólafsvík og sinnti þar trún-
aðarstörfum, sem gjaldkeri til
margra ára. Hún var snillingur í
handavinnu og bjó til marga fal-
lega hluti, sem voru seldir á bös-
urum hjá eldri borgurum í Ólafs-
vík, til fjáröflunar. Hún elskaði að
dansa línudans bæði hér á landi
og erlendis. Stína fór með eldri
borgurum til Kanaríeyja á hverju
hausti í mörg ár. Einnig fór hún
með þeim á Hótel Örk í Hvera-
gerði á hverjum vetri. Þetta elsk-
aði hin félagslynda tengdamóðir
mín.
Systkinahópur Stínu var stór,
sex systur og tveir bræður, frá
Eyri á Arnarstapa. Eyrarrósirn-
ar voru mjög samrýndar alla tíð.
Rósirnar skemmtu sér mikið
saman, hlátur og línudans var
þeirra einkenni. Það var oft ekki
svefnfriður á Ennisbrautinni
þegar þær voru saman. Þær
pössuðu hver upp á aðra eins og
best sýndi sig þessar vikur sem
tengdamóðir mín hefur verið
veik. Allar ætluðu þær að vera
saman á Tenerife í október, en
þegar heilsu Stínu fór að hraka
hættu þær systur við þá ferð.
Ég vil þakka yndislegu
tengdamóður minni dásamlega
samfylgd. Blessuð sé minning
góðrar konu.
Guðrún Kjartansdóttir.
Elsku amma Stína. Bestu
minningar mínar með þér eru í
fjárhúsunum og úti í berjamó. Þú
varst góð amma. Oft þegar
mamma og pabbi fóru til útlanda
gisti ég hjá þér og ég mátti alltaf
ráða hvað var í matinn. Við spil-
uðum ólsen-ólsen og þú kenndir
mér að leggja kapal. Ég mun
sakna þín amma.
Legg ég nú bæði líf og önd,
ljúfi Jesús, í þína hönd,
síðast þegar ég sofna fer
sitji Guðs englar yfir mér.
(Hallgrímur Pétursson)
Ég kveð þig nú, elsku amma
mín. Takk fyrir allt og allar góðu
stundinar sem við áttum saman.
Þinn
Kári Steinn.
Elsku amma. Nú hefur þú
kvatt okkur eftir stutt en erfið
veikindi. Það er sár tilfinning
sem fylgir þeirri tilhugsun að ég
muni aldrei sjá þig aftur. Ég vissi
að þér mundi ekki batna en ég
hélt alltaf í vonina um að þú yrðir
lengur hjá okkur, að ég fengi
meiri tíma með þér. Ég er þakk-
lát fyrir að hafa fengið tækifæri
til þess að kveðja þig, þótt tilfinn-
ingin sé sár og söknuðurinn mik-
ill.
Þær minningar sem ég á um
þig eru mér afar kærar og mun
ég ávallt halda upp á þær. Dyrn-
ar þínar stóðu alltaf opnar fyrir
okkur barnabörnin og var alltaf
gott að koma heim til ömmu
Stínu að fá gott að borða eftir
skóla og spila. Þú varst alltaf lífs-
glöð og hress, ég man ekki eftir
að hafa séð þig í vondu skapi. Ég
man þegar ég var fimm ára og þú
varst að kenna mér að lesa. Þú
varst ávallt áhugasöm um námið
mitt og vildir að mér vegnaði vel í
námi.
Nú þögn er yfir þinni önd
og þrotinn lífsins kraftur
í samvistum á sæluströnd
við sjáumst bráðum aftur.
(Ingvar N. Pálsson)
Ég er og verð þér ævinlega
þakklát fyrir allar minningarnar
og allt sem þú hefur kennt mér.
Hvíldu vel elsku amma, við
sjáumst seinna.
Þín
Kristín Kristinsdóttir.
