Fréttablaðið - 05.02.2020, Síða 4

Það er ekkert víst
að við förum í
útboð heldur bara semjum
við einhvern sem getur tekið
að sér að sjá um eldhúsið og
sjá um þrif á herbergjum og
allt það.
Drífa Hjartar­
dóttir, formaður
stjórnar Skál­
holts
N Ý F O R M
h ú s g a g n a v e r s l u n
h ú s g a g n av e r s l u n
Strandgötu 24 | 220 Hafnarfjörður | Sími 565 4100 | nyform.is
Komið og skoðið úrvalið

K371 sófi
Fáanlegt í leðri og tauáklæði, margir litir
3ja sæta 2ja sæta og stólar
Opið virka daga
11-18
laugardaga
11-15
ÞJÓÐKIRK JAN „Það vantar meiri
starfsemi og við þurfum að nýta
þann tíma sem kirkjan er ekki að
nota,“ segir Drífa Hjartardóttir,
formaður stjórnar Skálholts, sem
hefur fengið heimild kirkjuráðs til
að bjóða út rekstur Skálholtsskóla.
Drífa segir það hins vegar óná­
kvæmni í fundargerð kirkjuráðs
að tala um að bjóða eigi út rekstur
Skálholtssskóla.
„Þetta er aðeins hluti af starf­
seminni í Skálholti,“ undirstrikar
Drífa um þann þátt sem koma eigi í
hendur einkaaðila. Stjórn Skálholts
sjái áfram algjörlega um skólann
sjálfan, námskeiðahald og slíkt.
„Það er ekkert víst að við förum í
útboð heldur bara semjum við ein­
hvern sem getur tekið að sér að sjá
um eldhúsið og sjá um þrif á her­
bergjum og allt það. Sá aðili getur þá
nýtt sér þá dauðu daga sem kirkjan
er ekki að nota,“ útskýrir formaður
stjórnarinnar.
„Það eru göt í almanakinu. Þá er
svo gott finnst mér – ég er mikið
fyrir einkarekstur – að fá einka­
aðila til þess að reyna að af la sér
tekna með því að að fá fólk til að
koma á staðinn. Ef sá sem er að reka
þetta fær eitthvað fyrir sinn snúð
þá reynir hann það,“ útskýrir Drífa
áfram.
Við afgreiðslu málsins í kirkju­
ráði sem er æðsta stjórn Skálholts
bókaði Axel Árnason Njarðvík,
héraðsprestur í Suðurprófasts­
dæmi, einn af sex fundarmönnum
andstöðu gegn tillögunni. Annar
kirkjuráðsmaður til viðbótar sat
hjá.
„Ég tel þetta rangt,“ segir Axel við
Fréttablaðið. „Við eigum að gera allt
annað en að koma þessu í hendur
einkaaðila. Það er sagt að Skálholt
sé móðir allra kirkna á Íslandi og
það er í verkahring Þjóðkirkjunnar
að reka í Skálholti kirkjulega mið­
stöð sem gagnast landi og þjóð.“
Axel bendir á að þannig hafi verið
búið um hnútana frá því árið
1963 er Alþingi samþykkti lög um
afhendingu á Skálholtsstað til Þjóð­
kirkjunnar.
„Þetta er ekki eins og hvaða hótel
sem er í landinu. Þetta er mennta­
stofnun og það á að hafa þarna
trúarlega uppbyggingu. Rekstur­
inn í Skálholti er kannski þungur
sem slíkur en hann hefur meðgjöf
til þess að geta rekið kirkjulegan
menningar­ og helgistað,“ segir
héraðspresturinn í Suðurprófasts­
dæmi.
Drífa tekur fram að ekkert sé enn
ákveðið þótt áðurnefnd heimild
kirkjuráðs sé fengin.
Til stóð að stjórn Skálholts ræddi
málið á fundi í gær en fundinum var
frestað. Í stjórninni sitja auk Drífu
séra Óskar H. Óskarsson, sóknar­
prestur í Hruna, og Sólborg Lilja
Steinþórsdóttir hótelstjóri.
gar@frettabladid.is
Áforma útboð í Skálholtsskóla
með grænu ljósi frá kirkjuráði
Stjórn Skálholts fékk heimild kirkjuráðs til að bjóða út rekstur í Skálholtsskóla til einkaaðila. Formaður
stjórnarinnar segir að bæta þurfi nýtinguna á dauðum tímum. Héraðsprestur Suðurprófastsdæmis
lagðist gegn málinu í kirkjuráði. Hann segir reksturinn kannski þungan en að hann njóti þó meðgjafar.
Stjórn Skálholts sér áfram um námskeið en vill að einkafyrirtæki annist eldhús og þrif. FRÉTTABLAÐIÐ/SIGTRYGGUR ARI
Allar nýjustu fréttir og blað
dagsins eru fáanleg á
www.frettabladid.is
MANNRÉTTINDI Landsréttarmálið
verður f lutt munnlega í yfirdeild
Mannréttindadómstóls Evrópu í
dag klukkan 9.15 að staðartíma í
Strassborg. Sautján dómarar munu
hlýða á mál annars vegar kærand­
ans Guðmundar Andra Ástráðs­
sonar, sem Vilhjálmur Hans Vil­
hjálmsson flytur, og hins vegar vörn
íslenska ríkisins f lutta af breska
lögmanninum Tim Otty og Fann­
eyju Rós Þorsteinsdóttur, settum
ríkislögmanni. Hvor málsaðili fær
tíu mínútur til málflutnings og tíu
mínútur að auki til að bregðast
við ræðu gagnaðila og til að svara
fyrirspurnum dómsins. Upptaka af
málflutningnum verður tiltæk á vef
dómstólsins síðar í dag.
