Fréttablaðið - 05.02.2020, Page 25

Útgefandi: Torg ehf Veffang: frettabladid.isÁbyrgðarmaður: Jóhanna Helga Viðarsdóttir Sölumaður auglýsinga: Arnar Magnússon, arnarm@frettabladid.is, s. 550 5652,
Ég hef verið að vinna í bók­haldskerfum síðan 1984 þannig að ég hef verið að búa
til hugbúnað allt mitt líf. Ég stofn­
aði fyrirtæki þá og bjó til mörg
bókhaldskerfi, lítil sem stór, og svo
seldi ég Microsoft fyrirtækið mitt,“
segir Erik sem komst þar með á
lista yfir milljarðamæringa.
Skrifað í skýin
„Síðar þegar tölvuský komu fram
á sjónarsviðið voru það fyrst um
sinn bara lítil sprotafyrirtæki sem
gerðu bókhaldskerfi sem skýja­
lausn, stærri fyrirtækin voru ekki
byrjuð í þeim. Svo ég ákvað árið
2014 að skrifa nýtt bókhaldskerfi
fyrir millistór fyrirtæki, sem eru
svipuð fyrirtæki og ég þjónaði í
gamla daga, með þremur eða fleiri
starfsmönnum og með aðeins
flóknari þarfir en einungis fjár­
hagsbókhald.
Það sem vakti athygli mína var
að skýjalausnir voru eiginlega
bara fyrir bókhald, en ekki aðra
þætti viðskiptalausna, það var
engin birgðastýring til dæmis
eða framleiðsla, þetta var í raun
ekkert annað en fjárhagsbókhald
og nóg af því fyrir á markaðnum,“
útskýrir Erik.
„Svo að ég tók ákvörðun um að
miða hærra og úr varð Uniconta.
Ég byrjaði á því árið 2014 og fyrsta
útgáfan kom út árið 2016. Það var
um það leyti sem Ingvaldur frá
Íslandi heyrði af þessu verkefni
mínu og kom til Danmerkur og við
ákváðum að búa líka til íslenska
útgáfu sem var sett á laggirnar árið
2017. Síðan þá höfum við verið að
þróa kerfið, vinna að markaðs­
setningu og stækka viðskiptavina­
hópinn.“
Tæknin löngum heillað
Strax í æsku mátti greina áhuga­
svið Eriks. „Þegar ég var barn var
ekki mikið um upplýsingatækni
(IT) en ég hafði mikinn áhuga á
raftækjum. Ég man eftir að hafa
búið til mitt eigið hljóðkerfi, með
magnara og kraftmiklum hátölur­
um. Og útvarp og allan pakkann.
Þarna sat maður tímunum saman
með með þessar litlu einingar að
setja þær saman og byggja dót,“
rifjar hann upp.
„Svo tók ég tímabil þar sem ég
var mikið að vinna í vespum (e.
moped), sem maður gat keypt 15
ára og hámarkshraðinn var 30 km.
Það var hægt að breyta þeim svo
að þær kæmust mun hraðar en það
var ólöglegt. Okkur var alveg sama
svo við breyttum þeim og fórum
miklu hraðar,“ segir Erik og hlær.
„En ég hef alltaf haft mikinn
áhuga á tækni, hvort sem það er
hugbúnaður eða vélar, eins og
áður fyrr. Ég endaði svo á að fara
í verkfræði, fór svo fljótlega út í
hugbúnað og eftir útskrift stofnaði
ég einfaldlega mitt eigið fyrirtæki,
þannig að segja má að ég hafi verið
í hugbúnaði allt mitt líf.“
Fyrst og fremst frumkvöðull
Erik bjó í Bandaríkjunum á seinni
hluta tíunda áratugarins þar sem
hann starfaði fyrir hugbúnaðar­
risann Microsoft. Hann segir dvöl­
ina hafa verið ánægjulega. „Það
var fullkomið að búa þar. Ég bjó á
frábærum stað í Seattle og vann
í tæp tvö ár fyrir Microsoft. Það
var auðvitað mjög fróðlegt að vera
innanborðs í svona stóru tækni­
fyrirtæki. En á hinn bóginn, ef
þú ert vanur því að reka þitt eigið
fyrirtæki, sem er minna og þar sem
þú tekur þínar eigin ákvarðanir, þá
getur verið dálítið erfitt að starfa
í stóru fyrirtæki vegna þess að þú
getur ekki gert það sem þig langar
til að gera.“
Reynslan var þó bæði dýrmæt
og lærdómsrík. „Það sem ég lærði
um sjálfan mig var að ég er miklu
meiri frumkvöðull, ég er hrifinn
af minni fyrirtækjum þar sem þú
ert með hugmynd og kýlir á hana.