Þegar við systkinin sitjum
hérna í eldhúsinu á Ennisbraut-
inni og skrifum þessar línur er
erfitt að átta sig á því að hún
amma sé farin. Margar skemmti-
legar minningar eigum við frá
Ólafsvíkinni. Þar var alltaf nóg að
gera og okkur leiddist aldrei.
Kristófer var náttúrulega stór-
bóndi sem átti allan búskapinn
með ömmu og afa. Það var alltaf
gaman að fara í fjárhúsin og að
Sveinsstöðum að heyja en amma
var ekkert rosalega glöð þegar
afi leyfði okkur að sitja ofan á
heyvagninum. Sennilega er það
eina skiptið sem við munum eftir
ömmu reiðri. Jú, hún skammaði
okkur líka ef hrífan var lögð vit-
laust niður því þá gat komið rign-
ing. Ömmu var ekkert vel við að
Kristín Anna væri að vesenast í
hestunum, en það var í lagi að
vesenast í rollunum. Reynir
Smári fékk að fara um allt í hús-
unum og gera það sem hann vildi.
Dýrleif Lára sat oftast á heyrúllu
og fylgdist með. Það var ekkert
verra að koma á Ennisbrautina í
kaffið eftir að hafa verið í hús-
unum.
Amma bakaði bestu pönnu-
kökur og tertur í heimi. Við mun-
um líka hversu auðvelt var að
biðja ömmu að kenna okkur línu-
dans og spilamennsku.
Amma Stína var alltaf fljót að
svara fyrir sig, hún var fyndin og
kom með skemmtilegar athuga-
semdir. Hún var ekkert að fara í
kringum hlutina, hún sagði það
bara eins og það var. Við erum
búin að hlæja mikið saman. Það
var alltaf stutt í prakkaraskapinn
og hún var alltaf til í sprell.
Fyrir 21 ári fluttum við til
Noregs. Amma kom í heimsókn á
hverju sumri. Hún er búin að
keyra um landið í marga tíma til
að hitta barna- og langömmu-
börnin sín. Við hittumst líka oft í
hyttunni og nutum þess að vera
saman, spjalla og spila kana á
kvöldin. Við erum líka búin að
ferðast með ömmu til útlanda.
Ekki var erfitt að biðja hana að
koma með í skemmtigarða, og þá
stóð hún ekki og horfði á okkur.
Hún skellti sér með í alla rússí-
bana og skemmtilegast þótti
henni að fara í vatnsrennibrautir.
Amma var líka alltaf til í að sulla í
sjónum og var oftast fyrst út í.
Við munum vel eftir henni fljót-
andi á stórum kút úti í sjó, bæði á
Spáni og í Danmörku.
Amma hafði alltaf áhyggjur af
því hvort okkur væri kalt. Þegar
leið að hausti og við spjölluðum
við ömmu í símanum þurftum við
ekki að nefna það nema einu sinni
að það vantaði sokka og vettlinga
og þá var kominn póstur. Hún er
búin að reyna að kenna okkur
stelpunum að prjóna, hekla og
Bucillast oft. Núna loksins erum
við orðnar nógu fullorðnar til að
kunna það. Ef við systurnar verð-
um bara næstum því jafn góðar
og amma verðum við mjög sáttar.
Tíminn sem við og langömmu-
börnin fengu með ömmu í sumar
er ógleymanlegur. Langömmu-
börnin hafa talað mikið um hvað
það var skemmtilegur tími. Fyrir
þau var alltaf spennandi að opna
afmælis- og jólapakka frá ömmu.
Þau voru svo stolt að sýna það
sem amma Stína hafði gert handa
þeim. Langömmubörnin elskuðu
að tala og leika við ömmu Stínu á
„facetime“ og það voru ekki fáar
stundir.
Hvíl í friði elsku amma, minn-
ingin um þig mun lifa í hjörtum
okkar.
Kristófer, Kristín Anna,
Reynir Smári og Dýrleif
Lára Svansbörn.
