Morgunblaðið - 12.10.2019, Blaðsíða 20

20 FRÉTTIRInnlent
MORGUNBLAÐIÐ LAUGARDAGUR 12. OKTÓBER 2019
Útsölustaðir: Öll apótek, heilsuverslanir og heilsuhillur stórmarkaðanna.
SKÝR
hugsun
Clear Brain töflurnar eru ríkar af næringarefnum fyrir
heilann og hafa góð áhrif á andlega getu og vitræna
starfsemi eins og minni, eftirtekt og einbeitingu.
Inniheldur:
L-theanín • Valhnetuþykkni • Granatepli • Furubörkur • Pipar • B-vítamín
Eskifjörður | Samþykktur hefur
verið samningur um kaup Fjarða-
byggðar á fasteignum í eigu Eskju
hf. á Eskifirði. Um er að ræða fjögur
hús við Strandgötu sem hýst hafa
mötuneyti og rækjuvinnslu, nr. 38
og 38a, gamla frystihúsið við Strand-
götu 40 og loks frystigeymsluna.
Að sögn Gunnars Jónssonar
bæjarritara er kaupverðið tæpar 35
milljónir króna og skal seljandi sjá
um niðurrif eignanna og verkinu lok-
ið fyrir árslok 2020.
Með niðurrifi framangreindra
eigna skapast tækifæri til að hanna
nýjan miðbæ á Eskifirði og hafa
bæjaryfirvöld falið eigna-, skipu-
lags- og umhverfisnefnd að hefja
endurskoðun á aðalskipulagi og
deiluskipulagi miðbæjarins með til-
liti til þessara breytinga.
Ennfremur hafa samningsaðilar
samþykkt kaupsamninga og afsal
vegna makaskipta, þar sem Eskja
afsalar sér skrifstofuhúsnæði sínu á
Strandgötu 39 en fær í staðinn fyrr-
verandi dvalarheimili aldraðra í
Bleiksárhlíð 56.
Fjarðabyggð
kaupir af Eskju
 Fjögur hús verða rifin í miðbænum
Morgunblaðið/Emil Thorarensen
Eskifjörður Hluti húsanna sem Fjarðabyggð keypti af Eskju til niðurrifs.
Sigtryggur Sigtryggsson
sisi@mbl.is
Stjórn Faxaflóahafna sf. fjallaði gær
um minnisblað sem Gísli Gíslason
hafnarstjóri og aðrir yfirmenn höfðu
tekið saman um Sundabraut. Eins
og fram hefur komið í fréttum telur
Sigurður Ingi Jóhannsson sam-
gönguráðherra
að lágbrú úr
Sundahöfn yfir í
Gufunes sé fýsi-
legur kostur til að
þvera Kleppsvík.
Í bókun tekur
stjórnin undir
með hafnarstjóra
að út frá hags-
munum hafnar-
innar og þeirrar
samfélagslega
mikilvægu starfsemi sem fram fer í
Sundahöfn sé enginn vafi að jarð-
göng séu hagfelldari kostur við
þverun Kleppsvíkur en lágbrú.
Almennt neikvæð áhrif
„Hinn meginvalkosturinn sem nú
er til umræðu, lágbrú, hefur al-
mennt neikvæð áhrif á þróunar-
möguleika Sundahafnar, tekjuþróun
hafnarinnar og leiðir af sér fjárfest-
ingarþörf, sem ekki er tímabær í
dag. Að auki er ljóst að lágbrú
myndi hafa veruleg og jafnvel af-
drifarík áhrif á starfsemi margra
fyrirtækja á svæði sem yrðu innan
brúar og hefði í för með sér mikinn
samfélagslegan kostnað í uppbygg-
ingu nýrra mannvirkja sem á end-
anum myndi ekki síst lenda á skatt-
greiðendum. Nauðsynlegt er að
vinna mun nákvæmari greiningar á
þessum valkostum, þ.m.t. með tilliti
til kostnaðar – ábatagreiningar og
umhverfisáhrifa,“ segir í bókun
hafnarstjórnarinnar.
„Minnisblað hafnarstjóra dregur
vel fram helstu sjónarmið varðandi
þá tvo valkosti sem skýrsla ráðherra
og SSH leiddi í ljós: jarðgöng eða
lágbrú yfir Kleppsvík. Niðurstaðan
sýnir að lágbrú myndi raska veru-
lega hafnarstarfsemi í Sundahöfn
sem er ein mikilvægasta lífæð at-
vinnulífs og heimila í landinu sem
stærsta inn- og útflutningshöfn
landsins,“ segir Skúli Helgason, for-
maður stjórnar Faxaflóahafna.