Þannig að ég stoppaði stutt og fór
og stofnaði aftur mitt eigið fyrir­
tæki.“
Straumhvörf í hugbúnaði
„Þegar ég byrjaði árið 1984 snerist
allt um að selja einhverja diska og
að dreifa hugbúnaði á því formi.
Svo seldi maður uppfærslur sem
voru settar upp hjá viðskipta­
vinum. Svona var hugbúnaður
seldur alveg til ársins 2000 en upp
úr aldamótum fór iðnaðurinn
smám saman að breytast,“ skýrir
Erik frá.
„Þá ákváðu einhverjir að hætta
að nota diska og selja þá aðgang
að gagnaþjónum í gegnum hýsi­
þjónustu og þá fékkstu aðgang í
gegnum vafra eða önnur forrit, svo
borgarðu bara mánaðargjaldið.
Hægt og rólega breyttist hug­
búnaðarbransinn úr því að kaupa
og selja diska með hugbúnaði yfir
í það að tengja viðskiptavini við
áskriftir. Kostirnir við þetta eru
að viðskiptavinirnir þurfa ekki
að skuldbinda sig eða borga háar
upphæðir fyrirfram, né hugsa um
vélbúnað eða uppfærslur. Þetta olli
miklum breytingum í bransanum
vegna þess að núna þurfti ekki
bara að dreifa einhverjum diskum
eða niðurhali, núna var farið að
hýsa og keyra hugbúnað,“ segir
Erik.
„Ef þú vildir, fyrir 10­20 árum,
eiga þinn eigin hugbúnað, þá
þurftirðu að setja upp eigin net­
þjón, fara út að kaupa hann og fá
sérstakt fólk til þess að setja hann
upp. Núna er internetið svo öflugt
þannig að, líkt og við erum að gera
hjá Uniconta, þú getur bara farið á
netið og skráð þig sjálfur og þá er
þetta komið og þú getur byrjað að
nota það.
Ef þú ert með olíukyndingu í
húsinu þínu þarftu að hringja í
einhvern til að fylgjast með en
ef þú ert með hitalagnir, eins og
á Íslandi, þá þarftu ekki að gera
neitt, bara skrúfa frá heita eða
kalda vatninu,“ segir Erik hlæj­
andi. „En hér í Danmörku erum við
ekki með það neðanjarðar, núna
notum við skilvirkari leiðir en ég
man að heima hjá ömmu minni
var kynt með olíu og stundum
þurfti einhver að koma og gera
við. Núna í nýju íbúðinni minni í
Kaupmannahöfn þarf enginn að
koma, ég er bara með hitara og
kveiki og slekk á. Þetta er dálítið
eins með hugbúnaðinn.“
Notendavænt og nútímalegt
Erik segir bókhaldskerfi Uni­
conta sniðið að þörfum viðskipta­
vinarins. „Annan hvern mánuð til
dæmis uppfærum við netþjónana
með kerfisuppfærslum og við­
bótum, svo þú færð sjálfkrafa
aðgang að nýjum möguleikum og
þarft ekki að hugsa neitt annað
en einfaldlega bara að nota hug­
búnaðinn. Áður fyrr þurftirðu að
hugsa: Hver er að taka afrit, hve­
nær er netþjónninn fullur, hvenær
ætti ég að uppfæra? Þú þurftir að
viðhalda öllu sjálfur.
Núna vilja mörg fyrirtæki nota
svona bókhaldskerfi en vera bara
notendur, ekki sjá um viðhald
heldur bara nota og borga ein­
hverjum fyrir að sjá um allt hitt.
Þegar þú borgar áskriftargjaldið
borgarðu fyrir notkun á hug­
búnaðinum, en líka fyrir umsjón
okkar með netþjónunum ásamt
afritun og uppfærslum. Þetta er
svo auðvelt fyrir viðskiptavininn
og notendavænt.“
Þá er kerfið einstaklega öruggt.