Stína, okkar elskulega systir,
hefur nú kvatt þennan heim og
flutt til sumarlandsins.
Við erum allar fæddar og upp-
aldar á Eyri á Arnarstapa, stað
sem er okkur öllum mjög kær.
Þar undum við okkur við leik og
störf, eignuðumst fjölda vina. Sú
vinátta varir enn.
Eftir að Stína stofnaði heimili
með Fera sínum var það heimili
öllum opið. Þangað gátu við farið
með alla fjölskylduna. Þar fund-
um við fyrir mikilli gestrisni,
ómældri ást, umhyggju og kær-
leika.
Sameiginlegt áhugamál þeirra
hjóna voru kindur og þótti okkur
gaman að koma vestur og taka
þátt í heyskap og sauðburði.
Stína var vakin og sofin yfir vel-
ferð ánna sinna og tók á móti
hverju lambi meðal annars í vor.
Stína var mjög virk í starfi Fé-
lags eldriborgara Snæfellsbæjar,
sat í stjórn þess til margra ára og
eignaðist fjölda vina. Með þeim
fór hún margar ferðir innanlands
sem utan og voru Kanaríeyjar í
miklu uppáhaldi.
Við systur vorum mjög miklar
vinkonur og höfum í gegnum árin
gert margt skemmtilegt saman.
T.d. voru kaffihúsaferðir sjálf-
sagðar í hvert sinn sem hún kom í
bæinn. Stína var dugleg við að
draga okkur með sér á alls konar
uppákomur og lét sig aldrei vanta
ef eitthvað var að gerast hjá fjöl-
skyldunni.
Stína kenndi okkur línudans
og vorum við orðar svo leiknar í
þeirri list að sjálfsagt þótti að við
systur sýndum línudans við alla
viðburði innan fjölskyldunnar.
Á hverju sumri nutum við þess
að dvelja saman eina viku á
æskuheimili okkar Eyri, nú síð-
ast í ágúst, og okkur grunaði ekki
hvaða vágestur var á leiðinni.
Nú er minningin ein eftir um
yndislega systur og skemmtileg-
ar samverustundir.
Hver mun leiða næsta línu-
dans?
Nú er sál þín rós
í rósagarði Guðs
kysst af englum
döggvuð af bænum
þeirra sem þú elskaðir
aldrei framar mun þessi rós
blikna að hausti
(Ragnhildur Ófeigsdóttir)
Hvíldu í friði elsku systir.
Eyrarrósir,
Erna, Ella, Pálína, Margrét
og Lára Kristinsdætur.
Eftir þetta dásamlega sumar
og sól dregur ský fyrir sól við að
frétta af andláti Kristínar Krist-
insdóttur eftir stutta en erfiða
veikindabaráttu.
Elsku Stína, nú skilur leiðir
um stund. Okkar kynni byrjuðu
snemma á lífsleiðinni, við Koggi
vorum nýbyrjuð að búa í stóru
húsi, þá kom Kristófer móður-
bróðir minn í herbergi hjá okkur.
Fljótlega fór að koma með hon-
um í heimsókn ung og falleg
stúlka sem vann í kaupfélaginu
Dagsbrún, þetta var Stína og átt-
um við margar gleðistundir sam-
an og mynduðust strax sterk og
góð vinabönd sem hafa enst alla
tíð síðan.
Stína var róleg og yfirveguð í
öllu fasi en var föst fyrir. Hún
hafði skemmtilegann húmor og
mjög gott minni sem kom sér oft
vel.
Starfsvettvangur hennar var
um árabil hjá bæjarfélaginu sem
forstöðukona leikskólans og
stuðningsfulltrúi hjá Grunnskóla
Snæfellsbæjar. Í Félagi eldri
borgara í Snæfellsbæ voru henni
falin ýmis störf og hefur hún ver-
ið kjörin í tvígang gjaldkeri fé-
lagsins.