„Miðað við þær upplýsingar sem
fyrir liggja sýnist mér augljóst að af-
leiddur kostnaður við lágbrú myndi
hlaupa á tugum milljarða króna fyrir
utan beinan framkvæmdakostnað.
Það er kostnaður sem myndi að
mestu leggjast á ríkið og þar með
skattgreiðendur. Þá er ekki tekið
nema að litlu leyti tillit til þeirrar
miklu röskunar sem yrði á starfsemi
skipafélaganna.“
Skúli segir málið langt frá því
tilbúið til ákvörðunar. „Það er ljóst
að byggt er á gömlum og ófullnægj-
andi gögnum, og því þarf að ráðast í
mun nákvæmari rannsóknir á heild-
arkostnaði við þessar tvær leiðir,
þar sem allur kostnaður og væntan-
legur ábati er tekinn með í reikning-
inn. Þar þarf að taka fullt tillit til
umhverfisáhrifa beggja kosta.“
Hafnarstjórnin
hafnar lágbrú
 Myndi hafa veruleg og jafnvel af-
drifarík áhrif á starfsemi fyrirtækja
Morgunblaðið/Ómar
Sundahöfn Lágbrú myndi hafa
mikil áhrif á höfnina og starfsemi.
Skúli
Helgason
Höskuldur Daði Magnússon
hdm@mbl.is
„Þetta var einfaldlega það mikil
rigning að kerfið hafði ekki undan,“
segir Ármann Viðar Sigurðsson,
deildarstjóri tæknideildar hjá
Fjallabyggð.
Á Siglufirði flæddi upp um niður-
föll og brunna á fimmtudagskvöld í
kjölfar mikillar rigningar í hvassri
norðanátt. Slökkvilið Fjallabyggðar
var kallað út og aðstoðaði við dæl-
ingu en vatn flæddi inn í nokkra
kjallara. Björgunarsveitir voru
einnig til taks ásamt starfsmönnum
sveitarfélagsins.
Siglfirðingar eru ýmsu vanir eftir
flóð í bænum síðustu ár en Ármann
segir að enginn hafi séð ástandið á
fimmtudaginn fyrir. „Úrkoman var
63 millimetrar á sex klukkutímum.
Til samanburðar var úrkoman um
þrjátíu millimetrar á Ólafsfirði,
skammt undan, og svipuð á Akur-
eyri. Við eigum að fá viðvaranir en
þetta var einfaldlega öfgarigning og
við áttum ekki von á því hún yrði
svona mikil.“
Hann segir að ágætlega hafi
gengið að fást við vatnsflauminn,
sérstaklega upp úr miðnætti þegar
rigningunni fór að slota. Upplýsing-
ar um tjón lágu ekki fyrir þegar
Morgunblaðið ræddi við Ármann.
Bæjarbúar voru rétt að átta sig á
ástandinu. „Bæjarverkstjórinn fékk
að sofa út eftir törnina,“ sagði Ár-
mann.
Eins og áður segir eru Siglfirð-
ingar ýmsu vanir. Svokallaðar
„hamfararigningar“ gengu yfir bæ-
inn 2015 og önnur gusa kom 2017.
Unnið hefur verið að endurbótum á
holræsakerfinu í kjölfarið, bæði á
Siglufirði og Ólafsfirði. „En þetta ár
hefur verið sérstaklega slæmt,“ seg-
ir Ármann. Um miðjan ágúst flæddi
um bæinn, sama um miðjan sept-
ember, en þá náðu bæjarbúar að
halda í horfinu, og að nýju nú í vik-
unni. Unnið er að lausnum á vanda-
málinu, að sögn Ármanns.
„Núna er verið að vinna í því að
fjölga dælum í þessum tveimur
dælubrunnum sem við erum með.
Við ætlum að fá inn aukadælur til að
ná þessum toppum. Ég er reyndar
ekki viss um að þær hefðu dugað á
fimmtudaginn, það kom svo mikið á
skömmum tíma. Þessar varadælur
ættu að vera komnar í gagnið fyrir
leysingarnar í vor.“
Ármann segir að með endurbót-
um á holræsakerfinu hafi verið kom-
ið í veg fyrir að flóðs og fjöru gætti.
Hins vegar standi eyrin á Siglufirði
svo neðarlega að þegar stórstreymt
er sé hætta á flóðum. „Þetta eru að-
stæðurnar sem við eigum við og
samfara svona mikilli úrkomu kemst
vatnið ekkert í burtu.“
Morgunblaðið/Sigurður Ægisson
Flóð Vatn flæddi upp um niðurföll og brunna á Siglufirði á fimmtudagskvöld. Slökkvilið aðstoðaði við dælingu.
Siglfirðingar sáu ekki
„öfgarigningu“ fyrir
 Mikil flóð í bænum á fimmtudag  Úrkoman nam 63 mm