„Fólk hugsar gjarnan að þetta
hljóti að vera öruggt vegna þess að
þetta er í skýinu, sem það auðvitað
er. Það er stöðugt eftirlit með kerf­
inu, það er sett upp af sérfræðing­
um og við fylgjum ítrustu öryggis­
reglum. Við erum með allan rétta
búnaðinn til þess að tryggja öryggi
og þetta er í gagnaveri sem er undir
stöðugu eftirliti. Öryggið snýr líka
að gögnunum, að þau séu afrituð
á hverjum degi, og svo erum við
með vinnslu sem afritar allt sem
er skráð inn yfir daginn þar sem
fylgst er með öllum breytingunum
sem gerðar eru,“ segir Erik.
„Svo er öryggiskerfið keyrt
áfram með varaaflgjafa svo þú
tapir ekki gögnum. Sjáðu til, ef
þú ert með þúsund fyrirtæki og
hvert þeirra er með sinn eigin net­
þjón, getur margt hæglega farið
úrskeiðis á öllum þessum stöðum.
Við erum bara með einn netþjón,
eina uppsetningu, og erum með
sérfræðinga sem sjá um að setja
þetta upp á réttan hátt svo það sé
öruggt. En eins og með allt annað.
Ef lykilorðið sem þú notar er of
stutt eða eitthvað svoleiðis er hægt
að hakka þig, bara rétt eins og með
heimabankann eða hvar sem þú
þarft að skrá þig inn – ef einhver
stelur lykilorðinu þínu getur við­
komandi komist inn. Þú verður
að nota örugg lykilorð. Löng og
almennileg lykilorð.“
Við bjóðum upp á ýmislegt,
eins og takmörkun á IP­tölum, ef
fyrirtæki vill koma í veg fyrir að
hægt sé að skrá sig inn utan fyrir­
tækisins geta þau komið í veg fyrir
það og einungis samþykkt aðgang
frá tilteknum IP­tölum.“
Velgengnin röð afreka
Þegar Erik er spurður að því hvert
sé hans helsta afrek á ferlinum
stendur ekki á svörum. „Að ná að
vera í bransanum öll þessi ár. Þetta
er ekki beinlínis eitt afrek, heldur
frekar röð afreka, að mér hafi
tekist, öll þessi 35 ár í hugbúnaðar­
heiminum, að koma sífellt auga á
nýja tækni, nýjar stefnur, og að búa
þannig til hugbúnað sem mætir
nýjustu kröfum viðskiptavina.
Að vera með puttann á púlsinum
allan þennan tíma. Annars sérðu
hugbúnaðarfyrirtæki spretta upp
og svo hverfa, hvert á fætur öðru.
Vegna þess að þau eru með hug­
mynd, ná ákveðnu hámarki og fara
svo af markaðnum. Það sem mér
hefur tekist að gera alla tíð er að
fylgjast vel með nýjungum.
Ég hef heyrt það margoft,“ segir
Erik og skellir upp úr þegar hann
er spurður að því hvort hann
geri sér grein fyrir því að hann
sé talinn goðsögn í hugbúnaðar­
heiminum. „Ég flyt líka oft ræður,
fæ margar spurningar og er borinn
saman við þann sem er á undan
en það er allt í lagi, ég hef verið í
þessum bransa alla mína ævi og
er vissulega sérfræðingur og goð­
sögn vegna þess að margir byrja
í bransanum og fara út jafnóðum
en mér hefur tekist að halda mér
á toppnum. Jafnvel þó að ég hafi
sett á laggirnar kerfi árið 1984 sem
naut velgengni þá get ég gert það
sama núna 30 árum síðar og aftur
gengið vel, það er eitthvað sem fólk
tekur eftir og hugsar með sér: Vá,
þér tókst þetta aftur, jafnvel svona
mörgum árum seinna, að búa til
nýjan hugbúnað og að fá fólk til að
nota hann.“
Erik Damgaard
segir mikilvægt
fyrir frum-
kvöðla í
hugbúnaðar-
heiminum að
vera vakandi
fyrir tækni-
nýjungum.
Þetta er ekki
beinlínis eitt afrek,
heldur frekar röð afreka,
að mér hafi tekist, í öll
þessi 35 ár í hugbúnaðar-
heiminum, að koma
sífellt auga á nýja tækni,
nýjar stefnur, og að búa
þannig til hugbúnað sem
mætir nýjustu kröfum
viðskiptavina.
2 KYNNINGARBLAÐ 5 . F E B R ÚA R 2 0 2 0 M I ÐV I KU DAG U RUT MESSAN