Skjótt skipast veður í lofti og
urðum við báðar ekkjur með 8
mánaða millibili. Þá fórum við
að fara saman á mannamót.
Þegar Félag eldri borgara fór
að fara til Kanarí vorum við allt-
af herbergisfélagar. Í okkar
herbergi var oft fjör og sagðar
sögur og margt gamalt rifjað
upp, minni Stínu klikkaði ekki.
Þess vegna er ég miklu ríkari af
fallegum minningum og góðri
vináttu.
Ég votta Svani, Stefáni,
Kristni og fjölskyldum þeirra
innilega samúð.
Guðrún
Tryggvadóttir.
Kristín
Kristinsdóttir
Innilegar þakkir fyrir samúð og hlýhug
vegna andláts og útfarar okkar ástkæra
eiginmanns, föður, tengdaföður, afa og
langafa,
VIÐARS GARÐARSSONAR,
Skíðaþjónustunni á Akureyri.
Sonja Garðarsson
Jón Garðar Viðarsson
Viðar Freyr Viðarsson Jaruek Intharat
Signe Viðarsdóttir Heiðar Ingi Ágústsson
Bryndís Viðarsdóttir Aðalsteinn Helgason
Margrét Sonja Viðarsdóttir Árni Kristinn Skaftason
afa- og langafabörn
Innilegar þakkir fyrir samúð og hlýhug
vegna andláts og útfarar okkar ástkæra
föður, tengdaföður og afa,
TRAUSTA PÁLSSONAR
frá Laufskálum,
Hásæti 11a, Sauðárkróki.
Sérstakar þakkir til starfsfólks heimahjúkrunar og sjúkradeildar
Sjúkrahússins á Sauðárkróki.
Linda Traustadóttir Hjalti Vésteinsson
Edda Traustadóttir Björn Jóhann Björnsson
Páll Rúnar Traustason
Aron Trausti, Tinna Birna, Erna og Atli
Innilegar þakkir fyrir samúð og hlýhug
vegna andláts og útfarar elskulegrar
móður okkar, tengdamóður og ömmu,
RUTAR SIGURGRÍMSDÓTTUR,
Akurhólum 6, Selfossi.
Sérstakar þakkir til Sigurðar Böðvarssonar
krabbameinslæknis og starfsfólks lyflækningadeildar
Heilbrigðisstofnunar Suðurlands fyrir kærleiksríka umönnun.
Guðrún I. Kristmannsdóttir Seppo Salkoharju
Sigurgeir Kristmannsson Guðný Traustadóttir
Hulda Lára Kristmannsdóttir Daði Auðunsson
og barnabörn
Innilegar þakkir fyrir veitta samúð og hlýhug
við andlát og útför okkar ástkæru móður,
tengdamóður, ömmu, langömmu og
langalangömmu,
GUÐRÚNAR SIGURÐARDÓTTUR.
Sérstakar þakkir til starfsmanna Hrafnistu í
Hafnarfirði á deild 3B á fyrir góða umönnun
og hlýju.
Sigurður Valur Ásbjarnarson Hulda Stefánsdóttir
Guðm. Ásbjörn Ásbjörnsson Svanhildur Benediktsdóttir
Páll Hannesson
Guðrún Guðmundsdóttir
barnabörn, langömmubörn og langalangömmubörn
Hjartans þakkir fyrir auðsýnda samúð og
vináttu við andlát og útför okkar ástkæra
föður, tengdaföður, afa og langafa
HALLGRÍMS HELGASONAR
frá Þorbrandsstöðum.
Innilegar þakkir færum við starfsfólki á
hjúkrunarheimilinu Sundabúð Vopnafirði.
Snorri Hallgrímsson Svanhildur Hlöðversdóttir
Baldur Hallgrímsson Katla Rán Svavarsdóttir
Jakob Helgi Hallgrímsson Halla Ormarsdóttir
Jakobína Úlfsdóttir
afa- og langafabörn