Tugir Íslendinga eru nú í Strass­
borg til að fylgjast með málf lutn­
ingnum auk málf lytjendanna
sjálfra. Óskað hefur verið eftir því
að fólk mæti snemma vegna þess
Sigríður og Arnfríður hlýða á málflutning í Strassborg
Sigríður
Andersen,
fyrrverandi
dómsmála-
ráðherra.
hve margir áhorfendur hafa pantað
sæti en færri komust að en vildu til
að hlýða á málflutninginn. Meðal
þeirra eru Arnfríður Einarsdóttir
sem skipuð var dómari við Lands­
rétt þrátt fyrir að vera ekki meðal
þeirra fimmtán sem dómnefnd
taldi hæfasta til að hljóta skipun í
réttinn. Landsréttarmálið er sprott­
ið af því að Arnfríður dæmdi mál
Guðmundar Andra í Landsrétti og
ekki var orðið við kröfu um að hún
viki sæti. Þá afstöðu kærði Guð­
mundur Andri fyrst til Hæstaréttar
og svo til Mannréttindadómstóls
Evrópu, sem dæmdi honum í vil í
mars í fyrra. Arnfríður hefur ekki
tekið þátt í dómstörfum við Lands­
rétt frá því dómur MDE féll. Hún er
nú í launuðu leyfi frá réttinum.
Sigríður Á. Andersen, fyrrverandi
dómsmálaráðherra, verður einn­
ig viðstödd málf lutninginn. Hún
óskaði eftir meðalgönguaðild að
málinu á þeim grundvelli að þungar
sakir væru bornar á persónu hennar
í málflutningi kærandans en dóm­
stóllinn synjaði beiðninni. – aá
1 Ís lendingur í hálf gerðu „stofu fangelsi“ í Peking
vegna kóróna veirunnar Snorri
Sigurgeirsson, Íslendingur í Peking,
lýsir því í samtali við Fréttablaðið
hvernig kínversk stjórnvöld hafa
brugðist við útbreiðslu kóróna­
veirunnar svokölluðu.
2 Skóla stjóri Haga skóla gengur í upp vaskið í verk-
fallinu Starfs menn mötu neytisins
í Haga skóla lögðu niður störf
klukkan 12.30 í gær og tók skóla­
stjóri þá við störfum þeirra svo
ekki þyrfti að farga há degis mat
skóla barna.
3 Verk fall hefur mis mikil á hrif á for eldra: „Gríðar lega ó líkt
milli leik skóla“ Verk falls að gerðir
Eflingar hafa mis mikil á hrif á
for eldra leik skóla barna þar sem
eðli leg starf semi heldur á fram
á ein hverjum deildum á meðan
öðrum verður lokað.
4 Segir flug ferðir ekki ó vininn í bar áttunni gegn lofts-
lags breytingum Flugvallarstjóri
Heathrow telur að baráttan gegn
loftslagsbreytingum eigi ekki að
snúast um það að fá fólk til að
hætta að fljúga.
5 Búið að spara þrjár millj-ónir plastpoka eftir plast-
pokabannið Krónan hefur sparað
3.372.000 plastpoka frá því að
plastpokabannið tók gildi þann
1. júlí árið 2019.
LÖGREGLUMÁL Lögreglustjórinn á
Vesturlandi hefur lokið rannsókn
sinni á Hval hf. vegna verkunar án
yfirbyggingar árin 2013 til 2015.
Telur embættið að fyrirtækið hafi
með háttsemi sinni gerst brotlegt
við reglugerð frá árinu 2009. Engu
að síður vill lögreglustjórinn ekki
hefja saksókn með vísan til 146.
greinar laga um meðferð sakamála,
þar eð umfang málsins sé ekki í
samræmi við þá refsingu sem vænta
má og að almannahagsmunir krefj­
ist ekki málshöfðunar.
Eins og Fréttablaðið greindi frá
í desember hefur lögreglustjórinn
í tvígang horfið frá rannsókn og
vísað til þess að MAST færi með
eftirlitið. Ríkissaksóknari, sem telur
Hval hf. hafa brotið lög, hefur ógilt
þær ákvarðanir og falið lögreglu­
stjóranum að rannsaka málið á ný.
Málið hófst í ágúst árið 2018
þegar náttúruverndarsamtökin
Jarðarvinir kærðu Hval fyrir að hafa
gerst brotlegan á umræddu tímabili,
en síðan hefur reglugerðinni verið
breytt. Jarðarvinir hyggjast kæra
úrskurð lögreglustjórans enn á ný
og krefjast þess að saksókn verði
hafin. – khg
Lögreglustjórinn telur Hval brotlegan
Mál Hvals gengur á milli Ríkissaksóknara og lögreglu. FRÉTTABLAÐIÐ/ANTON
Hvalur hf. var kærður
fyrir að hafa verkað hval-
kjöt árin 2013 til 2015 án
yfirbyggingar.
5 . F E B R Ú A R 2 0 2 0 M I Ð V I K U D A G U R4 F R É T T I R ∙ F R É T T A B L A Ð I Ð